אין דיזן אשכול רעדט מען נישט פון;

[לעמאן דזשוס]

חינוך, נושרים, אוטידי, אונזער סיסטעם, נישט קענען ענגליש, נישט האבן א פאך, נישט זיין עדוקירט, נישט זיין פראדוקטיוו, אויפגעקלערט, אריינגעקלערט, סאטמאר, אינטערנעט, סיקריקים, אידישקייט, ראסיזם...

און די ליסט גאוס אן...

וואו איך גיי און שטיי זעה איך באסעלעך מיט תינוקות של בית רבן׳לעך. געפאקטע שולן מיט בחורים איבער ריזיגע גמרות, געשטופטע מנינים מנחה מעריב מיט קולות ביי ספירת העומר, נאסע מקוה האנטוכער אויף די מקוה פאדלאגע פון פארטאגס ביז חצות. כוללים פול עד אפס מקום עפענען זיך צום פרישן זומער זמן. דיקע צייטונגען מעלדן איבער ריזיגע פארזאמלונגען אינערהאלב חרדישע געזעלשאפטליכע פארברענג צוזאמקומפטן. און וואס פעלט?

איך קוק ארום, און איך טרעף נישט די ׳חסידישע חרדישע פרילינג׳ איך גיי אין געשעפט זעה איך כשרע פראדוקטן חדשים לבקרים מיט׳ן שטרענגסטן הכשר זיגל. אין ספרים קלייט זעה איך הויפענס דיקע בענדער פון פרישע ספרים און אידישע ליין מאטריאל אה א נחת. איך גיי אין גאס זעה איך פון מיין קוק ווינקל צום ערד פילע וועגעלעך מיט אידישע פיצלעך...