ביציקלעך - חוקת הגוי

[פרישער]

ביציקלעך - חקת הגוי

מ'קען שוין היינט נישט גיין קיין שריט און טריט אן זען אז זיי ווילן איינרייסן באנונז ביציקלעך, ווי מ'רירצעך איז דא באשטימטע ביציקל שטעגן, מ'טאר דארט נישט שטיין, פארן אדער רייטן נאר מיט א בייק, למעשה קיין איין קלומערשטע מאנסביל וואס פאריפצעך א נארמאלער חסידישער אינגערמאן, פארט נישט קיין בייק, מיט א תירוץ אז סיז חוקת הגוי,עס איז גויאיש, למעשה בין איך ביי די מיינונג אז די סיבה וואס א נארמאלער מענטש פארט נישט דעם בייק איז ווייל טב למיתב פאנזי מלמיתב כרמלת, אויב נעמט ער א בייק איז כאילו נוטל את נפשו, ואין לו חלק בעולם הזה ולעולם הבא, אין דאכצעך אז מ'וועט נכשל ווערן אינעם אותו ואת בנו לא תשחטו, ואת בן בנו קל וחומר מבנו, ווייל מיט דעם צוברעכט מען די מוסדות וואס די רבי האט אזאנס געשוויצט, מ'באקט אונז אן פון קינדווייז אן אז סאטמער איז פרים ווייל די מנהל האלט דרשות פיער מאל אין יאר וועגן דעם שייגעץ בייק אז סיז חוקת הגוי, אין די צעילימע און די ווינע זענען מאדערנער ווייל זיי מאכן נישט קיין וועיזן וועגן דעים בייק מעשה.

איך מוז אריין קוקען מיט א טיפערן בליק וואס איז דאס חוקת הגוי, ווען קען א זאך ווערן אנגערופן א גויאיש געזעץ, מ'זעט זאכען וואס קודם ברענגט עס ארויס די רבנים פון די כלים, זיי קענען נישט באגרייפן א געוויסע ענין, זיי זעהען כל מיני טומאה וחשד, און לייגען אין ח' אריין יעדען וואס טראכט פון אזא זאך, אבער די מציאות איז אז עס ווערט סוף כל סוף א נארמאלע זאך, קודם מוזן זיין עטליכע נחשונים וואס זענען זיך מקריב פארן צורך הכלל און בלייבן איבער לקברן בין משוגעים גמורים, אבער סוף כל סוף ברעכצעך עס אדורך און עס נארמאלעזירט זיך, אבער סיז דא די גאר הייליגע וואס רירן זיך נישט אוועק פון גארניש זיי בלייבן ביים אלטען, און ווילן נישט פון גארנישט וויסן, די וועלכע גייען מיט די ווייסע שאל אין טויזענט דעגרי, ווייל רעבערעב מיילעך האט געהאלטן אז מ'מיזעך אלעמאל מזכיר זיין יומא מיתה, סשטייטאך אינעם צעטעל קטן, אדער א רעשוואלקע אינדער וואכען ווייל זיי האבען שבעה ימי שבתא, יום שכולו שבת קודש, און האבען כסדר די נשמה יתירות און ווייסען נישט וואס אויפצוטוען דערמיט, און מ'מוז דאך מקיף זיין דעם ריזיגען גוף שלא לבייש את מי שאין לו, אף על פי כן איז נאך אלץ דא געוויסע זאכען וואס ווערן אריינגעריסן אפילו ביי די הייליגע,

אנגהויבן האצעכעס אז ביי וואס סיז מעכאניש, באקימען די רבנים א אלערגיקע רעאקציע, אנגעהויבן ביי די האנד זייגער, ווען סיז ארויס געקימען דער ערשטער האנד זייגער, האבן רבנים פין אותו זמנים געזעין דערין רק רע כל היום, אען ארויס בחרב חדה שחיטה מינחת, אבער היינטיגע צייטן קען מען עס אפילו באגרייפן פאר וואס נאר מיט א טאשן זייגער קען מען האבן רוח הקודש, פאר וואס האט דער שטן אויסגעקלויבט פאר זיין באנד א זייגער ווייזער אויפן ארעם, אפילו מען האט עס געזעקלט פון א פישקע האני קאמב, בילדער ווידערים איז געוועין ערגער ווי פסל מיכה, אין היינט איזעס איבעראל אויבן אן, ווייל די בליצען דערמאנען אין די מעמד הנבחר, פרידזשידער אין וואש מאשין דאכצעך אז אפילו די רעבעצען גייט נישט צום טייך מער, קען זיין ווייל כבוד הרב ציטערט אז זי וועט אומקומען דארט אויף קידוש השם ווען זי וועט כאפען א געלעגענהייט פטור צו ווערן פון אלעם, א קאר ווייטער איז שוין פארט דא עפעס חששות ביי די גאר הארבע, זיי שטייען אוועק פין דרייווען כמתחווי קשת, אבער ארומפארן טוען זיי בלויז אין די נייסטע מאדעלן מיט סייץ אין לייערען, גיי פארשטיי די חילוק, איז עס די גויס געזעץ אדער נישט, קען זיין ווייל זיי לאזן זיך אינסטאלירן די זעלבע פלארעסן לייט וואס געפינצעך נעיבן די שוויתי סיין ביי זייער עמוד,

אבער א בייק איז עק וועלט, פארוואס, סיז גארנישט מעכאניש סיז זייער אלטמאדיש, און דאך איז עס אסור אזוי ווי חזיר, אפשר ווייל סיז חסידיש צי קומען מיטן אדעסי אין שול מיט א גרויסן אחורייעם, קראזען צי קאפי אן לי אדער צום קאזען גריל אן לי, איז איידעל נאר אויב מ'האט א איידעלע חסידישע סייז צוויי און פופציגער הויזן, אז מ'מוז באהעפטן דעם הויזן צום גוף קודש מיט גאמי'נע הויזן טראגער וואס קען אונטערהאלטן דעים ברוקלינער בריק, ווייל מ'קעניש נעמען קיין שאנסען זיך צו טרעפן מיט די הויזן עלי אדמת נכר בשער בת רבים, ווען מ'האט די קאווע אין איין האנט און די ציגרעטל אין די אנדערע מיט די של ראש איינגעבויגען שטארק רעכטס, די דרויד זאל נישט חלילה ארויספאלן פונעם דאבל-טשין, אבער אויב העט ער האבן א ביציקל איז ער נכשל אין גיין אינעם גוי'ס געזעץ,

מ'קען דא דארך רעדן די אלע הלכות פין חוקת הגוי, אבער איך וויל נישט רעדן קיין הלכות אדער פסוקים ווייל מאנכע העלן נאך מיינען אז איך פארווערד דעם תפילת השל"ה אדער העלען ליינען בעת מנוחתם כבוד בעת טומאה, מיילע יהי נא בעיניהם כאילו, אבער איך האב יא דורך געטוען ס'ענין, אין איך זעה נישט קיין שום איסור פון חוקת הגוי דערין, נאר עפעס א פערזענליכע שנאה געווען פון רעב משה מנהל און אויך אנגערייצט די מנהלים עד היום הזה,

אבער ווי זיס העט וועין געווען ווען יעדער וואלט ווען גענוצט דעם ביציקל, און א קאר וואלט נאר געווען פאר די באהערדע, אדער מ'וואלט זיך באניצט דערמיט אזוי ווי מיר באניצען זיך מיט א עראפלאן, אבער לאקאל וואלט געווען איש על בייקיסו עם העלמעטיסו, און מיר וואלטען געזען א בייק לעין ווי א ישועה נישט ווי א גזירה נוראה אזוי ווי די גיוס בנים, איי ווי גוט ס'וואלט געווען ווען דער דיקליכער ציבור וואלט געוועין געזונטער אין דארער, אבער בשום אופן ס'וועט נישט פאסירן ווייל די בייזע העלען דאס נישט צולאזן.

[בן תמליון]

איך רייס מיר פאר געלעכטער ווי א משוגע'נער. דער מיסטער פרישער איז סאמטינג דיפערענט, עפעס וואס איז נישט געווען דא ביז יעצט.

[זר זהב]

איך רייס מיר פאר געלעכטער ווי א משוגע'נער. דער מיסטער פרישער איז סאמטינג דיפערענט, עפעס וואס איז נישט געווען דא ביז יעצט.

[יואליש]

נאך א ביישפיל פון א מנהג המקום וואס איז רעלעטיוו פריש, אלט אפשר פופציג יאר, און דער עולם ווייסט פארט נישט טעמו ונימוקו אבער האלט זיך דערצו כאילו ס'איז פון די יסודות הדת. געוואנדן אין די פאפולאציע וואוקס פון די סארט אידן וועלכע קלאמערן זיך צו די מנהג החדש איז מעגליך אז די מנהג וועט גיין עקסטינקט (אויב נישט געניג קינדער וועלן געבוירן ווערן) אדער גאר ווערן אן הלכה למשה מסיני ווי שניידן שערות אשה נשואה (אויב זיי וועלן איינעמען די חרידישע דעמאגראפיקס).

ס'קען זיין אז מיר וועלן דא קענען אויסקענטן דאס עסק און ארויסקומען מיט א זיכערע מקור און טעם, אבער דאס וועט שוין זיין צו פארדאנקן די אינטערנעט און די אינפארמאציע-שעירינג עפאכע.

[יידל]

אן ענליכער מנהג וואס איז אלט אפשר 50 יאר איז די חסידישע מנהג צו מקפיד זיין גיין מיט שווארצע שירעמעס דוקא.

[קינות גירושין]

אן ענליכער מנהג וואס איז אלט אפשר 50 יאר איז די חסידישע מנהג צו מקפיד זיין גיין מיט שווארצע שירעמעס דוקא.

אנשולדיג, מענער גייען איבעראל מיט שווארצע שירעמס

[סאשי פיש]

די ענין צו גיין מיט א שירעם אפילו עס רעגענט נישט
עס זאל אויסזען ווי א שטעקען און קלאפען אז יעדער זאל באמערקען וועלכע פערזענליכקייט גייט דא....

[berlbalaguleh]

אזא דערפרישטקייט האב איך שוין נישט געשפירט א גאר לאנגע צייט. דורכליינענדיג דעם ארטיקל --וועלכער איז דרך אגב פול מיט גרייזן-- פאר וועלכן דער נח מיט זיבן גרייזן וואלט זיך געמעיגט באהאלטן, האב איך באמערקט אז דער שרייבער "פרישער" האט א גוט'ן חוש צו באמערקן און אבזערבירן דעם מצב פון יהדות התורה בעיר הטעירע ועהאק'דישע וויליאמסבורג, יצ"ו. ס'בלייבט מיר נאר איבער צו געיבן (חוץ א פאר לייקס( דא אין קאווע שטיבל. מתוך נחת והרחבת הדעת עבג" בב"א. א ברכה. דער אייבישטער זאל העלפן איר זאלט זיך עלטער'ן אין פרייד'ן

[איחוד פעלד]

און אז מען רעדט פין בייקס, איז לעצטענס געוועהן אן ארטיקעל, וואס דארט איז געוועהן געשריבען, אז די סיבה לאיסור איז ווייל עס איז פארבאטען פאר מענער צו שוויצען פארענט פין פרויען.

[יואליש]

מיין חידוש איז אז סאקמיר רב פון שובבי"ם קאורט האט געהאט א פראבלעם מיט די ביציקלעך בין רגלים צוליב די הלכה אין שו"ע אבן עזר סימן כ"ג סיעף ו': אסור לרכוב על בהמה בלא אוכף.

[יואליש]

אנדערע האבן געזאגט אז די פראבלעם איז אז מ'קען פירן א ביציקעל ארויס פון תחום.

[למדן]

אן ענליכער מנהג וואס איז אלט אפשר 50 יאר איז די חסידישע מנהג צו מקפיד זיין גיין מיט שווארצע שירעמעס דוקא.

קיינמאל געוואוסט אז איך דארף מקפיד זיין

[דעת תורה]

@יואליש, דיין ערשטע טעם לא מסתבר כלל דהתם טעם האיסור מחמת חמימות גופא נוכראה, וזה לא שייך בדומם כמובן. בר מן דין שמעולם לא שמענוהו אוסרו בכלל, ואף משה מנהל ורעו הדומה לו ישעי' יאנקל שטויבער לא קאמרי רק לקטנים ולא שמענו שום פקפוק לענין גדולים.

והטעם השני דא ודאי עיקרא דמילתא כידוע הסיפור בעת התייסדות עיר קרית יואל. והאיסור על הפוירטין טשענעלס נראה גם כן מטעם זה, דמה לי אם הילד נוסע לחוץ, או הגוי נכנס לפנים.

[יואליש]

@יואליש, דיין ערשטע טעם לא מסתבר כלל דהתם טעם האיסור מחמת חמימות גופא נוכראה, וזה לא שייך בדומם כמובן. בר מן דין שמעולם לא שמענוהו אוסרו בכלל, ואף משה מנהל ורעו הדומה לו ישעי' יאנקל שטויבער לא קאמרי רק לקטנים ולא שמענו שום פקפוק לענין גדולים.

והטעם השני דא ודאי עיקרא דמילתא כידוע הסיפור בעת התייסדות עיר קרית יואל. והאיסור על הפוירטין טשענעלס נראה גם כן מטעם זה, דמה לי אם הילד נוסע לחוץ, או הגוי נכנס לפנים.

אבער כ'האב געהערט - נישט באשטעטיגט - אז נאך אין וומ"ס פיל יארן איידער דאס התייסדות הקרי' נאמנה האט שוין עקזעסטירט די באגריף פון א "שגץ בייק."

שוב ראיתי אז בענין אבה"ע ביסטו גערעכט, ווארום א פאלסטישע ביציקעל איז נישט ארגער פון א בהמה מיט א אוכף, וואס דאס איז יא מותר לויט ר' יוסף קארו'נען.

[קינות גירושין]

יואליש, ווער איז ר יוסף קארונען? די האסט נישט מורא פון בדחן?

[אביגדור]

יא.

[זר זהב]

אין א געוויסן זין איז זיין ספעללינג א חלק פונעם חן

[ברסלבער]

מיין אפיניען איז אז די ספעלינג איז ספעציעל געמאכט אזוי, איך גלייב נישט אז עס קומט נאטירלעך.

[פרישער]

איך זעי אז דער עולם ווינדערטצעך צי טיך קען ספעלן, וויל איך דא מוסר ומודעה זיין אז איך קען ב"ה פיין ספעלן, איך האב נאר געשמיסן פיטשעס אין מאראנסען שאלאכץ ביי לימודי חול, דעיס איז מיין שפרייך אין אזוי שרייב איך, איך מאך נישט קיין טיעותים וואס איך שרייב איז במיזד, נישט אלעס קען יעדער פארשטיין, איעדע ווארט האט א סיבה פאר וואס איך ספעל אזוי, על פי רוב איזעס נישט קיין טעות, איך גלייב אז מיט די צייט וועט עס דער עולם גלייכען אין קאפירן איך העל נישט זיין בייז.

[זר זהב]

אוי דעיס איז שוין פאני אויסגעמישט מיט סיזענד חוצפה!... וואס הייסט דו ספעלסט גוט?

איך זעי אז דער עולם ווינדערטצעך צי טיך קען ספעלן, וויל איך דא מוסר ומודעה זיין אז איך קען ב"ה פיין ספעלן, איך האב נאר געשמיסן פיטשעס אין מאראנסען שאלאכץ ביי לימודי חול, דעיס איז מיין שפרייך אין אזוי שרייב איך, איך מאך נישט קיין טיעותים וואס איך שרייב איז במיזד, נישט אלעס קען יעדער פארשטיין, איעדע ווארט האט א סיבה פאר וואס איך ספעל אזוי, על פי רוב איזעס נישט קיין טעות, איך גלייב אז מיט די צייט וועט עס דער עולם גלייכען אין קאפירן איך העל (וואט די העל- ז"ז) נישט זיין בייז.

איך זאג נישט אז ס'נישט געשמאק און נאטורליך, אבער אויסגעהאלטען לויט כללי ספעלן איז עס נישט. אבער דו זאגסט דאך אז: "איעדע ווארט האט א סיבה פאר וואס איך ספעל אזוי"... דא נעם איך איין א שטילקייט, כ'ווייס נישט ווער ווייסט וועסערע כוונות איר האט אינזינען, ומי יבא בסוד פרישער?..

[פרישער]

שטייצעך אז א טייפא איניש אין כלל, איך האב מיינע אייגענע כללים, סעט אייך נאכאמאל געפעלן לדעתי, איך ביניש אראף געפליקט געווארן פין ביימל נעכטען, איך האשוין ארים שפאצירט דעים בלאק איין מאל אדער צוויי

[זר זהב]

ס'געפעלט מיר שוין, טו בי האנעסט וויט יו!!

[berlbalaguleh]

שטייצעך אז א טייפא איניש אין כלל, איך האב מיינע אייגענע כללים, סעט אייך נאכאמאל געפעלן לדעתי, איך ביניש אראף געפליקט געווארן פין ביימל נעכטען, איך האשוין ארים שפאצירט דעים בלאק איין מאל אדער צוויי

וואס איז די קאליר פון די בארד? ס'איז נאך רויט? אדער שוין אינגאנצן ווייס. מיין זיידע ע"ה זצ"ל הכ"ם האט מיר איבערגעלאזט בצוואה אז איך זאל נישט דיעלן מיט א איד וואס האט א ווייסע בארד. ווייל אפשר איז ער אמאל געווען רויט!!!