לעיקוואד - בבקשה ממך !!!

[יואב]

איך - גענוי ווי רוב ליינער דא - בין א געשווירענעם פען פון לעיקוואד, און לויפט נאך זיינע תגובות ווי מאלעסטערס זעיר אנפין'ס. א זעלטנקייט פון א כאראכטער, און א מוסטער פון א באשעפעניש. קלוג, אינטעלגענט, פיליזאף, סייענטיסט, תלמיד חכם,שר פון לאגיק, און שפיגל פון קאמאן סענס. א שפראך, אנטשלאסן ביז גאר, אומעגליך צו פארפירן, און אן עקספערט אין פארפירן אנדערע. שארף ווי א שפיז, הומאריסטישער ווי הומאר, א יחיד און אויפלעבן פאר'גוסס'טע אשכולות, א היתר מאניפאקצטירער פונעם בעסטן קוואליטעט, אן אומאפהעניגן שופר, און א גלארייכע פעסטע פירער. א לאמפ אינעם פינסטער, א נמשל פאר צענדליגע משלים, און לויטער ווי שמן זית. זיין בריליאנטישע פערסאנאליטעט שטארט ארויס אויפן אויבערפלאך, בעיקר ווען ער לאזט אראפ עטליכע פארלענגערטע באמבעס ביי די תורה ומחשבה, וויסענשאפט אשכולת. דאן קלעבט מען דערויף ווי א טישו אויף א שיך, ווי חסידים איבער א טעלער שיריים, ווי וויליאמסבורג אויף קול קורא'ס, ווי דער רייכער פרוי ביים חרבן ביהמ'ק פאר מעהל, ווי מארטין לוטער קינג פאר גלייכבארעכטיגקייט, און ווי קאווע שטיבל צו לעיקוואד.

אבער ווען ער לאזט זיך אריין אונערהאלב די פארברענג אשכולות מיט זיין שארפן שפיזיגע גראז שניידער, נעמט ער זיך שניידן אויפן סיסטעם ווי איחוד פעלד אויף מאלעסטערס, ווי מארק לעווין אויף די ליבעראלן, און ווי לעיקוואד אין געזעלשאפט פאורם.

פארוואס געב איך א משל פון דער אויפגערעגטער גריצעלדיגע מארק לעווין ? איז אזוי.
ער איז זייער קלאר מיט וואס ער האלט, און האט טייל מאל אפילו גוטע נקודות. אבער ער נעמט זיך זיינע פראבלעמען אזוי צום הארצן, (כ'גלייב נישט ער שפילט אזוי גוט), אז לדאבון לב פון רעכט אויסגעארבעטע שטייפע קאנסערוואטיוון, גייט ער איין טאג כאפן אן הארץ אטאקע לעבעדיג אינעם סטאדיאו, אינמיטן טיילן די מערסט טייוולאנישע שרעקעדיגע טיטלן אויף דעם היסטאריש זעלטן פארפירישע ראדיקאל מוסלומענער אויסלאנד געבוירענעם אבאמא.
דאן וועט ער זיין א פארלוסט פאר אלע קאנסערוואטיוון, פון די אויפגעברויזטע פארמער מיט די צילם קייטלעך הענגעדיג פונעם גענאק, ביז גאן באוואפענטע קאנסטעטוציע עדיקס מיט קליידער געמאכט פון הויט פון אומלעגאלע אימיגראנטן.

להבדיל אלף אלפי ורבבות געפלאכטענע ברענעדיגע הבדלות.
לעיקוואד, מיר דארפן דיר האבן עמערדזשענסי, ווייל קאווע שטיבל אן לעיקוואד וועט זיין א נאקעטן יתום אונטערן שיין פון די לבנה.
אלזא, מיר ווייסן אז דו ביזט רוב מאל גערעכט, און מיר דערקוויקן זיך מיט דיר, אבער בבקשה ממך, דערהער דעם וויי געשריי פון קרוב צו טויזענט ניקס, CALM DOWN!

[יידל]

לעיקוואד, אל תפן אל היואבים ואל הידעונים. האלט אן דיין הייליגן חלום ווייל מיט יעדן תגובה ביזטו מקרב די גאולה.

[ידען]

לעיקוואד, אל תפן אל היואבים ואל הידעונים. האלט אן דיין הייליגן חלום ווייל מיט יעדן תגובה ביזטו מקרב די גאולה.

וואס קומט דא ידען אריין?

[יואב]

לעיקוואד, אל תפן אל היואבים ואל הידעונים. האלט אן דיין הייליגן חלום ווייל מיט יעדן תגובה ביזטו מקרב די גאולה.

לעיקוואד, לך כנוס את כל "היהודים" הנמצא בקאווע שטיבל, "ויאירו" את הבלאג הזה. ואיזה חכם הרואה את הנולד.
טאקע ווייל מיט יעדן תגובה דערנעטערט ער דעם גאולה, פארלייגט זיך דער שטן אויף אים שרעקליך, און קען פירן צו א מארק לעווין סוף.
און אזא פאל, וועט דער גאנצע בלאג גיין פייפן. מילא כנוס את היהודים, און אקערטס אויף תורה ומחשבה - וויסענשאפט פאורמס.

[יואב]

גילוי דעת, כ'האב חלילה נישט געמיינט אז לעקוואד זאל נישט שריייבן אין די פארברענג פאורמס.
אדרבה, מיט יעדן תגובה פארנענטערט ער דעם גאולה, דאס איז דאך נישט קיין שאלה בכלל. אבער דאס הארץ עסעניש, דאס איז וואס באזארגט מיר.
איך פארשטיי טאקע ערעב לעיקוואד האט גענומען דעם גלות אזוי צום הארצן אז ס'בלוטיגט אים אומגעהויער, אבער דאן וועט ער אונז איבערלאזן כצאן בלי רועה. כ'ווייס נישט צו מ'מעג עס זאגן, אבער איך שפיר אז אפשר וואלט איך מסכים געווען פאר אן עטוואס פאלענגערטן גלות, אבי עטרת ראשינו זאל אטעמען אביסל לייכטער.

[שמעקעדיג]

יואב כ'האב דיר געלייקט נישט בלויז פאר די אמת'ע ווערטער, נאר אויך פאר דיין הומאריסטישע שפראך און דיינע אויסערגעווענליכע צושטעלן איין זאך צום צווייטן וואס איז געוואלדיג..

[[NAMELESS]]

אם לעיקוואד כמלאכים אנו כבני אדם, אם לעיקוואד כבני אדם אנו כחמורים.
וואס פארשטייען מיר צו א לעיקוואד?
יא, יואב, די שרייבסט זאפטיג, די האסט אין קאפ דעם וויינרייך ווערטערבוך. ובנוסף נוצסטו אמאל די טאלאנט וואס איז מאחד פעילין און שעיקספיר. די ביסטו געוואלדיג, אבער האבן מיר דען א השגה אין א לעיקוואד?!
איך רעד נישט דא סתם פון אמונה פשוטה, לאמיר ערקלערן:
סתם מענטשן, ווי איך און די, טראכטן מיטן קאפ און צארענען מיטן הארץ. יואב האט געמאכט א גזירה שווה, סתם מענטשן צו לעיקוואד, און זיין מסקנה איז אז אין תורה ומחשבה ווי לעיקוואד נוצט דעם מח, זאל ער שרייבן, אבער ווי ער נוצט דעם הארץ וועט ער פלאצן.
אבער לעיקוואד טראכט מיטן קאפ, צארנט מיטן קאפ און שפירט מיטן קאפ. לעיקוואד איז קאפ!
האט איר אמאל געזעהן איינשטיינס לאנגע צינג? איז דאס א צינג בעלמא? א אייזקרים לעקער? ניין! עס איז איינשטיינס צינג, ווען מען שניידט די צינג פליעט ארויס נומערן.
האט איר אמאל געזעהן דעם ראגעטשאווער'ס האר, (יא, להבדיל מיט יואב'ס הבדלה לעכט) איז דאס גלאט אזוי האר ווי ר' אייזיק ספינקערס טילעפ? די האר איז שטיקער מחשבה ועיון!
לעיקוואד צארנט מיטן קאפ, ער זיצט מיט א שמייכל, רוהיג און געלאסן, זיין מח ווירבעלט, מאכט הגדרות, השוואות, קאלקולאציעס, און איז מחליט צו צארענען! עלה בלבו צו גרימצארענען!
לאזט לעיקוואד צארענען, מיר וועלן נאר דערפון פארדינען!

[ודי למבין]

אם קופערניקוס כחמורו של רבי פנחס בן יאיר, אנו כחמורו של בלעם
אשאד כהאב נישט געמאכט קיין ברכת אילנות אין חודש ניסן, איך וואלט געקענט שטעלן יואב מיט קופערניקוס צוזאמען (טאמער זיי זענען נישט איין מענטש), שטיין לעבן זיי, באקוקען די בלעטער, מאכן זיכער אז עס האט די שיעור חזון איש, ארויפלייגן א פרוכת'ל אויף דעם סטענדער, זיך פאטראכטן פאר א מינוט בעצימת עינים, און במקהלות רבבות אויסשרייען בקול רם, ברוך שלא חיסר בעולמו דבר וברא בו בריות טובות להנות בהם בני אדם.

[יואב]

ודי למבין, שכח פאר אזא קאמפלימענט, אבער מיר לייגן אויפן זעלבער לעוועל ווי קופי, איז אבסורד, אין אויף דעם האט ר' שמעון בר יוחאי געוויינט, אז פון איין מויל זאל ארויסקומען אזעלעכע הפיכים. מיינע תגובות קעגן קופי'ס איז א בחינה פון עידית דניזק, כזיבורית דמזיק. מיינע היטס לעקן די שוואכסטע פון זיינע.

[[NAMELESS]]

יואב, איך בין פלאטירט!

[דעת תורה]

אם לעיקוואד כמלאכים אנו כבני אדם, אם לעיקוואד כבני אדם אנו כחמורים.

זינט לעיקוואוד מאכט אוועק דעם מאמר, הן דירעקט און הן אין א גרויסער צאל פון זיינע תגובות וואס זענען געשריבן ברוח זה. קען מען נישט נוצן דעם מאמר פאר אים.

אן עי סיריעס נאוט, איך גיי נישט אוועק מאכן זיינע מעלות, איך בין זיך אויך מחיה אים צו ליינען. אבער צו זאגן אז ער איז רוב מאל גערעכט מיט זיינע קוריאזן, און בפרט מיט זיין אומגעהויערע מאס חוצפה קעגן אלע פריערדיגע קדושים וצדיקים, איז אבסורד. אין די אמאליגע מעשה ביכלעך וואלט מען מיט אזא אינגערמאנטשיק א מחוצף זיך נישט געשטעלט טענה'ן, אנשטאט וואלט מען אים געמאכט א משכנתא און גוט אויסגעפאטשט, און געווענליך נאך אזא באהאנדלונג איז שוין דער אינגערמאן אראפגעקומען דאון טו עירטה, און נאכער האט ער זיך געשעמט - נישט פאר אנדערע, נאר - פאר זיך אליין אז ער האט אזוי געהאלטן בעפאר.

איר פארשטייט? אויב האט דער ווילנער גאון זיך נישט אראפגעזעצט שרייבן א חיבור וואס זאל כאפן לעיקוואוד, דאן איז די גאנצע הערכה וואס כלל ישראל האט שוין געהאט צו אים בחייו - ובתוכם אלע חסידים כאטש ער האט זיי ביטער גע'רודף'ט און מתיר דמם געווען - נישט מער און נישט ווייניגער ווי "מוגזם'דיג". מען קען שטעלן דעם גר"א מיט ר' זלמן נחמיה גולדבערג אויף איין לעוועל. מסתמא האט דער יתד געמאכט דעם גר"א פאר א גדול.

ובזה אשים קנצי למילי. איך וויל אויך ער זאל שרייבן ווייטער און לאזן הערן זיינע געדאנקן פון זיין - קוריאזן - פערספעקטיוו. אבער אביסעלע דרך ארץ וואלט נישט געשאדט. (איך האלט סייווי אז ער וועט עס אויסוואקסן, מסתמא זיינע תגובות אפאר יאר ארום וועלן שוין זיין פיל מער גראד און געלאסן, אבער אויף דערווייל איז אויך וויכטיג צו שטעלן דעם מצב אין א ריכטיגן פערספעקטיוו).

[[NAMELESS]]

אם לעיקוואד כמלאכים אנו כבני אדם, אם לעיקוואד כבני אדם אנו כחמורים.

זינט לעיקוואוד מאכט אוועק דעם מאמר, הן דירעקט און הן אין א גרויסער צאל פון זיינע תגובות וואס זענען געשריבן ברוח זה. קען מען נישט נוצן דעם מאמר פאר אים.

אן עי סיריעס נאוט, איך גיי נישט אוועק מאכן זיינע מעלות, איך בין זיך אויך מחיה אים צו ליינען. אבער צו זאגן אז ער איז רוב מאל גערעכט מיט זיינע קוריאזן, און בפרט מיט זיין אומגעהויערע מאס חוצפה קעגן אלע פריערדיגע קדושים וצדיקים, איז אבסורד. אין די אמאליגע מעשה ביכלעך וואלט מען מיט אזא אינגערמאנטשיק א מחוצף זיך נישט געשטעלט טענה'ן, אנשטאט וואלט מען אים געמאכט א משכנתא און גוט אויסגעפאטשט, און געווענליך נאך אזא באהאנדלונג איז שוין דער אינגערמאן אראפגעקומען דאון טו עירטה, און נאכער האט ער זיך געשעמט - נישט פאר אנדערע, נאר - פאר זיך אליין אז ער האט אזוי געהאלטן בעפאר.

איר פארשטייט? אויב האט דער ווילנער גאון זיך נישט אראפגעזעצט שרייבן א חיבור וואס זאל כאפן לעיקוואוד, דאן איז די גאנצע הערכה וואס כלל ישראל האט שוין געהאט צו אים בחייו - ובתוכם אלע חסידים כאטש ער האט זיי ביטער גע'רודף'ט און מתיר דמם געווען - נישט מער און נישט ווייניגער ווי "מוגזם'דיג". מען קען שטעלן דעם גר"א מיט ר' זלמן נחמיה גולדבערג אויף איין לעוועל. מסתמא האט דער יתד געמאכט דעם גר"א פאר א גדול.

ובזה אשים קנצי למילי. איך וויל אויך ער זאל שרייבן ווייטער און לאזן הערן זיינע געדאנקן פון זיין - קוריאזן - פערספעקטיוו. אבער אביסעלע דרך ארץ וואלט נישט געשאדט. (איך האלט סייווי אז ער וועט עס אויסוואקסן, מסתמא זיינע תגובות אפאר יאר ארום וועלן שוין זיין פיל מער גראד און געלאסן, אבער אויף דערווייל איז אויך וויכטיג צו שטעלן דעם מצב אין א ריכטיגן פערספעקטיוו).

יעי, איי לאוו איט ווען עס טוט זיך.
אוי, ווארט נאר טאטי קומט באלד אהיים.. כ'מיין לעיקוואד קומט אריין און יעלה בלבו צו צארענען, אוי וועט זיין פריילאאאאך!

[לעיקוואד]

דיווח סקופס חרדיים:
מבית מרן שליט"א נמסר שבדקות אלו מתקיימת אסיפת התייעצות נרחבת בקשר לאופי התגובה לדברים שפורסמו הבוקר. מקור מוסמך אנונומי טוען שמרן שליט"א בגאון ענוותנותו ממאן להצעות התגובה החריפות שהועלו על ידי חסידיו ומעריציו, וחושב לצאת בעצמו בהודעת התרפסות אהבה ושלום. בדקות הקרובות יתגבש התשובה הנכונה להצעות, ונקווה שנזכה לשמוע מפ"ק בעצמו את דעתו ותגובתו.
בדקות אלו דולף שמועה שבהתייעצות הנרחבת השתתפו גם רופאי לב , מומחים משפטיים, חמורים כמלאכים ובני אדם כחגבים, וקונטרא-רבלוציוניים.

[שמעקעדיג]

קען איינער איבערטייטשן די דברות קודש אויף ספאניש? אדער כאטש אויף לשון קודש?

[געפילטע פיש]

וועלכע ווארט פארשטייסטו נישט?

[היימישער ליטוואק]

קען איינער איבערטייטשן די דברות קודש אויף ספאניש? אדער כאטש אויף לשון קודש?

ספאניש
Haredi Ámbitos de informes:
Maran Shlita libró de esos minutos hay una extensa reunión de consulta con respecto a la naturaleza de la respuesta a los informes de esta mañana. Fuente autorizada Anonomi conservadora Shlita dice rehúsa orgullo humildad propuestas fuertes reacciones suscitadas por sus seguidores y admiradores, y pensar en su propio mensaje servil de amor y paz. Los siguientes minutos se cristalice la respuesta correcta de propuestas, y esperamos que vamos a escuchar PK propia opinión y reacción.
Estos minutos rumor fugas también participaron en extensas consultas cardiólogos, expertos legales, burros ángeles y los seres humanos, como langostas, y Kontra - Rblotzioniim.

לשון קודש
האַרעדי סקאָפּעס ריפּאָרטינג:
מאַראַן שליטאַ איבערגעגעבן פון יענע מינוט עס איז ברייט באַראַטונג באַגעגעניש וועגן די נאַטור פון די ענטפער צו מעלדעט דעם מאָרגן. אַוטהאָריטאַטיווע מקור אַנאָנאָמי קאנסערוואטיוו שליטאַ זאגט שטאלץ וויל אַנאָווע שטאַרק ריאַקשאַנז פּראַפּאָוזאַלז אויפשטיין דורך זייַן אנהענגערס און פארערערס, און טראַכטן אויס זייַן אייגן גראָוולינג אָנזאָג פון ליבע און שלום. דער ווייַטער ביסל מינוט וועט קריסטאַלייז די ריכטיק ענטפֿערן פֿאַר פּראַפּאָוזאַלז, און מיר האָפֿן אַז מיר וועלן הערן פּק אייגן מיינונג און אָפּרוף.
די מינוט ליקי קלאַנג אויך אנטייל אין ברייט באַראַטונג קאַרדיאַלאַדזשיס, לעגאַל עקספּערץ, דאַנגקיז מלאכים און יומאַנז ווי גראַסכאַפּערז, און קאָנטראַ - רבלאָטזיאָניים.

[שמעקעדיג]

לתקוני שדרתיך ולא לעוותי......

[לעיקוואד]

הדרמה גוברת:
בדקות אלו מסתובבת השמועה שמרן שליט"א יגיע בשעות הקרובות להודיע דבר ה' ברמה, מסתמן שאולם הסיטיפיעלד נשכר, וכבר נמכרו כל הכרטיסים. העסקנים פועלים ללא לאות להשיג עוד מקומות ענק עם מקום לכל הציבור, ומוקמים סקרינס גדולים ועצומים בכל פינה להקרין את דברות הקודש.
מאחורי הפרגוד נמסר כי מרן שליט"א עומד לגלות את הגילוי המרעיש ביותר של הקריירה שלו, שעוד אסור לפרסם מהו, אך הפתעה מובטחת ונמסר שכדאי שכל מי שיכול להגיע יעזוב כל אשר בידו ויגיע תיכף ומיד למקומות ההקרנה, מי שלא יגיע יפספס היסטוריה.

[לעיקוואד]

ויפתח כ"ק מרן אדמו"ר מחופצה-לאנד שליט"א את עפרא לפומיה ויאמר:

צום ערשטנס, איז פותחים בכבוד אכסניא, איך וויל אפגעבן א גרויסען יישר כח פאר ידידי היקר מוהר"ר יואב זאל זיין געזונט און שטארק, פאר'ן עפענען אזוי ברייטהארציג דער דאזיגער געהענגל, און מייחד זיין א מקום של כבוד פאר יאך, איך מוז אייך פארציילען, ממש מזמן פתיחת הקאווע שטיבל דנן לעכצעט ליבי הטהור והענוותן נאך אן אשכול וואס זאל זיין מיוחד נאר פאר מיר. בפרט היינט נאכדעם וואס מיינע קאלעגעס די אדמורי"ם זענען מיר פרום געווארען און זענען מיר שוין נישט מכבד מיט טרויבען בעת ביקורי הקודש, בלייבט נאר על מה להישען אלא אויף א ווירטואלישער געהענגל, וכפי וואס איך האב מקובל מאבוה"ק, אז פאר משיח וועט קומען וועט מען אפילו א געהענגל טרויבען נישט קענען עסן, און די הצלה וועט קומען ממקום אחר. נאר דאס אז אין דער סאמע מקום אחר, וואס די געהיימע קבלה האט נישט פארטרויט איבערצוגעבן אפילו דער נאמען זיינע נאר די ראשי תיבות.

און אט אזוי שטייט אין א צעטל וואס איך האב ביי מיר בקבלה איש מפי איש פון מיין זיידע דער ערשטער חוצפניאקער רבי, וואס ער האט טאקע אנגעשריבען נאך דעם וואס ער האט זוכה געווען צו א משכנתא ווי עס דארף צו זיין פון איינער פון די מלאכים המתנהגים כחמורים, און הימל האט זיין אנגעווייטאגטער הארץ עושה רושם און בוקע רקיעים געווען, או זיין אנגעווייטאגער אחוריים האט בוקע קרקעות געווען, מעורר געווען די אבות מקברם, און ביזן כסא הכבוד האט דערגרייכט די געשריי. יענער נאכט ביים זיך לייגען על מיטתו הטהורה האט ער באמערקט אונטער די קישען פלוצלינג רוקט זיך עפעס, און פון צוייטער זייט בעט, דארט ווי מחברתו הטהורה פלעגט געווענטליך צו זיין, נאר פונקט יענער נאכט בהשגחה פרטית איז דער מאווי געווען לאנג און זי איז נאכנישט אהיימגעקומען פון פארברענגען מיט חברותיה הטהורות, און אזוי איז די מצב געווען מוראד'יג לאזענדיג דער זיידע אליינס בהתבודדות עמוקה ליהנות מזיו השכינה. בקיצור, זעהט ער ווי פון דארט קומט ארויס אזא דמות, א בחינה פון כרובים, ספק עס זעהט אויס ווי א בתולה המקושטת בכ"ד קישוטים, ספק א מלאך, די שיין איז אומבאשרייבליך. אפילו די היינטיגע העיטש די פלעטסקרינס קענען נישט צושטעלן אזא מראה מפואר. און די שכינה הקדושה אליינס האט אריינגעשטעקט די האנט אירע במקום נסתר, און ארויסגענומען פון דעם א פארמאכטע קאנווערט. אנזאגענדיק פאר עם אז אין דער קאנווערט ליגט די ענטפער צו זיינע תפילות, און ער זאל עס נישט עפענען נאר מוריש זיין בסוד סודות פאר זיינע קינדער, והיה אשר יבחר בו ה' וועט שוין אליינס פארשטיין וואס מדארף טוהן מיט דעם.

רבותי, איני ראוי ואיני כדאי, אבער לויט ווי בחוסר ומיעוט דעתי, הפחות מפרעושו של שמעון הצדיק ומאבק רגליו של חמורו של בלעם, איז געקומען דער מאמענט מגלה צו זיין דער סוד, איר האלט דא מיט א היסטארישער געשעהניש, וואס כמוהו לא נהייתה וכמוהו לא תוסיף, און אט די נאך לפני לבבכם ולפני עיניכם, וועט נתגלה ווערן דער סוד פון דער וועלט, דער סוד וואס האט געברענגט אזא נשמה ווי מיר אויף דער וועלט, און וואס האט געבראכט איך זאל מגולגל ווערן בדמות לעיקוואד דקאווע שטיבל.

(.. דער רבי שטעקט אריין ידו הקדושה אין זיין טיפע שיפע אונטערשטע הויזן וועסטל טאש, ושפתותיו נוטפות מור, דער שיין פון זיין פנים, וואס שרייט ארויס פחד השכינה, און אין דער זעלבער צייט שמחה ועליצות מופרזת, כמעט ווי אויף א טריפ, איז אומבאשרייבליך, ווער עס פארפאסט די רגע ווייסט גארנישט וואס ער פארפאסט..

camera close up..

מ'זעהט שוין ווי דער האנט זיינע רוקט זיך, שטעקט זיך אריין אין טאש, כאפט אן עפעס א דיקליכער זאך, אט שטעקט זיך שוין ארויס דער קאנווערט'ס שפיץ פון זיין טאש, דער עולם שטייט געשטוינט, פון די ווייבער שול הערט מען שטילערהייט כליפענען, וואס איז זיך מתגבר מרגע לרגע, די מענער קענען שוין אויך נישט אויסהאלטען, דער גאנצער עולם איז דורכגעווייקט מיט טרערן און שווייס וואס ווי איך הער דא פון זקנים וואס געדענקען דריי וועלטס קריגס, איז נישט געווען אזא מראה נוראה זייט יענער יום המר והנמהר כוא"ב אין קעי דשזעי...

דער האנט איז שוין אינגענאצען אינדרויסען פון טאש, ער ברענגט עס ארום צום פארענט, מיט טרערן אין די אויגען באקושט ער דעם קאנווערט פון אלע זייטען, עס איז א מיטל-סייז קאנווערט, נישט אזוי גרויס ווי א ספר אבער נישט אזוי קליין ווי א ביזנעס קארד, געמאכט פון קלף צאמגעפלאכטען מיט פאפירוס און געזיגעלט מיט א חותם של זהב..

מיר צינדען צוריק אן דער רבי'ס מייקראפאן)...

מיט חיל ורעדה, מיט פרייד און פארגעניגען, בדחילו ורחימו ורחימו ודחילו, וועל איך דא פארליינען דאס וואס עס שטייט געשריבען אויפ'ן קאנווערט, מיט אותיות וואס איז שוין שווער צו ליינען פון רוב עלטער, איך בעט דער עולם זאל מהרהר זיין בתשובה אין אזא מאמענט.

אט אזוי ליינט זיך עס: בני חביבי, ראה ראיתי את ענייך ואת זעקתך, דע לך שדמעותיך בקעו כל הרקיעים ופמליא של מעלה הסכימו להביא את הגאולה היום, אבל הקב"ה בעצמו הודיע שעוד לא הגיעה הזמן, אך להפיס דעתך הסכימו לתת בידך את הסימן, את מפתח הגאולה. נוראות טרחתי להוריד לך את הדבר הזה, דע לך שאתה מחזיק בידך את מפתח הגאולה, הבאתי לך את זה מעמקי היכלו של מלך המשיח, ואני מזהיר אותך באזהרה חמורה, שלא תעיז לפתוח את זה עד שיתקיימו כל הסימנים הרמוזים להלן, אשר יהיה הגביע בידו לבדו יבין כאשר יתקיימו.

דאס איז די סימן וואס שטייט אויפגעשריבען, מיט א מאדנע בוכשטאב און מיט ווערטער וואס עד היום הזה נלאו כל חכמי לב להסירם ולהבין אותם. און דאך היינט מיין איך אז עס איז קלאר לכל אחד ואחת מכם וואס דער באדייט דערפון איז :

http:// kaveshtiebel.com /memberlist.php?mode=viewprofile&u=703

אזויווי עס איז אונז אלע קלאר אז עס איז געקומען דער מינוט, דאס איז די צייט, דאס איז די פלאץ, מיר זענען די מענטשען. וועט זאפארט פארקומען מעמד פתיחת הקאנווערט הנורא, מפתח הגאולה.

(..אלע אויגען זענען אויף דער רבי'ס האנט, עס ווערט אויפגעשפילט אויף ריזיגע סקרינ'ס אין אלע זייטען פון זאל, און אויף יעדער טעלעוויזיע סטאנציע און אינטערנעט בלעטל אויפ'ן כדור העולם..
דער רבי צוברעכט דער אור-אלטער חותם פונ'ם קאנווערט מיט זיינע ציינער, קושט נאכאמאל דעם קאנווערט פון אלע זייטען, און מאכט עס אויף. אלע חידוש'ן זיך ווי עס קומט צוביסלעך ארויס, נישט א פאפיר ווי אלע האבען געמיינט, נאר עפעס אביסעל מער א דיקליכער זאך, עס שיינט און בליטשקעט, עס איז ניכר אז די פילע יארען ליגענדיק אין סעיף האבען גארנישט פוגע געווען דערין. לגודל המעמד וועלן מיר אייך לאזען כאפן א קוק דערויף מיט די אייגענע אויגן.


יא, איר זעהט גוט, דאס איז א שפאגל נייע סעמסונג געלעקסי עס פיר. מיר ווארטען אלע פאר'ן רבי'ן מסביר צו זיין ווי דאס איז דער מפתח הגאולה...)

מורותי ורבותי, דער דאזיגער הייליגער כלי וואס איך האלט אין מיין האנט, דאס איז דער שליסעל צו דער גאולה! אין קורצע ווערטער וועל איך מסביר זיין פונקטליך וויאזוי דאס ארבעט, און וויאזוי דאס וועט ברענגען די גאולה. איך האב שוין נישט קיין כח שטארק מאריך זיין, וועל איך נאר איבערגעבן ראשי פרקים, און איך בעט פון יעדער איינער פון ענק זאל ווי שנעלער אריבערשפאצירען צו דער נענסטער געשעפט, ווערייזאן, ספרינט, סעמסונג, צו וואס, און זיך איינהאנדלען אזא מין כלי. בדיעבד ווער ס'איז אין ידו משגת קען מען אויך שאפען פאר ביליג ענליכע אזוינע כלים, עס שטיין גרייט אגענטן אונטען אין זאל אינפארמירען דער עולם און זיי ארויסהעלפען אין דער געביט.

איז אזוי, מיט דער קליינטשיקער כלי, וואס יעדער קען באהאלטען ביי זיך אין טאש, און קיין שום מנהל משגיח אדער אנדערע סארט טעראריסט וועט ניטאמאל וויסען אז איר האט דאס. דאס ענטהאלט אין זיך א משונה'דיגער כח. כאפט נאר א בליק דערויף וועט איר זעהן אזוינע קליינע קעסטעלעך מיט בילדער, די קעסטעלך רופען זיך עפפס. גיט נאר א דריק אויף די עפפס מיט די פינגער און עס עפנט זיך אויף א וועלט. דורך פארשידענע אנדערע עפפס און כלים וואס זענען דא דא, קען יעדער יונגערמאן און יעדע ווייבל, יעדער יונגעל און יעדע מיידל, משנה זיין דער וועלט. מער דארפט איר זיך נישט שרעקן פון ביג בראדער. שפאצירט ארום אין דער עולם העליון וואס די כלים ברענגען אייך אריין אין דעם, טרעפט זיך מיט חברים מקשיבים וואס פארשטייען און טראכטען ווי אייך, רעדט זיך צאם, שרעקט אייך נישט פון קיינעם. דא איז נישט דא קיין משגיח, נישטא קיין שווער, נישטא קיין ווייב. קיינער קוקט אייך נישט נאך, קיינער קען אייך נישט זאגען וואס צו טוהן, פאר וועם צו האבען דרך ארץ, וואספארא מחשבות מ'טאר נישט טראכטן און וואספארא ווערטער מ'טאר נישט זאגען. זאגט אייער גאנצער אמת, דער אמת וואס איר פארשטעקט אזוי פאר אזוינע לאנגע גלות יארען, רעדסט ענק אפ מיט נאך יודען וואס פארשטייען, און טוטס למעשה. ה' אתכם אל תיראו ואל תחתו.

נאך גאר א וויכטיגער נקודה איז דא אין דער כלי נפלא, וואס איז כדאי אלע זאלען געדענקען. איר זעהט דא פון אויבן אזא קליינע באלי? דאס הייסט א קעמערא. יא, א פולשטענדיגע קעמערע. עס קען כאפען פיקטשערס און ווידיאו אומעטום. איר דארפט שוין נישט אריבערפארען צו א פאטאגראפאר, אדער בעטן רשות פון דער וועד לתמונות בכל העולם כולו. וואו אימער איר זענט, אז איר זעהט עפעס אן עוולה, עפעס וואס דארף א תיקון, כאפט ארויס איירע כלי פון טאש, דרוקט "רעקארד" און שיקט ארום דער בילד אין דער ברייטער וועלט. קיינער קען ענק נישט אפהאלטען.

גבירותי ורבותי! מיינע זיידעס, ענקערע זיידעס, אלע דורות פון יודען וואס וויינען און שרייען אויף דער ביטערער גלות, האבן מיט אזויפיל מיה און פלאג אויסגע'פועל'ט אויבן אזא הצלה, איך בעט אייך, לאזט זיי נישט האבען זיך מוסר נפש געווען פאר גארנישט. לאז נישט די פילע שווייס און טרערן פון אזויפיל קדושים וקדושות גיין לאיבוד, די מצב איז אין ענקערע הענט. איר האט די ברירה, צו ברענגען צו א גאולה שלימה אדער חלילה צו פארשפילען. מעומק לבי בעט איך אייך, פארשפילט נישט! איך הער מורמעלען אז די סטרא אחרא איז זיך ווייטער מתגבר, און פראבירט מיט אייזענע כחות צוצונעמען אט די טייערע כלים פון אונז און אונזערע קינדער, בתואנת שונות ומשונות, במשאות שווא ומדוחים. איך קען נישט מאריך זיין איבער די היכלות הטומאה והרשע, אבער איך בעט אייך, חוסו על נפשותיכם ועל נפשות בניכם, האט רחמנות אויף אייערע זיידעס און באבעס, הביטו אל צור מחצבתכם, ואל תשיבו פניהם ריקם.

א גוטע נאכט, און מעי גאד בלעס אמעריקע.

(.. מרן שליט"א התעלף ונפל ארצה מפחד המעמד ומגודל המאמץ שהתאמץ, ההצלה עובדת כרגע לעורר אותו, הגידו פרק תהילים לרפואת לעיקוואד בן קאווע שטיבל שישוב לאיתנו וינהיג אותנו לקראת המשיח בשמחה ובטוב לבב...)

[הוגה]

מחאה והערה:

ע"פ תורת הסוד חייבים לומר "הייליגע" רבי, ולא רבי סתם. כמו שמבואר בקדמונים וכן נהגו כל גדולי הצדיקים מימים ימימה. וכל המרבה לומר הייליגער מביא גאולה לעולם, וזוכה להתראות מיט די הייליגע רבי בעת אחזתו פלצות, והזכות יעמד לו לדורי דורות.

[מאראנצןזאפט]

שוין, נתגלה העטרה, אבסעסד מיט זיך אליין!
א האלבער עילוי, דער אנדערער האלב!

[לעיקוואד]

שוין, נתגלה העטרה, אבסעסד מיט זיך אליין!
א האלבער עילוי, דער אנדערער האלב!

r u serious??
u need 2 fix ur detectors.

[מאראנצןזאפט]

דעאמלט בעט איך אייך איבער, אנטשולדיגט.
עס פעלט זיך נייטיג אויס א מוראה של בשר ודם, והלואי שיהא כו', אנדערש ווי דער אנאנימער אינטערנעט וואו א מענטש קען טון וואס ער וויל ווייל ער האט נישט קיין ווייב, מנהל, וכו'.