משוררים 3

[MK Studio]

דאס האב איך געשריבן אויף איי-וועלט, איך האב געקלערט לאז די אידן אין קאווע שטיבל אויך הנאה האבן

יא יא, איך ווייס אז ענק האבן שוין אלע סייווי געקויפט דעם טעיפ, משוררים לימי הספירה 3, אבער כ׳קען דאך נישט אדורכלאזן די זאך גלאט אזוי אנדעם וואס איך זאל דערציילן עפעס סודות פון חדר איבער דעם טעיפ און די כוחות וואס זענען אריינגעלייגט געווארן.

האמיר זיך אראפגעזעצט מיט ר׳ חיים בלומענפעלד פון די משוררים היימישע כאור און חיים האט געזאגט אז היי יאר דארף מען מאכן עפעס אזאנס און אזעלעכס וואס זאל איבערשטייגן די טעיפ פון לעצטע יאר.

די ערשטע זאך שטייצעך איז אויסוועלן די ניגונים, און אויף דעם איז מען געזיצן און געארבעט אז די ניגונים זאלן זיי געבעלענסט, אז פון איין זייט זאל זיין גענוג ניגונים פון נייע טעיפס פון די לעצטע פאר חדשים פאר די מענטשן וואס ווילן דוקא הערן רייכע כאור אויף נייערע ניגונים, אבער אויך האבן מיר גענומען עלטערע ווארימע ניגונים, ספעציעל ניגונים וואס מען קען דערויף מאכן עפעס ווארימע כאור און הארמאניס.

די זינגערס אינעם משוררים כאור זענען אלע פראפעשאנעלס און קיין שווערע ארבעט איז נישט געווען מיטן אריינזינגען. מען האט אבער יא געדארפט זינגען סאך מער ווי אויף א טעיפ מיט מוזיק, שטייצעך, אנצופילן דעם קאליר, סזאל נישט אויסזעהן ווי אפאר בחורים זינגען אין די האלוועי פון ישיבה...

איך מיין אז מ'האמער אויפגעטוען וואס מ'האט געוואלט, און ס'איז אויסגעקומען א פיינעם ארבייט, אזוי זאגט דער עולם עטליסט. (און איך בין מסכים מיט זיי)

אה שוין שיר נישט פארגעסן, דאס יאר האט מען אריינגעלייגט קינדער קווייער אויך, וואס דאס איז עפעס וואס איז נאכנישט געווען ביז היינט (לפי ידיעתי)

קאמענטארן קאמפלימענטן און קריטיק זענען וועלקאם.

דא האט איר די אינפארמאציע פונעם אלבום.

ארויסגעגעבן דורך חיים בלומענפעלד פון די משוררים קווייער
געזינגען דורך די משוררים קווייער, אראנדזשירט דורך אני הקטן,
רעקארדעד ביי מיר אין (נייעם) שטיבל.
געמיקסט ביי מיר און ביי ר' לערי געיטס
מעסטערד ביי לערי'ן

די סאלא'ס זענען: חזקי לאווי - דודי קנאפלער - חיים בלומענפעלד - לייבי ווידער
קינדער סולו'ס: עזריאל בערגער און יואל הירש

מייסטערהאפטיגער קאווער ביי ידידנו ערעב יואל שווארץ.

וואס נאך? איך מיין אז איך האב אלעס געקאווערט.... אניש לאטס מיך וויסן.

דא האט איר צוויי פריוויא'ען
https://www.dropbox.com/s/dnthg91i3rvpb ... review.mp3
https://www.dropbox.com/s/76wooxjxdinbv ... ew%202.mp3

[נולד מאוחר]

פארוואס נישט ממשיך זיין דא

[MK Studio]

אהה נישט באמערקט, זאל איך איבערלייגן אהין?

[שמעקעדיג]

די פריוויאו איז הערליך. שיינע דזשאב, A-1 !
די ווידער-קול (Echo/Delay) פון די קינדער ביי זרעא חיא קוקט מיר אויס איבריג.

[אבי גערעדט]

ניין לאז עס דא, אזא פראפעסיאנעלע סידי פארדינט א באזינדערע אשכול, און איבערהויפט ווען ס'איז אזוי געשמאק אראפגעלייגט

[MK Studio]

די פריוויאו איז הערליך. שיינע דזשאב, A-1 !
די ווידער-קול (Echo/Delay) פון די קינדער ביי זרעא חיא קוקט מיר אויס איבריג.

די ווידערקול דארט האט געדארפט זיין אזא סארט נאכלויפן סיטואציע, אין מיין קאפ האט עס אויסגעקוקט בעסער ווי ס'איז למעשה אויסגעקומען....

[MK Studio]

דא האט איר לינקס וואו מ'קען עס באקומען אנליין

איי-טונס:
https://itunes.apple.com/us/album/mesho ... d632255464

עמעזאן
http://www.amazon.com/Meshorerim-Classi ... meshorerim

גוגל פלעי
https://play.google.com/store/music/alb ... Bhdm1sZSJd

מאוסטלי מוזיק
http://www.mostlymusic.com/meshorerim-choir.html

[לעמיל]

די סאלא'ס זענען: חזקי לאווי - דודי קנאפלער - חיים בלומענפעלד - לייבי ווידער

איז די קנאפלער א נייע זונגער? איך מיין אז איך האב געהערט פאר יום טוב ביי א חותנה און ער איז זייער פיין געוועין

[MK Studio]

יא, ער זינגט מיט אונז (משוררים) לעצטנס, און ער פלעגט זינגען ביי מיר קווייער אויך פאר א שטיק צייט, ר'איז פיין..

[זר זהב]

די פריוויאו איז הערליך. שיינע דזשאב, A-1 !

איך אגריע, ס'סאונד ווי א געלונגענע סידי. א גוטע אויסוואהל פון ניגונים, אלע הארמאניעס קאווערט, דער הירש מיט בערגער זענען סופער!

[מאראנצןזאפט]

עס איז א מייסטערהאפטיגע ארבעט, און מן הסתם די שענסטע ספירה קאסעטע אמאל ארויסגעקומען אויפ'ן אידישן מארק.

[מ גפני]

MK איך מיין אז די וואלסט ווען געמעגט מנדב זיי א FREE DOWNLOAD LINK פון דעם CD פאר די חברי שותי הקאווע

[ברוין]

אלע ספירה טעיפס האבן ביי מיר די זעלבע טעם עס שפירט זיך ווי א פסחדיגע קוקי אן קיין טעם און ראם נאר אז ס'זאל אויסקוקן ווי א סידי

[MK Studio]

מאראנצן זאפט: פשי..... אזאנס האב איך נאכנישט באקומען.

מ גפני: איך וועל פרעגן ר׳ חיים׳ן אויב ער וויל מנדב זיין, אפשר קען מען אויסארבייטן מ׳זאל עס אנצינדן אין שטיבל בשעת דר׳עולם טרינקט די קאווע, אזוי וועלן די שותי קאווע קענען געניסן..

ברוין: אבער פסח עסט מען נאכאלס די פסח׳יגע קוקיס, איא? ווייל מ׳קען נישט עסן עפעס אנדערש..
אבער דער איצטיגער קוקי איז עפעס גאר גוט, אראנדזש דזשוס טענה׳עט אפי׳ אז ער האט נאך אזא גוטן קוקי נישט פארזוכט.

[ברעט מענינג]

וואס זאל איך אייך זאגן די סידי איז קנאקעדיג, שיין אראפגעלייגט, הערליך, בעטעמט, די יונגעל איז אייזן, שיינע סאנגס,
עס לוינט זיך די געלט!!

[קאווע טרינקער]

דאס האב איך געשריבן אויף איי-וועלט, איך האב געקלערט לאז די אידן אין קאווע שטיבל אויך הנאה האבן

האסט פארדינט א קונה. איך קויף דאס שוין לכבוד בואך לשטיבלנו.

קאמענטארן קאמפלימענטן און קריטיק זענען וועלקאם.

ייש"כ פארן פרי-וויאו. איך פרעזענדליך ווער משוגע-עמאציענעל ווען קינדער זינגען און נישט פון 25-30 קולות. די שארפע יונגע-קול פון "זרעא, זרעא, " קען מיך מאכן וויינען אין 7 סקונדען.
פארוואס נישט מאכן א all-wonder-kids אלבום? ס'לוינט נישט? מאך עס פאר מיר.

די קאווער האב איך ליב אלץ די מאדערן חלק שבו.
לעצטענס לייגען זינגער'ס ארויף זייער פרצוף אויף זייער אלבום. מיר געפעהלט עס נישט. - הער איך דען ***** ווייל ער איז שיין? ער איז בכלל נישט. לייג א בילד פון דיי משפחה.. דו ביסט בכלל נישט עפעס וכו'..
יא, דו זינגסט שיין, כ'האב ליב צו הערן דיין קול, אבער דיין צורה, דיין מיינונג אין פאליטיק, און אפילו ווי דו קויפסט דיין בעקיטשע... ס'אינטערסירט מיר נישט...

אוי, שיעור נישט פארגעסען "קריטיק". איז אזוי, איך בין בטוח אז ווען דער שלחן-ערוך שטייט אין קבר און שרייט: חברה, הערט מוזיק געזונטערהייט, לאזט מיך אפ, מאכט נישט חוזק פון מיר...
איך געדענק נאך די ערשטע ספירה טעיפ.. יעדע בר דעת (אמאל איז נאך געווען, אביסל) האט פארשטאנען אז דאס איז ליצנות... הער שוין מוזיק (ס'איז דאך נישט קיין "כלי שיר") און א גוטן טאג.

[קאווע טרינקער]

ממש די רגע באמערק איך דעם הודעה.
ער שרייט דאס זעלבע ווי מיר, אבער זיין מסקנא איז אביסל נישט פראקטיש..

[MK Studio]

קאווע טרינקער: אויף דעם איצטיגן אלבום האבן מיר געלייגט היבש אפאר ניגונים קינדער קווייער און אויך קינדער סולאו'ס, אויב דאס איז נישט גענוג, ווארט צו נאך אביסל, עפעס אזא זאך וועבט זיך יעצט, אויב איז דאס דיין זאך וועסטו הנאה האבן.

- וואס פרעגסטו? צו איך טוה עס פאר געלט? אךך איך טוה עס בלויז פאר דיר.

ס'לוינט נישט? מאך עס פאר מיר.

און א הערצליכן דאנק פאר יעדן פון אייך פאר די ווארימע פידבעק....

[קאווע טרינקער]

פארגעסען צוצולייגען א באזונדערע דאנק פאר צוריק אריינברענגען דעם יגדל ביים בהמה'ישען ציבור.
איך בין מיט דעם אויפגעוואקסען, היינטיגע סידורים האבן דאס פארטוישט מיט אנדערע סגולות.
עס איז נישט מער ווי פאסיג אז פאר מ'שטעלט זיך דאווענען זאגט מען פאר גאט אז מיר גלייבען אין אים.

[MK Studio]

א פראמאו ווידעאו און ביהיינד די סינס פון די משוררים קלאסיק אלבום

http://youtu.be/BOLl1slgnIA

[מיין מיינונג]

נאכן זאגן טעסטינג 1 2 3 ארבעטן שוין געווענדליך די מייקס... לענינינו, ביים דריטן אלבוים פון משוררים איז ענדליך ארויסגעקומען א היט פון א אלבוים. עס מוז באגריסט ווערן דער אויסנאמס רייכער קאלעקשאן פון ניגונים, סיי נייע און סיי אלטע. סאולא'ס האט ער אויך גענומען נייע כוחות וואס ווארפט א פרישקייט אויפן גאנצן פראיעקט. לאווי, קנאפפלער און ווידער די דריי לייגן אראפ סאולאס וואס לאזט זיך איבערהערן צענדליגער מאל. ועל כולם, דאס איז שוין MK צו פארדאנקן, איז דער מיקס געמאכט געווארן אויסטערליש שארף און קלאר וואס געט אסאך צו צום רייכקייט פונעם אלבוים.

נאך אזא געלונגענע ספירה טעיפ, קען זיך שוין משוררים נעמען ארבעטן אויף א געהעריגן אלבוים מיט מוזיק און אלעס ארום...

[למדן]

זייער שיין MK, (דיין אינטראו, די טעיפ האב איך נאך נישט געהערט)
פארוואס האב איך געמוזט אראפ נעמען איין ניגון ס'זאל פיטן אויף א סידי?

[MK Studio]

פון וואו קומען די פיילס? אויב ס'איז געווארן געקאפיט קען זיין אז ס'איז געווארן אראפגעריפט מיט די עקסטערע 2 סעקונדעס פון פאר יעדע טרעק און דערפאר פיט עס נישט אריין...

דיין מיינונג: יישר כח, און איך וועל דיר זאגן א סוד, די פריערדיגע פאר ספירה אלבום'ס וואס זענען געמאכט געווארן ביי מיר אין שטיבל, זענען געווען בעסער פארן מיקס, די פראבלעם איז אז א ספירה אלבום ברויך מען אנדערש מיקסן ווי א געהעריגע אלבום, עקשעלי רעד איך פונעם מעסטערן נישט די מיקס, ווייל ביים מעסטערן לייגט מען צו קאפרעשאן, און דאס האט נישט געטויגט, דערפאר האט מען זייער אכטונג געגעבן איצטערט אז ס'זאל נישט פארלירן גארנישט ביים מעסטערן, נאר פארקערט ס'סאל אויסקומען שענער און בעסער, און איך מיין אז מ'האמער אויפגעטוען וואס מ'האט געוואלט..

און אגב, ביי אונז האט מען זיך געפירט אז נאכן זאגן טעסטינג 1 2 3 דארף מען נאך געבן א שטארקן בלאז און א מינימום פון צוויי האקעס אויפן מייק.