די העכסטע ראנגען לייקס: איך גלייך עס, אבער עס קומט מיר נישט

[יידל]

זאל איך דיר יעצט לייקן ווייל האסט מיר דערמאנט?

[שמעקעדיג]

מאטי!
we all love you

[טאמבל סאס]

יעפ. מאטי איז סחורה ווי גאלד.
עטס כאפטס?. ער איז אויפגעקומען מיט חדשות. עפעס יוניק.
נעה. כ'זע עטס כאפטס נישט.

[יאיר]

מאטי, א זאפטיגער אנאליז!
איך קלער אז ס'איז דא נאך א סיבה פארוואס מ'לייקט אזויפיל שנעלער א הומאריסטישע תגובה ווי א תוכנ'דיגע. איך זע דאס אפילו ביי מיר אליין, אפטמאל, ווען איך מאך עפעס א נארישע וויץ באפאלט מען מיר מיט לייקס, און ווען איך שטרענג זיך אן צו אהערשטעלן עפעס א זאכליכע תגובה מיט מקורות און ציונים, קען דאס אפטמאל ווערן כמעט איגנארירט. נישט אז איך דארף עס, פארשטייט זיך, ווער ס'קען מיך ווייסט אז מיין סעלף קאנפידענץ איז שוין סייווי אזוי הויך, אז אויב די לייקס וואלטן נאך צוגעלייגט צו מיין קאנפידענץ וואלט איך געווארן א געשוואלענער בעל גאוה, און דאס איז דאך זיכער נישט אמת, כידוע לכל יודעי ומכירי אז איך בין פון די גרעסטע בעלי ענוה בדורינו. עניוועי, איך מיין אז די עיקר סיבה איז ווייל נאך א שטיקל הומאר ווערט מען אויטאמאטיש אויפגעלייגט, און ווען מען איז אויפגעליי"קט ווערט דאס הארץ ברייטער. כנלע"ד.
און אז מ'רעדט שוין, לאמיר אייך מגלה זיין אז מגיב זיין אויף א תגובה און צוגעבן א הערה איז אסאך אינטערעסאנטער ווי א טרוקענער לייק. אויף דעם זאגט דער נביא, הלואי לֵיקָתִי עזבו ותגובתי שמרו.

[טאמבל סאס]

אינרעסאנטער פארן מקבל? אדער פארן נותן? פונעם ובנביאים וואס דו ברענגסט צו, זעה איך אז דו רעדסט פונעם געבער.
טאקע א פוינט

[טאמבל סאס]

איך האב שטענדיג געהאלטן, כיאיר ועוד לקרא.
עס איז די הומאר וואס מאכט געבן די לייק. יעצט קען מען שוין דן זיין צי ווייל די הארץ ווערט ברייטער, ממילא פארגינט מען מער. אדער פארגינט מען אים אויך, מיט הויכע נומערן. נישט נאר דו.
צי ווייל פשוט, די הומאר ווערט געווענליך געזאגט אין א קורצע ווערטל, לייכט צו לייענען, און מ'געט א לייק אין א זין, כדי צוהערן פון אים נאך אויף ווייטער. אויך א געוויסע פארעם פון "יעדער מיינט זעך, און עך מיין מעך"

[געפילטע פיש]

אינרעסאנטער פארן מקבל? אדער פארן נותן? פונעם ובנביאים וואס דו ברענגסט צו, זעה איך אז דו רעדסט פונעם געבער.
טאקע א פוינט

יותר ממה שהעגל רוצה לינק...

[טאמבל סאס]

אינו דומה לנמשל, ווייל די תגובה טאר נישט זייגן.

[יאיר]

אינרעסאנטער פארן מקבל? אדער פארן נותן? פונעם ובנביאים וואס דו ברענגסט צו, זעה איך אז דו רעדסט פונעם געבער.
טאקע א פוינט

איך רעד פונ'ם צד פונ'ם נותן. מיר איז אסאך וויכטיגער מ'זאל מוסיף זיין עפעס צו וואס איך האב געשריבן אדער מיר טשאלענדזשען זאכליך ווי מ'זאל מיר געבן א לייק.

[טאמבל סאס]

אה. איך האב גערופן דעם לייק געבער - נותן. און דעם מגיב - מקבל. בקיצור, מיין רעכטס דיין לינקס.
----
מ'האט עס ברייט ארומגערעדט אין דעם אשכול. viewtopic.php?f=4&t=676&p=14074&hilit=%D7%9C%D7%99%D7%99%D7%A7%D7%9F#p14074
אבער כ'פארשטיי נישט וויאזוי דו שטעלסט עס צאם. אויב האט ער מוסיף צו זיין אדער טשאלדענדזשן וועט ער מגיב זיין. אבער אויב האט ער סתם אזוי הנאה, וואס זאל ער דאן טוהן?

[יאיר]

דעמאלט זאל ער געבן א לייק .

[טאמבל סאס]

אה. און דער נ"מ וועט כאפן: אז ווען די תגובה וועט זיין בייסיג/טשאלענדזשינג. וועסטו פונדעסטוועגן מער הנאה האבן דערפון ווי פון א לייק.
ענדליך געכאפט. יאיר, חזר דיך גוט איין דיין נומער לייק'ס אונטער דיין אוועטער, ווייל איך מיין אז מהיום והלאה דארפסטו מער נישט קוקן דארט בכלל.

[יואב]

נאך א סיבה פארוואס הומער באקומט מער לייקס, איז אויב מ'האט סיי וואספארא מינאמאלע געדולד עפעס צו ליינען וועט הומער געווענדליך זיין אקצעפטירבאר, בעת תורה און וויסענשאפט אפעלירט נישט צו די גאר שוואכערע, און אפילו די דורכשניטליכע וואס ווילן ליינען שטופט מען אלץ אפ לכשאפנה. דערנאך קען מען טייל מאל זיין אומאיינשטימיק, מילא שפירט מען זיך גוט אז כאטש אויפן לייק קנעפל איז איינער בעל הבית.

הומער ווידעראום, וואס איז שווה לכל נפש (כמעט), קען מען ליינען פארטאגס מיט די אזויגערופענע קלארן קאפ, און ביינאכט מיט קלעבעדיגע אויגן.
בכלל יעדע ערענסטע צייט ביי די פריעדיגע (כמעט א גאנץ יאר) איז דא אן עקסטערן געשמאק פאר הומאר, אזא להוציא מליבן סטייל. תשעה באב, ביים סדר, תיקון ליל שבועות, אא"וו.

נאכדעם איז פארהאן אז רוב ניקים האבן קלאר אין פרופייל אנדערע ניקס, און זייער לייק געווארפאכטס איז תלוי בזה, ד.ה. קופערניקס וואס מיט פולן רעכט האט זיך ערווארבן דעם ברענד נעים, וועט קריגן לייקס אפילו ווען ער ווארפט אריין א פארעווע תגובה'לע וואס אויב בדחן וואלט עס ווען געשריבן קריגט ער א שטויס מאחורי, אדער מאקסימום א לייק פון זר.

[טאמבל סאס]

דאס איז אגב פאר די שטויס מאחורי פון "בדחן"
איז בדחן בכלל אין מאחורי אדער איז ער שוין ארויסגעשטויסן געווארן פון דארט. אין דארט..

[יאיר]

איך האלט מ'זאל מאכן אן עקספערימענט. קופערניקוס זאל אויף איין וואך שרייבן אלע זיינע הומאריסטישע תגובות אונטער א פרישע ניק, אזא סארט ניק וואס נעמט זיך אייביג אן פאר רבנים, און מאכט זיכער צו זיין גענוג אויפגעקלערט צו אויפרעגן די ערליכע אידן בתוכנו, אבער גענוג פארפרומט צו אויפרעגן די אויפגעקלערטע בתוכינו. העמער זען צו ער וועט נאכאלס קריגן די זעלבע צאל לייקס. דער עולם איז מסכים?

[מאטי]

יואב דיין לעצטע 3 שורות ווי דו זאגסט אז ס׳איז תלוי אין ווער סאיז א ברענד נעים האב איך גראדע געטראכט צו שרייבן אין מיין אנאליז כ׳האב אבער מורא געהאט מ׳עט מיר פארשרייען אלס א ראסיסט וואס גלייבט און superior Races.
אגב האב איך א געוויסער פארקערטער געפיל צו לייקן ניקס וואס האבן זיך נאכנישט ערווארבן קיין פיר דיזשיטס לייקס. און א בחינה פון בויען די שוואכערע ווייל יעדער לייק מאכט פאר זיי א דיפערענס משא״כ די לייק רייכע ניקים.
כ׳וואלט נישט געזאגט אז ס׳קומט נאר פון הארציגע כוונות נאר ענדערש פונעם געפיל זיך צו באשיצן פון אויסקוקן ווי סתם א לייק פארשווענדער זאל כאטש די געשיקטע לייקס עפעס אויפטון פאר אן אנדערן.

[מאטי]

איך האלט מ'זאל מאכן אן עקספערימענט. קופערניקוס זאל אויף איין וואך שרייבן אלע זיינע הומאריסטישע תגובות אונטער א פרישע ניק, אזא סארט ניק וואס נעמט זיך אייביג אן פאר רבנים, און מאכט זיכער צו זיין גענוג אויפגעקלערט צו אויפרעגן די ערליכע אידן בתוכנו, אבער גענוג פארפרומט צו אויפרעגן די אויפגעקלערטע בתוכינו. העמער זען צו ער וועט נאכאלס קריגן די זעלבע צאל לייקס. דער עולם איז מסכים?

בפשטת וועט ער קריגען לייקס אבער נישט אזוי סאך אויך וועט זיין אייגענארטיגער הומאר ארויסגעבן זיין אידענטיטעט און ווייסט וואס כ׳עלל דיר זאגן ס׳פאלט מיר יעצט ביי א שרעקעדיגס !! מי יודע אפשר איז בדחן גאר קופרניקוס אליין, שפילענדיג גוט שלעכט פאליציי.. הא?

[זר זהב]

טשי הא, כאב הנאה פון מאטי, ער האט ארויס אן עסק. כ'וויל קומען צום פוינט בנוגע דאס לייקן און מיין לייקן. קודם כל לעצטענס איז מיין משוגעת פון אפשטופן דאס ליינען געווארן ערגער און שווערער, דאדורך קען אויסקומען אז איך לייק עימעצן 2 וואכן שפעטער. און ס'אמת אז איך לייק נישט אויבער חכמישע תגובות ווייל דאס איז מיר נישט קיין נייעס, אויב זאל מיר איינער צאלן צו זיין אן אויבער חכם (דעווילס עדוואקעט) וועליך טון א בעסערע דזשאב פון רוב אויבער חכמים דא, ס'קארני, קינדעריש, קריכט פון די נאז. -- אסאך מאל דארף מען בלויז קוקן וועכע גרופ האט געלייקט איטליכן תגובה צו וויסן אז דער תוכן איז נישט פאר מיר און מ'קען גיין ווייטער... אבער אסאך מאל באדערט מיר ווען איינער שרייבט גאר זאפטיג און גוט, אבער ווי א נער ווארפט ער אריין עפעס א קיהלקייט און פיניש.. כ'קען מער נישט לייקן, ווייל קיין האלבע לייקס איז נישט פארהאנען.

איינער האט דא דערמאנט פון פעיווארטיזם, עפעס אזוי. ביי מיר איז עס זיכער דא, און כ'בין דאך נאר א מענטש, אויב איז א ניק בדעה אחת מיט מיר אויף כמעט אלע נושאים, ווערט ער אויטאמאטיש א אונזעריגער (א מיינ'ער) און ס'לייקט זיך אים גרינגער ווען ער שרייבט עפעס זאכליך וואס אויב וואלט יענער זעלבע זאכליכע תגובה געשריבן געווארן דורך 'היימישער ליטוואק' וואס בן גריונ'ס קיבוץ גליות קריצט מיר נאך אין די אויגן וואלט זיך עס זיכער שווערער גע'לייקט, און כ'האב גארנישט קעגן היימישער ליטוואק איי עקשועלי לייק הים, ער איז מער טאלאנטפול ווי מיר.

יעצט נאך איינער וואס פארלירט מיינע לייקס, איז למשל קאך-לעפל, לעצטענס האב איך אים עטליכע מאל געוואלט לייקן אינעם עירמאנט אשכול למשל, (איינס האט ער יא באקומען). -- אבער מיינע פרינציפן לאזן מיר נישט לייקן איינעם וואס האט שוין 100 לייקס און געלייקט האט ער נאר 4 מאל... דא פיל איך ווי יענער אפרישיעט נישט א לייק, איז עס סתם ארויסגעווארפן ענערגיע, יעדער איבעריגער דרוק מיט'ן מייזל ברענגט נענטער די גלאבאלע ווארמינג.

ווייטער האט מיר לעצטענס א נייער שגעון אנגעכאפט, ווען איינער שרייבט צו פערפעקט איז עס דייקא נישט אן אינוויטעישאן פאר א לייק, כ'קען נישט פונקטליך פינפוינטן די סיבה, כעל עס דארפן דורך רעדן מיט מיין לאקאלן פסיכיאטער. עפעס יא סימנים זענען דא אז ס'גייט סינאנים מיט קיהלקייט, איי וועט שמעקעדיג זיך רעגן וואס איז ער שולדיג, דארף מען יעצט אנהייבן שרייבן קרום? ניין, אבער פון קרום ביז דייטשישע פונקטליכקייט איז א מהלך. און כ'מיין נישט קיינעם, ווי באקאנט האמיר דא אסאך אזעלכע גאר פערפעקטע שרייבערס. כ'זאג נאר את אשר אם לבבי. און אויב וועט איר באמערקן האב איך שוין א שטיק צייט אנגעהויבן שרייבן דוקא נישט אזוי פערפעקט, א 'נולד מאחור' סטייל תגובה האט אנגעהויבן נושא חן זיין ביי מיר, ס'שרייט פון זיך עניוות.

און ווען איינער שרייבט הומאר, א אייגענעם וויץ אדער סארקאסטיש אויב ער ענדיגט עס צו מיט 3 פינטעלעך האט עס מער טשאנסן פאר א לייק ווי אויב ער ענדיגט עס צו כאילו דא איז גארנישט פארגעקומען... אפילו איך כאפ דעם וויץ פארשטייטזעך. דאס איין פינטעלע נאך סארקאזם שמעקט פון פוסטע גאוה.

יעצט וואו זענען מיינע טאבלעטן?

[בדחן]

מיינע צוויי סענט אינעם אשכול, קודם וויל איך שרייבען א קליינע פוינט, צוויי ניקים האבן מיר געשיקט א אישי זיך אנטשולדינגען פאר וואס זיי קענענן זיך נישט אנעמען פאר מיר ווייל זיי האבן מורא אז טאמבל סאוס וועט זיי אויך צומאלען און זיכען זיך נישט קיין פראבלעמען, אזוי בין איך געוואר געווארען מיין נאמען איז דא. (אני כשלעצמי וואלט נישט אריינגעקימען דא ווייל די ענין פון לייק׳ס אינטערסירט מיר נישט), איך וועל איבערשרייבען וואס איך האב געענפערט אין אישי, ייש״כ פאר די חיזוק אבער עס איז באמת נישט וויכטיג, ווייל ווי לאנג מיין מיינוג איז די אנגענימענע מיינוג און גאס און איך קען מיר אינדעפעצירען דערמיט סיי ווי און די טריי סטעיט עריע בין איך אקעי, משא״כ טאמבל סאוס מיט זיינע קינדער דארפן גיין צו די מגלחים זיכען חיזוק דארט ווי מען לערנט א משנה א טאג און מען זינגט אמר רבי עקיבא.

בנוגע לייק׳ס, איך האלט אז די גאנצע זאך דארף א טויש, און אויב עפעס זאלן לייק׳ס עקספייערען נאך א אפשניט פון דריי חדשים ווייל עס קימען כסדר צו נייע גיטע געלונגענע שרייבער׳ס און די אלט געזעצענע האבן א אבנענערמאלע אויבערהאנט און די וואס דארפן די לייק׳ס קענענן נישט קאמפיטען,

איך וועל עס אביסל בעסער מסביר זיין, באמת איך פארשטיי נישט פינקטליך די אמת׳ע בענעפיט פון די לייק סיסטעם, אויב איז עס געמאכט געווארען במקום ייש״כ דאן איז עס - לדעתי - א דורכפאל בעסער וואלט געווען אז מען נעמט עס אוועק און מען זאל צושרייבען א ייש״כ, וכן אני נוהג, עס האט א גרעסערע חשיבות און עס העלפט זייער פאר א דיסקאשען ווי מער מענטשן עס שרייבען, און אויב די לייק סיסטעם איז געמאכט געווארען צו געבן א שטיפ פאר שרייבערס צו שרייבען, וואלט מען געדארפט מאכען ווי איך האב פריער געזאגט אז לייקס זאל עקספייערען פיר מאל א יאר און עס זאל זיין אמת׳ע קאמפעטישען. העכסטענס זאל מען צולייגען א vol.נומבער, למשל יידל וועט האבן 45 עקטיוו לייקסכך וכך לייק׳ס, טאטעל 2334 וואס די לעצטע נומבער וועט זיין די עקטיוו לייק׳ס אינאיינעם מיט די אוםעקטיוו לייק׳ס,

אני כשלעצמי לכתחלה גדר גדרתי בעדי נישט צו געבן קיין לייק׳ס, ווייל דעתי נוטה אז א לייק איז ווי גלייך מען האט געשריבען די תגובה מען איז מסכים דערצו, און וויבאלד איך וויל נישט שרייבען שלא ע״פ תורה, און אויף זייער אסאך תגובות בין איך געווען אומזיכער צו עס איז אויסגעהאלטן אדער נישט שערפאר משום דרכי שלום האב איך אינגאנצען נישט געגעבן קיין לייק׳ס, אזוי אויך איז דא געווען זייער אסאך סומאכטע אשכולות ווי מען האט גערעדט אויף אידן, און איך האב א פאלאסי איך רעד נישט קעגן קיין שום איד, ניטאמאל א מחלל שבת, דערפאר האב פון אנפאנג קיינעם נישט געלייק׳ט, אבער ווי באלד מען האט מיר קריטעקירט דערויף מען האט עס נישט פארשטאנענן האב איך מיר גענימען לייק׳ען און איך זיך צו לייקען קורצע אינהאלטלאזע תגובות אזוי אז איך זאל נישט נכשל ווערן, איך וואלט מסתם געהאט מער לייק׳ס אלמלא איך לייק ווען אבער איך זיך עס נישט עס אינטערסירט מיר נישט.

[זר זהב]

אין אייוועלט באשטייען גאנצעטע שטיקער אשכולים מיט סמייליס און שכח'ס. ווען מ'זעהט דארט אן אשכול וואס איז פריש אויב אן דארף מען טראכטן 2 מאל צי ס'פעלט אויס אריינצוגיין ווייל גרויסע טשאנסן איז אז איינער האט זיך פשוט דערמאן צוזאגן "שכח". און דאס קריכט אויף די נערווען. דאס איז די גרעסטע מעלה פונעם לייק סיסטעם.

[מאטי]

זר יישר פאר די קאמפלומענט רעדנדיג פון לייקס קען איך מיר נישט צירוקהאלטן פון אנווייזן אז ביי דיינע ערשטע 5000 תגובת ביזטו אנגעקומען צו סך הכל 1100 לייקס (איינער האט דאס פאראייביגט ערגעץ דא אין שטיבל) און בלויז מיט 1500 תגובת מער האט דאס דיר א שטופ געגעבן פאר אויס צו דיין צווייטען אלף דאס איז בערך א 42% העכערונג לייקס פער תגובה
so whatever you do to improve your quality of posting keep it up....

[געפילטע פיש]

ער שרייבט ער דאך און זיין חתימה, "כ'האב טאטאלי געטוישט פערסאנאליטעט".
(די און אנשטאט אין איז ספעשל פאר דיר, זר)

[זר זהב]

(די און אנשטאט אין איז ספעשל פאר דיר, זר)

ניין, גראדע דאס טאלעריר איך נישט...!!
----

אה הערשט יעצט (1:30) כאפעך וואס דו מיינסט... לאל