קליינקעפיגקייט והמסתעף

[יואב]

ס'איז נישט קיין סוד אז פילע מוחות צווישן אונז וועלעכע זענען סוקסעספול אינסטאלירט געווארן אין קאפ ביים געבורט, טוהן אבער אנדערש ווי אנדערע ארגאנען, פשוט נישט וואקסן. און דאס איז טראץ דעם כמעט אומלייקנבארע "פאקט", אז אשכנזישע אידן זענען קלוגער.

ארבעים לבינה שיינט נישט צו זיין א שווה לכל נפש גארענטי, מ'שטיינס געזאגט אז ס'איז געפרוירן טוהט עלטערן זיך העלפן קנאפ. סך הכל מערט זיך יערליך א שיכט אייז ארום די מוח צעלן, גענוי ווי דעם עקלהאפטיגן Plaque וועלעכע באצירט די יעניגע ציין. וואס אלמלא חשש חמץ, וואלט דאס נישט געשיילט געווארן אפילו ערב פסח.
און דאס אז די קאפ איז אויסגעשארפט ווייל מ'לערנט גמרא, גילט אפשר ביי מאטעמאטיקס וכדו', אבער ווען עס קומט צו קאמאן סענס זעהט עס נישט אויס צו זיין עפעקטירבאר. או יאמר אויב דאס איז שוין מיט'ן גמרא קאפ, שטעלט אייך פאר מ'נעמט דאס אויך אוועק.

אויף זאצן און אקטיוויטעטן האב איך שוין געפענט אן אשכול, כ'ווייס טאקע נישט פארוואס אינעם שמייכל אפטיילונג. אויך מיר א געלעכטער.

איך וויל ווידמען דעם אשכול מער אויף די סטרוקטור פונעם מח וויאזוי צו פארמירן מיינונגען, אדער פאסן באשלוסן, איבער דברים העומדים ברומו של עולם, מייסטענס זאכן וועלעכע געהערט נישט צו אידישקייט ענינים.
איך בעהט מ'זאל חלילה נישט אראפרייסן הלכות, אדער פראקטעצירונגן פון סיי וואספארא אקטועלע אידישקייט זאכן.
און אפילו זאכן וועלעכע אנבלאנגט מנהגים אדער חסידישקייט זאכן, בעהט איך מ'זאל נישט דא שרייבן, עס איז פארהאן אנדערע אשכולות דערפאר.

א ביישפיל איז דער עקסטרעמען געשווירענעם זיכערקייט אדער עקסטרעמקייט וועלעכע שוועבט בתוכינו, איבער אלצדינג וועלעכע ווערט דיסקוסירט אונערהאלב די ראמען פון מקוואות, פארברענג פלעצער (?), און איבעראל ווי טענער הייבן זיך צוליב נאכנאנדיגע סאמעטוכעס, היימישע און וועלטליכע צוגלייך.

טעאריעס, קווענקלענישן, ספיקות, אומזיכערקייט, איז כמעט ווי ארויסגעשניטן פונעם ווערטער בוך. אלעס איז א "פאקט".

ווען ס'האנדלט זיך איבער א געוויסע סקאנדל פון א מאלעסטער וכדו', פאקטישע באווייזן ווי קאמעראס וכדו', זענען פארהוילען, און מ'דארף זיך פארלאזן אויף מענטשן.
דאס אין אנדערע ווערטער מיינט, אז כאטש יעדער האט רעכט נוטה צו זיין צו א געוויסע צד, באזירט אויף סיי וואס, איז עס קיין פאקט אדער 100%'דיגע זאך. און דער פולקאמער אמת ווייסן בלויז די בעלי המעשה, וועלעכע וועלן נידערן דערמיט אין קבר.
אבער דאס וועט בכלל נישט זיין קיין סיבה פאר געוויסע זיך אפצוהאלטן פון פאסן בלוט געזיגעלטע מסקנות איין וועג אדער די אנדערע, אן איבערלאזן אפילו א קליין פלאץ ליידיג פאר קווענקלענישן.
איינער וועט זיך שווערן אין מוכאמעד'ס בארד אז "ס'אוממעגליך" יענער זאל האבן באגאנגען אפילו ענדלעך צו אזא אקט,"אלעס" איז הוילע ליגענט, בילבולים, און פוסטע דימיונות. א צווייטער האט קיין ספק אז ס'אמת, און ווייסט שוין יארן פאר א "פאקט" אז יענער איז א געשוואלענעם אלטרא מניבל, און האט שוין אפגע'חזיר'ט צענדליגע. און אט די מיליאן פראצענטיגע זיכערקייטן ווערט זאגאר געליפערט מיט שטאלץ צו די מידיא, און דערמיט העכערט מען טאקע דעם אלוועלטליכע אנערקענונג צום עם נבון וחכם.

קאנספעראציעס. אדער איז אלעס אמת ויציב, אזש אלעקס דזשאוינס אליין, האט מורא אלצדינג צו אנפלעקן אויס זארג מ'וועט אים "אויך" אראפרוימען.
אדער איז לא דובים ולא יער. יעדע זאך וואס גרעניצט זיך מיט קאנספעראציע, אפילו ס'דא גאנץ מעגליכע באווייזן, איז דאס הוילע פאנטאזיעס געוועבט דורך מאדנע עלעמענטן מיט כל מיני מאטיוון.

גלאבעל ווארעמינג. געוויס 95% פראצענט חברה ביים ציבור, וועלעכע שטייען אין שפיץ פון דיסקוסירונגען איבער דעם נושא, האבן קיינמאל עכט דורכגעטוהן די זאך. (95%, איך ווייס נישט פאר א פאקט,בלויז אן השערה.) אבער אנשטאט פשוט נוטה צו זיין אין א געוויסע זייט, פאר סיי וואספארא סיבה, ווערט דאס אפגעפרעגט אין א רגע, באגלייט מיט א שנעלן נייג מיט די האנט. סארא שטותים.

אדער איז יענער רבי א שגץ ימח שמו'ניק, אדער א קדוש וטהור בעל רוח הקודש.

אט האב איך אויסגעשאקלט פון ארבעל עטליכע ביישפילן פון 100 צו 0 זיכערקייטן, עס איז פארהאן צאלאזע ביישפילן איבער די קליינקעפיגקייטן.
*ביטע נישט מאנעווירן דעם אשכול צו טעאלאגישע טעאריעס וכדו'.

[שמעקעדיג]

יואב דו ביסט קעש.......

מענין לענין, ענליך צו דיר האב איך געשריבן אין דעם אשכול, בעניני קריטיק:

און דאס איז לאו דוקא ביי מאנופעקטשורערס. מען קען דאס טרעפן סיי וואו. יעדער האט דאך אן אפיניאן אויף אלעם, און יעדער ווייסט דאך בעסער פונעם צווייטן, ווייל טיף אין הארצן ווייסט "נאר ער" דעם אמת, און חוץ אים קיינער! צום ביישפיל, עס איז דא דער פרעזידענט, ווייס פרעזידענט, מיט אלע יוצר משרתים און געהילפן, חכמים ונבונים אויף אלע געביטן, פינאנציעלע ווי זיכערהייט, אינערן און אויסערן מיניסטארן, מיט יארן ערפארונג, און אסאך טרעינינג דורך קאלעדזש און דורך פאקטישע שימוש אין די פאליטישע קארידארן, אבער זיי זענען אלע א באנדע שוטים. אפאר היימישע ראצערס אין מקוה אדער קאווע שטיבל פארשטייען פיל בעסער, און ציילן זיך צווישן די קלוגע קריטיקירער. זיי וואלטן געקענט מאכן ארדענונג אויף דער וועלט אין 5 מינוט, און זיי פארשטייען נישט פארוואס די רעגירונג שמועסט זיך נישט אדורך מיט זיי אויף טריט און שריט.

און דאס איז נאר געציילטע דוגמאות, ווייל די סארט חברה טרעפט מען איבעראל. פון די קריטיקירער אויף געוויסע סיסטעמען, ביז קריטיקירער אויפן 'בילדער' וועלכער האט געבויעט דעם בנין ("אזוי נאריש! ער וואלט געדארפט מאכן דארט אנדערש"!), אדער דעם גראפיקער וואס האט זיך געפלאגט אויף א עד, אדער דעם רעדנער, אדער דעם מוסד, אדער דעם געשעפט וואו ער האט איינגעקויפט, דעם שדכן, דעם טעיפ/אלבום, דעם מוזיקאנט/זינגער, דעם עושר, דעם ראש הקהל, גבאי צדקה, אדער א אויסגאבע וואס ער האט געליינט.... יו נעים איט!

אינטרעסאנט נאר אז די אלע קלוגע דרייען זיך ארום מיט א נארישן דזשאב פאר קוים 10 דאלער א שעה אדער בכלל ארבעטסלאז, און זייער איינציגע קוואליפיקאציע איז צו פארשטיין בעסער פון אנדערע...

[אויס מענטש]

איי עם סארי הרב יואב אבער דאס איז די נאטור פון דעם עם ישראל.
אלץ איז מען זיכער,
מען קען אפי' זיין זיכער היינט אויף איין זייט, און אויפצומארגנס זיכער אויף די פונקט פארקערטע זייט, און געוויסע טוען דאס בהידור רב ביי דעם זעלבען שמועס געוואנדן און די בליקן און צושטימונג פון די צוהערער.

הה"ד אין לך שמחה כהתרת הספיקות.
צו וואס זיך צו מוטשענען מיט ספיקות ? ווען מען קען זיין זיכער! איי אפשר איז נישט דער מציאות אזוי, און עס קען נאך נתגלה ווערן אנדערש? נא ! אויך מיר א פראבלעם, מען קען דאך טוישן די זיכערקייט נאך שנעלער ווי דער להט המתהפכת.
איז במילא טייערע ברודער צוליב וואס זיך מוטשענען מיט ספיקות ????!!!

[[NAMELESS]]

יואב, די ביסט א געבענטשטער מענטש, געלויבט זאל זיין די טאג וואס די ביסט געקומען בצל קורתנו!

[יידל]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

[[NAMELESS]]

הדא הוא דכתיב טאלעראנץ.
עס איז טאקע א פלא א מענטש וואס איז קלוג און האט גאר גרונטליך ארויס זיין שיטה, ער האט שוין אסאך געליינט ראיות און הוכחות צו זיין שיטה, איז מער טאלערענץ צום צד שכנגד ווי דעם קליינעם פויערישן אנהענגער וואס "גלייבט" אין די שיטה אן וויסן קיין סאך דערוועגן. בקיצור דער קליינער פארענטשע אנפילער איז מער חסיד ווי דעם משב"ק וואס ווייסט גאנץ פיין אז עס פויגלט נישט אזוי.

[יאיר]

הדא הוא דכתיב טאלעראנץ.
עס איז טאקע א פלא א מענטש וואס איז קלוג און האט גאר גרונטליך ארויס זיין שיטה, ער האט שוין אסאך געליינט ראיות און הוכחות צו זיין שיטה, איז מער טאלערענץ צום צד שכנגד ווי דעם קליינעם פויערישן אנהענגער וואס "גלייבט" אין די שיטה אן וויסן קיין סאך דערוועגן. בקיצור דער קליינער פארענטשע אנפילער איז מער חסיד ווי דעם משב"ק וואס ווייסט גאנץ פיין אז עס פויגלט נישט אזוי.

בענין זה האט איינער פון די גדולי הדור זיך אמאל אויסגעדרוקט: אומוויסנשאפט ברענגט מער זיכערקייט ווי וויסנשאפט.

[ממרום שלח אש]

יואב, קוקט מיר אויס ווי דו האלסט אז כלל ישראל איז פרעצעניואל מער געשלאגן אין דעם.
אויב סאיז אזוי וועל איך צושטימען צו דיין הנחה, ולאו מטעמיה, נאר וועגן די פאלגענדע ווארט (מיט מיין טוויסט)

"די אונגארישע זענען נאראנים ווייל זיי גלייבן אז די אונגארישע זענען טאקע נאראנים"

[יאיר]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

וויפיל פראצענט לאזטו איבער פאר'ן צד אז דער קליינקעפיגער איז גערעכט מיט'ן זיין קליינקעפיג?

[ממרום שלח אש]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

לויט דיר קען א ברייטקעפיגער "מאמין זיין באמונה שלמה"?

[יידל]

ווענדט זיך וויאזוי מ'דעפענירט דאס.

[יידל]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

וויפיל פראצענט לאזטו איבער פאר'ן צד אז דער קליינקעפיגער איז גערעכט מיט'ן זיין קליינקעפיג?

זיין קליינקעפיג איז נישט קיין שיטה נאר א trait. עס איז לכאורה(...) אוממעגליך צו זיין קליינקעפיג ווילנדיג.

[טאמבל סאס]

פארוואס זאגסטו אזוי? איך קען אומצאליגע קלוגע מענטשן וואס ווילן בשיטה זיין קליינקעפיג. זענען נישט אינטרעסירט צוהערן דברי חכמה. קאמען סענס. אבער ווען ס'קומט למשל צו חכמת התורה זענען זיי גאר גוט דערין.

[יאיר]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

וויפיל פראצענט לאזטו איבער פאר'ן צד אז דער קליינקעפיגער איז גערעכט מיט'ן זיין קליינקעפיג?

זיין קליינקעפיג איז נישט קיין שיטה נאר א trait. עס איז לכאורה(...) אוממעגליך צו זיין קליינקעפיג ווילנדיג.

הממ. האסט שוין אמאל געהערט פון די באשעפעניש וואס רופט זיך 'חרדי'?

[יידל]

אפשר איז "שיטה" נישט געווען די ריכטיגע אויסדרוק. וואס איך מיין איז אז "ברייטקעפיגקייט" און שמאל/קליינקעפיגקייט" זענען נאטורן, נישט אידיאלאגן. מעגליך אז איך בין זיך טועה.

[ממרום שלח אש]

ווענדט זיך וויאזוי מ'דעפענירט דאס.

עלאבאריר ביטע

[מאטי]

אפשר איז "שיטה" נישט געווען די ריכטיגע אויסדרוק. וואס איך מיין איז אז "ברייטקעפיגקייט" און שמאל/קליינקעפיגקייט" זענען נאטורן, נישט אידיאלאגן. ״מעגליך אז איך בין זיך טועה״.

האמיר שוין א סוקסעס סטארי פאר די הודעה.

[יידל]

ווענדט זיך וויאזוי מ'דעפענירט דאס.

עלאבאריר ביטע

עפן אויף א באזונדערן אשכול.

[דעת תורה]

שוין געשריבן אמאל ביי א געלעגנהייט, סאיז א שאד די צייט און מי מצד די קאווע שטיבל ליינער, וואס זענען אין גרויס חלק קלוגער פונעם רוב המון עם. הערט אויף צו קוקן אין די ריכטונג א גאנצע צייט, מען דארף איינמאל גוט אריין נעמען דעם פאקט אין קאפ, און פערטיג. רוב ציבור איז נישט די מערסטע קלוג, רוב עולם פארשטייט אן ענין נאר ביז דעם דקות שבו, און זיי קענען נישט אדער ווילן נישט עומד זיין אויפן אמת'ן שפיץ נקודה וואס אליבא דאמת ארום דעם דרייט זיך אלעס, און א קליינער חילוק ביים יסוד טוישט דעם גאנצן בילד. הער אויף צו מעסטן א זאך לויט די נארישע רעאקציע וואס דו באקומסט פון רוב מענטשן, און הער דיך אויף צו בייזערן דערויף, אנערקען דעם מצב אז דאס איז עס, און ספראווע זיך דערמיט.

[יואב]

שוין געשריבן אמאל ביי א געלעגנהייט, סאיז א שאד די צייט און מי מצד די קאווע שטיבל ליינער, וואס זענען אין גרויס חלק קלוגער פונעם רוב המון עם. הערט אויף צו קוקן אין די ריכטונג א גאנצע צייט, מען דארף איינמאל גוט אריין נעמען דעם פאקט אין קאפ, און פערטיג. רוב ציבור איז נישט די מערסטע קלוג, רוב עולם פארשטייט אן ענין נאר ביז דעם דקות שבו, און זיי קענען נישט אדער ווילן נישט עומד זיין אויפן אמת'ן שפיץ נקודה וואס אליבא דאמת ארום דעם דרייט זיך אלעס, און א קליינער חילוק ביים יסוד טוישט דעם גאנצן בילד. הער אויף צו מעסטן א זאך לויט די נארישע רעאקציע וואס דו באקומסט פון רוב מענטשן, און הער דיך אויף צו בייזערן דערויף, אנערקען דעם מצב אז דאס איז עס, און ספראווע זיך דערמיט.

קוקט אויס ווי איר זענט געדינגן צו פארטיידיגן יעדע סארט זאך וואס קען אויסגעטייטש ווערן מ'מיינט צו אטאקירן כלל ישראל.
איך האב דאס גראדע נישט געשריבן אמאל, אבער צו וואס קוקן אין ריכטונג פון קאווע שרייבערס.
פארשטיי זיי זענען אנדערש ווי דעם אלגעמיינם ציבור, הער זיך אויף בייזערן דערויף, אנערקען דעם מצב אז דאס איז עס, און ספראווע זיך דערמיט.
נעווערמיינד. איך בין א שטארקע פען פון אייך, באמת.

יעצט צום פוינט. קודם כל האלט איך אז זייער אסאך פראבלעמען נעמט זיך בכלל נישט פון וויסטע במזיד'יגע כוונות, נאר איז בלויז א רעזולטאט פון לייכטזיניקייט אדער פארמאכטקייט. דעריבער ווען מ'טוהט אויפמערקזאם מאכן די חברה, דערהערן זיי דאס, און פארבעסערן זיך.

צווייטנס, אנדערש ווי פעילדמעסייע וכדו', זיצן נישט (אלע) חברה דא, און ווארטן אויף פרישע שטאף און סקאנדאלן, וועלכע זאלן טאנצן הארע אויפן אויבערפלאך.
פארקערט. בתוך עמי אנכי יושבת, און דער בלוט גייט מיר ארויף אין קאפ ווען דער עם נבון וחכם איז פארזינקן אין די נ' שערי קליינקעפיגקייט,
די מח פארקלאפט ווי די בתי מדרשים דורך די יוונים, און שכל פארגליווערט ווי דער מקווה יום טוב שחל להיות בשבת.
אז עס שפאצירט עטליכע חסידיש געקליידטע מענער פארענט פון נאצינאלע מידיא נעצן, אדער ווען מיר דארפן דאבאטירן וועלעכע צייטונג האט די ווייניגסטע נעגאטיווע באריכט איבער אונזער סאמאטוכעס וועלעכע שטייגן איבער די היישעריקן אין מצרים, און מאכן כלל ישראל ללעג ולקלס ערגער ווי המן האט זיי אראפגעלייגט, טוהט מיר דאס וויי. און אז עס טוהט וויי שרייט מען. אלס יודישער פאטריאט, אלס מיטגליד פון א געזעלשאפט, און אלס טאטע פון א פרישן דור וואס פאשעט אין דעם פעלד, באדערט מיר עס. איז אזוי שווער צו פארשטיין ?

[יואב]

יואב, קוקט מיר אויס ווי דו האלסט אז כלל ישראל איז פרעצעניואל מער געשלאגן אין דעם.
אויב סאיז אזוי וועל איך צושטימען צו דיין הנחה, ולאו מטעמיה, נאר וועגן די פאלגענדע ווארט (מיט מיין טוויסט)

"די אונגארישע זענען נאראנים ווייל זיי גלייבן אז די אונגארישע זענען טאקע נאראנים"

איך ווייס נישט צו כלל ישראל איז מער געשלאגן דערין, און איך וועל לאזן די שרייבערס אויף עווענגאליסטישע בלאגס, זיך ספראווענען מיט זייערע קליינקעפיגקייטן, און די שייאיטן זיך בייזערן אויף זייערע חזיריי.
איך אלס איד וואס זיפט קאווע צווישן חסידים מיט געביסענע קאצקציקער. און טובל'ט זיך אין האריגן מקווה ווי מ'בלאזט די נאז מיט די האנטוכער.
וועל אויפמערזאם מאכן קורץ קעפיגקייטן שאדם דש בעקביו, וואס האט זיך אנגעקלעבט בתוכינו ווי א ראציג טישו אויף שיך, און ווערט נאכאנאנדיג פראקטעצירט ווי כאילו ס'איז הלכה למשה מסיני, אין א סבלנות'דיגע רוטינע פארמאט.

צווייטענס, אויב ווילן מיר גיין מיטן הנחה אז אידן זענען קלוגער, זענען מיר אומפראפארצינאל מיט די אומות העולם ווען ס'קומט צו זאכן וועלעכע אנבלאנגט דעם מוח. ווי דער הומאר געשוועלענעם גוט זאגער האט זיך אויסגעדריקט, "אז דו קענסט יא ! קומט זיך דיר טאקע פעטש".

[יואב]

יואב זאגט א טיפע זאך, אז ממידת בעלי ברייטקעפיגקייט איז צו האלטן דעם מוח אפן צו די מעגליכקייט אז די אנדערע צד איז גערעכט. פארשטייט זיך אז עס איז שווער צו אויסרעכענען פונקטליך מיט וויפיל פראצענט מ'איז זיכער אין עפעס און וויפיל פראצענט מ'לאזט איבער פאר די מעגליכקייט אז מ'איז זיך טועה, אבער מ'דארף קענען איבערלאזן אפאר פראצענט אז דער צד שכנגד איז גערעכט.

ענדליך צו דעם האב איך געשריבן כלפי שרגא'ס אונטערשריפט, הגם דארטן מער אינעם פיליזאפישען געביט.

איך בין שארף מחולק, איך וואלט געזאגט אז "מסקנות" איז א מאנגל אין אינפארמאציע, זינט ס'אוממעגליך צוריקצודרייען היסטאריע,און אינפארמאציע איז כמים שאין להם סוף.
קווענקלענישן עפענט דיך דיין אויגן אין צענטער פון א ענדלאזע קוואל אינפארמאציע, און גיבט דיר אלץ דער געלעגנהייט צו נייגן איין וועג אדער דער אנדערן נאכפאלגענדיג נאך און נאך אינפארמאציע וואס ווערט געזאמעלט, צומאל לכאן און צומאל לכאן. משא"כ מסקנות, ווי לאנג די לעבסט ביזטו נאך אלץ אונטערשטעליג מיט אינפארמאציע.

לדעתי א טיפה סרוחה וועלעכער כאפט א טבילה אויף דעם עולם השפל פאר עטליכע דעקעיטס, ער האט נישט קיין אהנונג וואס עס איז געוועזן פאר אים, און ווייסט נישט וואס ס'וועט זיין דענאך, און קוים וואס ער קען זיין גענוג קלאר מיטן הווה, קען נאר ווייניג אינפארמאציע אים פירן צו פאסן מסקנות.

[יואב]

איי עם סארי הרב יואב אבער דאס איז די נאטור פון דעם עם ישראל.
אלץ איז מען זיכער,
מען קען אפי' זיין זיכער היינט אויף איין זייט, און אויפצומארגנס זיכער אויף די פונקט פארקערטע זייט, און געוויסע טוען דאס בהידור רב ביי דעם זעלבען שמועס געוואנדן און די בליקן און צושטימונג פון די צוהערער.

הה"ד אין לך שמחה כהתרת הספיקות.
צו וואס זיך צו מוטשענען מיט ספיקות ? ווען מען קען זיין זיכער! איי אפשר איז נישט דער מציאות אזוי, און עס קען נאך נתגלה ווערן אנדערש? נא ! אויך מיר א פראבלעם, מען קען דאך טוישן די זיכערקייט נאך שנעלער ווי דער להט המתהפכת.
איז במילא טייערע ברודער צוליב וואס זיך מוטשענען מיט ספיקות ????!!!

מסתמא זענט איר סתם סארקאסטיש, אבער ווי ווייט איך ווייס איז דאס נישט כלל ישראל'ס נאטור.
כ'רעד נישט פון דעם עצם עם קשה עורף נאטור, וואס דאס בדרך כלל דערווייטערט גאר פון זיכערקייט. קוק אויף אונזערע חכמים.
אנגהויבן פונעם רמב"ם דער אידישער שטאלץ, א מוסטער פון א ראצינאלן מעסיגער מענטש, און צו א ענדלאזע ליסטע פון אונזערע גדולים.
אפילו רש"י הקדוש האט פיל מאל געשריבן איני יודע.
איך גלייב איר האלט נישט אז אין לך שמחה כהתרת הספיקות מיינט דאס, ווייל אין אונזער פאל איז דאך נישט פארהאן בכלל קיין ספיקות, און דער שמחה וועט זיין התרת מסקנות.