מוטער'ס טאג פון א תורה'דיגע השקפה

[יידל]

וואס איז די אידישע השקפה אויף מוטער'ס טאג (Mother's Day)? מצד ההלכה איז עס זיכער מותר. די מקור החגא איז נישט קיין רעליגעזע, און גייט נישט אריין און גדר פון לא תלכו בחוקות הגוי. אבער פון אן השקפה'דיגע שטאנדפונקט איז עס א פראבלעם? יום טוב ערליך זינגט אויף איינע פון זיינע קאסעטעס אז בעת די גויים האבן א באזונדערען טאג צו מכבד זיין זייערע עלטערן, זענען אידן מצווה צו מכבד זיין זייער עלטערן יעדן איימציגסטן טאג. ס'איז משמע אז דאס אוועקשטעלן א באזונדערן טאג צו מכבד זיין די עלטערן דעמאלטס מיט עפעס ספעציעל, גייט אנטקעגן די אידישע בליק אויף כיבוד אב ואם וועלכע לויטעט אז יעדן איינציגסטען טאג דארף זיין די כיבוד אויף די זעלבע דרגא. איך וויל אבער זיין מחולק אויף ר' יו"ט און איך וויל טענה'ן אז מיחד זיין איין טאג פון יאר צו קויפן דעמאךטס א ספעציעלער מתנה פאר א מאמע, כדי ארויסצוווייזן די עפרישיעשאן און הכרת הטוב וואב מיר האבן צו אונזער מוטער, איז בכלל נישט אנטי-תורה_ פארקערט גאר - דאס איז מקיים געווען מצוות כיבוד אב ואם במלוא מובן המילה. וואס זאגט איר?