די מיסטעריעזע מארד פון הבחור חיים ווייס הי"ד, תשמ"ז

[יואליש]

וואס איז די סיבה פארן צוריקעפענען די קעיס?

[מאראנצןזאפט]

איך האב געהערט די מעשה כמעט ממקור ראשון מיט אסאך אנדערע פרטים אבער קען זיין אז יאנקל איז גערעכט.
קודם וואס קול מבשר זאגט מתיבתא דלאנג איילענד איז א גרייז הגם קול מבשר האלט זיך אויסנאם אקוראט און אויב איז ער נישט קלאר אין א נייעס וועט ער זאגן לויט די ערשטע באריכטן, אומבאשטעטיגטע קוועלער וכו'.
לויט ווי איך האב געהערט:
די מעשה איז געווען אויף א מוצאי שבת ער איז געשלאפן אין א צימער מיט נאך 3 בחורים וועלכע זענען אלע אהיימגעפארן אויף שבת, אנדערע חברים האבן אים געלאדענט צו שלאפן אין זיין צימער ער האט אבער אפגעזאגט.
זונטאד צופרי צו שחרית איז דער משגיח געקומען וועקן חיים איז געווען איינגעוויקלט אין א דאכענע און זעענדיג אז ער וועקט זיך נישטאויף האט דער משגיח אראפגעצויגן זיין דאכענע די דארמאטערי איז שוין דאן געווען גענצליך ליידיג ווייל מ'האט שוין געהאלטן אינמיטן שחרית.
דער משגיח איז כמעט אראפ פון זינען פון שרעק און האט זיך גענומען מאכן קולות וברקים. וואכן לאנג איז ער נישט געווען געהעריג ביי זיך און זיין בארד איז גענצליך ווייס געווארן אין די קומענדיגע וואך, דער משגיח איז הייט צוטאגס א יונגערמאן אין די פופציגער יארן מיט א שניי וואסער בארד.
ער האט אים באגעגנט גענצליך צושטיקלט, און א געוויסע סם האט אים פארגליווערט אז גארנישט זאל נישט צורינען.

דער פענסטער איז נישט געווען אפן נאר די שלאס איז נישט געווען פארמאכט, די לעכטל האט מען געטראפן דעם קומענדיגן נאכט, אנגעצינדענערהייט, אויף די דרויסנדיגע זייט פון די פענסטער. די נעקסטע נאכט איז נאכאמאל געווען א לעכטל, מ'האט געשטעלט שומרים און די לעכטלעך האב אויפגעהערט צו קומען.
יארן לאנג האט מען נישט גענוצט יענער צימער אין ישיבה און נאך 8 יאר האט מען עס געמאכט פאר א שויער.
ישיבת לאנג ביעטש האט א שומר א גאנצע נאכט עד היום.
די געשיכטע איז געבליבן פון די 10 מיסטריעזטע פארברעכנס אין די פאליציישע היסטאריע אין ניו יארק מ'האט נישט געטראפן קיין ליד אדער עווידענס, קיין שום סאספעקט אדער מאטיוו, נישט קיין פינגער אפדרוקן, ממש גארנישט כאילו ס'איז די ארבעט פון א שד.
די פאליציי האט דעמאלט געזאגט אז ס'איז קלאר דער יעניגער האט געהאט הילף פון אן אינעווייניגער.
דער גאס האט געשמועסט אז דער טאטע איז געווען שולדיג געלט פאר דער מאפיע און זיי האבן אים געווארנט אויב גיט ער איבער פאר די פאליציי גייען זיי צו זיין נעקסטן קינד.
זומער ווערט אפגעהאלטן א גרויסע יארצייט אין ישיבה יאר יערליך.

[דעת תורה]

די שומרים וואלטן געווען עטוואס פראפעסיאנאל און באהאלטן, און געלאזט דעם ליכטל לייגער נאכאמאל קומען, כאפט מען ווען דעם רוצח

[לעיקוואד]

לויט יאנקל'ס לינק מפי עדי ראייה איז די ליכטל מעשה בכלל נישט אזוי אינטרעסאנט. מ'האט געצינדען א ליכטל יעדער טאג פון די שבעה אינ'ם צימער, און איין טאג ווען דער מג"ש וואס פלעגט עס צינדען איז געקומען האט ער געזעהן אז סברענט שוין א ליכטל. די צימער איז געווען אונטער פאליצייאישער וואך און ממילא איז נישט געווען מעגליך פאר איינער אריינצוקומען אן רשות. די תלמידים שטעלן זיך פאר אז דער מג"ש אליינס האט אנגעצינדען אויך די ערשטע און האט פשוט פארגעסן דערפון זייענדיג אזא צופלויגענער טיפ.

[שרייבער]

שרעקעדיג!!!!!!!!!!
איך פארשטיי אבער נישט, מען האט אים געטראפן איינגעוויקלט אין א דאכענע, האט דאך דאס איינער געטון, דאס מיינט איינער האט זיך ערנסט ארומגעפארעט דארט, ואס טוט זיך מיט פינגער פרינטס?

[לעיקוואד]

ליינטס איבער די לינק וואס יאנקל האט געשיקט, עס קוקט אויס אסאך מער קראנט און מיט נאנטע מקורות ווי די אופן ווי מרנצז"פ האט עס פארציילט מפי השמועה.

[מאראנצןזאפט]

אויף די קאמענטס אויף וואס איז נייעס פארציילט איינער אז א פוילשער גוי וואס האט געראבעט אין ישיבה איז צוריק אהיימגעפארן דעם נעקסטן טאג.
איך האב אויך אזוי געהערט.
בנוגע דעם לעכטל איז דא דארט א מחלוקת צווישן עידי ראי'.

[לכבוד שבת קודש]

איך ווייס שוין וואס נחומ'ס שמועס קומענדיגע וואך גייט זיין.


(אה, פארגעסן... ס'איז נישט א חסידי'שע ישיבה... נעווער מיינד - ס'איז פארט ניבול.)

[[NAMELESS]]

חיים ווייס'עס טאטע בעט זיך מ'זאל העלפען טרעפן די מערדער
http://www.vosizneias.com/131864/2013/0 ... aim-weiss/

[ניו יארק]

וואס איז יעצט געשען אז מען עפענט צוריק די קעיס? האבן זיי עפעס באקומען פרישע ליעד'ס?

[משולם שטיינפעלד]

גיפטער, דער נייעס רעפארטער/פאטאגראפער מעלדט אויף טוויטער אז עס איז דא א דורכברוך אין די די ען עי

[זר זהב]

ברוך השם!

[קאווע טרינקער]

ברוך השם!

ביסט זיכער אז דאס אויפדעקונג וועט ברענגען גוטס?
אולי איז בעסער מ'זאל קיינמאל נישט געוואר ווערן.

נישט אז איך ווייס עפעס, נאר פשוט מ'דארף זיין גרייט אויף אלעם.

[שעפטל]

און אז מ'וועט געוואר ווערן אז ח"ו יד ישראל באמצע, יא כ'וועל מיך שעמען ארויסצוגיין אין גאס, אבער גערעכטיגקייט וועט געטאן ווערן.
כ'קען קוים ווארטן אויף די דעטאלן

[זר זהב]

איר זענט ביידע גערעכט

[לאליפאפ]

און אז מ'וועט געוואר ווערן אז ח"ו יד ישראל באמצע, יא כ'וועל מיך שעמען ארויסצוגיין אין גאס, אבער גערעכטיגקייט וועט געטאן ווערן.
כ'קען קוים ווארטן אויף די דעטאלן

לכאורה זיין זארג איז טאמער עפעס וועט ארויסקומען נישט אזוי גלאטיג מצד דעם נרצח אדער זיין פאמיליע?!

[זר זהב]

רוצח לכאורה

[[NAMELESS]]

גיפטער, דער נייעס רעפארטער/פאטאגראפער מעלדט אויף טוויטער אז עס איז דא א דורכברוך אין די די ען עי

האסט א לינק, אדער אפשר קענסטו אריינפעיסטען דא זיינע ווערטער?

[[NAMELESS]]

צוויי יאהר שפעטער, און מ'איז גארנישט קליגער געווארן
http://m.nydailynews.com/new-york/inves ... -1.2417285

[בלויע רעקל]

זענען זיי חושד חברים אדער סטעף פון די ישיבה?

[איך אויך]

בלוי עז אין NYPD?

[[NAMELESS]]

צום ערשטע מאל געט חיים ווייס'עס טאטע א אינטערוויו וועגן די שרעקליכע פארסירונג

[youtube]http://www.youtube.com/watch?v=8X_IljAiMvk[/youtube]

[[NAMELESS]]

ס׳קוקט נישט אויס גוט וויאזוי די ראשי ישבות פארמיידן די קעמרע.