טעכנאלאגיע אסיפה באשטימט אויף כ"ח אייר

[משכיל]

איך האלט אז מאכן די אסיפה פונקט יעצט 10 וואכן פאר'ן סיום הש"ס איז נישט פאראנטפארטליך,

די גאנצע כינוס ווערט אנגעפירט פון א פאר היציגע עסקנים, [מען דארף נאך זעהן וואס זייער מעסעדש גייט זיין],

ווען מען זאל פרעגן די אלע רבנים או רבי'ס ערענסט, צו מען מעג מאכען אן אסיפה מיט די אלע פרטים וואס מאכט די סיום גייערס עקסיידעד, וואס די אלע דף היומי לערנערס קוקן שוין ארויס צו דעם מעמד פאר יארן, און פונקט יעצט, 17 יאר נאך דעם וואס דער עולם האט שוין די אינטערנעט, ממש אזוי, אויב מען זאל עס נישט מאכן יעצט גייען חלילה אונטערגיין אונזערע דורות, וואלטן דען אלא געזאגט אז דאס איז ריכטיג,

אפאר עסקנים זיינען אויפגעקומען מיט א געדאנק, און אפאר גבירים האבען דאס פינאנסירט, און געמאכט האבן זיי א גרויסען ווינט נוסח אמעריקע, אבער איך הער נישט אז די רבנים פירן דאס, זיי האט מען פשוט אריינגעשלעפט,

יעצט וועגן דעם דף היומי:

פאר 40 יאר צוריק איז כמעט נישט געווען קיינע דף היומי לערנערס ביי חסידישע אידן, חוץ אין גער האט דאס כמעט קיינער נישט געלערענט, די ענגליש רעדערס האבן נאך נישט געהאט קיין ארט סקראל, קיינע האט-ליינס און טעיפס איז נישט געווען, דאס אידישקייט היינט איז א דאנק ארט סקרול מיט'ן דף היומי, דאס איז צו פארדאנקן די טויזענטער אידישע משפחות, עס זיינען דא הונדערטער אידן וואס זיינען געגאנגן צום סיום דאס פריערדיגע מאל און מיט גענומען זייערע ווייבער, און די ווייבער זיינען מחזק די מענער צו גיין לערנען, אויך סתם אידן וואס האבן באקומן א ברען צו לערנען, און קנאת סופרים תרבה חכמה, חלק א' פון מסכת ברכות האט ארט סקרול שוין געדרוקט נאנט צו 100,000 גמרות !!! צו קומען מיט א ווילדע החלטה אן פרעגן די שאלה פון די גדולי הפוסקים, און פארלייגן פאר זיי ביידע זייטן פון די שאלה איז א גרויסע אחריות,

וואלטן זיי געמאכט דעם כינוס 10 וואכן נאך דעם סיום ????

איך האלט אז עס קומט א סאך קרעדיט פאר די פירער פונם סיום אז זיי פארפירן נישט. בפרט אז עס קען זיי ברענגן אן היזק פון געלט.

אויב וועגן דעם וואס א פאר פון די כינוס גייערס וועלן וועגן דעם נישט גיין צום סיום הש"ס, אדער עס וועט ארויסנעמען די עקסייטמנט, איז עס א גרויסע עולה,

אדרבה אויב זיי ווילן דער עולם זאל נישט גליטשן זאלן זיי אריין לייגן די מיליאנן אוועק צו שטעלן שיעורי תורה, מען קען מאכן גוטע די.ווי.די'ס אויף ש"ס וואס זאל זיין קלאר געלערנט מיט אילאסטראציעס און בילדער כדי צו פארשטיין, וכו',

עס איז דא א קינדישע מעשה, אז די זון מיט די ווינד האבן זיך פארמאסטן, זאגט דער זון פאר די ווינד די זעהסט דארט גייט א מענטש לאמיר זעהן די זאלסט עם אויסטועהן זיין רעקל, הייבט אן דער ווינט בלאזן און בלאזט דער מענשט קנעפלט זיך שטארק צו און דער ווינט קען אים דעם רעקל נישט אויסטועהן, דאן גייט דער זון און הייבט אן באקן, דער מענט ווערט הייס און טוט שיין אויס דעם רעקל, וד"ל,

[שמואל הלוי]

דאס אידישקייט היינט איז א דאנק ארט סקרול מיט'ן דף היומי

[בן תמליון]

די מעשה איז אזוי, ר' לייבוש לייזער שליט"א שרייבט מי שעמדו רגלי אבותיו על הר סיני זאל זיך משתתף זיין ביים כינוס ווידעראום ר' משה מאיר בריעף זאגט קלאר אז ווער ס'איז זיך משתתף ביים כינוס בידוע שלא עמדו רגלי אבותיו על הר סיני. דאס מיינט דער פסוק קעטש 22.

[gehlungen]

(קרעדיט: שמואל הלוי פון קאווע שטיבל)

[יואליש]

יא איך גיי צום כינוס, ס'איז היסטאריש. כ'וויל קענען זאגן יארן ארום אז איך בין געווען.

טויזענטער אידן קומען זיך צוזאם כדי צו קענען זאגן אז זיי זענען דארט געווען ווען יעדער איז זיך צוזאמגעקומען כדי זיי זאלן קענען זאגן אז זיי זענען דארט געווען. א היסטארישע מסיבה באמת! אבער ס'איז אסך מער היסטעריש פון היסטאריש. דאס דערקלערן עס היסטאריש אלס א מערקעטינג געצייג איז א חלק פון די היסטעריע.

[אורח]

יעטץ זענען געווען די נטורי קרתא חברה אין פארענט פון ראדני אין מוחה געווען ביז מ'האט זיי ארעסטירט

כ'ווארט אויף די ווידיא

Watch "2 jewishh arabers arestterd front of satmar shull" on YouTube - https://www.youtube.com/watch?v=j9FEZVQ ... ata_player

[זר זהב]

יא איך גיי צום כינוס, ס'איז היסטאריש. כ'וויל קענען זאגן יארן ארום אז איך בין געווען.

טויזענטער אידן קומען זיך צוזאם כדי צו קענען זאגן אז זיי זענען דארט געווען ווען יעדער איז זיך צוזאמגעקומען כדי זיי זאלן קענען זאגן אז זיי זענען דארט געווען. א היסטארישע מסיבה באמת! אבער ס'איז אסך מער היסטעריש פון היסטאריש. דאס דערקלערן עס היסטאריש אלס א מערקעטינג געצייג איז א חלק פון די היסטעריע.

ניין, רוב עולם קומט ווייל זייער מנהיג הייסט זיי גיין, אדער ווייל זיי האלטן אז אינטערנעט איז א פראבלעם און מ'מוז מחזק זיין אזא אסיפה.
איך קום נישט פאר קיין איינע פון דעי סיבות. איך קום בלויז פאר אינטערעסאנטקייט - נייגעריקייט-היסטארישקייט.

[[NAMELESS]]

פון כה"כ

די וואך איז שאפראנער רב שליט"א ארויס געקומען מיטן דעת תורה פינעם רבי'ן ז"ל איבערן כינוס כללי
ווי ער קומט ארויס שארף אז א סאטמאר'ער יוד טאר נישט אהן גיין

מען קען עס הערן אויף די נאמבער

718-362-8800 מען זאל דריקן 3-4-3

יישר כח
איך האב אים יעצט אויסגעהערט, ער רעדט גאנץ צום זאך, ער האט א פוינט

ער זאגט דארט א ווערטל, די עסקנים זענען געגאנגען אין א זאל אן א דאך, ווייל זיי ווייסן אז אונזערע אידן קענען נישט זיצן מיט אזעלכע מענטשן אונטער איין דאך

ער ציט פאראלעל, פונקט ווי דער רבי האט ליבערשט מייסד געווען א כולל א זאך פון וואס ער האט נישט געהאלטן, נאר כדי זיינע אינגעלייט זאלן נישט גיין אין פרעמדע פלעצער, איז זיכער אז דער רבי וואלט צו דעם נישט מסכים געווען, און ער רעדט אויך פון די כינוס כללי תשכ"א

איך האב אויסגעהערט שאפראנער רב'ס דרשה און פאר זיין גייסטישע וואוילזיין וואלט איך מציע געווען איינס פון צוויי אפציעס:
א חברותא וואס זאל לערנען מיט אים אפאר שעה א טעג
מען זאל אים אויפסיינען אויף נעט-פליקס

ווייל מען זעהט ביי אים שרעקליכע סימפטאמען פון בטלה מביאה לידי שעמום.

[שמואל הלוי]

איך בין מוחה אויף ביזוי ת"ח!

[דולה ומשקה]

"כלל ישראל" אין זייער קונטרס איז מכתיר האדמו"ר הרמ"ד מבאבוב אלס "כ"ק אדמו"ר מבאבוב שליט"א", זיי האבען למען הפאליטיק אויס געשלאסען האדמו"ר מבאבוב 48, ס'דא רבנים וואס האבען א פראבלעם דערמיט, ווייל מיט זייער גיין אין כאילו זיי אנערקענען האדמו"ר מבאבוב 45 אלס א אפציעלע באבוב רב גלייך אויף גלייך מיט באבוב 48.

איך פרעזענטליך האב נישט קיין פראבלעם דערמיט, אבער א וואך נאך דער כינוס ווען וועלט וועט צוריק ווערען וועלט, מענטשען וועלן זיך גרייטען צום זוממער, און מ'וועט זיך ווייטער באנוצען מיטן אינטערנעט כאילו לא היה, אלע רבי'שע בילדער מיט ווידאו וועלן ממשיך זיין ארויף צו קומען אויפן געוועב. דער לעצטע יו-טוב קליפ פון עפעס א רבי'שע מאורע וועט נישט זיין פון יאר תשע"ב. די רבנים וועלען ווייטער מיט זייער מחלוקות און שנאת אחים ושנאת חנם געבען שטאף פאר די אינטערנעט זוצערס צו האבען וואס צו שרייבען אין אנאלאזירען. א פילטער וועט נישט ארויס שטיפען 'היידפארק' אדער נאך אזעלכע סייטס. די מחלוקות וואס שטייען בראש, פייערען וואס ווערען אנגעצינדען וואס זיי געבען דעם פינק, ברענגט אריין א קאלטקייט, כח הפועל בהנפעל, עבירה גוררת עבירה, מ'זעצט זיך אויפן אינטערנעט, יעדער זייט ברענגט ארויף זייער טענות ומענות, בא הכתוב השלישי קומט אין זאגט "עטס ביידע זענטס גארנישט ווערט", די רבנים פארלירען דעם ערנסקייט, דער חסיד וועט טוען זיין פארמאל חיובים ער וועט אריין גיין מיט א קוויטעל אדער מכבד זיין דעם רבי מיט סידור קידושין, אבער אינעווייניג זאגט ער "די שפילער וואס די ביסט, ער בייגט אראפ דעם היטל אין שפילט רבי".

מצד השני איז דא טאקע א ערנסטע אדמורי"ם ורבנים, אבער זענען ארום גענומען מיט צעטל הענגערס, קול קורא שרייבערס, חתימה קאלעקטערס, דינגען פיפעגער שרייבערס, אבער צו מאהל גייען זיי שוין צופיל איבער דער מאס, זיי גייען שוין צו פיל, זיי הייבען אן צו לעבען אין א באבל, אנשטאט צו בלייבען שטיין, צוען זיי איבער דעם שטריק, מ'צווינקט צו קויפען די טיקעטס, מצווינגט צו גיין אהין, יא מ'וועט אהין גיין זיך באטייליגען, יא מוועט זיין ציווישען פערציג טויזענט מאחינו בני ישראל, אבער דאס איז צוליב מ'וויל נישט זיין אויס געשלאסען, אבער אינעווייניג זאגט מען "קוק ווי מ'שלעפט מיך", וכו', דער תוצאוה איז א ביטערע תוצאה, ווייל היות דאס אהין פארען איז נישט מיטן פולסטן ווילען, גייט עס נישט אויף טוהן, דער תוצאה וועט זיין אז דאס וואס די רבנים אדמורי"ם און עסקנים האבען זיך אלס אפגעהערט ביז תשע"ב פון "מפי בעל העובדא אז רח"ל...", וועלען זיי אויך הערען תשע"ג תשע"ד און תשע"ה אין אזוי ווייטער גארנישט ווייניגער אין פראצענט ווי פאר דעם 'כינוס'. אין דאס וועט זיין צו דאנקען נישט עמיצער אנדערש נאר די עסקנים זעלבסט, זייער מהלך ביז צום כינוס איז צו פאליטיש און צו שווארץ מיט א גאנג פון טערער אין ער ווארט אויף נצחון און איינעם.

זייער קונטריסים איז מלא העעצע ושנאה, אין עס פעלט דערין זייער הארץ, זייער מטרה, זיי פשוט ווייסען נישט ווען אויף צו הערען צו שרייבען. איך וויל פרעגען אין מהר"א מסאטמאר עפעס ווייניגער אנטקעגען דעם אינטערנעט ווייניגער ווי איינע פין שטיצערס? אוודאי נישט, נאר די שרייבערס מיט די עסקנים, מיט זייער טיפשות'דיגע גע'שרייבעכטס הייבען גרויס צו מאכען די וואס האבען גע'חתמ'ט אין איגנארירען די וואס האבען נישט, דאס מיינט אין אנדערע ווערטער דא ווערט אריין געשלעפט מחלוקות אויף א גרויסע אופן.

"לדעתי" שרייבט נארמאל אין נוטראל, דער עיקר איז אנטקעגען דעם אינטער נעט אין דאס זאל זיין דער ציל אין תכלית, שרייב אז האדמו"ר מהר"א מסאטמאר, מהרב"ץ מבאבוב, קאשוי רב איז אויך שטארק אנטקעגען דעם פראבלעם, נאר זיי האבען א פראבלעם זיך משתתף צו זיין ביים כינוס, אבער דאס מאכט זיי נישט מיט קיין א דיגראד ווייניגער אנטקעגען דעם אינטערנעט פראבלעם, והא ראי' זיי האבען אין די עבר שוין אסאך ארום גערעט צו זייער עולם דערוועגן.

זייער "אני ואפסי" מהלך וועט זיין זייער דורכפאל, נישט בשעת דער עצם 'כינוס', נאר דער דורכפאל וועט זיין נאך דער כינוס, ה' ישמרנו.

[[NAMELESS]]

איך בין מוחה אויף ביזוי ת"ח!

איך מיין זייער ערנסט, איך מיין חלילה נישט קיין וויצן, ווער עס קען מיין היסטאריע דא אין קאווע שטיבל ווייסט אז חלילה לי מעשות כדבר הזה...
אבער איך האב אויסגעהערט (שפעט ביינאכט נאך 3 אין בעט) די דרשה פונעם יחתנא דבי נשיאה דבעל ה"דאס ווארהייט דאס וויסנשאפט'ס" און איך זאג אייך, דער איד איז אין א קריזיס!
עס איז קלאר אז ער איז שרעקליך לאנגווייליג!
ער זאגט אז האט דורכגעליינט די צייטונגען דריי מאל!
ער שטעלט זיך באריכות אויף יעדע צעטיל!
ער רעדט פון די ליטווישע מיט אזא קינדישע זלזול, וואכטפאגל, אונזער שכן דארט.... (ווייל שאפראנער קעמפ איז אין פאלסבורג) שטיינמאן, און ער באטיטלט די ארץ ישראל'דיגע גדולים "די חברי המדינה דארטן...."
ער איז ביזי מיט זיין אומגעלונגענע ווערקט חידושי סוגיות און ער הערט נישט אויף זיך קלאפן אין פלייצע אז ער איז דער נאנסטער מיטן רבי'ן
ער שטעלט זיך אפילו אויף די נושא אז די סטאדיום האט נישט קיין דאך.
ממש ער רעדט ווי א טיפש נפלא. איך האב רחמנות אויף דעם איד, איך שווער ביים חידושי סוגיות אז ווען ער לערנט ווען זיבן שעה א טאג וואלט ער אזוי נישט גערעדט, ווען ער האט ווען עקסעס צו אינטערנעט ווואלט ער אזוי נישט גערעדט, ווען ער דארף זיך פארקוקן דרשות, שיעורים, און עוסק זיין אין שלום בית און חינוך וואלט ער נישט אזוי גערעדט.
ווי זענען זיינע קינדער? דרייי מאל ליינט ער דורך אזא צייטונג? זאל ער כאטש ליינען ליטעראטור אין די צייט! זאל ער כאטש ענדיגן אפאר מחניים ביכלעך!
דער איד -במחילת כבוד הדרת גאון קדושתו וחכמתו הרמה- איז אין א קריזיס, ער קען חלילה כאפן א נערווען בראך!

[בן תמליון]

איך בין מוחה אויף ביזוי ת"ח!

איך מיין זייער ערנסט, איך מיין חלילה נישט קיין וויצן, ווער עס קען מיין היסטאריע דא אין קאווע שטיבל ווייסט אז חלילה לי מעשות כדבר הזה...
אבער איך האב אויסגעהערט (שפעט ביינאכט נאך 3 אין בעט) די דרשה פונעם יחתנא דבי נשיאה דבעל ה"דאס ווארהייט דאס וויסנשאפט'ס" און איך זאג אייך, דער איד איז אין א קריזיס!
עס איז קלאר אז ער איז שרעקליך לאנגווייליג!
ער זאגט אז האט דורכגעליינט די צייטונגען דריי מאל!
ער שטעלט זיך באריכות אויף יעדע צעטיל!
ער רעדט פון די ליטווישע מיט אזא קינדישע זלזול, וואכטפאגל, אונזער שכן דארט.... (ווייל שאפראנער קעמפ איז אין פאלסבורג) שטיינמאן, און ער באטיטלט די ארץ ישראל'דיגע גדולים "די חברי המדינה דארטן...."
ער איז ביזי מיט זיין אומגעלונגענע ווערקט חידושי סוגיות און ער הערט נישט אויף זיך קלאפן אין פלייצע אז ער איז דער נאנסטער מיטן רבי'ן
ער שטעלט זיך אפילו אויף די נושא אז די סטאדיום האט נישט קיין דאך.
ממש ער רעדט ווי א טיפש נפלא. איך האב רחמנות אויף דעם איד, איך שווער ביים חידושי סוגיות אז ווען ער לערנט ווען זיבן שעה א טאג וואלט ער אזוי נישט גערעדט, ווען ער האט ווען עקסעס צו אינטערנעט ווואלט ער אזוי נישט גערעדט, ווען ער דארף זיך פארקוקן דרשות, שיעורים, און עוסק זיין אין שלום בית און חינוך וואלט ער נישט אזוי גערעדט.
ווי זענען זיינע קינדער? דרייי מאל ליינט ער דורך אזא צייטונג? זאל ער כאטש ליינען ליטעראטור אין די צייט! זאל ער כאטש ענדיגן אפאר מחניים ביכלעך!
דער איד -במחילת כבוד הדרת גאון קדושתו וחכמתו הרמה- איז אין א קריזיס, ער קען חלילה כאפן א נערווען בראך!

קופערניקעס דו ביסט געוואלדיק. דיין פעדער איז באגילדערט מיט חכמה.

[הדד בן בדד]

במחילת כבודם פון די ניקים וואס שרייבן געווענליך צו דער זאך, האב איך נישט קיין אנונג וואס עס שטעכט ענק דא.
איז דא איינער וואס פארשטייט נישט אז אינטערנעט איז די גרעסטע חורבן און סכנה פאר'ן צוקונפטיגן דור?
אויב יא, איז דא איינער וואס פארשטייט נישט אז עפעס מוז געטאן ווערן?
אויב יא, דארפן מיר זיך נישט פרייען אז עס איז דא איינער וואס פרובירט עפעס טאן?
עס איז נישט קיין חילוק יעצט צי עס זענען דא "נאך" פראבלעמען. אויב איינער טוט נישט ריכטיג ביי אן אנדערע פונקט, אפילו עס איז משרשו די זעלבע, איז נישט בעסער אז כאטש אויף אן אנדערע פונקט פרובירט ער יא עפעס צו טאן?
אפילו אויב דער איווענט וועט למעשה גארנישט אויפטאן, וואס שטערט אייך אז איינער פרובירט טאן עפעס א גוטע זאך?
סתם אווערנעס, אז מען זאל רעדן פון דעם ענין, איז שוין א גוטע זאך. אזוי ארבעט א קאמפיין. ענק מיינען אז נאך אן אנטי-בולי קאמפיין, הערן קינדער אויף טשעפענען אין סקול? צו אן ערנסטע פראבלעם, פרובירט מען נאר טאן וואס מעגליך צו ראטעווען אדער פארבעסערן, און מיר דארפן זיך פרייען אז עס איז דא איינער וואס טוט נאך עפעס. אז עס טוט וויי, שרייט מען. מען פרובירט לעשן. (און די וועמען עס באדערט נישט, דרייען זיך ארום לאכן.) קענסט שרייען "העי, דו לעשט נישט גוט דעם פייער", אבער יענער פרובירט לעשן וויאזוי ער פארשטייט. דו האלטסט אז דו קענסט בעסער, נו, שארץ ארויף די ארבל, נישט סתם מאך אלעס אוועק וואס יענער טוט.
אויב גייען זיך צענדליגער טויזנטער אידן צוזאמקומען פאר דעם צוועק, א זאך וואס מען טוט נישט אויסער כ"א כסליו און אנדערע יארצייטן, איז דאס שוין א גוטע זאך. עס איז א מעסעדזש ווי ערנסט דער ענין איז. איז עס ווערט צו באגריסן, נישט אפצולאכן.
און די וואס האבן "אינסייד אינפא" אז מען האט נישט קיין שום פלאן, איך בין מחולק אפילו איך האב נישט געהערט אינסייד אינפארמאציע. איך האלט מען וועט יא עפעס פרובירן פארשטעלן פאר'ן עולם. אבער א טאג נאכ'ן אסיפה, וועלן דא די זעלבע מענטשן סייווי קומען מסביר זיין פארוואס אלעס זענען נארישע עצות.
אויב פינף מענטשן וועלן נאך די אסיפה צולייגן פילטער, האט זיך עס נישט געלוינט?

שרגא, כאטש איך גלייב אז מען האט דיר שוין לאנג געענטפערט, וויל איך עס אבער אויך טאן. ועל ראשון ראשון ועל אחרון אחרון:

שרגא, נישט איך פארשטיי נישט אז אינטערנעט איז דער גרעסטער פראבלעם, נאר איך פארשטיי דירעקט אז אינטערנעט איז נישט דער גרעסטער פראבלעם. דער גרעסטער פראבלעם איז דער יצר הרע, וועלכער וועט אלעמאל טרעפן נייע מהלכים וויאזוי מכשיל צו זיין אידישע קינדער. און אמת טאקע אז צו יעדער נייער איינפאל זיינעם דארף מען אויסטרעפן א נייער מהלך דאס לוחם צו זיין, אבער דאס איז נאר געזאגט געווארן נאכדעם וואס מען האט די בעיסיק יסודות'דיגע כלים.

ווען מען שיקט סאלדאטן אויפן שלאכטפעלד, און איין טאג קומט ארויס א נייער געווער, דארף מען זיי טרענירן וויאזוי זיך צו באגיין מיט דעם, און אויב איז דער נייער געווער ביים שונא, דארף מען זיך מושטירן וויאזוי דאס צו באקעמפפן, אויב אבער די סאלדאטן האבן נישט די בעיסיק טרענירונג, וועט גארנישט העלפן אז דו וועסט אריינלייגן שעות זיי צו מושטירן צום נייעם געווער פונעם שונא, ער האט דאך נישט קיין השגה וויאזוי זיך אומצוגיין אויף א שלאכטפעלד, פאר וואס ווען ווי וועט ער פאלן. ווען מען שטייט אין אזא מצב, דארף מען זיך צוזאמען נעמען אויף אסיפת חירום און גיבן די סאלדאטן א קרעש קאורס אין פונדאמענטאלע תכסיסי מלחמה, אין די אלף בית פון א שלאכט פעלד, מען דארף אין זיי אריינגעבן א קאמפפסלוסט, זיי זאלן וועלן זיך שלאגן פאר זייער לאנד (אדער פאר סיי וועלכן ווירדע זיי קעמפפן), אן די זאכן וועלן זיי פאלן ווי פליגן, גאראנטירט.

און אויב וועט מיר איינער זאגן דעמאלס, וואס גייט דיך אן אז איך גיי לערנען די סאלדאטן וויאזוי זיך אומגיין מיט דעם נייעם געווער? וועל איך אים ענטפערן: שוטה שבעולם, וואס האב איך אז ער ווייס וויאזוי צו באקעמפפן דעם געווער אז ער האט נישט קיין השגה ווי מען קומט אן ביז אהין, ער וועט פאלן נאך אסאך פריער. און דאס איז שוין אלעס אויב יענער וויל אים באמת אויסלערנען וויאזוי דאס צו באקעמפפן. וואס טוט זיך אבער ווען איך ווייס און איך זעה אז ער וויל יענעם סתם פארדרייען א קאפ, פאר אייגענע אינטערעסן (נישט קיין חילוק פון וועלכן סארט) און ער גייט אים פאקטיש גארנישט אויסלערנען וואס גייט אים העלפן, אפילו קעגן אט די כלי משחית? דאן וואלט איך געדארפט יענעם אנכאפן און אים גיבן א שטויס ער זאל פליען אזוי ווייט אוועק פון דארט ווי עס קען נאר זיין, ער זאל לאנדן אונטער די הרי החושך און זיך קיינמאל מער נישט באווייזן פאר מיינע ברודער וועלכע געפינען זיך אין א שווערע מלחמה.

די אלע אנדערע פראבלעמען וועלכע זענען דא זענען נישט "משרשו" די זעלבע, אלע צוגלייך זענען כלי משחית און געווער, באמבעס פון אלע סארטן וועלכע דער שטן ווארפט אויף אונז.

דאס אז ישיבות מאכן פראבלעמען פאר עוורידש בחורים איז א פיל ערגערער פראבלעם ווי דער אינטערנעט. דאס אז ישיבות אינטערעסירט אינגאנצן נישט מחנך צו זיין דעם אויבערשטנס קינדער צו תורה און אידישקייט, נאר אויף צו קענען וואס מער און וואס טיפער גמרא, כדי זיי זאלן זיך קענען אויפטאהן וואס פאר א געוואלדיגע ישיבה זיי האבן, און וואס פאר א גוטע קאפ מען מוז האבן אויף צו קענען אריינקומען אהין, דאס איז טויזענט מאל ערגער ווי דער אינטערנעט. ווייל פון אזא סארט חינוך סיסטעם קומען ארויס סאלדאטן וועלכע זענען לגמרי נישט טרענירט פאר דעם שלאכט פעלד וועלכע ווארט זיי אפ, דארט הייבט אן דער פראבלעם, נישט ביי די בחורים נאר ביי די הנהלה, ביי די רבי'ס, רבנים, ראשי ישיבות און מנהלים.

ווען דאס וועט ווערן פאראכטן, וועלן צענדליגער אנדערע פראבלעמען אוועקפאלן, אריינגערעכנט דער אינטערנעט. געדענק, דער אינטערנעט איז נישט קיין בעל בחירה, ער האט נישט געטון גארנישט שלעכט, ער איז ס"ה א נסיון וואס דער באשעפער האט צוגעשטעלט פאר אונזער דור, וואס אויב מיר וועלן נישט אנכאפן דעם פראבלעם ביים יסוד, וועט זיין זייער ביטער, נישט קיין חילוק וויפיל מען וועט שרייען, און וויפיל וואסער מען ווועט שפריצן אדער וויפיל כינוסים מען וועט מאכן.

אויב דער איווענט וועט גארנישט אויפטאן איז א עבירה אידיש געלט, אידיש צייט, און מער פון אלעם, דער קאלטקייט וואס דאס וועט אריינברענגען צום עולם צו כינוסים און רבנישע פראיעקטן בכלליות.

סאו אוודאי, אווערנעס און רעדן פון דעם איז גוט און וויכטיג, אבער נאר אויב דו גייסט עפעס טון למעשה, סתם צו רעדן אויף צו שטופן צייט איז א עבירה.

און מיר באדערט עס, און איך דריי מיך נישט ארום לאכן, איך דריי מיך ארום וויינען, אויף דעם וואס מען טוט נאך אלץ גארנישט וועגן דעם פראבלעם, און נאך ערגער, מען טוט יא, אבער מען טוט ראנג זאכן, און מיט אייגענע אינטערעסן, וועלכע וועט סוכ"ס נאר ערגער מאכן.

עס קומען זיך צוזאמם טויזענטער אידן נישט נאר כ"א כסליו, נאר אויך ר"ה אין אומאן, ל"ג בעומר אין מירון, יעדן חוה"מ ביים כותל המערבי (רח"ל) און אויך יעדע זיבן אהאלב יאר ביים סיום הש"ס, נישט טויזענטער נאר צענדליגער טויזענטער.

[הדד בן בדד]

דאס פריערדיגע האב איך געשריבן אין איילעניש אלס ענטפער פאר שרגא, אבער מען דארף פארשטיין דעם פונקט, ווייל עס איז זייער וויכטיג.

מיר דארפן זיך לערנען פון אן אמת'ע מלחמה. ביים צווייטן וועלט מלחמה האט די אמעריקאנער פאלק געשיקט מיליאנען פון אירע קינדער אין שלאכט, קעגן א גאר שעדליכן און גרויזאמער שונא. די מיליטער האט פארשטאנען דעם גרויסן אחריות וואס מען האט אויף איר ארויפגעלייגט און געטוהן אלעס וואס נאר מעגליך אז זייערע סאלדאטן זאלן ארויסקומען זיגרייך. זיי האבן טרענירט זייערע סאלדאטן צו קענען אויסשטיין גאר שווערע סיטואציעס און גרויזאמע פייניגונגען און זיך נישט ברעכן, מען האט זיי מושטירט צו נוצן פילע סארטן געווער אויף צו באקעמפן דעם שונא, וגו' וכו'. אבער זיי האבן געוואוסט אז דאס איז נאך ווייט פון גענוג, דאס איז נאר דער אנהייב.

זיי האבן אויפגענומען איינעם פון די בעסטע און גרעסטע פילם פראדוצירער פון יענע תקופה, און אים באאויפטראגט ארויסצוגעבן פילמס ספעציעל פאר די סאלדאטן, זיי פארשטיין געבן פארוואס זיי שלאגן זיך, זיי זאלן זיין איבערצייגט אז דאס איז א ווערדפולע זאך זיך צושלאגן דערפאר און זיך צו לאזן הרג'ענען, און גלייכצייטיג אריינלייגן אין זיי א קאמפפסלוסט, זיי זאלן וועלן זיך שלאגן און הרג'ענען און אומברענגען דעם שונא. (די פילמס זענען נאך דא עד היום הזה, עס איז א סעריע וועלכע הייסט "פארוואס מיר פייטן" why we fight, מען קען זיי טרעפן אונטער די נעמען פון די אינדיווידועלע פילמס. אדרבה, כאפט א בליק וועט איר זעהן ווי די פילמס טוען די ארבעט).

דאס מיינט אז די מיליטער האט פארשטאנען אז מען שיקט ארויס א סאלדאט, להרוג וליהרג, דארף ער פארשטיין פארוואס ער שלאגט זיך, ער דארף גלייבן אז ער איז גערעכט און ער פייט פאר א ריכטיגן אמת'דיגע צוועק, און ער דארף אויך האבן א שטאלץ, א לוסט צום שלאכט, אן די אלע זאכן גייט עס נישט, אפילו אויב מען האט זיך מושטירט, ווייל יעדער ווייסט ווי וויכטיג מאראל איז אין א שלאכט.

היינטיגע צייטן שיקט דאס אידישע פאלק ארויס טויזענטער סאלדאטן צום פראנט. יעדער בחור וואס האט חתונה, גייט ארויס צום מלחמה אויפן שלאכטפעלד. דער וועלט איז א ביטערע שווערע שלאכטפעלד, א שלאכטפעלד קעגן אידישקייט, עס זענען דא אויבים און שונאים מבית ומחוץ, זיי שטייען גרייט מיט אן א שיעור געווער איינצושלינגען דעם פרישן אינגערמאנטשיקל, דעם אפרוח שלא נפתחו עיניו, ער לייגט עם אראפ א עולם הזה מיט אזויפיל בליטשקעדיגע קאלירן, עס גלאנצט, עס פינקלט, עס וואונקט און שמייכלט, עס רופט אים און זאגט אים קום נאר אהער, וועסט דאך אזוי גליקליך זיין.

אויף צו קענען געווינען אט דעם גאר שווערן שלאכט דארף מען קודם זיין מושטירט, מען דארף זיין טרענירט, אבער דאס הייבט זיך אן מיט דעם וואס דער אינגערמאן זאל וויסן (נאך פון אלס בחור) פאר וועמען ער פייט, פארוואס ער פייט, ער זאל פארשטיין פארוואס עס איז אים ווערט זיך צו שלאגן, וואס זענען די דערגרייכונגען פון געווינס און וואס דערלייגט מען פון א פארלוסט. ער דארף זיין גרייט להרוג וליהרג, חז"ל זאגן אין התורה מתקיימת אלא במי שממית עצמו עליה, זיי מייינען נישט דא די פיר אהאלב בלאט עיון וואס מען האט גע'פלפול'ט אין ישיבה במשך א ווינטער זמן (נישט אז איך מאך חלילה חוזק פון לערנען גמרא אדער פון לערנען עיון, חס ושלום) זיי מיינען דעם דרך התורה, מען קען נישט זיין קיין איד אויב מען איז נישט גרייט להמית עמצו עליה, זיך צו דער'ממית'ן אויף אידישקייט פאר אונזער ליבער באשעפער, נאר אזוי קען עס האבן א קיום, יא בייצושטיין די היינטיגע נסיונות דארף מען האבן אזא גבורה ווי זיך צו לאזן הרג'ענען.

טא וויאזוי ערווארטן מיר פון פרישע אינגעלייט, אדער אפילו עלטערע, זיי זאלן גרייט זיין אויף אזעלכע שווערע שלאכטן ווען זיי האבן נישט קיין השגה פארוועמען זיי שלאגן זיך, פארוואס זיי שלאגן זיך, און אויב האט שוין איינער יא א השגה, דאן האט ער נישט קיין שום כלים מיט וואס זיך צו שלאגן, ער האט נישט קיין געווער. אדרבה, קוקט אייך אום, קוקט אריין אין זיך, כאפט א שמועס מיט אייער חבר, ברודער, שכן וכדו', זעהט וויפיל איז אונזער השגה היינט אין אידישקייט.

און דא קומען אפאר עסקנים און ווילן מאכן היסטאריע דורך מאכן היסטעריע (באמת ווילן זיי מאכן געלט, איך וויל אבער נישט אריינגיין יעצט אין דעם באריכות, ווייל ווען זיי מיינען כאטש אמת'דיג און טוען צו דער זאך, מעגן זיי מאכן געלט אויך, ממילא איז נישט דאס דער פראבלעם אז זיי ווילן מאכן געלט), און הייבן אן א שטורעם אן וויסן וויאזוי און וואו אהין זיי גייען דאס פירן, און בעצם האלט עס ביי דעם אז מען גייט זאגן פארן עולם אז אויב איינער האט נישט קיין פילטער גייט מען אים אנקוקן אזוי ווי א פרייער איד אן א קאפל וואס טראגט א מגן דוד קייטל. לדעתי דארף מען די אלע מענטשן אריינפירן אין שפיטאל אדער אין תפיסה. זיי גייען ווייטער מיטן קאפ אין וואנט אריין, און עס אינטערעסירט זיי באמת נישט אויפצוטאהן עפעס.

און ווען דער דור קוקט אויס ווי מען קוקט אויס, דאן העלפן נישט קיינע אסיפות מיט אזעלכע נארישע אגענדעס, עס איז נידון לכשלון נאך פאר מען האט אנגעהויבן. ווייל אז עס פעלט דער יסוד קען מען נישט בויען קיין בנין.

נו שוין, איך מוז שוין ווידער לויפן, איך האף דער עולם כאפט וואס איך מיין. (אויב עס אינטערעסירט איינעם בכלל וואס איך האב צו זאגן)

[אויס וועלט]

יעצט אין ישיבה

נפתלי האט אראפגעברענגט א ירושלמי ווי עס שטייט אז פין ווי וייזט מען ווען א זאך איז לשם שמים "ווען מען זעהט אז עס איז דא מערערים זאל מען וויסן אז עס איז לשם שמים אין ער האט אויס געריפן הויך אין קלאר אז דעס וואס די רבי זאל זיין געזינט אין שטארק האט געזאגט איז דברי אמת אין ווי מער מערערים ס'דא אלץ מער אמת איז עס, נאכדעם האט ער געזאגט אז די בחורים וואס ווילן גיין זאלן גיין אויפן טאטעס אחריות,
די מנהל זאל זיין געזינט האט געשריגן: ווי אזוי קענען די מחמירים שרייען התבדלות אין די צייט ווען זיי זענען קאנעקטעט צי די אינטערנעט

[געפילטע פיש]

א ירושלמי ווי עס שטייט אז פין ווי וייזט מען ווען א זאך איז לשם שמים "ווען מען זעהט אז עס איז דא מערערים זאל מען וויסן אז עס איז לשם שמים אין ער האט אויס געריפן הויך אין קלאר אז דעס וואס די רבי זאל זיין געזינט אין שטארק האט געזאגט איז דברי אמת אין ווי מער מערערים ס'דא אלץ מער אמת איז עס

אויב אזוי איז נטורא קרתא די מערסטע אמת ווייל זיי האבן די מערסטע מערערים, אדער אפשר האבן די ציונים מער מערערים? איך ווער א ציוני.

[in-Kolel]

הדד ווייז מיר וויפיל אידן דא זענען טאקע אזוי ציפרידן מיטן אידישקייט אז לשיטתך האבן זיי נישט קיין נסיונות ???

[הדד בן בדד]

הדד ווייז מיר וויפיל אידן דא זענען טאקע אזוי ציפרידן מיטן אידישקייט אז לשיטתך האבן זיי נישט קיין נסיונות ???

וויפיל איד איז מען, און וויפיל איז מען צופרידן דערפון, וויפיל גיט עס דיר סיפוק אין דיין לעבן. און אויף דעם קענען טויזענטער אידן מעיד זיין אז ווען מען האט א קשר נפשי עמוק מיט אונזער ליבן באשעפער, דאן טוט מען אסאך גרינגער ביישטיין די נסיונות.

[גדעון]

=

[in-Kolel]

האבן אינטערנעט איז ווי זיין מיט א זונה אייינגעשפארט אין א שטוב ! ווי רב וואזנער האט געזאגט עס איז דא אויף דעם א איסור ייחוד , אויף ייחוד האבן די חכמים מתקן געווען תקנות זיי האבן נישט געזאגט זיי א איד וועסטו נישט האבן קיין נסיונות !

וכאן אני מוסר מודעה יא! די כינוס טוט אויף! איך גרייט מיר בקרוב איבערצולאזן דעם אינטערנעץ נישט אז איך בין קרעמער פין אייועלט מ'וועט מיר נישט באוויינען אבער איךשרייב דאס צי ווייזן אז מ'טוט אויף

[ידען]

האבן אינטערנעט איז ווי זיין מיט א זונה אייינגעשפארט אין א שטוב ! ווי רב וואזנער האט געזאגט עס איז דא אויף דעם א איסור ייחוד , אויף ייחוד האבן די חכמים מתקן געווען תקנות זיי האבן נישט געזאגט זיי א איד וועסטו נישט האבן קיין נסיונות !

וכאן אני מוסר מודעה יא! די כינוס טוט אויף! איך גרייט מיר בקרוב איבערצולאזן דעם אינטערנעץ נישט אז איך בין קרעמער פין אייועלט מ'וועט מיר נישט באוויינען אבער איךשרייב דאס צי ווייזן אז מ'טוט אויף

וואס איז דיין נייע ניק נאך די כינוס?

[ידען]

=

א נייע trick?

מע גייט ״באשאפן״ טיקעטס?

אויב וועט מען מאכן א נייע פלאץ ווי מע וועט מאכן א live hook up וועט מען וויסן אז סע אמת, אויב וועט מען ״טרעפן״ נאך טיקעטס איז עס bull...

[פינטאו]

וכאן אני מוסר מודעה יא! די כינוס טוט אויף! איך גרייט מיר בקרוב איבערצולאזן דעם אינטערנעץ נישט אז איך בין קרעמער פין אייועלט מ'וועט מיר נישט באוויינען אבער איךשרייב דאס צי ווייזן אז מ'טוט אויף

חזק ואמץ.