טיקעטס קיין מירון

[אריק]

איך זיך צו קויפן א טיקעט צו פארן בעזהש"י קיין מירון אויף ל"ג בעומר, וואו קען מען יעצט באקומען דאס בעסטע פרייז?

[לעמאן דזשוס]

פארוואס ווילסטו פארן קיין מירון אויף ל"ג בעומר? איך מיין אז לג בעומר צייט איז טייער, פאהר ליבערשט א וואך נאך ל"ג העסטו טרעפן ביליגער.

[שמעקעדיג]

@ לעמאן, איך בין משתאה ומחריש וואס איז פשט פון דיין שאלה.

[טישו באקס]

געווענליך איז ל"ג בעומר טאקע א טייערע סיזען, איך האב אבער געקויפט צוויי וואכן פאר פסח ביי אן היימישן טרעוועל אגענט א סטרעיט פלייט טיקעט מיט אל-על פאר אינטער טויזנט דאלער.
די פרייזן זענען אבער לכאורה שוין ארויף געגאנגען יעצט. מיט וויפל ווייס איך נישט.

[לעמאן דזשוס]

@ לעמאן, איך בין משתאה ומחריש וואס איז פשט פון דיין שאלה.

וואס פארשטייסטו נישט?

[משה געציל]

וואספארא קשיא איז דאס פארוואס ער וויל פארן אויף ל"ג בעומר? א חוץ אז ביי דיר איז די דרכא אחרינא אין מאנרא פשוט.

[לעמאן דזשוס]

וואספארא קשיא איז דאס פארוואס ער וויל פארן אויף ל"ג בעומר? א חוץ אז ביי דיר איז די דרכא אחרינא אין מאנרא פשוט.

הייסט ער וויל זעהן פארוואס מען האט געמאכט דעם ׳מהדרין דרך׳...דאן פארשטיי איך טאקע פארוואס ער וויל צאהלן אין הימל אריין.

[משה געציל]

מהדרין דרך, מהדרין באסעס, סגולת הרשב"י, אהל הרשב"י, צדקת הרשב"י, ח"י רוטל וויין, ח"י רוטל וואסער, ח"י רוטל אמעריקאנע קאווע שע"י הגרח"ל ווייס, וכו' וכו', עס פעלט וואס צו זען?

[לעמאן דזשוס]

מהדרין דרך, מהדרין באסעס, סגולת הרשב"י, אהל הרשב"י, צדקת הרשב"י, ח"י רוטל וויין, ח"י רוטל וואסער, ח"י רוטל אמעריקאנע קאווע שע"י הגרח"ל ווייס, וכו' וכו', עס פעלט וואס צו זען?

נעה. די סיבה אונטערן מהדרין דרך...די אלעס אנדערש קען ער טאקע זעהן אין מאנדרא. כהער אז די מרת. ראטל וועט היייאר זיין ביינאכט אין מירון און במשכ׳ן טאג און פארנאכטס אין מאנדרא יצ״ו. (כמעט ווי יע״א)

[שמעקעדיג]

לעמאן דזשוס, פליז זאג מיר אז דו ביסט נאך קיינמאל נישט געווען אין מירון!
אויב נישט, רעקאמענדיר איך דיר צו פארן איינמאל, און דו וועסט אנדערש רעדן...

[זר זהב]

איך האלט אז סנישט ווערט צו צאלן 1000 דאלער פאר אפאר עמאציאנאלע מינוטן

[לעמאן דזשוס]

לעמאן דזשוס, פליז זאג מיר אז דו ביסט נאך קיינמאל נישט געווען אין מירון!
אויב נישט, רעקאמענדיר איך דיר צו פארן איינמאל, און דו וועסט אנדערש רעדן...

שמעקעדיג איי לאוו יא. באט איך בין שוין געוועהן....איך האב נישט קיין ווערטער.סא מערת פריצים.

[הערשעלע]

טערקיי עירליין האט נאך יעצט פאר 924

[שמעקעדיג]

איך האלט אז סנישט ווערט צו צאלן 1000 דאלער פאר אפאר עמאציאנאלע מינוטן

פאר דאס וואס איך האב געשפירט - און ס'ליגט מיר נאך אין די ביינער עד היום הזה - לוינט זיך צו צאלן אפילו $2,000
מעגסט מחולק זיין, איך וועל נישט זיין באליידיגט.

[זר זהב]

איך קענישט מחולק זיין ווייל כ'ווייס דאך נישט וואס דו האסט געשפירט.

[לעמאן דזשוס]

איך האלט אז סנישט ווערט צו צאלן 1000 דאלער פאר אפאר עמאציאנאלע מינוטן

פאר דאס וואס איך האב געשפירט - און ס'ליגט מיר נאך אין די ביינער עד היום הזה - לוינט זיך צו צאלן אפילו $2,000
מעגסט מחולק זיין, איך וועל נישט זיין באליידיגט.

איינער זאגט מיר אין פרייוועט אז ער וואלט געצאלט פיר אלפים בלויז צו קענען זיין אין טברי׳ ביים כנרת און די וועטער זאל ארבעטן ארויסצוברענגן די ציונעטעס ביים וואסער...שומו שמים.

[טישו באקס]

איך האלט אז סנישט ווערט צו צאלן 1000 דאלער פאר אפאר עמאציאנאלע מינוטן

סאיז דא א סיבה פארוואס במציאות פארן מער מענטשן פון יאר צו יאר.
איך אליין נאכ'ן זיין דארט איינמאל האב איך מיר איבערגעצייגט אז סאי'ז ווערט זיך צו לאזן קאסטן נאכאמאל

[זר זהב]

דיין איבערצייגונג זאגט נאך נישט אז ס'ריכטיג. און ס'ווענט זיך אויך אינעם בערזעל, איינער וואס קען זיך עס גרינג ערלויבן מעג פארן אפילו ער שפירט גארנישט דארט

[שמעקעדיג]

לאמיר נישט פארקריכן פונעם נושא פון ביליגע טיקעטס, נאר אז מען רעדט שוין, וויל איך פשוט פארשטיין, לעמאן דזשוס וכל קדושיו עמו: צי האלט איר טאקע אז די צענדליגער טויזענטער וועלכע פארן יערליך אין די מאסן פון חוץ לארץ קיין מירון - לאמיר שוין נישט רעדן פון די הונדערטער חסידות'ער רבי'ס מיט חסידים ואנשי מעשה פון ארץ ישראל אליינס - זענען משוגע אז זיי פארן אהין? זיי גייען בלויז מיטהאלטן א מערת פריצים?

די אלע וועלכע רעדן מיט א התרגשות און השתוקקות, איז אלעס נישט מער ווי פאלשע הרגשים? די אלע ענינים וועלכע ווערט געברענגט אין די ספרים הק' איבער די קדושת המקום און מענטשן וואס שפירן זיך דערהויבן, קען מען אוועקמאכן כלאחר יד?

איך האב שוין אביסעלע באשריבן דא, ומשם תדרשנו לטובה.

[זר זהב]

מיינטס טאקע אז יעדע פון די פארערס שפירט עפעס? אסאך פארן ווייל זיי גלייבן אז ס'א הייליג זמן און א הייליג פלאץ און מ'קען זיך אויסבעטן, אבער שפירן שפירן זיי וואס איך שפיר ווען איך לייג תפילין. דו פארסט אבער ווייל דו "שפירסט", איז די שאלה וויפיל איז דעי "שפירן" ווערט?

[לעמאן דזשוס]

@שמעקעדיג, חוץ אז מען גייט פארנאכטס אדער מיט די פריש ערצייגטע שאלן איז אין לנו אלא דברי רבינו בעל דברי ויואל משה, מהרי״ץ דושינסקיא, און כל גדולי ירושלים והליטא.

[שמעקעדיג]

איך וועל למען התועלת דא נאכאמאל אראפברענגען די 3 לינקס פון אייוועלט וועלכע איך האב צוגעצייכענט אין פריערדיגן אשכול.
אפילו אויב נאר האלב זאל זיין אמת, וויפיל וואלסטו געצאלט דאס צו שפירן?
און אודאי אז וויפיל מען שרייבט איז נאך אלץ נישט גענוג...

כאטש כ'וועל מודה זיין אז איין יאר ווען איך בין דארט געווען האב איך אויך נישט געשפירט עפעס אויסטערליש, אבער בדרך כלל איז עס נישט אזוי.

אט זענען די 3 לינקס (שטארק רעקאמענדירט עס אדורכצוליינען ווען איר האט לכה"פ א האלבע שעה אדער מער ישוב הדעת):

פאר א הערליכע באשרייבונג פון ל"ג בעומר אין מירון, זעהט דא, און דא, און אויך דא. הערליך באשריבן, און יעדעס ווארט אמת.

[מאראנצןזאפט]

איך בין אמאל געפארן אויף ל"ג בעומר קיין מירון, וואס זאל איך אייך זאגן פון מיין פרעספעקטיוו איז מירון זייער א שיין פלאץ נאר נישט אויף ל"ג בעומר!
אן אנשיקעניש און אן אנלויפעניש אז ס'איז א שרעק. געהעריג א קארניוועל מיט אלע סארט ענטערטענימענט, אנגעהויבן מיט די שחיטות פון די פרענקען און געענדיגט מיט די מראות קודש פון די חבד'סקער. א ריינער בית הכבוד איז שווער צום געפונען, לאמיר נישט רעדן פון דער מקוה. ראיות אסורות מאנגלט אויך נישט.

דער אמעריקאנער נגיד טאנצט נעבעך ערליך דעם תורתו מגן לנו ווייל ער וויל באצאלן זיין אלף'ל פלאס וואס ס'האט אים געקאסט, און דער ישראלישער טרינקט אסאך קאלא ווייל ס'איז אומזיסט. און סנדר אשכנזי טיילט געבראטנס, אויך נאר פאר די ווי.איי.פי.
איך בין אנגעקומען דארט מיט דער הנחה אז ס'גייט אויסזען ווי עולה רגל זיין און שמחת בית השואבה ווען חסידים ואנשי מעשה טאנצן מיט דביקות און זענען שואב רוח הקודש, אדער עכ"פ פון דער שמחה חוץ לדרך הטבע וואס דער בני יששכר רעדט פון.
איך האב נישט געטראפן דעם יום כיפור אינעווייניג און נישט דעם שמחת תורה אינדרויסן. איך קען עטליכע חסידי'שע הויפן דאהי וואס ל"ג בעומר איז מער מרומם און פרייליכער.
קען זיין כ'האב עס געגעבן צו הויכע ערווארטונגען.

איין בילד וואס גייט מיר נישט ארויס פון די אויגן און האט פאר מיר אויסגעצאלט די 17 מאות איז ווי א זיבעצען יעריג בחורל אנגעטוען מיט די יוניפארמען פון בטחון דאס הייסט ער האט געדינט פאר די ארטיגע סיקיוריטי זיצט אונטער א בוים מיט א בלויזן כפה סרוגה און איז מעביר סדרה היות ל"ג בעומר איז געווען פרייטאג.
איך, דער חניוקישער צושטרויבלטער בחור, דבוק ברבי שמעון ובמשנתו הטהורה עד לאחת, האט 'נישט' מעביר סדרה געווען אויף יענעם פרייטאג.