אלטע חסידישע פאליטיק

[big joe]

[center]מחלוקת קאצק ואיזביץ
[/center]

אין יאר תקע"ה איז דער חוזה נפטר געווארן, און זיינע חסידים האבן זיך צוטיילט ביי זיינע ממשיכים, צווישען די חסידים איז געווען ר' מרדכי יוסף ליינער זצ"ל. ר' מרדכי יוסף איז געפארן צו ר' מנחם מענדל מארגענשטערן זצ"ל, דער קאצקער רבי, זיי זענען געווען נאנטע חברים נאך פון טאמאשאוו, כאטש ר' מרדכי יוסף איז געווען צוואנציג יאר יונגער ווי ר' מענדל. (ר' מרדכי יוסף איז געווען א טאמאשאווער, און ר' מענדל האט חתונה געהאט קיין טאמאשאוו). אבער יעצט איז ר' מרדכי יוסף געקומען ווערן א חסיד. ער פלעגט אפזיצען דארט פאר וואכן אין א ציה, און פארן אויף אלע ימים טובים, אע"פ וואס ער איז געווען א עני ואביון.

דער קאצקער רבי האט שטארק געהאלטן פון ר' מרדכי יוסף'ן, ער פלעגט שיקן יונגעלייט זיך לערנען חסידות ביי אים, ווען ער איז געווען פארנומען. ווי למשל ווען ר' לייבעלי אייגער (א זוהן פון ר' שלמה) איז געקומען קיין קאצק דאס ערשטע מאהל האט אים דער רבי געשיקט צו ר' מרדכי יוסף'ן. און ווי מער דער קאצקער האט זיך אנגעהויבן פירן מיט התבודדות און פרישות, אלץ מער האט זיך פארגרעסערט די השפעה פון ר' מרדכי יוסף. עס איז שוין אנגעקומען צום מצב אז חסידים האבן אים געגעבן קוויטלעך מיט פדיונות.

אט די התנהגות האט געבאדערט די הייסע חסידים, מ'האט שוין געזען בעשיינפערליך אז ר' מרדכי יוסף גרייט זיך צו פירן א רבי'סטעווע אליינס. אבער קיינער האט אים נישט גע'רודפ'ט אדער אפילו מעורר געווען איבער דעם. (די קאצקער פאליטיקאנטן האט געזאגט אז אויב מ'וועט אים רודפ'ן וועט ער ווערן גרעסער און שטערקער).

שמיני עצרת פון יאר ת"ר האט די פאליטיק דערגרייכט צום הויכפונקט. ס'האט זיך פארזאמעלט א גרופע חסידים אין די סטאנציע פון ר' מרדכי יוסף, וואו מ'האט געפראוועט הקפות, געפירט טיש און געזאגט תורות, ווי דער שטייגער איז ביי א רבי. דעמאלס האט מען קלאר געזעהן אז נפל דבר בישראל, עס איז געשעהן א מרידה, דער תלמיד האט מורד געווען אין רבי'ן. אין אסרו חג פון שמחת תורה האט ר' מרדכי יוסף פארלאזט קאצק און א היבשער עולם איז מיטגעפארן מיט אים. (די קאצקער פארציילן אז ר' מרדכי יוסף האט געשריגען "מי לד' אלי" (דור ישרים, בילגוריי תרפ"ח)). צוערשט האט ער געפירט רבי'סטעווע אין זיין היימשטאט, טאמאשאוו, און שפעטער האט ער זיך אריבערגעצויגען קיין איזיביצע (קאצקער חסידים האבן געגלייבט אז ער האט עס געטוען צו טשעפענען קאצק, ווייל איזביצע איז נאר 13 מייל פון קאצק)

אסאך פון די גאר גרויסע קאצקע חסידים האבן איבערגעלאזט קאצק און געפארן צום איזביצער. דער וואס האט געמאכט דאס גרעסטע רושם איז געווען טאקע ר' לייבעלע אייגער, און אסאך זענען אים נאכגעגאנגען.

די מרידה פונעם איזביצע האט גאר שטארק וויי געטוען דעם קאצקער, און די משפחה. (אויף אזוי ווייט אז ס'דא וואס טענה'ן אז דער קאצקער האט געכאפט א בראך, ואכמ"ל). אבער וואס איז זיכער, אז דער קאצקער איז געווארן גאנץ א אנדערע מענטש נאכדעם, ער איז געווען צוגעשפארט אין זיין שטוב פאר א סאך יאר ביזן פטירה, כמעט נישט ארויסגעקומען.

דאס איזביצע חסידות איז געוואקסן און געבליעט, און אסאך גרויסע קעפ זענען געווארן זיינע חסידים. למשל דער באוויסטער מתנגד, ר' צדוק הכהן פון לובלין איז געווארן א איזביצע חסיד. ר' צדוק אין זיינע ספרים שרייבט זייער גרויס אויפן איזביצער, סיי בנוגע צדקות סיי בעניני חסידות, פלפול און הלכה. אין זיין ספר תפארת צבי טיטול'ט ער אים, "הגאון הקדוש אשר כל רז לא אניס ליה".

13 יאר האט דער איזביצער געפירט רבנות, א' טבת תרי"ד איז ער נסתלק געווארן אין עלטער פון 54 יאר. דעמאלס האט זיך דער עולם צוטיילט, טייל זענען געגאנגען צום זוהן ר' יעקב, און טייל צו ר' לייבעלע אייגער. (דער קאצקער איז נפטר געווארן כ"ב שבט תרי"ט).



עס איז אמאל אריין א קאצקער חסיד צום איזביצ'ער זיך אפרעדן אז זיין זוהן איז געווארן א איזביצע חסיד, די רבי זאל אים צוריק שיקען קיין קאצק, ווייל דער רבי איז א בעל מחלוקת, און זיין זוהן באלאנגט נישט ביי א בעל מחלוקת. האט דער איזביצער געזאגט: את חג המצות תשמור, חג דאס איז א רבי, מצות דאס איז מחלוקת, מלשון מצה ומריבה, די פירוש איז, אז אזא רבי זאלסטו האלטן, וואס האט אויף זיך מחלוקת...

קאצקע חסידים האבן געזאגט אז משיח האט געדארפט קומען אין יאר ת"ר, און די מחלוקת האט עס צוריקגעהאלטן. ווייל אין זוהר שטייט (פרשת וירא קכ"ט) אז אין יאר ת"ר וועלן זיך עפענען די קוואלען פון חכמה, וואס איז א רמז אויף די גאולה, אבער די מחלוקת האט עס געשטערט.

זכותם יגן עלינו ועל כל ישראל... אמן

[איחוד פעלד]

ער איז געוועהן פיפצען ווען דער חוזה איז אוועק לפי דער יארען וואס די שרייבסט. און זיי זענען געוועהן נאנטע חברים נאך פין פריער, ד.ה. א פערצען יעריגע בחור האט א חבר וואס איז פינף אין דרייסיג......

אופס כ'לאז שוין א מעסעדזש ביי נחום...

[בן תמליון]

זייער שיין ר זשאו. איר פארפעלט א וויכטיק דעטאל. עס הייסט אז יענעם פרייטאג נאכט שבת בראשית איז דער קאצקער רבי אריינגעקומען צום טיש און געהאט א אויסברוך. יש אומרים ער האט אויסגעלאשן די ליכט און געשריגן לית דין ולית דיין. דערויף איז געשען די מרידה און דער קאצקער איז אריין אין התבודדת פאר צוואנציק יאר.

שוין געווען דא א שמועס איבער דעם אויב איינער קען אפירזוכן.

[סלינקי]

שוין געווען דא א שמועס איבער דעם אויב איינער קען אפירזוכן.

viewtopic.php?p=2801#p2801

viewtopic.php?p=81933#p81933

[big joe]

זייער שיין ר זשאו. איר פארפעלט א וויכטיק דעטאל. עס הייסט אז יענעם פרייטאג נאכט שבת בראשית איז דער קאצקער רבי אריינגעקומען צום טיש און געהאט א אויסברוך. יש אומרים ער האט אויסגעלאשן די ליכט און געשריגן לית דין ולית דיין. דערויף איז געשען די מרידה און דער קאצקער איז אריין אין התבודדת פאר צוואנציק יאר.

שוין געווען דא א שמועס איבער דעם אויב איינער קען אפירזוכן.

די מרידה איז געווען פארן בראך (ער האט געפירט הקפות וכו' פאר שבת בראשית)
כ'האב טאקע געשריבן

(אויף אזוי ווייט אז ס'דא וואס טענה'ן אז דער קאצקער האט געכאפט א בראך, ואכמ"ל). אבער וואס איז זיכער, אז דער קאצקער איז געווארן גאנץ א אנדערע מענטש נאכדעם, ער איז געווען צוגעשפארט אין זיין שטוב פאר א סאך יאר ביזן פטירה, כמעט נישט ארויסגעקומען.

לגבי די עצם בראך איז נישטא קיין objective היסטוריה נאר יעדע צד שרייבט ווי אזוי ס'איז אים בעסער.

[big joe]

ער איז געוועהן פיפצען ווען דער חוזה איז אוועק לפי דער יארען וואס די שרייבסט. און זיי זענען געוועהן נאנטע חברים נאך פין פריער, ד.ה. א פערצען יעריגע בחור האט א חבר וואס איז פינף אין דרייסיג......

אופס כ'לאז שוין א מעסעדזש ביי נחום...

יא, די איזביצע האט געהייסן א עילו ביי די 8 יאר. און ווען די פאטער פלעגט אים נעמען קיין לובלין פלעגט די קאצקער זיך משתשע זיין מיט אים (דור ישרים, בילגוריי תרפ"ח)

[big joe]

זייער שיין ר זשאו. איר פארפעלט א וויכטיק דעטאל. עס הייסט אז יענעם פרייטאג נאכט שבת בראשית איז דער קאצקער רבי אריינגעקומען צום טיש און געהאט א אויסברוך. יש אומרים ער האט אויסגעלאשן די ליכט און געשריגן לית דין ולית דיין. דערויף איז געשען די מרידה און דער קאצקער איז אריין אין התבודדת פאר צוואנציק יאר.

שוין געווען דא א שמועס איבער דעם אויב איינער קען אפירזוכן.

ווען מ'וועט האבן צייט דארף מען טאקע דורך טוען כמה וכמה קדושי עליון וואס האבן געטוען אזעלעכע זאכן, כל אחד לפי מדרגתו.
(כעין די קאצקער, ר' בערניו, די תניא'ס זון ועוד)

[הוגה]

זייער שיין ר זשאו. איר פארפעלט א וויכטיק דעטאל. עס הייסט אז יענעם פרייטאג נאכט שבת בראשית איז דער קאצקער רבי אריינגעקומען צום טיש און געהאט א אויסברוך. יש אומרים ער האט אויסגעלאשן די ליכט און געשריגן לית דין ולית דיין. דערויף איז געשען די מרידה און דער קאצקער איז אריין אין התבודדת פאר צוואנציק יאר.

שוין געווען דא א שמועס איבער דעם אויב איינער קען אפירזוכן.

ווען מ'וועט האבן צייט דארף מען טאקע דורך טוען כמה וכמה קדושי עליון וואס האבן געטוען אזעלעכע זאכן, כל אחד לפי מדרגתו.
(כעין די קאצקער, ר' בערניו, די תניא'ס זון ועוד)

רבי אהרן קאזניצ׳ער.

[בעל הבית]

איך האב מורא ווען מען רעדט דעי זאכן

[big joe]

איך האב מורא ווען מען רעדט דעי זאכן

לייען קריאת שמע !!!!!

Knowledge is never something to be feared, those who do fear it are generally the ones who do not posses much

[בעל הבית]

איך מיין אז איך זאל מיך פין דא אפטראגן, מען שפילט זוך מיט פייער או געוואלד

[ידען]

איך מיין אז איך זאל מיך פין דא אפטראגן, מען שפילט זוך מיט פייער או געוואלד

פייער?

[בעל הבית]

וואס דען איז דאס

[ידען]

100 יאר ארים וועט מען רעדען פון די גרויסע מחלוקת צווישען די הייליגע סאטמארע רבי׳ס און די איינעקלעך פון דעת בעל הבית וועלען מורא האבען צו רעדען פון דעם..

ווער קען פארשטיין צו די מחלוקת לשם שמים..

מע וועט נאך שרייבען אין די צייטונגען פון יענע צייטען אז די רבי׳ס אליינס האבען זיך זייער ליעב געהאט אבער א פאר חסידים האבען זעכער געמאכט אז זיי זאלען זיך קיין מאל נישט טרעפען..

[big joe]

100 יאר ארים וועט מען רעדען פון די גרויסע מחלוקת צווישען די הייליגע סאטמארע רבי׳ס און די איינעקלעך פון דעת בעל הבית וועלען מורא האבען צו רעדען פון דעם..

ווער קען פארשטיין צו די מחלוקת לשם שמים..

מע וועט נאך שרייבען אין די צייטונגען פון יענע צייטען אז די רבי׳ס אליינס האבען זיך זייער ליעב געהאט אבער א פאר חסידים האבען זעכער געמאכט אז זיי זאלען זיך קיין מאל נישט טרעפען..

100 יאר?!?! האהא, מיינע אייניקלעך וועלן שוין זאגן "די מחלוקת צווישען הרה''ק ר' אהרן מיט הרה''ק ר' יקתואל יהודא מעג מען אפי' נישט אריינטראכטען אין, ס'זיכער געווען כולו לשם שמים.
אבער אויף זייערע קינדער האב איך שוין יא געהערט פון א אלטע איד אז יכול להיות אז ס'אריין געמישט אביסל פניות"

די צאנזער און ריזשענער חסידים האבן אנגעקוקט זייער רבי'ס מחלוקת אויף אסאך נידעריגע אופן ווי אינז קוקן היינט אהן די סאטמארע מחלוקת.
(קיינער זאגט נישט אז ר' אהרן טאנצט מיט שיקסעס יו''כ ביינאכט, און אלע רבנים אין א''י קומען זיך נישט צאם ביי די כותל מאכן חרם אויף ר' זלמן לייב)

[ידען]

מע האט געזאגט אזוי אויף די צאנזער רב?

[big joe]

מע האט געזאגט אזוי אויף די צאנזער רב?

אויף ר' בערעניו.


אויפן צאנזער האבן די 250 גרעסטע רבנים אין א''י געמאכט א חרם ביים כותל בראשות פרנס ירושלים הרב ניסן בק ז''ל
(מ'האט געווארט צוויי וואכן ווייל גדולים האבן געוואלט אריין קומען פון צפת און טבריה זיך משתתף זיין אין חרם)

[ידען]

וועסט מיזען מאכען א אשכול וועגען די צאנזע רב חרם.

כאב קיין מאל נישט געהערט פון עס. נאר אז ער איז געוועהן פון די גרעסטע צדיקים.

איך גלייב נישט אז אויף אזא צדיק זאל מען קענען נעמען 250 רבנים צו מאכען א חרם.

אפי׳ נ״ר האט נישט געהאט מער ווי 33 רבנים צו שרייבען קעגען איהם.. (ער שרייט אז זיי האבען איהם געלייגט אין חרם אבער זיי האבען סתם געשריבען א צעטעל קעגען איהם)

[big joe]

ש.jpg

[ידען]

wow

וואס איז געוועהן זיין עבירה?

[big joe]

געזאגט ליגענט ברבים (אפילו געשוואוירען ליגענט)
גערעדט אויף די גרעסטע צדיקי הדור (די רוזינער קינדער) רוב מנין ובנין פון כלל ישראל האבן מיטגעהאלטן מיטן ריזשינער צד. אפילו זיין זון די שינאווע איז געפארן קיין טשארטקוב. (נאכדעם האט די טאטע אים געזאגט נישט אריבער צו טרעטן זיין שוועל)

הקיצור מ'האט אויף אים געקוקט אזו ווי א זקן ממרא אדער גאר ערגער.

אפי' די צאנזער רב אליין האט געציטערט פונעם רוזינער, הגם די צאנזער רב איז געווען היבש עלטער. מ'האט געהאלטן אז נאכן רוזינער איז אוועק האט ער געוואלט זיין די ממשיך פונעם דרך בעש''ט, אבער רוב רבי'ס האבן אים נישט געוואלט.

(די פראבלעם איז וויבאלד עס איז איבערגעבליבן אסאך מער צאנז ווי רוזין איז זייער שווער צו טרעפן די צווייטע צד, ממילא ווייסן רוב מענטשען, (אפילו די ברייטע) נאר די צאנזע צד)

[ידען]

אזעלעכע אינטערעסאנטע זאכן לייען איך דא און קיינער שרייבט נישט אריין?

קיינער לייקט נישט big joe פאר דעם?

וואס גייט פאר?

איך בין די איינציגסטע וואס ווייסט נישט די אלע אינטערעסאנטע מעשיות?

מע האט שוין געשריבען וועגען דעם?

מיך זעהט אויס ווי פנים חדשות פון יענע צייטען..

[I'm back]

איך בין זיכער אז [tag]big joe[/tag] איז א גלגול פון איינער פון די בעלי מחלוקת פון דיזע מחלוקה.