ווער פיהרט דעם שטאט וויליאמסבורג?

[משה געציל]

שטארקע רייד איינגעמיירעט!
וה"ה בנוגע עירוב, בגדי צבעונים, וכו' וכו'?

[אויס מענטש]

די גאנצע אשכול איז ביי מיר אונטער א פראגע צייכן.
זייט ווען ווערט וויליאמסבורג געפירט ? עס איז בכלל נישטא קיין פירערשאפט! והיינו טעמא וואס אין אזא צופארענע שטאט כאפן זיך די משוגעים צו צום רעדל.
אין א שטאט ווי עס איז דא א פירערשאפט וואלט ווען געקענט זיין פראטעסטן קעגן געשעפטן שאין רוח המתקנאים נוחה הימנו?
אין א שטאט ווי עס איז דא א פירערשאפט, וואלט ווען געקענט פארקומען אזא זאך ווי שבת-עירוב שרייערס ?
אין א שטאט ווי עס איז דא א פירערשאפט, וואלט ווען געקענט הענגען אזעלכע צודרייטע צעטליך אויף די ווענט ?
אין א שטאט ווי עס איז דא א פירערשאפט, וואלט ווען געקענט זיין פאשקעווילן אין די גאסן אויף יעדע פריוואטע פאליטיק ?
אלא אין כאן לא הנהגה ולא מנהיגים אלא יש כאן מתנהגים על ידי כל אחד !!!

[וואלפה]

....

[הדד בן בדד]

איך ווייס נישט וואס איר שרייט דא. איך האב געזעהן, טאקע ביי דעם שטערן פרשה, אז די רבנים המכשירים האבן זיך נישט געלאזט, און האבן געלאזט הערן זייער מיינונג, און כאטשע עס איז געווען צוויי דריי רבנים קעגן זעכצן, האבן די זעכצן איינגענומען א שווייגעניש.

זעה איך פון דעם אז דער איינציגסטער זאך וואס מען דארף טוהן איז זיך נישט לאזן, אפילו א קול ענות חלושה איז אויך גענוג, ווייל די חברה קענען נאר ווען יענער לאזט זיך פירן ווי א שאף צו די שחיטה. ווי זאגט די וועלט? פארוואס באגראבט מען א טויטן? ווייל ער לאזט זיך.

רבותי, איר ווילט האבן רבנים וועלכע שטעלן זיך אויף פאר וואס עס איז ריכטיג? שטייט אונטער זיי, מאכט זיכער זיי זאלן וויסן אז זיי האבן אייער רוקן, וועט איר שוין איינמאל זעהן ווי די רבנים האבן נישט מורא ארויסצוקומען קעגן די שרייערס און פארפירערס למיניהם. און די אלע קול קורא אונטערשרייבערס וועלן אנהייבן טראכטן צוויי מאל פאר זיי וועלן גיסן אזויפיל טינט אויף די אלע קול קורא'ס.

[איינגעמיירעט]

איינגעמייערט סאיז דא הונדרעטער אידן וואס זענען נישט אזוי קליג ווי דיר און זייער לעבן ווערט היפש געפירט דורך רבנים.
דרך אגב ווי קויפסטי סאפיר ווען דע רבנים פארשפארן גריל אן לי?

ס׳איז דאך דא אלימפיק און אגב איך בין נישט קיין גרויסע ארויס עסער סעקעלט מיר

[איחוד פעלד]

דער בעשט האט געזאגט אז ווי עס איז נישטא א מנהיג, ווערט דער סמך מם דער מנהיג.

ליידער איז דאס נתקיים געווארען אין וומ"ס

[berlbalaguleh]

גאר גוט געזאגט, גלעזעלע! שפתיים יישק.
חץ מזה וואס דיין נקודה האט אין זיך אסאך אמת, האב איך באזונדער געקוואלן פון דיינע זיסע מליצה'לעך און געשמאקע אויסדרוקען.
דו דארפסט שרייבן אפטער.

לענינינו, עס קוקט נישט אויס ווי אזא זאך זאל ווערן א רעאליטעט. די "פירערס" זענען א כמו-אינקוויזיציע, וואס טעראריזירן און פייניגן אויס די וועלכע גייען נישט אין שפאן. ממילא זאגן די אנדערע רבנים און דיינים, שב ואל תעשה עדיף. און די טעראר-פירער נוצן דאס אויס פאר זייער אגענדע, און טענה'ן מדשתקי רבנן ש"מ ניחא להו, און מיר בלייבן צווישן האמער און נאגל.

וזה שאמרו פני הדור כפני הכלב.

און וואס טוטצעך מיט'ן "לא תגורו"? וויאזוי לערנען די רבנים המשתיקים פשט אין פסוק?

[berlbalaguleh]

א ראאף וואס ווייסט א חילוק פון 4G און 10G איז שוין ממילא פסול.

[שמעקעדיג]

וואס טוטצעך מיט'ן "לא תגורו"? וויאזוי לערנען די רבנים המשתיקים פשט אין פסוק?

זיי לערנען מסתמא תוספות פשט (משל בעלמא) אז נאר אויב מען קומט זיי פרעגן איז שייך לא תגורו, אויב נישט איז שב ואל תעשה עדיף.

[berlbalaguleh]

וואס טוטצעך מיט'ן "לא תגורו"? וויאזוי לערנען די רבנים המשתיקים פשט אין פסוק?

זיי לערנען מסתמא תוספות פשט (משל בעלמא) אז נאר אויב מען קומט זיי פרעגן איז שייך לא תגורו, אויב נישט איז שב ואל תעשה עדיף.

נאר ס'איז דא נאך א פשט. דעם באלאגאלעה'ס פשט. "אל תעשה ואל תשב" אויב דזו טוסט נישט האסטו נישט פון וואס מורא צו האבן. דו 'עסט נישט גיין יושב'ן. נאר דער וואס טוט (וואס מ'טאר נישט ), דער דארף מורא האבן אז ר'ט גיין אין יושב בסתר.

[נולד מאוחר]

דער בעשט האט געזאגט אז ווי עס איז נישטא א מנהיג, ווערט דער סמך מם דער מנהיג.

ליידער איז דאס נתקיים געווארען אין וומ"ס

די ווילסט א מנהיג און וויליאמסבורג?

[משה געציל]

אויף די זאב ברענע שאוי איז יעצט געווען צו גאסט הרב נתן קאמענעצקי א זון פון ר' יעקב ז"ל, וואס האט ארומגערעדט איבער זיין בוך "דאס שאפונג פון א גדול". דער בוך איז אויסגעשטאנען שארפע קריטיג בשעת ווען עס איז פאבלאצירט געווארן, צוליב אנגעבליכע קאנטערווערסיאלע ענינים וואס הרב קאמענעצקי האט געשריבן דארט, און דאס האט געפירט צו א איסור בשעתו פון ארום צען גדולים אריינגערעכענט הרב אלישיב ז"ל.
הרב קאמענעצקי האט יעצט איבערגדריקט דאס ביכל, אין אביסל מער מרחיב געווען אין די ערטער ווי עס איז ארויס א שטורעם (ער טענ'הט אז ער האט גארנישט ארויסגענומען).
הנוגע לענינינו, תוך הדברים האט הרב קאמענעצקי פארציילט אז די איסור איז געשאפן געווארן דורך א יחיד וואס האט געשאפן א חתימה פון איין גדול וואס האט ניטאמאל געליינט דעם ביכל, און איינמאל ער האט געהאט דעם חתימה איז אים געלונגען צו באקומען דאס איבריגע חתימות אן קיין איבריגע שווערקייטן. צוליב דעם שרייבט ער יעצט א ביכל וואס ער וויל עס נישט ארויסגעבן בחייו, אינטערן קעפל "דאס שאפונג פון א איסור", לויט ווי עס קוקט אויס פון אים איז דאס נישט נאר א פראבלעם וואס פלאגט וויליאמסבורג.

[הדד בן בדד]

אויף די זאב ברענע שאוי איז יעצט געווען צו גאסט הרב נתן קאמענעצקי א זון פון ר' יעקב ז"ל, וואס האט ארומגערעדט איבער זיין בוך "דאס שאפונג פון א גדול". דער בוך איז אויסגעשטאנען שארפע קריטיג בשעת ווען עס איז פאבלאצירט געווארן, צוליב אנגעבליכע קאנטערווערסיאלע ענינים וואס הרב קאמענעצקי האט געשריבן דארט, און דאס האט געפירט צו א איסור בשעתו פון ארום צען גדולים אריינגערעכענט הרב אלישיב ז"ל.
הרב קאמענעצקי האט יעצט איבערגדריקט דאס ביכל, אין אביסל מער מרחיב געווען אין די ערטער ווי עס איז ארויס א שטורעם (ער טענ'הט אז ער האט גארנישט ארויסגענומען).
הנוגע לענינינו, תוך הדברים האט הרב קאמענעצקי פארציילט אז די איסור איז געשאפן געווארן דורך א יחיד וואס האט געשאפן א חתימה פון איין גדול וואס האט ניטאמאל געליינט דעם ביכל, און איינמאל ער האט געהאט דעם חתימה איז אים געלונגען צו באקומען דאס איבריגע חתימות אן קיין איבריגע שווערקייטן. צוליב דעם שרייבט ער יעצט א ביכל וואס ער וויל עס נישט ארויסגעבן בחייו, אינטערן קעפל "דאס שאפונג פון א איסור", לויט ווי עס קוקט אויס פון אים איז דאס נישט נאר א פראבלעם וואס פלאגט וויליאמסבורג.

דאס איז אמת אין יעדע קאמיוניטי, אדרבה, פרעגט נאר ביי הרב שאול שמעון דויטש, אדמו"ר מליאזנא (און אנפירער פון ליווינג תורה מוזעאום) ווי מען האט גע'אסר'ט זיין ערשטן בוך איבער דאס לעבן אין שאפן פון דעם לעצטן ליובאוויטשער רבין. און אויב איז דער איסור נישט גענוג געווען, האט מען אים געסטראשעט מיטן לעבן, און אראפגענומען דעם בוך פון אלע ספרים געשעפטן.

סדנא דארעא חד

[קלוג און יונג]

גלעזעלע,
כ'קען דיר ערלעדיגען סיטיפיעלד פאר א נאכט, גיימער דרוקען פאוסטערס?
איינער דארף זיך נעמען טוהן, אזוי ווי זיי.
אסיפת כלל ישראל #2.
(אפשר קען עס טאקע זיין אן אסיפת כלל ישראל, און נישט אסיפת הרבנים ווי פאריאר)

[איחוד פעלד]

דער עיקר פראבלעם איז אז די עסקנים שטעלען זיך נישט ארויס. זיי ארבעטען אנאנים, און באקומען זיך זייערע חתימות פין רבנים אויף וואס זיי ווילען. די רבנים ווייסען נישט בחייכון דער ענין. צ.ב.ש. אויף וואס איז נייעס איז ארויס אן איסור ווען זיי האבען טאקע גיוויזען שטיקלעך פין קאממענטס דארט, די רבנים (דער גרעסערע ערנסטערע) ווייסען נישט וויאזוי דאר אינטערנעט ארבעט און אז דער איסור איז א חוכא וטלולא. און די יאנטשי רבנים כאפען זיך מיט פאר דער איינגערעטע כבוד צו האבען זייער נאמען און בעסמעדרעש אדווערטייזט פאר פרי.

די עסקנים זעלבסט בלייבען אנאנים. ווען דו רבנים זאלען שרייבען הן באו לפנינו כבוד העסקנים פלוני בן פלוני, וואלטען רוב סטופיד הכרזות קיינמאל נישט ארויס.

[אויס מענטש]

אויף די זאב ברענע שאוי איז יעצט געווען צו גאסט הרב נתן קאמענעצקי א זון פון ר' יעקב ז"ל, וואס האט ארומגערעדט איבער זיין בוך "דאס שאפונג פון א גדול". דער בוך איז אויסגעשטאנען שארפע קריטיג בשעת ווען עס איז פאבלאצירט געווארן, צוליב אנגעבליכע קאנטערווערסיאלע ענינים וואס הרב קאמענעצקי האט געשריבן דארט, און דאס האט געפירט צו א איסור בשעתו פון ארום צען גדולים אריינגערעכענט הרב אלישיב ז"ל.
הרב קאמענעצקי האט יעצט איבערגדריקט דאס ביכל, אין אביסל מער מרחיב געווען אין די ערטער ווי עס איז ארויס א שטורעם (ער טענ'הט אז ער האט גארנישט ארויסגענומען).
הנוגע לענינינו, תוך הדברים האט הרב קאמענעצקי פארציילט אז די איסור איז געשאפן געווארן דורך א יחיד וואס האט געשאפן א חתימה פון איין גדול וואס האט ניטאמאל געליינט דעם ביכל, און איינמאל ער האט געהאט דעם חתימה איז אים געלונגען צו באקומען דאס איבריגע חתימות אן קיין איבריגע שווערקייטן. צוליב דעם שרייבט ער יעצט א ביכל וואס ער וויל עס נישט ארויסגעבן בחייו, אינטערן קעפל "דאס שאפונג פון א איסור", לויט ווי עס קוקט אויס פון אים איז דאס נישט נאר א פראבלעם וואס פלאגט וויליאמסבורג.

ער האט ארויסגענומען אסאך זאכן און נעמען בעיקר, אביסל געוויזן דא
א ראי' האסטו אז דעם ערשטן חלק קען מען נישט באקומען נאר פאר עטליכע הונדערט דאללאר

[משה געציל]

ער טענ'הט אז די סיבה פארוואס מען קען נישט באקומען די ערשטע חלק איז צוליב דעם וואס ער איז זיך משכנע אונטער די רבנים האוסרים. די איבערגעמאכטע ווערסיע איז נאר מער מסביר געוויסע זאכן וואס האט געשאפן קאנטערווערסיעס פארגאנגענעם מאל, פארוואס עס איז אויסגעהאלטן. אבער ער האט גארנישט ארויסגענומען.

[אויס מענטש]

איך האב צוגעלייגט א לינק צו אפאר זאכן אבער עס איז נאך דא זאכן וואס איז נישט מבואר דארטן

[וואלפה]

א ראאף וואס ווייסט א חילוק פון 4G און 10G איז שוין ממילא פסול.

וואס הייסט ביי דיר א רב, איינער וואס זאגט שיינע שלש סעודות תורה, אדער א רב'ל וואס גייט נישט אן ווי די יונגעלייטלעך רייסען זיך אויס די נשמה צי צאלען די הימעלשרייעדיגע דירות פרייזען און רייבט די ריקען פון די געלט פרעסערס...
א ראףףף איז דייקא יא איינער וואס פארשייט צי די "היינטיגע" מצב און ווייסט צי זאגען פון 4G וכדומה

[דעת תורה]

ווער האט נישט די דיגיטאלע פארמאט פון די ערשטע אויסגאבע? צאלן אפאר הונדערט דאלער פאר דעם?

[פוןדעסטוועגןדאך]

סקוק אויס ווי גלעזעלע האט נישט געקויפט א ספעציעלע פסח'דיגע גלאז, נאר ווי אונדזרע אויפגעקלערטע זיידעס געכשרט די חמץ'דיגע גלאז. איך גלייך די ליין ''דאן ברויך מען טוישן די פראספעקטיוו און אנקוקען א יעדען קול קורא אלס א "שטילע היתור"פין די silent majority די 170 רבנים ''

דער אפטימיסטישער קוק-ווינקעל אז דאס גלעזלע איז האלב פול.

[נולד מאוחר]

האלב פול ? דא די מעט 177- 12

[פוןדעסטוועגןדאך]

דאס איז אן אינטערסאנטע געדאנק א אינטערנעט רב. די רבנים'ס קונדער זיכען ווי סדא א געלעגנהייט פאר א נאך א פאסטן. א היימישער אינטערנעט רב איז נאך דא פלאץ. ער קען ענטפערן שאלות דורך סאשעל נעטווארקינג, פארשטייט זיך חסידים וועלן זיין פענ'ס אויף פעיסבוק. מכירת חמץ האבמיר שוין געהאט דא אנליין.

אפשר ביז צום קרעטשמע פון האבן א היימישע אינטערנעט רב, זאל זיין אן אשכול מיט יעדע קול קורא וואס קומט ארויס, און עס זאל זיין באזונדערע אשכולות אויף יעדען קול קורא מברר זיין להלכה צו עס איז יש דברים בגו. די הלכה זאל ווערן מבורר צו זעהן צו איז בכלל דא אן איסור, און אויב יא ווער איז דער אוסר, פון ווי נעמט ער דאס, איז געווען חולקים מיט אים וכדו' הרבה. אסאך מאל איז דא איין רב פון 150 יאר צוריק וואס האט נוטה געווען לאיסור, און היינט בויעט מען שוין דערויף תילי תילים של הלכות. אדער אפי' אויב רוב רבנים האבען גאסר'ט מעג מען דאך וויסן די מיעוט המתירים.
עס איז דאך קלאר כשמש בצהרים אז די איינציגסטע וועג צו ווערן אקצעפטירט אין קהילות בישראל איז דורך מחמיר זיין. דאס איז א vicious cycle וואס גייט אלץ ווייטער און ווייטער. מה דאך אז דא אין קאווע שטוב מיט'ן אנאנימישע ניק, איז דא א ליין וואס יעדער פון די ניקים האט געמאכט פאר זיך אז עד פה תבא, כדי אז ער זאל קענען האבען א זכות קיום דא, און אויך אז כדי על כל צרה שלא תבא (גילוי) איז ער דאך נאר געגאנגען ביז אהין. אזי דאך קל וחומר די רעבאני העיר וואס זענען קיינמאל נישט געווען פון די מבקשי האמת, און בעסטען פאל זענען זיי געווען די פרומערע בחורים וואס האבען געוואלט געפעלען פאר זייערע חברים און רבי'ס אדער פאר זייערע אייגענע פאלשע געפילען. זיי לערנען אפאר יאר פלייסיג און וויאלע ער ווערט א דיין. זיין פרנסה איז געוואנדען צו ער געפעלט פאר'ן ברייטען ציבור. די קופצים בראש ביים המון עם פון די ברייטען ציבור, זענען די וואס פרעדיגן מער פרומקייט. דאס געט כבוד פאר זיי אז זיי זענען ערליך און נישט קיין קלים ח"ו, והא ראי' קוק וויפיל זיי טוהן קעגן די און יענע פירצה. די חינוך איז דאך נאך אלעם אז גשמיות און געשמאקע לעבן איז נידריג, און רוחניות ופרישות איז חשוב. אפי' דער בעה"ב וואס וואלט געוואלט עסען א פרישע סטראבערי אדער ח"ו זיך מאכן לייכטער און טראגן מיט'ן עירוב, שפירט בתוך תוכו אז דאס נעמט זיך פון עפעס א פחיתות וואס ער האט. דאס איז די חינוך וואס מען האט אריינגעלייגט גאר טיף אין אים. בלייבט מען דאך מיט די vocal minority וואס בעלבאטעוועט אויף די silent majority. ובכגון דא, מה יעשה הדיין ולא יחטא? ער מיז דאך האבן לחם לפי הטף, ער מיז דאך האלטן זיין פאזיציע און בקומען פשוט געלט שטיצע. וועט ער דאך אוודאי און אוודאי נישט ארויסקומען מיט היתירם אויף זאכען וואס אנדער ליארעמען. ווען איינער אין זיין שול פרעגט אים, מיז ער ענטפערען אז יש דברים בגו אויף דעם איסור, למחצה שליש ורביע, חאטש ער האלט אז ס'איז ליגענט. צוביסלעך פאנגט ער אהן צו גלייבן זיין אייגענעם ליגענט, און נאך אן אוסר איז געבוירען געווארען.
ווער רעדט נאך אויב איז ער פון די רוב שלא קראו ולא שמשו, נאר פשוט פון די המשכה פון 18 דורות נוטרי ברית, איז דאך פשוט אז עס קומט נישט אריין אין באטראכט צו ניצען דעם כח דהיתירא עדיף, ער האט נישט געלערנט גענוג אויף צו קענען די פירוש המלות פון כח דהיתירא עדיף.
ממילא בלייבען מיר איבער מיט דאס וואס מיר האבען.
די קונץ איז אבער נישט צו באוויינען זאכן. די קונץ איז צו פארעכטען וואס מען קען.
די תורה איז אפען פאר יעדעם. ווי איידער צו זידלען און רעגן זיך, קען מען מברר זיין יעדע חומרא. מברר זיין אהן קיין אגענדע פון חומרא, און אפשר טאקע מיט אן אגענדע פון כח דהיתירא עדיף. עס זענען דא גענוג תלמידי חכמים דא אין שטיבעל וואס קענען די מלאכה בעסער ווי רוב רבנים אונזערע. זאל זיין א מקום ווי כל דכפין ייתי וייכול, ער זאל זעהן וואס די מקור האיסור איז און צו איז עס יש דברים בגו. יעדער איד זאל וויסען אז אויב וויל ער זעהן דעם אמת אויף סיי וואסערע חומרא, אדער עכ"פ זעהן דעם הלכהדיגען צד שכנגד קען ער נאכקוקען אין מדור הלכה. די פסוק "ויאכלו ענוים וישבעו" וועט נישט נאר זיין גילטיג ווען דער רב דער בעל המכשיר ניצט זיין כחא דהיתירא אויף צופרידענשטעלען זיינע אויבערהארן די בעלי בתים פון די קאמפאני'ס וואס ער געט אן השגחה. עס וועט זיין גילטיג אויף אלא לעבן זויגענדע חומרות וואס די אוסרים זוכען ארויס חדשים לבקרים.
נעמט ארויס די געווער פון זייער האנט און ניצט דאס אקעגן זיי.
די אשכולים פאר בירורי הלכה זאל זיין זייער שטרענג אז מען מיז רעדן הלכה, נישט זיין מוכיחים בשער.
באמת איז דא אין שטיבעל שוין דא אסאך גיטע בירורים להלכה אויף געוויסע נושאים. עס איז אבער צושפרייט און צעזייט לאורכה ולרחבה פון אינזער בליענדען שטיבעל קע"ה. אויך האבן מאנכע שוין צוגעלינקט שיינע בירורים וקונטריסים אויף אסאך ענינים מיט הערליכע בירורים. מי יתן ונזדמנו כולם לפונדק אחד, בסדר פנים יפות.
אנשטאט באוויינען, לאמיר טון!!!!!!!!!!