חרדים און עטיקעט

[נהורא נפישא]

ווי באקאנט זענען חז"ל זייער מפליג איבער די וויכטיגקייט פון זיך פירן בדרך ארץ ד"ה לויטן נימוס פון די געזעלשאפט אין וואס מיר געפונען זיך דערפאר וואלט אפשר געווען כדאי אויסצושמועסן עטליכע פונקטן איבער די אויפפירונג פונעם טיפישער חרדי וואס מאכט דערמיט הייבן אפאר אויגן ברעמען אדער מאכט גלאט אזוי פון זיך געלעכטער ווען געפונענדיג זיך אין עפענטליכע פלעצער ווי אין באנק אירפארט פליגער וכדומה
מיר אלטץ א קאלעקטיווער געמיינדע האבן זיך נישט וואס צו שעמן מיט אינזער גוטהארציגקייט און אינזער גרייטקייט צו צושטיין איינער דעם אנדערן אין פאל ס'פארלאנגט זיך עכ"ז איז אין די זעלבע צייט וויכטיג אויפמערקזאם מאכן וויאזוי מקען זיך לערנען צו פארבעסערן זיך אויפצופירן אין איינקלאנג פון א נארמאלן ציוויליזירטן געזעלשאפט
די סיבות צו אינזער נאכגעלאזטע אויפפירונג איז פארשטייט זיך פילפאכיג אריינרעכענדיג דעם פאקט אז מהאט אינז פשוט נישט אויסגעלערענט פארקערט גאר מיר זענען אויפגעוואקסן מיטן צוגאנג אז ס'קומט אינז אלעס מיר זענען געשולט וויאזוי ארויסצוקוועטשן די מאקסימום פון יעדן בענעפיטירנדן צושטאנד אן האבן די נויטיגע סענסעטיוויטעט זיך צו רעכענען מיט אן אנדערן
צום באדויערן היינט אין אן אפען וועלט איז דא גענוג און נאך וואס פארשמירן אינז אויף די בלאגס און אנדערע וועבזייטלעך מיטן פיינדליכן ציל צו שעדיגן אינזער רעפוטאציע טא פארוואס זאלן מיר אריינשפילן אין זייערע הענט פארוואס זאל מען נישט אין די טעג וואס איז א זמן פון תשובה ותיקון המעשים זיך פארנעמן זיך צו בעסערן אינדעם הינזיכט מונע צוזיין דעם גרויסן חילול כבוד שמו ותורתו
איך וועל פרובירן צו געבן עטליכע עקזעמפלאן און גלייכצייטיג טוה איך בעטן דעם עולם אנטיילצונעמן מיטן מיטטיילן זייערע אייגענע ערפארונגן איבער די נושא
דא האט איר עטליכע דוגמאות
איבערהיפן מענטשן וואס שטייען אין א רייע ביים באנק וכדומה
לאזן צוקלאפן די טיר אין פארענט פון יענעמס נאז
פארגעסן זיך צו באדאנקן ווען עמיצער ווייזט ארויס אז ער רעכענט זיך מיט דיר
איבערדרייען א פליגער וועגן דאווענען אדער אנדערע רעליגיעזע צוועקן
אביוזן שטאטישע פראגראמען
אביוזן רעגירונגס פראטעקציע
קויפן אין דיפארטמענט סטארס על מנת דאס צוריק צוגעבן פאר די ריטורן דעדליין לויפט אפ
זיך דרייען אויף נישט אן הייגיענישן מצב בפרט ווען מאיז געצוואונגען צו זיצן מיט נישט היימישע
זיך נישט רצח'נן ביים ארויפגיין אויף א באס
ארומווארפן די גאס מיט פאשקעווילן כאלו סאיז יענעמס דיינונג רום
גראגערן מיט הויעכהילכערס איבער די גאסן שעות נאכאנאנד פאר פאליטישע צוועקן
פייפן ווען אימער ביים דרייון בפרט אין א צייט ווען מ'לייגט די קינדער שלאפן
שרייבן ליגענטס און פארפירערישע אינפארמאציע אין חרדישע צייטונגן אין די צייט ווען סאיז נישטא ווער סזאל טוען די fact checking
זיך ארומשלאגן צו מאכן אויסנאמען פאר אינזערע געגענטער ווצבש"פ בייקלעינס אין וויליאמסבורג

[קאווע טרינקער]

נאך קיינמאל נישט געזעהן א חרדישע איד זיך אריינכאפן די שורה אין באנק, אבער פון דיין ליסטע זענען דא עטליכע ענינים הצריכים תיקון.

[נצבד]

א קורצע לחש,און דערנאך האט מען לייסענס צו אראפציען דעם היימישען עולם כאחד הפעילדמעסייעה'ס מיט א לאנדרי ליסט פון נישט געשטויגענע פעלערן.

שעים אן יו דיסגראנטעלד ארבייטסלאזער,

[יואב]

א קורצע לחש,און דערנאך האט מען לייסענס צו אראפציען דעם היימישען עולם כאחד הפעילדמעסייעה'ס מיט א לאנדרי ליסט פון נישט געשטויגענע פעלערן.

שעים אן יו דיסגראנטעלד ארבייטסלאזער,

נצבד, קודם שלום עליכם, כ'האף אייך צו זעהן מער אפט. כ'זעה איר זענט נישט ניי דא, אבער זינט איך בין דא האט איר נאך קיינמאל געשריבן.

קען זיין איר וואוינט אין עזה, אבער איך זעה נישט דעם ארטיקל אלס א האספולע ארטיקל מיטן ציהל צו באשמוצן אנ"ש. ער לייקנט נישט אונזער גוטע חלקים, ער דערמאנט אונזער שלעכטע חלקים, און סך הכל זאגט ער מיר זאלן דאס מתקן זיין, ווי איידער זיך אומקוקן ווי מ'פראקט אויס אונזערע שמוץ אויפן אלוועלטליכע גאניק.

ס'קען זיין ער טרייבט איבער געוויסע איינצלהייטן, אבער אין סאבסטאנץ, מיט וואס ביזטו אומאיינשטומונג. אז מיר ווערן ערצויגן מיט א הויכע מאס מענערס? אז מ'באשמוצט אונז נישט כמעט טעגליך איבעראל? אז מיר קענען זיך נישט פארבעסערן מיט אונזער התנהגות כלפי דעם אינדרויסענדע וועלט? איך מיין דיר ח"ו נישט צו אטאקירן, זיי זיך נאר מער מסביר. תודה.

[שמעקעדיג]

זייער א וויכטיגע אשכול.

מיר האבן שוין געהאט ענליכס דא:
viewtopic.php?f=24&t=1362

[נהורא נפישא]

א קורצע לחש,און דערנאך האט מען לייסענס צו אראפציען דעם היימישען עולם כאחד הפעילדמעסייעה'ס מיט א לאנדרי ליסט פון נישט געשטויגענע פעלערן.

שעים אן יו דיסגראנטעלד ארבייטסלאזער,

איך וויל דא באטאנן אז בתוך עמי אנכי ישבת (א מזל איר ווייס נישט ווער איך בין ווען יא וואלט מען מיר פארשריגן אלטץ א היפאקריט) איך ווייס אז דאס איז א סענסעטיווער נושא אבער דאס מציאות שלאגט אין פנים אריין און איך פארשטיי אז דער אמת טוט וויי געוויס איז דא מענטשן וואס ליידן נישט פון די אלע אויבן דערמאנטע איבלן און וועגן זיי איז אפשר נישט אויסגעהאלטן צו באשילדיגן אינז קאלעקטיוולי מאך איך קלאר אז די אלע מערערע אויסנאמן זאלן אוועקוקן פון וואס איך האב געשריבן.

[איך אויך]

זייער א וויכטיגע אשכול.

מיר האבן שוין געהאט ענליכס דא:
viewtopic.php?f=24&t=1362

שמעלצערס (נישט ל.) צום טיש.

[קינות גירושין]

כמיין אז אין די גוישע פרעסע שרייבט מען אויך ליגענט, און מרעכנט זיך בכלל נישט מיט די פאקטען,(אדער יעדער טרעפט פאקטען וואס ער וויל טרעפן)
סאיז לאוו דוקא א חסידישע מחלה

[קלוג און יונג]

דעס איז א נושא וואס עגבערט מיך שטארק. איך ווער ממש ערשטוינט ווען איך האלט אפען א טיר פאר מיין שכן'ס קליין יונגעל, און ער לויפט מיך דורך און קוקט ניטאמאל אויף מיין זייט...וכהנה רבות

איך מיז אבער ארויסברענגן א נקודה וואס קען זיין איז אזא סארט לימוד זכות אויף דע חסרון אונזערע

איך מיין אז די עקספלענעישאן פאר די לעק אף מענטשליכקייט ביי אונז קען אפשר ליגען אין דיינע אייגענע ווערטער

מיר אלטץ א קאלעקטיווער געמיינדע האבן זיך נישט וואס צו שעמן מיט אינזער גוטהארציגקייט און אינזער גרייטקייט צו צושטיין איינער דעם אנדערן אין פאל ס'פארלאנגט זיך

איך האלט (קען זיין כ'האב עס געליינט אמאל. איך געדענק נישט) אז עטיקעט און ברייטהאציגע חסד פאר איעדן איינעם גייען גווענדליך נישט אינאיינעם. דאס מיינט נישט אז ס'קען נישט, נאר אז געווענדליך איז עס אזוי

די הסבר: די פילינג וואס מאכט אונזער ציבור פילען אז אויב יענער פלוני איז אין טראבעל דארף איך מיך יעצט אריינווארפען מיט מיין גאנצע כח צו העלפן, קומט פון די פילינג פון נאנטקייט און ברידערשאפט. די זעלבע פילינג נעמט אוועק די ערענסטקייט און די פארמאליטי פון עטיקעט.

אזוי ווי סאם האו פירען זיך מענטשן אויף וויניגער עטיקעל ווען מ'איז ארום גאר נאנטע מענטשן. למשל די בני בית

[קלוג און יונג]

און נישט צו פארפארען פונעם נושא פונעם אשכול, אבער לויט דעם מהלךפון די לעצטע תגובה, איז דאס אין א וועג אויך די סיבה צו נאך א חסרון וואס אונזער סאסייעטי ליידט שטארק פון: לעבן אין יענעמס נאז. דאס נעמט זיך אויך פון די ברידערליכע פילינג איינער פארען אנדערען

[נולד מאוחר]

סאיז אזאלכע נארישע בעבישי שטותים די פארמאלע גויאשע עטיקס. סאיז פאלטש פון קאפ ביז פיס ע''פ רוב.
סאיז נישט קיין עכטע העלפ פאר מענטשהייט. כבין אינג און געזינט כ'קען אליינס עפנען א טיר, ווען איך יאג מיר און ריר בטועת אן דיין שפיץ שיך געב מיר נישט דען בליק ווי א קרימענאל. ניץ דיין קאפ פארשטיי אז סאיז א טעות, און יא זיי נישט קיין בעבי און מאך נישט אן עסק מהאט דור אנגערירט. אונז מהלך איז סאך מער אויסגעהאלטן. מהעלפט יענעם ווען ער דארף און ווען נישט לעבט מען נישט אויף שטותים.
קענסט ליגען אוחף די ערד פארחלשט די גוי (רעסיסט) וועט זייער מקפיד זיין דיר נישט ח''ו אנטרעטען, אבער רופען 911 אדער זיך ארפבייגען העלפן דאס נישט. דער איד וועט דיר אנטרעטען בטעות און פאברענגען זיין טאג מיט דיר און שפיטאל.

טרייצי בארגן א קוואדער אדער סעלפאו פון א גוי

[נצבד]

הבל הבלים
דער ענגלישער חרדי איז א פארמאלער בריטאניער,
דער איזריעלי חרדי איז א צוקאקטער סאברע,און דאס זעלבע איז דער ברוקלינער חרדי,א ברוקלינער,פאגעטטאבאוטיט...
וויזוי ס'אידיש'ט זיך,אזוי גוי'אישט זיך....


ליינעדיג די אויסשטעל און די צומישטע קאשע פון מכלומרש'טע מיס'עטיקעט-אומעטישקייט-און פלעקסען פאליטיקעל מוסקלען און גלאטע רויבעריי,געזעץ ברעכעריי, מוז מען נישט קענען ליינען "צווישען" די שורות,אז דאס איז נישט געווען קיין פובליק ווידו,נאר ענדערש א פובליק אנקלאגע

[נהורא נפישא]

טייערער ר' נצבד! גוט איר האט צוגעטראפן אז איך בין דא אראפצורייסן מיט די גרעסטע מאס אכזריות מיינע גוטע פריינט, קרובי משפחה, שכנים וכדומה, וויסן זאלט איר אבער, ווילסט לעבן אין פארלייקעניש, גיי פאראויס! ס'איז נישט פארבאטן, ס'איז גלאט אזוי שעדליך.

די איינציגסטע סיבה פארוואס איך קען פארשטיין אז מ'זאל דאס אנקוקען ווי א פארזוך זיך אנצוטשעפענען איז נישט דערפאר וואס מ'לייקנט די פאקטן נאר וויבאלד יעדער פון אונז קומענדיג פון דארט פארשטייט די סיבות און לימודי זכות פאר דעם צושטאנד און נאכדערצו אז ס'שיינט נישט אז דאס וועט פארראכטן ווערן אין די נאנטע צוקונפט, אלא מאי ס'איז שלעכטקייט און רשעות.

[בדחן]

טייערער ר' נצבד! גוט איר האט צוגעטראפן אז איך בין דא אראפצורייסן מיט די גרעסטע מאס אכזריות מיינע גוטע פריינט קרובי משפחה שכנים וכדומה...

אקעי. יעצט מאכסטע שוין מער סענעס, איך האב מיר לכתחלה געוואנדערט אויף דיין מאדענע טשאלענט טאפ אשכול האסט אויסגעמישט גאנצע ליגענט מיט האלבע אמת, פראבירענדיג אראפ צומאלען דעם עווריטיש חרדי אלץ איינער אן די מינעמאלע עטיק'ס.

אבער יעצט אז די זאגסט אז די זאגסט אז עס בכוונה מתחלה און די האסט דא חשבון מיט איינעם אדער עטליכע און עס איז מער א שכנים אדער משפחה פייט, מאכט עס שוין מער סענעס, איך וואנדער זיך נאר ווי אזוי די פלאנסט צו געווינען די פייט אן אהער ברענגן די צד השני און זיי זאלען זאגען וואס זיי האבן צו זאגען.

[נהורא נפישא]

טייערער ר' נצבד! גוט איר האט צוגעטראפן אז איך בין דא אראפצורייסן מיט די גרעסטע מאס אכזריות מיינע גוטע פריינט קרובי משפחה שכנים וכדומה...

אקעי. יעצט מאכסטע שוין מער סענעס, איך האב מיר לכתחלה געוואנדערט אויף דיין מאדענע טשאלענט טאפ אשכול האסט אויסגעמישט גאנצע ליגענט מיט האלבע אמת, פראבירענדיג אראפ צומאלען דעם עווריטיש חרדי אלץ איינער אן די מינעמאלע עטיק'ס.

אבער יעצט אז די זאגסט אז די זאגסט אז עס בכוונה מתחלה און די האסט דא חשבון מיט איינעם אדער עטליכע און עס איז מער א שכנים אדער משפחה פייט, מאכט עס שוין מער סענעס, איך וואנדער זיך נאר ווי אזוי די פלאנסט צו געווינען די פייט אן אהער ברענגן די צד השני און זיי זאלען זאגען וואס זיי האבן צו זאגען.

תיובתא דנהורא נפישא תיובתא.
בדחן! it's not a subject for comedy

[נהורא נפישא]

זייער א וויכטיגע אשכול.

מיר האבן שוין געהאט ענליכס דא:
viewtopic.php?f=24&t=1362

א דאנק אייך פאר צוצייכענען
נישט געוויסט אז עס איז שוין געווען דא א העפטיגע מדובר איבער דעם נושא
און פאר די אלע וואס האבן טענות אויף מיינע דוגמאות אין זאגן אז אין אלו אלא דברי נביאות guess what ראה זה פלא שני נביאים מתנבאים בסגנון אחד

[לכבוד שבת קודש]

נעכטן איז דאס געשען:

איך בין געפארן אין די נאכט שעות, בערך עלעווע צייט, דורכגעפארן דער מאנהעטן. דארט איז לילה כיום יאיר אין די דאזיגע צייט. פארנדיג אויפן גאס, שטייענדיג אין טראפיק, האב איך זעלבסט מיטגעהאלטן ווי א יונגער שרייט אויף א מיידל מיט קולי קולות, נוצנדיג זיינע הענט אויף איר אויך. מענטשן זענען דורכגעפארן, מענטשן זענען דורכגעגאנגען און קיינער האט זיך נישט צוטון געמאכט. בלויז איין גוי וואס איז דורכגעגאנגען האט געשריגן "העי יו, סטאפ!". יענער האט טאקע געסטאפט אבער די סקונדע וואס יענער איז ווייטער געגאנגען האבן זיך די פעטש באנייט.

צו די פאליציי האט עווענטואל ערשיינט? - ווען איך בין דארט געווען, האט נישט אויסגעקוקט אז איינעם גייט עס אן. קען זיין שפעטער יא.

אין וויליאמסבורג וואלט אזאנס פאסירט?

[בדחן]

@לכבוד שבת קודש טאקע א גוטע דוגמא אבער לאז מיר מאכן עטליכע נקודות,

איינס, די מעשה וואס דו האסט געזען אין מאנהעטן איז נישט ריכטיג אהער צוברענגען, ווייל אונזער שיינקייט אלץ עם הנבחר ווענדט זיך נישט ווי נידעריג דער גוי איז, און מען מעסט אונז נישט קעגן דעם גוי צו ווייזען אז קוק ווי נידעריג דער גוי איז דערפאר זענענן מיר עפעס מער און בעסער, נישט וויבאלד דער גוי האט נישט קיין גוטע מידות דערפאר האבן מיר יא עטיקס - און איך האב שוין געטראפן גוים מיט גוטע מידות.

צווייטע נקודה, מיר לעבן נישט אז די בלאגס זאלן אונז אנערקענענן אלץ א עם הנבחר און אלץ עטישע געמיינדע, ווייל מיר קענענן זיך נישט - און מיר פראבירען זיך נישט צו - פארהערן מיט די שונאי ישראל, ווי לאנג די ארגענעזאציעס ווי פוד-טרעפ, פעלד מסייע, אלע otd בלאגס, און אנדערע שונאי ישראל וועלן אנגיין מיט זייער בלאגס, היעלה על הדעת אז מיר קענענן אויסזען שיין ביי די מידיא און די גוי'שע גאס? קיינמאל נישט, זיי מיט זייער שקר האבן מער צייט, מער געדולד, און מער אייפער ווי אונז, און ווי די היסטערי ווייזט אז שטאף קעגן יודען האט זיך אייביג גוט פארקויפט און וועט זיך ווייטער גוט פארקויפן, דער וואס זארגט זיך פאר די מידיא אדער בלאגס יענער איז אדער א תמים, אדער אומוויסענד, אדער ביודעים א עזות מצח און איז דא אונז אנצושמירן אויף א זאך וואס מיר זענענן בכלל נישט שולדיג.

נאך א נקודה, אונזער שיינקייט דאס איז וואס מאנכע נוצען אויס דערמיט אונז צו באשמוצען, דהיינו? איז איינעם אמאל בייגעפאלען צו זאגן אז אלע שווארצע זענענן מערדער וויבאלד דריי שווארצע האבן גע'הרג'ט א ווייסען? איז איינעם אמאל בייגעפאלן צו זאגען אז אלע שווארצע האבן ADIS וויבאלד 50% פון זיי האבן עס? איז אמאל איינעם בייגעפאלען צו באשמיצען אלע קריסטן וויבאלד טייל פון זיי זענענן שמוציג אדער ענליכס? ניין! פארוואס? ווייל יעדער פארשטייט אז אזא זאך וואס א איינצעלנע מענטש טוט רעפערעזענט נישט די גאנצע סעקטע, משא"כ דא ביי אונז יודען האט דער פותח האשכול גענומען די לינע אז אלע חסידישע אידן האבן נישט קיין עטיקס וויבאלד עס איז דא א טייל וואס האבן נישט, דאס הייסט ער האט גענומען אונזער שיינקייט פון זיך האלטען באחדות דערמיט אונז צו שלאגען דארט ווי עס קומט אונז נישט.

נאך א נקודה, מיר שטייען נישט אזוי שלעכט מיט עטיק'ס, יא, דא און דארט מתוך אונזער אנגעצויגען לעבן האבענדיג גרויסע משפחות מיט א גרויסע בודזשעט, מיט א אפגעזונדערט לעבן, קענענן א טייל מענטשן אמאל פארזען זאכען וואס איז ביים גוי אנגענומען אלץ א הכרח, אדער א טייל מענטשן קענענן אמאל פון נויט טון זאכען וואס מען וואלט נישט געטון אונטער בעסערע אומשטענדן, דאס ווייזט אבער נישט על הכלל כולו.. מער ווייניגער זענענן מיר אקעי, גוט איינער צום צווייטען און מענטשליך איינער צום צווייטען.

[מורינו הרב]

איך וואלט דיר געלייקט מער פון איין מאל, אויב וואלט מען געקענט, בפרט פאר די פערטע שטיקל.

[יואב]

מ'מישט דא אויס צוויי זאכן. איך ווייס נישט ווער ס'ארגומענטירט אז מיר שלאגן זיך אויף די גאסן. מ'לייקנט נישט אונזער חסד, אונזער גרייטקייט צו העלפן, ס'קומט נישט פאר (קיין סאך) רציחות בינינו, אונז זעמיר היבש מסודר אין דעם הינזיכט. וואס מ'רעדט דא איז "מענערס". אראפווארפן שמוץ אויף דער ערד, רוקן מענטשן, זיך נישט באדאנקן, און נאך פילע חזיר'ישע, דארפישע, מאדנע, אומאיידל, אוממענטשליכע התנהגות'ער. דער אשכול איז לחלוטין נישט קיין האספולער געוועזן, ממש בלויז א רוף צו תיקון המעשים. איך ווייס נישט פארוואס ס'שווער צו פארשטיין, און מיט וואס חברה דא טוהן דיסעגריען. ווער רעדט פון רציחה אא"וו.

[יואב]

*און פאר איך פארגעס. "ראסיזם" וואס איז ליידער שטארק ביינונז מעג אויך האבן א תיקון. ס'קומט נישט פון קלוגשאפט, און נישט פון מענטשליכקייט.

[בדחן]

מ'מישט דא אויס צוויי זאכן. איך ווייס נישט ווער ס'ארגומענטירט אז מיר שלאגן זיך אויף די גאסן. מ'לייקנט נישט אונזער חסד, אונזער גרייטקייט צו העלפן, ס'קומט נישט פאר (קיין סאך) רציחות בינינו, אונז זעמיר היבש מסודר אין דעם הינזיכט. וואס מ'רעדט דא איז "מענערס". אראפווארפן שמוץ אויף דער ערד, רוקן מענטשן, זיך נישט באדאנקן, און נאך פילע חזיר'ישע, דארפישע, מאדנע, אומאיידל, אוממענטשליכע התנהגות'ער. דער אשכול איז לחלוטין נישט קיין האספולער געוועזן, ממש בלויז א רוף צו תיקון המעשים. איך ווייס נישט פארוואס ס'שווער צו פארשטיין, און מיט וואס חברה דא טוהן דיסעגריען. ווער רעדט פון רציחה אא"וו.

איך ווייס נישט לעבן וועם די דרייסט זיך און ווער דיינע חברים זענענן, אבער הייב דיר אן דרייען ארום די אנטשטענדיגע חסידישע בעה"ב וואס זיי זענענן די רוב, וועסטע זען אז כלל ישראל איז נישט אזוי שלעכט ווי די לייגסט עס אראפ,

די גרויסע מערהייט איז גאר ווייט פון דאס וואס די שרייבסט, און מיט אפאר יוצא דופן'ס קען מען נישט אפסטעמפלען א גאנצע סעקטע,
לערן דיר אויס א פרק פון דיינע אייגענע תגובות ווי אזוי די פייט'ס מיט ציין און נעגיל אז מען זאל נישט באשמיצען די גאנצע שווארצע געמיינדע מכוח א ריזיגע פערצענט פארפוילטע עפל, זאלען דיינע אידישע ברידער נאך האבן אזא רעכט ווי די שווארצע פאר וועים די פייט'ס, און לעביל נישט אפ די גאנצע סעקטע אידן צום שלעכטן צוליב א קליינע פערצענט.

*און פאר איך פארגעס. "ראסיזם" וואס איז ליידער שטארק ביינונז מעג אויך האבן א תיקון. ס'קומט נישט פון קלוגשאפט, און נישט פון מענטשליכקייט.

גערעכט, נכלל און זיך נישט פיינט צו האבן דעם חסידישען איד מיטען צוקניישטען רעקיל, {נישט ח"ו אז די האסט זיי פיינט, איך שרייב נאר נאך א נקודה}

[נהורא נפישא]

בדחן האט געשריבן צווישן אנדערע "נאך א נקודה, מיר שטייען נישט אזוי שלעכט מיט עטיק'ס, יא דא און דארט מתוך אונזער אנגעצויגען לעבן האבענדיג גרויסע משפחות מיט א גרויסע בודשעט, מיט א אפגעזינדערט לעבן קענענן א טייל מענטשן אמאל פארזען זאכען וואס איז ביים גוי אנגענימען אלץ א הכרח, אדער א טייל מענטשן קענענן אמאל פון נויט טיען זאכען וואס מען וואלט נישט געטיען אינטער בעסערע אומשטענדען, דאס ווייזט אבער נישט על הכלל כולו.. מער ווייניגער זענענן מיר אקעי, גוט איינער צום צווייטען און מענטשליך איינער צום צווייטן"

בדחן! איך בין גראדע מסכים טיילווייז צו דעם נקודה אז צווישן די מערערע קאמפאנענטס וואס זענען אחראי צו דעם פראבלעם איז די פאקט אז מיר זענען פאריאגט און פארפלאגט און ס'הערשט עטוואס א פארלוירנקייט, אבער תירוצים אין א זייט, ס'העלפט נישט ארויס צו אונזער רעפוטאציע, וכאן הבן שואל וועם גייט עס אן The hell with them, די ענטפער איז אז ס'דארף אונז קלאר אנגיין, אונז דארפן זיין א מוסטער אז דרכיה דרכי נועם וכל נתיבותיה שלום.