ויהי ממחרת הפראטעסט... און???

[הוגה]

עס איז אדורך א וואך זייט די געלונגענע מעמד קידוש השם, די גרויסע פראטעסט. מען האט שוין געהאט א וואך צו מאכן א חשבן הנפש, איבער צו קוקן די ביכער און אפציילן די רווחים וואס מען האט געמאכט פון די געוואלדיגע ביזנעס דיעל.

קודם איז געווען א געוואלדיגע קידוש השם צו זעהן אז מען האט אועקגעלייגט אלע פערזענליכע און פאליטישע דיפערענצן למען כבוד שמים. אגודיסטן צוזאמען מיט קנאים, ארונים מיט זאלונים מיט בני יואל, ליטוואקעס מיט חסידים, בעלז מיט מאכנאווקע, קלויזנבורג מיט סאטמער, ,אלע האבן אוועקגעלייגט זייערע אייגענע כבוד אין די זייט למען כבוד התורה. WOW! עס קומט זיי גרויס קרעדיט דערפאר!!!!!!

עס איז געווען א פעסטע הצלחה! מינימום הונדערט טויזנט אידן זענען זיך צוזאמגעקומען (לויט אברהם פרידמאן - און פוציג טויזנט לויט בענדזשעמין פראנקלין) און פראקלימירט אז מיר גייען נישט גיין אין מיליטער. אלע רבנים פון אלע קרייזן האבן געשריגן בפה אחד אז מיר וועלן לאזן אונזערע חסידים ווערן איינגעשפארט אין תפיסה. טויזנטע ישיבה בחורים האבן געהאקט א לעבן פאר אפאר טאג און האבן פארברענט שעות על גבי שעות למען כבוד שמו יתברך.

די מידיע האט געדעקט די פראטעסט, ממש א מחיה!! אפשר נישט די נו יארק טיימס, אבער אסאך בלאגס. די פארווערטס האט עס געדעקט, ס'מוז זיין אז זיי האבן זיך גוט דערשראקן.

און??? ובכן???

וואס האט מען אויפגעטון? וואס איז געווען די פלאן? אז יעצט לכבוד דער פראטעסט זאל יאיר לפיד רעזיגנירן? האט איינער געזעהן עפעס אין די נייעס אז מען האט מבטל געווען די שווערע גזירה? לאמיר אנהייבן אויסצורעכענען וויפיל געלט, צייט, כח, און אסאך אנדערע סעקרעפייסעס דער פראטעסט האט גענומען, און עס רעכענען כנגד די ריוח וואס מיר האבן (נישט) געמאכט. זאל איינער אויסרעכענען אלע נעגיטיווע תוצאות אקעגן די פאזיטיווע תוצאות וואס דער פראטעסט האט (נישט) צוגעברענגט.

יא, רבי אהרן איז יעצט די מלך העולם, יא די התאחדות איז מעכטיג, די איד/בלאט/צייטונג האבן משחית געעווען נאך אפאר טויזנט פאפירן מיט אקסן-אפפאל. עס איז געלונגען פאר חסידי הרב שמואל אויערבאך צו געבען א קליינע פליק פאר הרב שטיינמאן. אבער וואס האבן מיר דערפון? וואס האט דער בחור וואס האט נעכטן באקומען זיין צו גיוס פון די גאנצע פראטעסט?

עס זענען געשטאנען רעדנער ביי די גרויסע מיקרעפאן און געשריגן יללות איבער די שיקזאל פון די טייערע הייליגע בחורים, אונזערע בחורים, אז מען גייט זיי לייגן צוגרינד. דאס זענען די זעלבע וואס טוען מיט א קאלט-בלוטיגקייט ארויסשליידערן צענדליגע בחורים אין די גאס אן קיין ישיבות! דעמאלטס גייט זיי גאנץ ווייניג אן וואס וועט געשעהן מיט די בחורים. דעמאלטס טוט זיי שוין נישט אזוי וויי די כבוד השם ותורתו.

איך ווייס אז איך האב מיטן אפשרייבן מיינע בויך קרעמפן דא זיך איינגעהאנדלט א טוץ קללות. אבער איך האב נישט מורא צו שרייבן די אמת. איך האב געמאכט א סך הכל און דאס זענען די תוצאות פון לעצטע וואכעדיגע פראטעסט.

ביטול תורה פאר טויזנטע בחורים
ראיות אסורות פאר הונדערט טויזנט אידן
ביטול זמן און צוגענומען צייט פון די משפחות פאר טויזנטע אידן
אן א שיעור געלט געווארפן אין די גארבידזש
מבלה געווען אן שיעור זמן פון געטרייע עסקנים וואס וואלט געקענט גענוצט ווערן פאר וויכטיגערע זאכן
אנגע'חזר'ט די גאסן פון באראפארק, וויליאמסבורג, מאנסי און מאנראו
גזירת גיוס איז נאך אלץ אין פולן קראפט
הונדערטער בחורים ווערן א יעדע בין הזמנים ווייטער געשליידערט אין די גאסן דורך אונזערע מנהיגים און ראשי ישיבה
קאלט געמאכט דעם עולם אז נעקסטע מאל ווען מען דארף צוזאם נעמען דעם עולם פאר וויכטיגע זאכן וועט מען נישט קומען
נאך מער ביליגער געמאכט (אויב ס'מעגליך) די רבנים בעיני העם

וואס האלט איר? אדרבא, לאמיר הערן וואס איז אייער חשבון הנפש פון די גרויסע מאסן דעמאנסטראציע.

[נולד מאוחר]

וואס טוט זיך מיט '' מיר דארפן טאן נישט אויפטאן''? דאס האט נישט א חדר אינגעל געזאגט.

[שמעקעדיג]

קודם איז געווען א געוואלדיגע קידוש השם צו זעהן אז מען האט אועקגעלייגט אלע פערזענליכע און פאליטישע דיפערענצן למען כבוד שמים. אגודיסטן צוזאמען מיט קנאים, ארונים מיט זאלונים מיט בני יואל, ליטוואקעס מיט חסידים, בעלז מיט מאכנאווקע, קלויזנבורג מיט סאטמער, אלע האבן אוועקגעלייגט זייערע אייגענע פארשטינקענע כבוד אין די זייט למען כבוד התורה. WOW! עס קומט זיי גרויס קרעדיט דערפאר!!!!!!

אילו לא באנו אלא בשביל זה דיינו. דאס איז א געוואלדיגע ליעפ פארווערד.
לאמיר האפן אז דאס וועט זיין די הנחת אבן הפינה פאר א קומענדיגע גענצליכע שלום צווישן אידן, וואס וועט ברענגען משיח.

אבער חוץ מזה, קיינער האט נישט פאראויסגעזאגט אז די גזירה גייט בטל ווערן.
צי זיי האבן זיך דערשראקן? כ'קען נישט זאגן זיי זענען געווארן בלאס ווי די וואנט; אבער איך גלייב (נישט באמונה שלימה) אז די איזראעליס זענען נישט אזוי רואיג ווי בעפאר, זיי ווייסן בעסער ווי אייביג אז אין אמעריקע שלאפט מען נישט. זיי וועלן זיכער צוגיין מיט זייערע גזירות מיט מער כובד ראש, און נישט זיך ווארפן מיט א הפקירות.
עט ליעסט אזוי האף איך.

[בדחן]

מר הוגה, אשטאט זיכען צו מאכען א חשבון הנפש אויף אזויפיל מענטשן ווי למשל ר' אהרן/רז"ל/התאד"ה/עד"ה/טויזענטער בחורים/רש"א/דער איד/דער בלאט/טויזענטער משתתפים/ראשי העדה/ר"א שעכטר/קהילת בעלז/פאפא/ראכמעסטריווקע/וויזניץ/ליטאים/רא"ב וואכטפויגל/ועוד

מאך א חשבון הנפש אויף א איינצעלע מענטש מיט א ניק הוגה, און פראביר צו דערגיין פון ווי עס נעמט זיך דאס משוגעת אויפצובויען א שטרוי מאן - כאילו די פראטעסט גייט פירען צו די רעזיגינאציע פון יאיר לפיד - און דערנאך האקען דערמיט טויזענטער אידן,

איך לייקען נישט די פאקט אז די ביסט קליגער פון גי אלע צענדליגער טויזענטער מענשטן וואס האבן פאר א פרינציפ זיך געשלעפט און די 80 דעגרי היצען אויפן גאס, און אז ביסט קליגער פון די אלע סוקספולע ביזנעסלייט וואס האבן צושטייער געגעבן פאר די מערכה, עס איז בלי שום ספק אז דו מיט דיין בליק ביסטע קליגער מער באזעצן און מער דורוך געטראכט,

פארט וועט זיין כדאי אז זאלסט באטראכטען די בילדער און אויפזיכען דערין צום ווייניגסטענעס 30 - 50 סוקסעפולע מענטשן, דערנאך זיך קיקען אין שפיגעל און מאכען א אייגענע חשבון הנפש, וועסט שנעלער אנקימען מיט דיין אייגענע סך הכל ווי פראבירען מאכען א חשבון הנפש אויף אזויפיל טויזענטער מענטשן,

פראביר, וועסט זיכער האבן הצלחה.

[מאראנצןזאפט]

האלט דיך רואיג מיסטער בדחן.
ער זאגט א נקודה וואס באדערט אונז אלע. נאר וואס דען, כך הוא דרכה של פראטעסט, מ'האפט און מ'וויל אז צובילסעך זאל עס עפעס אויפטון אמאל מער און אמאל ווייניגער.
וואלט ווען יעדער געמאכט אזעלכע חשובונות ווי הוגה וואלט נאך אמעריקע געווען אין קריג מיט וויעטנאם און מארטין לוטער קינג וואלט נאך געדארפט נוצן אן אפגעזונדערטן בית הכבוד'ל.
מ'שרייט און מ'שרייט ביז מ'ווערט הייזעריג אדער מ'טוט עפעס אויף, וועלכעס ס'קומט קודם.

[בדחן]

האלט דיך רואיג מיסטער בדחן. ער זאגט א נקודה וואס באדערט אונז אלע.

די פראטעסט באדערט נישט קיינעם, פארקערט יעדער וואס איז געווען אדער עס געשטיצט איז העכסט העפי מיטען פראטעסט,
עס איז נישט מער ווי נאך א ענגל פון ארויסצוברענגן די אלטע אויסגעדראשענע טענה אז קיינער און גארנישט איז נישט גוט.

[קאווע טרינקער]

בדחן, ביזט ווילד.
הוגה פרעגט טאקע אן, ביי אזעלכע סוקסעספול מענטשן ווי דיר, ער וויל פשוט וויסן וואס מ'האט אויפגעטוהן.
אויב דו קענסט אים נישט ענטפערען נאר מיט קללות און גידופים, כנהוג, דאן ווייס איך שוין די עכטע תירוץ..

[יידל]

ווי יואליש האט שוין מסביר געווען אינעם פראטעסט אשכול, איז דער ציל פונעם פראטעסט בכלל נישט געווען די גאס, די ציל איז אויפצובויען אונזער אייגענעם אידענטיטעט, מיר גייען צו פראטעסטן ווייל מיר שלאגן זיך פארן שיטה, און מיר קענען אפילו איבערצייגן די ליטוואקעס צו קומען צו אונז, און קוק ווי די ניו יארק פאוסט שווענדעט פונקט 132 ווערטער צו באשרייבן דעם פראטעסט וכו'.

[זר זהב]

אט איז א שטיקל פון א לאנגע מכתב קודש אין דבר"י מכתבים א ברכת השנה שנת תשי"ט, נאכן פראטעסט אין וואשינגטאן, ווי דער רבי שרייבט אז ס'נעמט אראפ דעם חרון אף (credit)

Photo_06.jpg (26.63 KiB) געזען געווארן 2037 מאל

[קאווע טרינקער]

פארדעם דרייט מען איבער ישיבת בית מאיר... כ'מיין גאנץ טעלז?
פארוואס נישט געבען אפאר טאללער פאר "סיוע" /עקשטיין אראפ צו נעמען דעם חרון אף?

[היימישער ליטוואק]

אראפנעמען דעם חרון אף קען מען אויך דורך זאגן די פרשה פון קטורת מתוך קלף...

[בדחן]

בדחן, ביזט ווילד.
הוגה פרעגט טאקע אן, ביי אזעלכע סוקסעספול מענטשן ווי דיר, ער וויל פשוט וויסן וואס מ'האט אויפגעטוהן.
אויב דו קענסט אים נישט ענטפערען נאר מיט קללות און גידופים, כנהוג, דאן ווייס איך שוין די עכטע תירוץ..

קוק ווי שיין דו האסט געפרעגט זיין שאלה און פינף ווערטער, לעומת זה ווי פראוועקיטוו זיין שאלה איז געווען.. און פראבירט אראפ צו ברענגן טויזענטער מענשטן וואס האבן זיך געמיטשעט פאר א פרינציפ,
איך האב פשוט פראבירט צו ענטפערן אויף זיין שפראך ווי יענער שווארצער אין באנק ביים סיינען די טשעק, און הוגה האט זיך שוין באווארענט אז דאס איז די שפראך וואס ער רעדט מיטען צולייגען די ווערטער:

איך ווייס אז איך האב מיטן אפשרייבן מיינע בויך קרעמפן דא זיך איינגעהאנדלט א טוץ קללות. אבער איך האב נישט מורא צו שרייבן די אמת.

פארשטייסט? הוגה פרעגט א אנדערע סארט שאלה, און איך האב גענפערט אויף יענע שפראך, איך זיכער נישט געוואלט שעלטן א איד.

[איחוד פעלד]

ווי יואליש האט שוין מסביר געווען אינעם פראטעסט אשכול, איז דער ציל פונעם פראטעסט בכלל נישט געווען די גאס, די ציל איז אויפצובויען אונזער אייגענעם אידענטיטעט, מיר גייען צו פראטעסטן ווייל מיר שלאגן זיך פארן שיטה, און מיר קענען אפילו איבערצייגן די ליטוואקעס צו קומען צו אונז, און קוק ווי די ניו יארק פאוסט שווענדעט פונקט 132 ווערטער צו באשרייבן דעם פראטעסט וכו'.

ממש אזוי.

דאס איז עס, ממש אזוי, קיינער האט קיינמאל נישט געוואלט אויפטוהן פאר די גיוס בני ישיבות, נאכמער, עס גייט באמת נישט אהן די סאטמארע דער גאנצע שינוי אין דער געזעץ, ווייל אנדרעש ווי די געוועהנליכע ארץ ישראל'דיגע בחורים, באקומען סאטמערע בחורים אין ארץ ישראל א פטור, נישט קיין דיחוי, ווייל זיי מאכען זיך משוגע און האבען נישט קיין בושה פאר די "ציונים" וכו', משא"כ די געוועהנליכע פרומע בחורים קענען דאס נישט טוהן, און מאכען א דיחוי, און דער דיחוי וויל מען יעצט מבטל זיין, נישט דער פטור'ס וואס די סאטמערע בחורים ניצען.

אלא מאי, וואס האט מען דא געוואלט? פשוט ווייזען אז סאטמאר איז עומד בראש פין די יהדות החרדית בגולה, און ווען סאטמאר מאכט א פראטעסט קעגען די ציונים האבען נאך אלע אנדערע קהילות זיך צוגעשטעלט צו סאטמאר, און עס איז געוועהן הוחזרה עטרה ליושנה.

און??? אוי איז דאס אן אויפטוה, יעדער סאטמארע וואס איז געוועהן איז שטאלץ פין דער פראטעסט און האט הנאה.

[הוגה]

אין די לעצטע וואך צייט האב איך אלץ נאר געהערט איבער די געוואלדיגע סוקסעס פון צוזאמברענגן אלע צוקריגטע פראקציעס (כאילו ס'איז מער נישט קיין בושה אז די גדולי ישראל לעבן במחלוקת) און איבער די פאקטן אז דער און דער צייטונג/וועבזייטל האט יא אדער נישט באריכטעט די פראטעסט. קיין איין ווארט איבער דאס פארמינערונג פונעם חרון אף ביז יעצט (ס'האט זיך שוין אויסגעצאלט די אשכל) אדער איבער די אויפטו בנוגע די גזירה גופה. כאילו דאס איז נאר א זייטיגע נושא. פארדעם האב איך געפרעגט.

די קאנטראסטישע טענות ומשלים וואס איך האב גענוצט, זענען טאקע אין ריספאנס צו מיינע פערזענליכע געפילן צום פראטעסט, סיי בנוגע די עצם ענין, כ'זעה נישט ווי אזוי אזא זאך קען אויפטון. און סיי בנוגע די שקר; אויב באדערט די פראבלעם מיט בחורים וואס פאלען אוועק, דאן האבן מיר פראבלעמען נענטער צו אונזער היים, וואס קענען גרינג געלעהזט ווערן, און די פאר דאלער קענען אויפטון אסאך אסאך מער.

הרב בדחן, איך ריספעקטיר שטארק ווי איר האלט זיך פעסט מיט וואס איר האלט איז ריכטיג. דאס וואס איר טענה'ט אז איך זאל גיין פרעגן ביי די צענדליגע סוקסעספול ביזנעסלייט. איך האב עס געטון איך האב מיך אדורך געשמועסט מיט צענדליגע סוקסעספול און קלוגע אידן וואס האבן נישט געשטיצט און האבן זיך נישט באטייליגט ביים ריזן מעמד, און פון זיי האב איך באקומען מיינע קושיות והערות. זיי האבן געמאכט די זעלבע חשבונות ווי איך האב געשריבן אויבן. לאחר ככלות הכל, זעהט מיר אויס אז זיי זענען טאקע געווען גערעכט.

אגב, די איינציגסטע וועג ווי אזוי איך קען פארשטיין די אויפטו פונעם פראטעסט איז פון א סאטמארע שטאנדפונקט. עס איז געווען א געלעגנהייט צו קומען קבל עולם ומלואו און פראקלימירן אז אין לנו חלק עם שלטון הציונים. די פראבלעם מיט דעם איז אז בשעת'ן פראקלימירן האט מען זיך מחבר געווען מיט די ציונים אליינס. און די אגענדע פונעם פראטעסט האט נישט דערמאנט קיין ווארט איבער דעם, און נאכן פראטעסט האבן די צייטונגען אויך נישט.

איך זעה דא צוויי געווינערס, די צוויי אדמורים מסאטמאר (ווי איחוד האט שיין ערווענט) . און די גרעסטע לוזערס זענען געווען די בני הישיבות, סיי בא''י און סיי בגולה.

[קינות גירושין]

הוגה, בדחן האט דיר גבעטן זאלסט פרעגן סוסעקספול ביזנעסלייט וואס זענען יא געווען דארט, די פאלגסט נישט...

[דעת תורה]

הוגה, וואס דרייסטו א קאפ? דעם ארטיקל האסטו פונקט אזוי געקענט שרייבן 2 וואכן צוריק, און אלע פוינטס וואלטן געווען די זעלבע וועליד.

דו מאכסט עס כאילו אחרי ככלות הכל שטעלט זיך ארויס אז מען האט נישט אויפגעטון, כאילו איצט ביסטו קלוגער ווי 2 וואכן צוריק. דאס איז גוט פאר דעמאגאגיע. אין פאקט האט זיך גארנישט געביטן, די פראטעסט איז געווען א זעלטענע סוקסעס און דערגרייכט דאס מערסטע וואס זי האט געקענט. אלעס וואס דער פראטעסט האט געברויכט און געקענט אויפטון, האט עס אויפגעטאן. דאס איבריגע (ד.מ. אין דעם פאל - עפעס א שאקל געבן אין ריכטונג פון מבטל זיין די גזירה) האט קיינער סייווי נישט געטראכט אז עס וועט געשען.

[הוגה]

הוגה, וואס דרייסטו א קאפ?

די פראטעסט איז געווען א זעלטענע סוקסעס און דערגרייכט דאס מערסטע וואס זי האט געקענט. אלעס וואס דער פראטעסט האט געברויכט און געקענט אויפטון

פרטים ביטע? אדרבא, כ'וויל זיך אויך פרייען.

[דעת תורה]

טון און נישט אויפטון, אראפנעמען דעם חרון אף, גרויס מאכן סאטמאר, צוזאם ברענגען קריגערישע פארטייען אין סאטמאר וכן הלאה על זה הדרך.

[בענדזשאמין פרענקלין]

ר' מנשה פילאפ שרייבט אז די ציל פינעם פראטעסט איז געווען צו תפילה טוען ברחובה של עיר. די מקור איז, זאגט ער, א גמרא אין תענית עס שטייט דארט אז בעת צרה יוצאים להפגין [לשון הגמרא- צאו והפגינו בלילה].
די שאלה בלייבט איבער פארוואס מען האט עס נישט געמאכט אויף ראדני אדער בעדפארד, און פארוואס מען האט עס נישט געמאכט ביינאכט כלשון הגמרא.

[הוגה]

נו, איך האב דאך שוין אויבן געשריבן אז די winners פון די פראטעסט זענען געווען די צוויי סאטמארע רבי'ס. והא ראי' אז דאס איז די גאנצע וואס די צוויי פארטייען זענען פארנומען מיט זייט די פראטעסט. איך האב קיין ווארט נישט געזעהן איבער הסרת חרון אף אבער לא ראינו אינו ראי'.

מיר איז אבער אויך קלאר אז די גרעסטע losers זענען געווען די בני הישיבות, און די סיבה איז ווייל בעצם קימערט זיך נישט קיינער מיט זיי, אלע זענען נאר פארזארגט אז 'מיין' ישיבה זאל זיין די גרעסטע און די בעסטע. כמו שנתבאר בכמה מקומות בק''ש.

סתם פאר נייגעריגקייט:

וכן הלאה על זה הדרך.

איר קענט אילאבערעיטען?

[בעריש]

באמת זינט ווען און די לעצטע 30 יאר אדער מער האט א פראטעסט דא און די יו עס מבטל געווען א גזירה קעגן די חרדים, און בכלל רעדט מען איצט נאך און די גאר פריע סטעיטזשעס פון די מערכה.
סאיז נאר מער ווייניגער געווען אן התחלה פאר די זאך וואס גייט נעמען 3 אדער 4 יאר ביז מען וועט זיך נעמען אויספירן די גיוס בפועל, און דעמאלס וועט זיכער א מערכה דאהי אויפטאן און דעם סענס צי געבן חיזוק פאר די משתמטים אז משטייט מיט זיי מיט פון איבעראל.
און איך וויל גלייבען אז ווען ס'וועט קומען דערצי וועלען אלע חלקים פונעם חרדישען ציבור מיטשטיין מיט די הפגנות אדער וואס אימער מוועט זעהן פאר נויטיג אזוי ווי ס'איז געווען ביי גיוס בנות 60 יאר צירוק.

[גאלד]

ויהי ממחרת הפראטעסט... און???

ווער האט דיר איינגערעדט אז ס'האט געזאלט עפעס פאסירן ממחרת הפראטעסט?

[גנדי]

האט מיר איינער ארויסגעברענגט אז די עיקר תכלית פון די פראטעסטען און כינוסים איז צו ווייזן פאר די פאלאטישאנס אין ניו יארק אז מיר האבן אסאך מענטשען און מיר פירן זיי ביי די נאז און מיר קענען דעליווערן וואוטס.

אויב וועט איר גוט צו לייגן קאפ וועט איר אנמערקען אז יעצט איז די וואלן סיזאן און מען דארף ווייזן פארן קומענדיגן מעיאר אז מיר קענען דעליווערען אפאר טויזענט קעלבלעך. די פאליטישאנס פארשטייען די רמז און וועלן ווייטער שיקן מיליאנען פאר די עסקנים און טאש (ליין ODA. UJO. PARCCARE. SHOMRIM. TITLE1. E-RATE. וכדומה)

דאס איז אויך די סיבה פון די איחוד הקהילות כינוסים ברחובה של עיר.

יעצט פארשטיי מיר שוין פארוואס יעדער איז קופץ בראש.
יעצט פארשטיי מיר שוין פארוואס דווקא ברחובה של עיר.
יעצט פארשטיי מיר שוין פארוואס דווקא אין מאנהעטאן.
יעצט פארשטיי מיר שוין פארוואס סוקסעספולע ביזנעסלייט און עסקנים געבן געלט פאר דעם. (זיי זעהן די ROI)
יעצט פארשטיי מיר שוין פארוואס די עסקנים געבן אוועק אזויפיל צייט אויף די מערכות.

ווארטץ ביז נאך די וואלן וועט אלעס ווערן צוריק רואיג, ביז די קומענדיגע וואל סעזאן ווען מען וועט זיך ווידער אויפוועקן מיט מערכות.