אויסשליסליך צו קאווע שטיבל - דער היסטארישער "W" סאמאטאכע!

[יואב]

אנגעהויבן האט זיך עס זייער ארגינעל. די באקוועמע אונגארישע אידן האבן פשוט מחמת זייער אקצענט געצויגן צו פראנאנסירן דעם פארהאסטן W מיט א V.
כ'מיין זיי וואלטן זיך גאנץ גוט געקענט פארטיידיגן און א דיבאטע איבער דעם, אנווייזענדיג אויף די נידריגע ערלים וועלעכע אימעגרירן פון אזיע צו מזרח אייראפע, און זייער אקצענט איז אזש ארגער ווי די אזוי גערופענע ענגליש טיטשערס ביים היימישן ציבור.

צווייטענס, א האליקאסט איבערלעבער האט מען זיך געפרייד אז ער רעדט. זאל ער זאגן 'העוועס' סטריט מיט א פאריסענעם שטאלץ. גיי נאר קיין העוועס און קאך גוסטאש עסן, טרעף דיר מיט די נעיניס און שטראל פאר פרייד אז איר קענט פלוידערן אין אונגאריש ביתר עז.

מיט די יארן איז דאס טראנספארמירט געווארן אלס א חומרא, א לפנים משורת הדין אקט, א קדושה'דיגן איניצאטיוו, א הידור, אא"וו.
מ'שטיינס געזאגט, אז ס'קאסט מילא נישט קיין געלט, קען מען דאך זאגן א V אין ערזאץ. "דער גוי פארשטייט פונקטליך וואס איך מיין", האט אן אנטשלאסענעם אנהענגער פון דעם איינפאל זיך געוויצעלט פארענט פון א גרופע מסופק'דיגע אינגעלייט.

שפעטער איז דאס שוין אדאפטירט געווארן אלס אפיציעלע הארטנאקיגן אידילאגיע, און זיך באנוצן מיטן "W" לעטער האט אנגעהויבן קלינגען מאדערן.

יארן זענען זיך פארלאפן, און יעדער לפי ערכו האט זיך יא צו נישט באנוצט מיט דעם דאבעליו, אבער אן קיין פאדערונגען אדער פארלאנג פונעם טיפישן המון. אזוי ווי ס'גוי'שט זיך אזוי אידיש'ט זיך, און פארטיג. גיי שלאג זיך מיט א וועלט, ס'איז א שאד די צייט.

למעשה זעהנדיג דעם חורבן וואס דער מתיוונישער פעך W האט אנגעזייעט, ובפרט אין אזא אינטערנעט עפאכע, וואו מיט איין קנעפל קען מען אויסשטעלן לאנגע שורות דאבעליו'ס, און סקונדעווייז קען דאס געזעהן ווערן אויף א גלאבאלן פארנעם לכל מאן דבעי, האט א פארבאט אויף דעם W הנודע לשימצא ערהאלטן ברייטע שטיצע, און גענאסן פון ווארימע הילף צווישן די מאסן.

א פירענדע פיגור אונערהאלב דעם חרם קאמפיין איז געגאנגען אזוי ווייט ווי ערקלערן אז ס'ענדערש מ'זאל זאגן דעם "מ" ווארט, (מש*גע) ווי איידער זאגן דעם טרייפענעם דאבעליו. אן אויבער חכם האט אנגעפרעגט דערנאך צו ס'טאקע ממש אזוי, און ער האט זיך פשוט ארויסגעדרייט פון ענטפערן.

א צווייטער מער אן אגרעסיווער, איז געגאנגן א דעמאניסטראטישן טריט ווייטער, און בפומבי מתיר געוועזן איינצוקויפן ביי "וואל-מארט", אבי מ'זאל זאגן וואל-מארט מיט א V.
איבריג צו זאגן אז א שטורעם איז אנטשטאנען איבער אזא אומדערהערטן פסק, אזש ער איז געצווינגנערהייט ארויסגעקומען בריש גלי, זאגענדיג אז מ'האט פשוט און פראסט ארויסגענומען זיינע ווערטער פון קאנטעקסט. ער האט דאן קלארגעשטעלט אז דאס וואס ער האט מתיר געוועזן גיין קיין וואל מארט, האט ער זיך בלויז באצויגן איבער "צוריקטראגן" די עלעקטאראנישע כלים וואס מ'האנדלט זיך איין פאר סעזאנאלע צוועקן, און ווי פארשטענדליך דינען נישט די אידישע הייזער אלס וואל-מארט'ס סטאריטש, האט ער שטייף געדינערט. וואל-מארט זאל מוחל זיין און צוריק נעמען דעם הייצער נאך ווינטער, און דעם עירקאנדישן נאך זומער. מ'דארף נישט יעדעס יאר באזונדער זיך אמפערן מיט די נארישע נאש פארשטאפטע קלאץ קעפ פון וואל-מארט, וועלעכע אנדערש ווי אפילו א כיתה ב' אינגל פארשטייען זיי נישט אז אן עירקאנדישן נוצט מען בלויז זומער, און מיר דארפן נישט דערלייגן אין די ווינטער חדשים דערפון, בלויז פארן חטא פון ארויסנעמען דעם מאשין איבערן זומער. סארא חוצפה.

דער אנטי ''W'' קאמפיין האט געשלאגן פאזעטיווע און עפעקטירבארע ווארצלן איבער חרידישע צענטערן ארום דער גארער וועלט, און זאגאר אריינגעדרינגען אינעם ווייטן מזרח, וואו רוסישע דיפלאמאטן האבן דא געזעהן א געוואלדיגן געלעגנהייט זייערע בירגער זאלן קענען געניסן פון אזא שטרענגן W פארבאט, בבחינת מלאכתם נעשה על ידי אחרים. פילע מזרח אייראפעישע פילאנטראפן האבן פארשפראכן פינאנציעלע הילף, און דער קאמפיין האט זיך ארויסגעלאזט אין א צולאזטען קדאטשקעדיגן שוואנג. חתימות איבער אזא פלאן האבן זיך געוואלגערט ווי די טויטע בהמות נאך מכת דבר, און סימפאטיע פון אלע שיכטן און קרייזן, האט זיך געגאסן דאבעלט ווי די ווילד הפקירות'דיגע ספאנדזשאס וועלעכע טוהט פארפלייצטן די עקסטרעם שמאלע מאה שערים געסלעך, וואו אפילו בלעם'ס אייזל וואלט זיך נישט געוואגט צו פירן בלעם דארטן, אפגערעדט וויפיל קלעפ ער וואלט אריינגעהויבן דערפאר.

עטליכע געניטע היימישע ביזנעסלייט - "אידישע קעפ'' שטייצעך, האבן שוין געזעהן א אוצר פון גאלד . קונקורענטן צו ערצייגן סאפיסטאקירטע "W" פילטערס זענען אריין אין פול געירס, אזש איין טויגליכע אינגערמאן האט פארשאפט העידליינס ביים פארשפרעכן נישט נאר צו בלאקירן דעם טריפה'נעם 'W' בבחינת סור מרע, נאר זאגאר דאס באלד פארוואנדלען און א "V" בבחינת עשה טוב.

עטליכע מהרסים אשר קרך'ניקס אויף די יעניגע בלאגס, די איפכא מסתברא ניקעס האבן געפריווט ווי אלץ דאס קאלט צו מאכן, אבער דער גייסט פון רעוועלוציע האט מען געקענט טאפן אין די לופטן, און ס'האט שוין מער ווייניגער אויסגעקוקט צו זיין א רויט געפארבטן ריאליטעט, געזיגלט מיט הייסע בלאטע געמישט מיט ליים.

פראקטישע אובער חכמים האבן מחליט געוועזן צו באהאלטן זאפאסן מיט דאבעליו'ס, וועלענדיג איבערקלוגן דעם דראענדע W פארניכטונג,
אבער דאס האט זיך ארוסגעשטעלט צו זיין אזוי עפעקטירבאר ווי די איינגעמאכטס וואס די מצרים האבן ג'סטאריטשט איבערצוקלוגען דעם הונגער.

אבער דא האט דער וואלקאנישער סאמאטוכע ספאנטאן אויפגעריסן מיט אזא מאסיווען קראפט, אזש איבערלעבער פון די היראשימא אטאם באמבעדירונג גיבן איבער אז די דעמאלטסדיגע אויפרייס איז געוועזן ווי א קליין צאנקערדיגע שוועבעלע אנטקעגן אזא קראפטיגן שטורעמישע סאמאטוכע.

וואסו ????????????? האבן זיך די שוויציגע טעלעפאנען אומגעראכטן ארויסגעגליטשט פון אונטער די שיצבארע טורבאנס, און די צונאמישע מקווה כוואליעס האבן איינגענומען א זעלטענעם שטילקייט...

הערט און שטוינט!

אן אלטער 102 יעריגן היסטאריקער וועלעכע האלט זיך אויף צווישן די גרעניצן פון מאנגויליא און קאזאקסטאן, און גיבט אן צו זיין דער לעצט פארבליבענעם איד דארטן, האט אין א געהיימע אינטערוויו פאר א פראמינענטע היימישע אויסגאבע אנדעקט ווי פאלגענד: נאכדעם וואס די נאציס ימח שמם האבן ערצייגט די סאפיסטאקירטן V-1 מיסילס, האט יאאכים וואן ריבענטראפ ימח שמו וזכרו ביי א געהיימער דינער בכבודו ובעצמו אים אנטפלעקט, אז כדי צו ערזעצן דעם פארשאלטענעם דאבעליו ,פלאנירן זיי די מעכטיגע V-2 באליסטישע ראקעטן, וואס וועט ווי ארויסשניידן מיטן ווארצל דעם דאבעליו. און דאן ציניש צוגעגעבן מיט זיין וויסטע אנטיסעמיטישן גרויליגע האס, "דער דאבעליו וועט זיך אייניגן מיט די יודן אין אוישוויץ''.

א באלדיגע היסטארישע אפרוף אויף דעם דאבעליו פארבאט האט געשיקט טרייסלדיגע סיגנאלן איבער די אלוועלטליכע מידיא נעצן, און נמנו וגמרו אז ווער ס'וויל פראקטעצירן דעם דאבעליו מעג ווייטער לכתחילה האלטן דעם דאבעליו אלס איינע פון די 21 פאר'יתום'טע לעטערס אין ענגליש, והמחמיר תבוא עליו ברכה.

[איך אויך]

יעס v קען.

[[NAMELESS]]

א W איז דארף באמת זיין נאך א שטערקערע V קלאנג ווי V ווייל עס איז צאמגעשטעלט פון צוויי V'ס. די נארישע גוים פארשטייען דאס נישט

[געפילטע פיש]

די זיסטע איז ווען די wanabe קילע זאגן W במקום V.

האסט געהערט? די wise פרעזידענט איז יעצט אויף wacation, ער איז געפארן מיט א גרויסע wan מיט די גאנצע משפחה.

[ברסלבער]

איך ווייס נישט פארוואס, אבער וויפיל איך מוטשע זיך ארויסצוזאגן דעם W ווי מען דארף, גייט עס נישט.
ווען איך דארף חזר'ן מיט מיינע טעכטער די ענגליש טעסט'ס פון סקול, פאלט מיר ארויס די ציינער, איך קען מיר נישט אן עצה געבן.
אפשר האב איך א הייליגע נשמה וואס לאזט מיר נישט ארויסזאגן דעם לעטער כדבעי?...

[דעת תורה]

אויף אונגאריש נוצט מען נישט קיין w?

[[NAMELESS]]

wow כמיין vov א שיינע קאנספיראציע. יש אומרים אז די פלאוריד וואסער ברענגט W שוועריגקייטן

[ברסלבער]

דאס האב איך שוין פרובירט, א שטיק צייט נישט געטרינקן די שעדליכע וואסער, אבער עס האט נישט געהאלפן, קען זיין אז אפילו זיך וואשן מיט די וואסער איז אויך שעדליך...

[[NAMELESS]]

די קאווע דאהי איז אויך גענוצט מיט אלגעמיינע פאר'סמטע וואסער וואס די זקני ציון האבן אינאיינעם מיט די אילומינאטיס אריינגעגאסן אויפן באפעל פון ראטשילד און די גוטהייסונג פון די נייע וועלט ארדענונג.

[ברסלבער]

דאס איז נישט יושר, אויב דאס איז אמת וואלטן די אויטאריטעטן פון קאווע שטיבל דאס געדארפט אריינשרייבן אין די טערמינאציעס און קאנדיציעס, אז מען זאל וויסן פון פאראויס אז דא קען מען פאר'סמ'ט ווערן. ה' ירחם.

[בעל הבית]

די גאנצע אשכול מאכט חויזק פון ערליכע אידן אז מיר האבן זיך נוהג געווען צו נוצן V אנשטאט W איז זיכער יסודותו בהררי קודש ווארט נאר ווען סוועט שוין שטיין אין מנהג ישראל תורה

[יואב]

א W איז דארף באמת זיין נאך א שטערקערע V קלאנג ווי V ווייל עס איז צאמגעשטעלט פון צוויי V'ס. די נארישע גוים פארשטייען דאס נישט

טאקע דאס איז געוועזן די כוונה פון די נאצישע רוצחים וועלעכע זענען קיין נארנים געוועזן. מ'וועט ערצייגן די V-2 ראקעטן, וואס נישט נאר וועט דאס נישט זיין אן איינפאכע V, נאר עס וועט זאגאר זיין שטערקער ווי אפילו א W.
און אט דאס האט טאקע געפירט צום ספאנטאנישן דורכפאל צום W פארבאט.

[elter-zeide]

one?
? Wאדער V איז א

[מאטי]

איך מיין אז אויף די אונגארישע וואלט מען נישט געקענט האבן קיין טענות ווייל זיי האבן געמאכט א שמור לי ואשמור לך פאקט מיטן אמעריקאנער פאלק זאגענדיג מיר געבן אייך נאך אייער פאהאסטן ח חחחעס און איר וועט אונז נאכגעבן דעם דאבעליו. און טאקע זייט דעמאלט גייען די אונגארישע נאר פארהאלישט צו שימהעס און צו האסינעס געבן מזל טוב נאר פארן האסען און מעהיטען. אזוי זענען ביידע זייטן צופרידען און שלום על ישראל.
אבער דער נייער דור אונגעריקאנע אידן זיי זענען געבליבן מיטן V און בויקאטן ווייטער דעם W אבער דעם ח האבן זיי ריקלעימט אלס זייערס אן אייגענטום .נאכדעם האבן זיי נאך טענות ווען די שוועסטער פונעם טיקעט טיילערקע שרייט הויך נאך 4 שעה ווארטן אינעם פ ס אפיס
Kkiam Hiam Chiam Yeke Yekkecheskel נאך א מזל זיין לעצטע נאמען איז נישט געווען חיימאוויטש ווען יא זיצט ער נאך דארט.

[קאווע טרינקער]

יואV.
עי Vאן.

[Atgan]

Wאט עי פיס אוו Wארק.

[זר זהב]

איך מיין אז יענע מאנכע שרייבן וואוו נישט וואו. אזוי געדענקיך

search.php?keywords=%D7%95%D7%95%D7%90%D7%95%D7%95+

[מי אני]

איך האב געהערט פון הרב ישראל שולמאן פון פלעטבוש אז דער אות v איז (פון לאטייניש) גענומען פונ׳ם אות ו. דאס איז מקושר צום אות u (אין איר long פארמאט), פונקט אזויווי ווען מ׳לייגט דעם אות ו, מיט די נקודה מלופים, (למשל) פאר א ווארט. דעריבער האבן געוויסע (עכ״פ אין אלט Germanic ענגליש, אין געוויסע פעלער) אנגעהויבן אויפטוישן צווישן א v און א u (דעריבער זעהען די צוויי אותיות אויך אויס ענליך). יעצט, עס זענען געווען די וואס פלעגן אלס מעיקרא ארויסזאגן די העברה פון א v [ו׳] אלס א w, האט מען דעריבער אריינגעשטעלט א double u, וואס u איז מקושר צום v [ו׳] וכנ״ל.

https://www.dictionary.com/e/w/


Sent from my iPhone using Tapatalk

[וואלווי]

רעדענדיג פון די דייטשע מיט די לעטער V , איז אינטערסאנט צו באמערקען אז די דייטשע קאר פירמע VolksWagon באנוצט זיך סיי מיט די W און סיי מיט די V. ס'זעט אויס אז ס'דא אנדערע הלכות אין באוואריע. בפשטות W איז מער א V אזוי אויף יודיש. אבער די לעטער V אויף דייטש איז דומה צו די לעטער F. דאס איז באמת פשט פון די נאמען פון די פירמע VolksWagon, די פאלקס וואגאן, וואס דאס איז געווען אן איניציאטיוו פון דער נאצי'שע רעזשים צו דערהייבן דעם פאלק דורך דעם וואס פאר'ן פאלק וועט גרינגער זיין איינצוהאנדעלען אן אוטו.

יעצט, אויב דער V איז אן F , ווי אזוי הערט זיך עס, ווען מ'געבט רשות פאר א קליין קינד, בזה"ל, קענסט "וו"אקען אריבער די גאס...

[מי אני]

אז מ׳האט דערמאנט די געדאנק פון ״ו״ אדער ״וּ״ בקשר צו V און U.
‏אם למקרא פון הרב אליהו בן אמוזג.

[berlbalaguleh]

יואב: א ייש"כ. מיין (פארשפעטיגטע) תגובה צו דיין מאמר פתיחת האשכול אז ס'איז שוין (ב"ה) 2 דורות וואס מ'הערט שוין די נשים צדקניות נישט קאטשקען אויף אונגאריש. מ'קען אפילו נישט טרעפן קיין איין אידענע וועלכע רעדט און פארשטייט די ...."הייליגע"...אונגארישע שפראך. אבער דער חרם אויפ'ן W איז נאך יא געבליבן. ספעציעל אין די הייליגע שטאט (עיר הקדשה) ווילאמ-פעסט. ווען די גרעסטע טייל פון די איינוואוינערס ווייסן נישט וואס א דאבל-יו מיינט...!

איך האב פונקט געטראכט וואס ס'וואלט געווען ווען די התאחדות הרע-בנים קומט ארויס מיט אן איסור (2 דורות צוריק) צו רעדן די ..."טמא'נע שפראך"...! ס'וואלט דאך געווען א גזירה שאין רוב הציבור יכולים לעמוד בה...!

נאר היינט, ב"ה אז ס'איז אכשר דרא. און רוב עולם האט שוין פארגעסן פון די שפראך. (אפילו מ'האטציך נאכנישט דערלערנט צו רעדן נארמאל ענגליש.) איז אבער דער גרויסער קיטרוג ב"ה אראפגענומען געווארן...!

[ישן מלא חדש]

אינטערסאנט צו באמערקן אז אין פראנצוזיש רופט מען די אויס w דאבלע ווע (מיט א קמץ אינטרען אלף און א סגול אינטערן צווייטען עין) דאס הייסט דאבל V און באמת איז די אות געשריבן מער ווי א "double "v און נישט ווי א "double "u ווי אונז רופן דאס.

Sent from my moto g(7) play using Tapatalk

[berlbalaguleh]

ישן מלא חדש: דו ביסט גערעכט.אבער . יש לי שתי הערות...ערשטנס אז אין פראנצויזיש, אפילו מ'רופט דעם אות..."דאובלע ווע"...זאגט מען דאס אבער ארויס אזוי ווי אין ענגליש...!

די צווייטע הערה: אז דער אות ..."ווע"...בכלל אין ענליש איז א (רעלאטיוו) נייער אויסשפראך. אמאל האט מען נאר גענוצט דעם אויסשפראך ..."יו". מ'האט געשריבן ..."ווע"... און ארויסגעזאגט..."יו"...!

אז דו וועסט קוקן אין די אלטע ענגלישע שריפטן וועסטו דאס זעהן...!