מ... יצא רשע? אייוועלט מאכט חילול השם !

[ישמעאל הכהן]

און קאווע שטיבל האט מען לעצטענס ארומגערעדט פון העלפן סירישע קינדער וואס ווערן דערהארגעט אין א ברודער קריג, אפגעזען ווי ריכטיג עס איז אדער נישט האט מען עס דיקוסט אויף א נארמאל אופן. ווען איינער האט עס אריבערגעלייגט אויף אייוועלט איז עס געווארן מער ווייניגער אראפגעריסן דארט פון די הייליגע קווייער וואס דרייט זיך דארט. אלעס פיין, ביז איינער אנעים זמירות האט געמוזט זיין קליגער פון יעדן און אראפגעברענגט פון הלכה שטאנדפונקט אז מ'טאר נישט ראטעווען א גוי !!! נישט מער און ווייניגער הער ער דארט געשריבן אז אויב מ'זעט א גוי ווערט דערטראנקען און קיינער וועט נישט וויסן דערפון, טאר ער נישט אריינווארפן א באלי רינג אין וואסער אז דער גוי זאל זיך ראטעווען!
צום קרעדיט פון עטליכע דארט האבן זיי אים אפגעפרעגט , אבער ס'האט נישט געהאלפן דער כופר און רשע פעלד מיסייע האט שוין ארויפגעלייגט א סנעפ שאט פון אנעימ'ס ארטיקל אפילו מ'האט עס שוין געהאט געמעקט אין אייוועלט. און ער שרייבט אז אידן שרייבן אין אידיש אז מ'טאר נישט ראטעווען א גוי.

א חילול השם איום ונורא !!

http://failedmessiah.typepad.com/failed ... e-678.html

[בן תמליון]

וויי געוואלד לאן הגענו. יעצט פאר ראש השנה אזא חילול השם. דאס זענען תוצאות פון טפשות מיט רשעות אונטער א מאסקע פון פרומקייט.

[ישמעאל הכהן]

איינער שרייבט דארט

דער עוכר ישראל שמריהו ראזענבערג ימ"ש האט יעצט געפאסטעט אויף זיין פעילד מעסייע א סקרין שאט פון אנעים'ס ווערטער איבער גוים וואס איז געווארן פארמעקט. איך מיין די תוצאות זענען איבריק צו מסביר זיין והשם הטוב יכפר. ר אנעימל מקומך בין כותלי ביהמ"ד נישט אויפ אידיש פארומס אויפן טריפה'נעם אינטערנעט.

[בן תמליון]

אפשר זאל איינער שרייבן אין די קאמענטס איבער דעם אשכולנדא און ארכענעזאציע פון אידן קעגן רציחה. אפשר אביסל ממתיק זיין דעם חרון אף.

[סאשי פיש]

עס דרייען זיך אסאך מענטשען אויף פעליד מעשה וועבסייט??

[ישמעאל הכהן]

טעות

[JewsAgainstGenocide]

נפל דבר בישראל, א שוידערליכע זאך איז געשעהן!
עס איז זיייער ווייטאגליך, אז א נאר ווארפט אריין א שטיין אין וואסער קענען עס צען חכמים נישט ארויסשלעפן.
איינער האט געמאכט א חילול השם בשוגג, דורך שרייבן נארישקייטן. און דער צווייטער, דער וואס האט שוין אסאך וויי געטון כלל ישראל, האט עס געטון במזיד, צו פארשפרייטן לעיני העמים והשרים אז עס זענען פארהאן רשעות'דיגע און ראסיסטישע געדאנקען.
גלייבן א נארישע דעה אז מען דארף הרגנען נבראים בצלם אלקים איז איין זאך, אבער גיין מפרסם זיין?
אפשר זאל יענער מפרסם זיין אז מעלעסטעישאן איז א קלענערע איסור ווי לשון הרע? אדער אז עסן מענטשן פלייש איז ווייניגער אסור ווי עסן נבילה?
יא, עס איז א מקום פאר וויכוח, עס זענען דא דעות אין ראשונים ואחרונים לכאן ולכאן, און א איש רך הלבב ווייסט אז בימינו אלה דארף מען מעדיף זיין אהבה לכל יצור נברא, און גיין פארשפרייטן די היפך איז א גרויסע ווייטאג.
אונזער תפקיד איז אפצושלאגן די דעה און זאגן אז אסאך ערליכע אידן זענען בעלי רחמים ורחמיהם על כל מעשיו יתברך, ואשרי חלק ווער עס שלאגט אפ דעם חילול ה'.

[הוגה]

דער holier than thou אנעימ'ל האט זיך גרויס געהאלטן פאריגע וואך אז זיין געוועזענע פריינט נ. כ. איז אריין געקומען אין זיין געשעפט קויפן סושי, ער האט זיך קאטעגאריש אנטזאגט פון אים סערווירן צוליב דעם ווייל ער איז אפיציעל א מחלל שבת, און צו א מחלל שבת טאר מען נישט רעדן . ער האט דערנאך געשריבן א גאנצע ארטיקל וביאור אויף א"וו.

אויך נ. כ. האט געשריבן דערוועגן דא אין ק"ש.

פאר א מחלל שבת טאר מען נישט פארקויפן סושי, וואס איז די דין מיט א מחלל השם?


די עולם האקט...

[שמעקעדיג]

איך בין נישט באקאנט אין די הלכה, אבער גענוג-און-נאך פעלער ווי אידן האבן געראטעוועט גויים, פון הצלה מעמבערס ביז פשוט'ע האלץ האקערס.
אפשר קען איינער לייגן אויף יענע סייט (אויב ס'איז שייך) עטליכע מעשיות כדי אפצואווענדן די חילול השם? איך האב נישט קיין עקסעס אהין ב"ה.

[[NAMELESS]]

שוין די רשעות'דיגע מידיא האט אנטדעקט אייוועלט, אנשטאט זעהן איר שיינקייט אז די דינסטאג אשכול קען האבן פערציג טויזנט בלעטער און די אשכול איבער שושלת כענטשין באסטאן קען זיין ד' מאות פרסה גרויס, און אז סיי וועלכע אשכול עס רעדט וועגן א מענטש וואס לעבט, וועגן א רב, א עסקן, אדער פארשטייט זיך א גוי אדער פרוי, ווערט שנעל געמעקט, זעען זיי נאר די איינמאל ווען מען האט בטעות אריינגעבלאדזשעט אין א טאפיק ווי די זיסע טאטעלעך האבן זיך נישט געהאלטן אין די שטרענגע ראמען.
אנשטאט די מיליאנען אשכולות וואס איז היבש רעכטס פון די שווערס סעודה שמועס, קוקט מען אויף די איין גאר ליבעראלע אשכול.
אנשטאט זעהן די שיינקייט פון טריליאן אשכולות איבער נוסח המצבה פון סקרענטאן און פרענומערענטן פון בראנזוויל, אנשטאט זעהן די שיינקייט ווי מען באהאנדלט די מזל טוב סיין פון זאבילטוב (פארשטייט זיך מיט א שטרענגע צענזור מען זאל נישט קריטיקירן דעם ארטיסט, און בכלל נישט רעדן איבער זאבילטובער רבין אליין) מוז מען טרעפן די איינמאל וואס פחז עליהם יצרם און מען האט גערעדט איבער אזא חילונישע טאפיק ווי סיריע, קינדער, שיסערייען און הלכה'דיגע קאנטערוערסיע איבער פיינט האבן א גוי.
שעם אן יו טרייפענע מידיא!

[הוגה]

[tag]קופערניקוס[/tag], הצחקת אותי.

כ'האב מיך נישט געקענט באגיין נאר מיט א לייק.

[טאמבל סאס]

מאן יימר מיט ידיד האבן זיך ארויסגעלאזט אויף א קאמפיין ארויפצוברענגען אנעים'ס אלטע גארביטש. ס'דערמאנט מיך אין שיינע צעטלעך מ'האט געמאכט דעם טויבנפעלד.
'ארכיוון' האט שוין באקומען ביי מיר אזא 'שמות באקס' אפטייטש.
בעיסיקלי סתם גליונות.

[נצבד]

סאיז סאך א גרעסערע חילול השם פאר אינז היימישע יודען, אז יונגעלייט שלא קרא ולא שנא ולא שימש,נעמען זיך די רעכט אריינצורעדען און הלכה'דיגע ענינים,וואס זייער גאנצע נאלעדש נעמט זיך פון א גוגל סורטש.

ממילא אנעים'ס חילול השם איז בעיקר פארען אנרירען דעם עסק-נאכדערצו ברבים-און דאס פיטערען פאר "אינז".

און ישמאעל טייערער, דער שמרי' העסטו קיינמאל נישט קענען באפרידיגען, אויב וועט ער נישט האבען עפעס צו די האנט,וואס ליגט דערין א פינטעל אמת,וועט ער רעפארטען א פאזיטיווע נייעס און דאס אויסדרייען אלס נעגאטיוו,אז דאס אויך נישט ,וועט ער נעמען איינעם'ס פאזיטיווע זייט וואס איז געווארען באריכטעט ערגעץ אנדערש און צולייגען דערצו אז דער מדובר האט "נאך אלץ נישט" פארדאמט מאלעסטעישאן, אויב וועט זיין א שוואכע נייעס טאג און ממש גארנישט האבען צו פיטערען זיינע פינסטערע לוזערס,וועט ער ברענגען פון אן אנאנימער בלאגער וואס האט זיך פארטינקען און צי טיפע וואסערן,און דאס באריכטען כאילו הרב אלישיב האט דאס "גע'פסק'נט.

ממילא אלס עצה טובה,דו האסט נישט וואס צו זיכען אויף יענע קו קלאקס קלען סייט,ווייל ער וועט דיך קיינמאל נישט דיסעפוינטען.

[נולד מאוחר]

פארוואס דעקט נישט שמיריה די jewsagainstgenocide מאוומענט. באמת איז דאס סאך א גרעסער חידוש

[דבילה]

סאיז סאך א גרעסערע חילול השם פאר אינז היימישע יודען, אז יונגעלייט שלא קרא ולא שנא ולא שימש,נעמען זיך די רעכט אריינצורעדען און הלכה'דיגע ענינים,וואס זייער גאנצע נאלעדש נעמט זיך פון א גוגל סורטש.

כ'זע נישט די חילול השם פון יונגעלייט וואס קענען נישט א נושא אבער דאך רעדן זיי אריין אחרי חקירה ודרישה - צי דורך ליקוט ספרים צי דורך גוגל. כך הוא מנהג רוב דייני זמנינו.

ממילא אנעים'ס חילול השם איז בעיקר פארען אנרירען דעם עסק-נאכדערצו ברבים-און דאס פיטערען פאר "אינז".

ליידער איז אנעים גערעכט - אויב קוקט מען אן די שאלה מיט די געווענליכע מהלך אין הלכה וואס ווערט געלערענט מיט אונזער יוגענט. אויב ווילט איר זיך דינגען ליינט קודם דורך די מאמר אויף די גרויסע מצוה פון שנאת הגוים וואס איז געדריקט געווארן אין "הפעמון" און געשריבן דורך נישט קיין צווייטער ווי הרב יאסעל דייטש, רה"כ צאנז קלויזענבערג באראפארק און פון די הויפט בעלי דעה אין יענער קהלה. די שאס אויף צוריק איז נישט געקומען פון קיין רבנים ומורי הוראה, נאר פון א שרייבער - הרב אשר לעווין, טאקע גאר א טאלאנטפולע שרייבער און אויסערגעווענליכע בעל כשרון ורב מעש, אבער דאך נאר א שרייבער\עסקן.

די חילול השם איז אז די רבנים זאגן נישט באמת פאר די אייגענע עולם די פארקערטע פון דעם. ס'שטערט איבערהויפט נישט פאר רוב מנין ורוב בנין פון די היימישע רבנים אז די עולם זאל באמת קוקן אויף גוים ווי "נישט-מענטשן" וואס אויב נישט פאר פאליטישע חשבונות טאר מען מיט זייערע הרגשים זיך נישט רעכענען. אין די מאטיוו פון די רבנים קען מען דן זיין. מעגליך ס'איז ווייל זיי האלטן באמת ע"פ הלכה אזוי, און מעגליך אז ס'איז די תוצאות פון זיך באפריינדן מיט די גוים וואס טוט שטופן די רבנים צום "שקר הקדוש".

אלזא נצבד, די חילול השם געהערט נישט פאר אנעים, נישט פאר דאס מגלה זיין און נישט פאר אונז פיטערן ידיעות וואס מיר האבן שוין געזויגן אינאיינעם מיט די מאמע'ס מילך. די חילול השם איז ליידער מכם ובכם. פון אונזערע אייגענע תורה אוטעריטעטן, רבנים, מורי הוראה, וראשי ישיבה, וואס לערנען באמת די הלכות פאר אונזערע יונגווארג, אדער וואס ס'שטערט זיי נישט גענוק צי באאיינפלוסן די הלכה אויף די פארקערטע וועג.

און ישמאעל טייערער, דער שמרי' העסטו קיינמאל נישט קענען באפרידיגען, אויב וועט ער נישט האבען עפעס צו די האנט,וואס ליגט דערין א פינטעל אמת,וועט ער רעפארטען א פאזיטיווע נייעס און דאס אויסדרייען אלס נעגאטיוו,אז דאס אויך נישט ,וועט ער נעמען איינעם'ס פאזיטיווע זייט וואס איז געווארען באריכטעט ערגעץ אנדערש און צולייגען דערצו אז דער מדובר האט "נאך אלץ נישט" פארדאמט מאלעסטעישאן, אויב וועט זיין א שוואכע נייעס טאג און ממש גארנישט האבען צו פיטערען זיינע פינסטערע לוזערס,וועט ער ברענגען פון אן אנאנימער בלאגער וואס האט זיך פארטינקען און צי טיפע וואסערן,און דאס באריכטען כאילו הרב אלישיב האט דאס "גע'פסק'נט.

ממילא אלס עצה טובה,דו האסט נישט וואס צו זיכען אויף יענע קו קלאקס קלען סייט,ווייל ער וועט דיך קיינמאל נישט דיסעפוינטען.

נצבד, פארגעס נישט דעם אלטן כלל. דער שליח, אדער דער נייעס ברענגער, איז נישט דער ציל פון דיינע קוילן. אויב געפעלט דיר נישט וואס שמרי' שרייבט קענסטו בודק זיין און פרובירן צו פאררעכטן וואס ער טענה'ט דערויף. אולי יש תקוה. שיסן דעם נייעס ברענגער פארזיכערט נאר פראבלעמען זאלן לענגער בלייבן פראבלעמען.

נקוט האי כללא בידך. חילול השם איז נישט ווייל מענטשן "ווייסן" זאכן וואס דו ווילסט נישט זיי זאלן וויסן. חילול השם איז דאס "טון" אזוינע זאכן וואס באופן וואס דאס קומט ארויס ווערט גאט'ס נאמען פארשוועכט.

[קאווע טרינקער]

פארוואס דעקט נישט שמיריה די jewsagainstgenocide מאוומענט. באמת איז דאס סאך א גרעסער חידוש

ווייל ער זוכט נאר שלעכטס.

שמריה, יעצט מאך פרסום פון מיר...

[Starbucks]

נקוט האי כללא בידך. חילול השם איז נישט ווייל מענטשן "ווייסן" זאכן וואס דו ווילסט נישט זיי זאלן וויסן. חילול השם איז דאס "טון" אזוינע זאכן וואס באופן וואס דאס קומט ארויס ווערט גאט'ס נאמען פארשוועכט.

גאר א שטארקע פוינט

[DotCom]

אויף דעם האט רבי געוויינט ייתי ולא אחמיני', געוואלד צו וואס מ'האט זיך אלס דערקייקלט, ווי קען מען זיין אזוי אומפאראנטווארטליך?

[דעת תורה]

שרייבן דאס ברויך מען נישט ברבים, און נישט ווייל עס פאסט נישט וכדומה, אדרבה לויטן מהרש"ל איז דאס ביהרג ואל יעבור צו איינרעדן א גוי אז אין די תורה שטייט אנדערש ווי באמת. נאר פשוט, אויב האט מען מתיר געווען משום איבה איז דאך הדעת נותנת אז אין לך איבה גדול מזה ווי עס מפרסם זיין לרבים. השתא דאתינא להכי אי הוינא בעת הדפסת הש"ס לראשונה, הוי אמינא להו דלישתמוטי הלכות כאלו מדין איבה ולא ישאר רק בכתב יד.

[בדחן]

איך מיין אז עס איז סטופיד צו טראכטען אז א קאמענט אויף בלאג סייט קען ווערן אנגענימען אלץ ערענסט, און אז אנשטענדיגער גוי וואס קען טראכטען איינס מיט איינס זאל עס זען אלץ עפעס ערענסט,

עס איז דא מיליאנען בלאגס אויף אלע שפראכען, עס איז דא הינדערטער טויזענטער מיינוגען אויף יעדע נושא, בליאנען טוויטס אין בלאג פאוסט ווערן געשריבען וועכענטליך, עס מאכט נישט קיין סענעס אז פאוסט געשריבען דורוך איינעם אן א נאמען אויף א פארשטפיטע בלאג וואס האט נישט מער ווי עטליכע און טויזענט קליקס זאל השפעה אויף איינעם אינדרויסען פון די ״self-hating jews" סירקעל.

איך אגרי אז מען דארף עס נישט שרייבען, אבער פון דא ביז מאכען א סקאנדאל דערפון איז א מרחק גדול.

[טאמבל סאס]

שרייבן דאס ברויך מען נישט ברבים, און נישט ווייל עס פאסט נישט וכדומה, אדרבה לויטן מהרש"ל איז דאס ביהרג ואל יעבור צו איינרעדן א גוי אז אין די תורה שטייט אנדערש ווי באמת. נאר פשוט, אויב האט מען מתיר געווען משום איבה איז דאך הדעת נותנת אז אין לך איבה גדול מזה ווי עס מפרסם זיין לרבים. השתא דאתינא להכי אי הוינא בעת הדפסת הש"ס לראשונה, הוי אמינא להו דלישתמוטי הלכות כאלו מדין איבה ולא ישאר רק בכתב יד.

און אז אין הונדערט יאר ארום וועט זיין א פארברעכן צורעדן אנטקעגן הומוסעקשועלס, און דער פוסק הדור בעל שבט הלוי וועט זיך גרייטן יעצט אפצודרוקן א ספר קעגן משכב זכור, וועסטו אויך זאגן מ'זאל עס נישט דרוקן? וישאר בכתב יד? (דלישתמוטי הלכות כאלו מדין.. הממ אהבה..אפשר)
אוודאי נישט! נאר וואס דען. מ'דארף פארשטיין די תורה לויט אין וועלכע אומשטענדן עס איז געשריבן געווארן.

[לאליפאפ]

דער holier than thou אנעימ'ל האט זיך גרויס געהאלטן פאריגע וואך אז זיין געוועזענע פריינט נ. כ. איז אריין געקומען אין זיין געשעפט קויפן סושי, ער האט זיך קאטעגאריש אנטזאגט פון אים סערווירן צוליב דעם ווייל ער איז אפיציעל א מחלל שבת, און צו א מחלל שבת טאר מען נישט רעדן . ער האט דערנאך געשריבן א גאנצע ארטיקל וביאור אויף א"וו.

טו א טובה לייג א לינק וואו אנעים זמירות שרייבט אז נחום איז אריינגעקומען קויפן סושי... וויכטיג!

[זר זהב]

viewtopic.php?p=145154#p145154