לוינט זיך צו לערנען א פאך און וועלכע?

[ידען]

איך מיין אז כאב שוין געשריבן אמאל אז איך ארבעט ביי א פיינע באלעבוס און ער לאזט אפי' מיך זיין אויף די אינטערנעט אויב כאב גענדיגט מיין ארבעט, און סע טאקע נישט אזוי גוט מיינע wages אבער ער קען נישט מער באצאלן ווייל סע נאך נישט אזוי ביזי אז ער זאל קענען עפארדען.

איך טראכט ביי מיר א סאך מאל אז וואס מיין טאלאנט איז ווייסעך נאכנישט (די אשכול וואס כאב געמאכט וועגן דעם האט טאקע באקומען חיזוק, אבער נישט דאס האבעך דארט געוואלט) אבער יעצט פרעג איך עפעס אנדערש, און איך פרעג עס פאר יעדן און איך מיין נישט מיך דוקא.

סע לוינט זיך פאר א מענטש צו לערנען א פאך, למשל פלאמינג אדער דיימענד שלייפען אדער דרייוון א טרעילער אדער ווערן א אסטראנאט אדער אדער אדער וואס?

אדער לוינט זיך ענדערשער צו בלייבן ביי א ארבעט וואס מע האט אביסל ליעב און די באלעבוס איז א גוטער?

[ברעט מענינג]

יעדע פאך וואס די ווילסטעך לערנען דארפסטי קודם טראכטן די שלעכטע חלק דערפון, למשל א פלאמבער קען איין שיינעם פרייטאג נאכמיטאג נאכן מקווה לכבוד שבת באקימען א פאון קאל אז איינעמס טוילעט איז פארשטאפט, אין די מיט דיינע פרישע וועש גייסטו דיך נעמען צי מאכן קלין א טוילעט, איך וואלט עס נישט געטיהן!

[זר זהב]

יענער מוז נישט אננעמען די דזשאב פרייטיג נאכן מקוה

[ברעט מענינג]

יענער מוז נישט אננעמען די דזשאב פרייטיג נאכן מקוה

אבער די פרוי וועט וויינען אויפן פאון אז מען קען נישט ציגיין צום שבת מיט א פארשטאפטע טוילעט,

[נולד מאוחר]

אודאי לוינט זיך אנלעס די האסט נאטערליך קוואליפיקאציעס וואס איז ווערט.
דארפסט קענען דורך שוויצען די טרענזישען.

[ידען]

איך האב נישט נאטרליכע קוואליפיקאציעס.

[שמעקעדיג]

נישטא אזא זאך. יעדער האט עפעס קוואליפיקאציעס.
אייגענטליך שטייט דאס אין חובת הלבבות שער הבטחון, א מענטש זאל טוהן א ארבעט לויט זיין תכונת הנפש.

[נולד מאוחר]

היינט איז די נאטור פון ארבייט היפש אנדערש ווי די חובבת הלבבות צייטן.

[גנדי]

לערנען א פאך איז אייביג גוט, סיי צו די ארבעטסט פאר דיר אדער פאר יענעם, די ווערסט מער קוואליפיצירט און ווערסט מער באצאלט (אויב נישט ביי די בעל הבית, דאן ביי א צווייטן וואס איז יא ביזי)

איך האב געליינט די ביך פון ריעד האפמאן (די ערפינדער פון לינקד-אין), ער זאגט א מענטש זאל זיך לערנען אין ארבעטן אין א פאך וואס האט די 3 זאכן.

1. אססעטס - טאלאנטן, עקספיריענס, קשרים, געלט.
2. שטרעבן - די האסט הנאה פון די פאך, און דאס איז דיין שטרעבן אין לעבן.
2. מארקעט - מענטשן זיכן צו צאלן פאר די פאך.

א קיצור פון די ביכל

[קאווע טרינקער]

די מעלה פון נישט האבען א פאך איז אז דו ביסט געצווינגען צו בלייבען אין די סיסטעם, ווייל אן קיין געלערענטע פאך קענסטו נאר ארבעטען פאר די וואס פארמאגען א אידישע ביזנעס דיירעקטארי.
משא''כ אויב ביסטו געלערענט, אפילו נישט עפעס מורא'דיג ביסטו ווי א פרייע פויגל און אויב זעהסטו אויף א זייטעל אן offer פאר די סארט job וואס דו קענסט, נאר הקב''ה ווייסט וואו דו קענסט אלץ אנקומען רח''ל.

[שמעקעדיג]

איך האלט שוין א היבשע פאר יארן נאך די חתונה, מיט א שטוב מיט קינדער ב"ה, כנהוג בתוכינו, מיט דאגות הפרנסה אויכעט. היינט-צו-טאגס האב איך געוויסע חלומות אין קאפ מיט וועלכע פאך איך וויל ארבעטן, וואו מיינע כשרונות שטעקן, אבער עס נעמט צייט און געלט צו פותר חלום זיין און אנצוקומען אהין, און עס טוט מיר שרעקליך וויי אז איך האב נישט געהאט מיין היינטיגע שכל גלייך נאך די חתונה, איך וואלט היינט געקענט זיין א איש מוצלח (בדרך הטבע) ווען מיינע פלענער ארבעטן זיך אויס.

היינט האב איך א פול-טיים דזשאב, פון וועלכע איך בין נישט איבריג צופרידן, נישט מיין ליניע און נישט פאר מיינע כשרונות, קיין גרויסע סיפוק שעפ איך נישט דערפון, און פרנסה איז אויך שוואך, אבער זייענדיג פארנומען קען איך נישט אצינד זיך גיין לערנען און אינוועסטירן צייט און געלט (ביידע וואס איך האב נישט) זיך אויפצוארבעטן מיינע כשרונות.

א שאד אז אונזער סיסטעם לייגט אריין געוואלדיגע יגיעות אין די בחורים זיי זאלן זיך פארהערן מסכתות אין ש"ס, באמת זייער חשוב, אבער פלוצים מאכט מען אים חתונה פון איין טאג אויפן צווייטן, און מען שטופט אריין דעם פרישן יונגערמאן אויף גרויסן ברויזענדן ים, אויף גאט'ס גרויסע וועלט, און מען לאזט אים אליין זיך אן עצה געבן, אן קיין הילף אדער אדווייס. פארוואס זאל נישט זיין אן ארגעניזאציע וואס באגלייט א יונגערמאן נאך די חתונה ביז ער סעטלט זיך? דאס איז נאך אפשר וויכטיגער ווי אלע גמ"ח'ן וועלכע פארבארגן הלוואות שפעטער ווען מען פלאגט זיך שוין. מען קען דאס לכתחילה פארמיידן.

ממילא פאר די אלע אינגעלייט צו וועמען איך רעד, זאג איך כסדר, יעצט איז די צייט! טראכט אריין פאר א שטיקל צייט וואו ליגט דיינע טאלאנטן, וואס וואלסטו געוואלט זיין, וואס האסטו אלס קינד שטענדיג גע'חלומ'ט צו זיין ווען דו ביסט א גרויסע טאטע? ערגעץ דארטן אין די געגנט ליגט דיין הצלחה, לאז דיך אריין דערין, אויב עס פעלט אויס, בארג דיר דאס ביסל געלט און לערן דיר אויס, שמועס מיט אנדערע פראפעשאנעלס אין דעם פאך, לייען בוכער, טוה וואס דו קענסט צו ווערן לכה"פ א שטיקל מושלם, וועט דיר שפעטער בעז"ה גיין גוט.

[berlbalaguleh]

יענער מוז נישט אננעמען די דזשאב פרייטיג נאכן מקוה

אבער אינמיטן זינגען כל מקדש, ווען כ'עלל מיך דערמאנען אז יענער האט נישט קיין בית הכסא וואס ער קען נוצן, וועט דער ניגון נישט גיין אזוי גוט.

[berlbalaguleh]

אודאי לוינט זיך אנלעס די האסט נאטערליך קוואליפיקאציעס וואס איז ווערט.
דארפסט קענען דורך שוויצען די טרענזישען.

אפילו ווער ס'האט די קוואליפיקאציעס קען מען זיך נישט אויסלערנען צו זיין אן עלעקטרישן אדער פלאמבער על רגל אחת. ס'דויערט לכה"פ צוויי יאר פון ארבעטן מיט א פראפעשיאנאל בעל מלאכה זיך גרונטליך אויסלערנען איינס פון די פאכן.

[berlbalaguleh]

די מעלה פון נישט האבען א פאך איז אז דו ביסט געצווינגען צו בלייבען אין די סיסטעם, ווייל אן קיין געלערענטע פאך קענסטו נאר ארבעטען פאר די וואס פארמאגען א אידישע ביזנעס דיירעקטארי.
משא''כ אויב ביסטו געלערענט, אפילו נישט עפעס מורא'דיג ביסטו ווי א פרייע פויגל און אויב זעהסטו אויף א זייטעל אן offer פאר די סארט job וואס דו קענסט, נאר הקב''ה ווייסט וואו דו קענסט אלץ אנקומען רח''ל.

אבער וואס איז פשט פון "רח"ל"? ס'וואלט געדארפט שטיין "בעז"ה".

[berlbalaguleh]

נישטא אזא זאך. יעדער האט עפעס קוואליפיקאציעס.
אייגענטליך שטייט דאס אין חובת הלבבות שער הבטחון, א מענטש זאל טוהן א ארבעט לויט זיין תכונת הנפש.

און אויב איינעמ'ס תכונת הנפש ציט איהם צו סקעמס אדער ארמ'ד ראבבערי?

[קאווע טרינקער]

אבער וואס איז פשט פון "רח"ל"? ס'וואלט געדארפט שטיין "בעז"ה".

ווייל איך הייב אן מיט די "מעלה" פון נישט....
אמאל שרייב איך בלשון סארקאסים.
שאול גרא'ס שרייבט היינט בספר הפנים:

Sarcasm is the body's natural defense against stupid.

[שמעקעדיג]

נישטא אזא זאך. יעדער האט עפעס קוואליפיקאציעס.
אייגענטליך שטייט דאס אין חובת הלבבות שער הבטחון, א מענטש זאל טוהן א ארבעט לויט זיין תכונת הנפש.

און אויב איינעמ'ס תכונת הנפש ציט איהם צו סקעמס אדער ארמ'ד ראבבערי?

עס איז געווען עפעס אזא מעשה ביים קאזניצער מגיד זצ"ל ווען איינער האט זיך אפגערעדט אז ער האט נישט קיין פרנסה, און ר'האט אים געזאגט אז זיין מזל ליגט אין גניבה...

[קאווע טרינקער]

און יענער איז געווארן א רבי?..

[berlbalaguleh]

און יענער איז געווארן א רבי?..

לאוו דוקא. היינטיגע צייטן קען ער ווערן א "ריעל עסטעיט דעוועלאפער" שמירן פאליטישנ'ס און ר'עט האבן געלט ווי די שטערנס פון...מ---

[קאווע טרינקער]

איך האלט שוין א היבשע פאר יארן נאך די חתונה.........

איך פארשטיי נישט וויאזוי דו קענסט אזוי איידל שרייבן אזא ברענדעדיגע נושא.

[זר זהב]

געוויסע האבן א פאך וואס מ'זעהט שוין משחר טל ילדותו, אבער די וואוילע סענדס סטריט עלטערן מאכן זיכער דאס צו סופרעסן, און שפעטער פרעגן זיי די קינדער נו וואס טוט זיך מיט א דזשאב?

געט לאסט!

[Peter Norvig]

קודם שלום עליכם מיינע טייערע פריינד!

איבער די שאלה פון דעם אשכול, פארשטייט זיך אז דער ענטפער איז יא, איינער וואס האט א פאך קען אנקומען צו סאך העכערע פאזיציעס ווי איינער אן.

אבער אויף די צווייטע שאלה קען מען נישט געבן קיין כלליות'דיגע ענטפער, עס ווענדט זיך אין די נאטור און כשרונות פון דעם באטראפענעם, אויב איר קענט די נאטור פון אייער זעעל, למשל וועלכע פון די 9 אניגראם קאטאגאריעס איר וואלט זיך אריינגעלייגט, קען עס אסאך צוהעלפן צו מאכן דעם ריכטיגען באשלוס.

[זר זהב]

אה שלום עליכם, וואס הערט זיך עפעס ביי גוגל?