אז געלט איז באשערט!!!

[smart]

א מעשה וואס כ'האב געהערט פין זרח וואס האט עס געהערט ברוך אין אזוי ווייטער ביזען בעל המעשה.
לאמיר אים ריפען דודי, דע דודי זינגט אויף חתונות נישט אלטס האבי נאר מער פאר פרנסה אויס, זיין פרייז פאר א חתונה איז לאמיר געבען א משל טויזענט דאלער, אין די פרייז איז פאר א חתונה פין 8 ביז בערך 12 אזייגער.
יעצט צום עצם מעשה, ר' גרונעם ריפט אן מיין חבר צי ער קען קימען זינגען ביי זיין זוהנ'ס חתונה, מיין חבר זאגט אים זייער גערען דאס אין דאס איז מיין פרייז, אקעי זאגט גרונעם עמיר זיך זעהן,
אפאר טעג פאר די חתונה ריפט די מחותן אן אז ער וויל מאכען א פריע זאך סאו ער זאל פראבירען דארט צי זיין א שעה פריער , ס'גייט זיין א פריע זאך,
די נאכט פין די חתונה האט מען טאקע אנגעפאנגען פריער, אבער ווי פארשטייט זיך אזא מחותן ווי גרונעם ווי קען ער זיך געזעגענען פין אזא רקידון של מצוה? האט זיך עס טאקע פארצויגען אביסקעלע, ווען ס'איז געקימען צי באצאלען געט די מחותן א פרעג איז עס טאקע טויזענט דאללער....? ס'נישט דא קיין דיסקאונט...?
אזוי רעדענדיג געט ער א וויש די נאז מיט די פינגערס אין פין זיין פיאות טראפט נאך אזוי, זאגט אים דודי איך מיין עם עם עם.... איך מיין אז ס'קימט זיך מיר נאך צוויי הינדערט דאללער כ'בין דא געוועהן פריער ווייל איך האב געמיינט אז ס'גייט זיין א פריע זאך למעשה האט זיך עס היפש פארצויגען, די מחותן קיקט אים אן מיט אזא מינע אויפען פנים אווי איינער זאגט ביסט אויפן קאפ געפאלען, דא האסטי דיין טויזענט דאללער אין .... אה יא ס'זייער שיין געוועהן.

איך דארף אייך נישט זאגען אז דודי איז אהיים ציפאטשט, ער האט באמת געשפירט אז דע געלט איז זיך אים געקימען, ס'ערליך פארדינטע געלט,

א טאג נאכדעם באקימט ער א טעלעפאון קאלל פין א מחותן אז אין צוויי וואכען ארים מאכט ער א שבע ברכות אין ער קען באשטיין צי האבען א זינגער פאר צוויי שעה, וואס דאס קימט בערך אויס צוויי הינדערט דאללער, דודי האט ממש אויפגעשיינט, אז געלט איז באשערט אין ס'קימט זיך עט דער אויבערשטער זיכער מאכען אז ס'עט אנקימען צי אים, אויף יעדע מין וועג,

צוויי טעג פאר די געפלאנטע שבע ברכות קאלט אים אן גרונעם אינזער באקאנטע מחותן אין ער אנטשולדיגט זיך.... ער האט זיך דורעך געטראכט אין ס'קימט זיך דיך טאקע נאך צוויי הינדערט דאללער אין די קענסט עס קימען אפנעמען ביי מיר,

אפאר שעה שפעטער באקימט ער א קאלל פין די שבע ברכות מחותן מיט א גאנצע אנטשילדיגונג אז איינער אין די משפחה קען זינגען אין ער מיז יענעם נעמען, סא ער קענסעלד... סארי

די יונגערמאן איז געוועהן ספיטשלעס... אזא קלארע יד השם....

קאמענטארען זענען איבריג

איין זאך איז קלאר, א מענטש קען מיינען אז ער פירט עפעס ער מאכט עפעס, גאאארנישט... ס'איז דא איינער אויבען אין וואס ער וויל אזוי עט זיין, אין אז ס'איז דיר באשערט עפעס וועט עס אנקימען צי דיר, קיינער קען עס נישט אוועק נעמען...

[שמואל הלוי]

WOW אין מילים

[דולה ומשקה]

ס'דא צוויי זאכען, מ'קען מתפלל זיין פאר געלט, אין מ'קען מתפלל זיין פאר פרנסה,
דער חילוק איז פשוט
די בעטסט פאר געלט, דער באשעפער וואז זאגט לי הכסף ולי הזהב, וועט דיר געבען וויפיל די ווילסט, איי עס איז באמת נישט רצונו כביכול מאיזה סיבה די זאלסט עס האבען, וואס טוט דער רבש"ע דא צוברעכט זיך א דער קאר, דא א דאקטער, דא דאס אין דא יענץ, ביז צוריק צום ארגינעלע ובנוסף צו פארשידינע עגמת נפש.

בעטסטו אבער פאר פרנסה, ווייסט דער באשעפער פונקטליך וואס די דארפסט אין וויפיל די דארפסט, דאס וועט דיר דער באשעפער שיקען כל גויה וגויה די מחסורה.

כ'האב געהערט מאדם גדול: אז עס דרייט זיך ארום א מימרא אז יעדער איז באשערט וויפיל ער קען רעדען ווען ער נוצט אויס דעם מאס, הערט ער אויף צו רעדן, אזוי טראגט ארום דער וועלט, אבער -זאגט ער - יעדער איז באשערט צו פרנסה דהיינו וויפיל געלט עס איז איהם באשערט פון אויבן, דער באשעפער עט עס דיר מזמין זיין פאר די מאכסט חתונה, דער באשעפער קען דיין נאטור, ווען ער גיט דיר פריער דאס געלט, וואלסטו דאס געהאט אויס גענוצט, כהנה וכהנה.

[לעמיל]

שטארק ווארט!!!! האומר דבר בשם אומרו מביא גאולה לעולם ווער איז די מחבר דערפין?

[דולה ומשקה]

שטארק ווארט!!!! האומר דבר בשם אומרו מביא גאולה לעולם ווער איז די מחבר דערפין?

חשש גילוי...

[לעמיל]

איז זאג נישט

[שמעקעדיג]

אזוי שלא מן הענין - איז עס נארמאל צו בעטן א טויזענטער פאר 4 שעה זינגען? וואס אינוועסטירט שוין דער זינגער? א מיקראפאן?

מילא א מוזיקאנט, קאסט אים שווערע טויזענטער, און זיצט ביי א חתונה איבער 10 שעה; אבער א זינגער? פאר 4 שעה?

צוריק צום נושא...

[געפילטע פיש]

אזוי שלא מן הענין - איז עס נארמאל צו בעטן א טויזענטער פאר 4 שעה זינגען? וואס אינוועסטירט שוין דער זינגער? א מיקראפאן?

מילא א מוזיקאנט, קאסט אים שווערע טויזענטער, און זיצט ביי א חתונה איבער 10 שעה; אבער א זינגער? פאר 4 שעה?

צוריק צום נושא...

א דזאב איז ווערט וויפיל מענטשען זענען גרייט צו צאלן.

[אבי גערעדט]

איך ווייס נישט צו די ביסט אזוי באהאווענט, אבער רויע אייער מיט טיי קאסטן אויך געלט, אבער וויצן אין א זייט געלייגט, זינגען איז א מלאכה ואינו חכמה, עס קאסטן אפ ממון ודמים צו האלטן דאס שטימע פריש, דורך טייערע טעראפיסטן, אין אויך צו קויפן די לעיטעסט קארדלעס מייק..

[שמואל הלוי]

אזוי שלא מן הענין - איז עס נארמאל צו בעטן א טויזענטער פאר 4 שעה זינגען? וואס אינוועסטירט שוין דער זינגער? א מיקראפאן?

מילא א מוזיקאנט, קאסט אים שווערע טויזענטער, און זיצט ביי א חתונה איבער 10 שעה; אבער א זינגער? פאר 4 שעה?

צוריק צום נושא...

דער זינגער מעג בעטן וויפיל ער וויל - ס'איז נישט קיין עבירה צו מאכן אפאר טאלער, אז ס'איז צופיל געלט פארן מחותן האט ער א ברירה נישט צו נעמען א זינגער, קיינער צווינגט נישט.