די נייע "טאפאן זי" בריק

[שמעקעדיג]

אונזער דור איז אויפגעוואקסן אין א וועלט כשולחן הערוך. אמעריקע איז געבויעט געווארן צעביסלעך, אבער מיר האבן נישט זוכה געווען צו זעהן די שווערע ארבעט וואס איז אריינגעגאנגען דערין. די גאנצע אינטערסטעיט און הייוועי סיסטעם אין אמעריקע, אויסגעהאקטע וועלדער און פעלדער, טויזענטער בריקן, הונדערטער טונעלן, און הערליכע בנינים פון נידריגע פאלאצן ביז הויכע וואלקן קראצער, און ס'איז עולם כמנהגו נוהג, מען נעמט עס פאר גרענטעד, עס איז שוין ניטעמאל אינטרעסאנט.

עד שבא דער מאסן מערדער בין לאדין ימ"ש, און האט געמאכט היסטאריע מיטן אראפווארפן די העכסטע בנינים אין ניו יארק, 9/11 וועט נישט פארגעסן ווערן וזכרו לא ימוש ממנו עד עולם, און מיר האבן געהאט דעם כבוד מיט צוהאלטן ווי די ערזאץ, דער נייער שטאלצער פרידאם טאוער, ווערט געבויעט, א שטאק ארויף און דאן נאכאיינס, און ער איז שוין כמעט פארטיג. מען וועט פארגעסן די אלע מחלוקת'לעך אין די זייט, ווי די שטאטישע טאטעס האבן זיך גע'הרג'עט ווי בעביס, דער עיקר איז, אז אין אונזערע צייטן איז געבויעט געווארן היסטאריע, און מיר האבן עס געקענט מיטהאלטן לייוו, טאג נאך טאג, פארנדיג אין די מאנהעטנ'ער גאסן.

אין 2011 איז געקומען די החלטה פון די דעפט. אוו טראנספארטעישאן און די טרואוועי אוטאריטי (נישט די פארט אוטאריטי) אז הגיע עת רקוד, מען מוז איבערבויען דעם אלטן 'טאפאן זי' בריק, וועלכע לויפט איבערן האדסאן ריווער צווישן וועסטשעסטער קאונטי און ראקלענד קאונטי, איבער א לענג פון קרוב צו 3 מייל, און ברעכט שוין אונטער פון די שווערע לאסט, עס דערהייבט נישט מער דעם עול הגלות... דער בריק האט פארמאגט אסאך אלטמאדישע דעזיינס און האט גורם געווען צו אסאך עקסידענטן, דאפעלט ווי אויף אנדערע בריקן, און האט כסדר געהאט טרעפיק זיך שלענגלען אויף ביידע זייטן, און 7 לעינס סך הכל, דער מיטלסטער ליניע איז גערוקט געווארן פון צופרי ביז נאכמיטאג לויט דעם ראש-אוער.

דער נייער בריק אנטשפרעכט צו זיין א מייטערהאפטיגער שטיקל, מאיעסטעטיש און סטייליש, סיי בייטאג און נאך מער ביינאכט, ביינאזאם מיט די לעצטע טעכנאלאגיע צו פארגרינגערן פאר די דרייווערס. עס וועט פארמאגן 8 לעינס - 4 אויף ביידע דירעקציעס (גראדע א זאך וואס כ'קען נישט פארשטיין: וועט די איין-איינציגע צוגעקומענע ליניע אזויפיל ארויסהעלפן לגבי טראפיק? תיקו). דער בריק וועט זיין גענצליך אפגעטיילט אינמיטן, אזוי ווי 2 באזונדערע בריקן. אין צוגאב צו די 4 לעינס פער דירעקציע, וועט דער בריק האבן ברייטע שאולדערס פאר עמערזשענסי פערסאנעל, און אויך א פלאץ פאר מאס-טראנזיט (פובליק טראנספארטאציע), און א עקספרעס לעין פאר באסעס (כ'ווייס נישט אויב באזונדער). אויך וועט זיין א ליניע אין דער זייט פאר פעדעסטריענ'ס וואו פוס גייער וועלן קענען אדורכוואקן, און פאר ביציקלען, צו קענען אדורכשניידן מיט א בייק דעם בריק (הא, וועט דאס זיין פאן!). און מיר וועלן ווידעראמאל האבן די געלעגנהייט מיטצוהאלטן א סענזאציע און היסטארישע געשעעניש, ווי דער בריק וועט געעפנט ווערן (געפלאנט פאר יאר 2017). מען קען שוין יעצט זעהן ווי מען האט שוין אנגעהויבן די ארבעט, ווען מען פארט אדורך אויפן אלטן בריק.

דער בריק ווער געבויעט צו נארט פון די ביז-איצטיגע בריק (צו ראקלענד זייט), און וועט אויך ארויפגיין/אראפגיין שיעף אינמיטן, זינט די ראקלענד זייט איז פיל נידריגער ווי די וועסטשעסטער זייט. די טאל אפצאל וועט זיך פארדאפלען אדער פארטריפלען, פון די איצטיגע $5.50 ביז 12 אדער $15.

[שמעקעדיג]

א קורצע איבערבליק:


[youtube]http://www.youtube.com/watch?v=i9RzTWlIp9k[/youtube]

[מ. גליקמאן]

זייער שיין אראפגעלייגט. ישר כח הרב שמעקעדיג.

[זר זהב]

זייער שיין אראפגעלייגט. ישר כח הרב שמעקעדיג.

[מ. גליקמאן]

די אלטע בריק גייט פארבלייבן אין דינסט?

[זר זהב]

ניין

[שמעקעדיג]

עס איז געווען א רעדע עס צו לאזן פאר פעדעסטריענ'ס, אבער דער פלאן איז בטל געווארן. דער נייער ברידזש וועט האבן פלאץ פאר פוסגייער כנ"ל, און די אלטע וועט ווערן ארויסגענומען פון דינסט.

[מ. גליקמאן]

מען גייט עס אראפווארפן?

[מאיר_וואלף]

ווייס איך שוין נישט וועלעכע איז אינזער,

Israel אדער .U.S

[הערשי]

פארוואס דארף מען איינווארפן די אלטע בריק? אויב ס'טאקע אזא קיר נטוי אז ס'לוינט נישט מער אויפצוהאלטן איז דאך אויך איצט א סכנה צו פארן דערויף, לכאורה. בכלל, ווינדערט מיר שטענדיג, געווענטליך זוכט מען אפיר א שמאל ארט צו שפאנען א בריק. ביי די טאפפאן זי שיינט ווי מען האט געטראפן דאס ברייטסטע פלאץ אויפן האדסאן צו ציען א בריק.

[[NAMELESS]]

הערליך געשריבן שמעקי
ווי אלט איז די אלטע טעפען z?

[געפילטע פיש]

וואס מיינט ארויסנעמען פון דינסט? אראפווארפן? שטיין ליידיג? ס'געווען א פלאן אז מ'גייט עס מאכן פאר א פארק, איז די פלאן בטל געווארן?

ביי די טאפפאן זי שיינט ווי מען האט געטראפן דאס ברייטסטע פלאץ אויפן האדסאן צו ציען א בריק.

לויט וויקיפידיע האבן זיי עס געוואלט בויען די נאנסטע מעגליך צו מאנהעטען, אבער ארויס פון די 25 מייל ראדיוס וואס די פארט אטאריטעט האט דזשוריסטריקשען, כדי די אינקאם פונעם ברידזש זאל גיין גענצליך צום נ.י. טרו-וועי אטאריטי אויפצובויען דעם טרו-וועי.

הערליך געשריבן שמעקי
ווי אלט איז די אלטע טעפען z?

די טעפען זי האט זיך געעפענט 1955, אכט און פופציג יאר צוריק, ס'איז מתחילה געבויעט געווארן זיך צו האלטן בלויז פאר 50 יאר ווייל מ'האט געהאלטן אינמיטן די קארעא מלחמה און מ'האט נישט געהאט גענוג בויען סופליי'ס.

[דעת תורה]

ביסט זיכער עס איז דריי מייל?

[אליצפן]

איך בין מוחל דעם גאנצן נייעם שיינעם בריק זייערע, כ'וועל גערן פארן אויף אן אלטען צוקראכטן בריק נאר זאלן זיי לאזן די טאללס ביי 5.50!!
דער טאפאן זי בריק איז ביז היינט געווען דעם איינציגסטן פתח הצלה וואו מ'האט געקענט פארמיידן די רשעות'דיגע $13 (און עווענטואל $16) טאללס אויפן וואשינגטאן בריק מיט די צוויי טאנעל'ס. יעצט וויל מען דא אויך מאכן די הימל שרייענדע טאלל פרייזן. מוחל טובות!!!!!
גענוג איז גענוג!
און נאך א וויכטיגער נקודה צו געדענקן, די טאללס אויפן וואשינגטאן בריק האבן זיך אנגעהויבן ביי 50 צענט, און היינט האלט עס ביי 13 דאללאר, וואס מיינט פי עשרים וששה, דאס מיינט אז אין עטליכער צענדליג יארן קענען מיר ערווארטן צו צאלן $338 טאללס ביים נייעם טאפאן זי בריק..

[אליצפן]

ביסט זיכער עס איז דריי מייל?

עס איז דא אזא זאך וואס ווערט אנגערופן גוגל בלע''ז, און ווען מען שרייבט אריין דארט די שאלה
How long is the Tappan zee bridge?
קומט אויף א מיסטעריעזן אופן ארויף די תשובה ''דריי מייל''.

[דעת תורה]

תודה רבה. זכה, מלאכתו נעשית על ידי אחרים.

[אליצפן]

יעצט זעה איך אין דעם באריכט אז מענטשן זענען טאקע שרעקליך אויפגעברויזט אויף די פלענער פאר די טייערע טאללס.
מ'קען דערקענען אין די וועג וואס די מענטשן דריקן זיך אויס אז זיי זענען זייער שטארק אויפגערעגט דערוועגן, מפילט ממש ווי מ'קען פלאצן, אבער ס'נישטא גארנישט וואס צו טון.
און למעשה שפילט זיך יעדעס מאל איבער די זעלבע זאך, מ'רעגט זיך ,מ'שרייט, מ'סטראשעט, אבער למעשה טוען די באנדיטן וואס זיי ווילן, ואין מי שיאמר למשחית הרף.
סתם צו פארשטיין ווי טייער עס איז לאמיר עס פארגלייכן צו אנדערע פארנומענע בריקן,
גאלדן געיט ברידזש-5 דאללער
בעי ברידזש סאן פראנסיסקא-5 דאללער
Ambassador Bridge Detroit-$4.75
Benjamin Franklin Bridge -$5.00
וואשינגטאן בריק $13!!

[ונבנתה העיר]

און ע"פ חשבון דארף אויפן וואשינגטאן בריק אריינקומען טעגליך איבער א מיליאן דאלער.

[מאיר_וואלף]

דאס ווערט פאריפען 'סיסטעם בלע"ז',

וואס מיר פאדערן א יעדן זיך צו צושטעלען דער צו,

עס איז ערלויבט צו זיין זייער שטארק אויפגערעגט, אבער צושטעלען דארף מען זיך,

אויך מעגסטו זיין מער פאזעטיוו, און פארשטיין אז מען מיינט נאר דיין טובה

[אליצפן]

דאס ווערט פאריפען 'סיסטעם בלע"ז',

וואס מיר פאדערן א יעדן זיך צו צושטעלען דער צו,

עס איז ערלויבט צו זיין זייער שטארק אויפגערעגט, אבער צושטעלען דארף מען זיך,

אויך מעגסטו זיין מער פאזעטיוו, און פארשטיין אז מען מיינט נאר דיין טובה

אבער אז מ'זעהט אז אזא 'סיסטעם' איז נאר פאראן דא אין ניו יארק, איז א סימן אז דער סיסטעם איז דורכגעפוילט און קאראפטירט.
אויך ווייס איך נישט פונקטליך וואס דו מיינסט צו זאגן אז ממיינט מיין טובה.
וואס, מ'וויל מיך אויסלערנען צו ספענדן געלט?
די סיבה פאר די הויכע טאללס איז ווייל דאס געלט גייט פאר איבערצובויען די פרידאם טאערס.
און דאס איז קלאר נישט פאר אונזערע טובה. מצידי בוי דארט אויף עפפארדעבאל דירות פאר היימישער יודן העסטו מער אויפטון.

[chosen people]

הרב שמעקעדיג, א שיינע ארטיקל האסט אבער ארויסגעלאזט איינע פון די עיקר מעלות, זיי זאגן צו "נאו מעיזשער קאנסטראקשן אין די פירסט דעקעיד"

[ידען]

איינער האט מיך געשיקט



א גוטן. קענסטו דאס ביטע לייגן אויף די טאפפאן זי בריק אשכול? יישר כח.

לגבי די $13 אויפן וואשינגטאן בריק איז דא אן עצה וואס גרעניצט זיך מיט גניבות עכום.
די אינטערשטע לעוועל, ביי די מיטן עקספרעס לעיןס ארבייטן נישט די קעמעראס.
מען קען אדוירך פארן אן באצאלן. אויב האט איר אן איזי פעס, קענט איר עס אראפ נעמען פארן דוירך פארן, מאכט זיכער אז עס ליגט אין די בעג וואט קומט מיט עס אז די מאשין זאל עס נישט אויפכאפן.

וויזוי קען טאקע זיין אזוי?

[שמעקעדיג]

די סיבה פאר די הויכע טאללס איז ווייל דאס געלט גייט פאר איבערצובויען די פרידאם טאוערס.

טאפאן זי האט נישט מיטן פרידאם טאוער, נאר די וואשינגטאן בריק, וועלכע באלאנגט פארן די פארט אוטאריטי, וועלכע פארפיגט אויך אויפן פרידאם טאוער.

און דאס וואס דו זאגסט אז דער טאפאן זי איז די איינציגסטע פתח הצלה פארענדיג פון ברוקלין, איז לאו דוקא, ווייל געווענליך מוזטו נעמען נאך א בריק אויף דעם וועג, על פי רוב די טרייבארא RFK וואס קאסט 6 טאלער, און אינמיטן ווערן, ערגעץ צווישן יאנקערס און וועסטשעסטער צאלט מען נאכאמאל $1.50, אזוי אז סך הכל צאלט מען בערך די זעלבע אויף יעדן וועג.