וואס ווארט אונז אין די חרדי'שע אויסגאבעס • סוכות תשע"ד

[אבי גערעדט]

יעדע האלב יאהר, פסח און סוכות צוגלייך, קומען די אויסגאבעס ביים חרדישן ציבור ארויס מיט ריזיגע העווי-דוטי אויסגאבעס און ביילאגעס, ווער עס ווייסט אביסל מער פרטים וואס עס איז ערווארטעט אין די אידיש/ענגליש/היברו מארקעט איז מכובד דא צו מעלדן.

אזויפיל ליינעך דא אז דער היברו משפחה וועט האבן א באזוך מיט פשעווארסקע רבי שליט"א אויפן דעקל, און וועט האבן א ביילאגע איבער חרדישע גינעס ווארלד רעקארדס, און אויך א פרייען סידי

[קאמענטירער]

די בלאט האט ארויס געלייגט א מודעה אז אזויווי עס ווערט ערווארטעט א פרגרעסערטע ביילאגע אויף סוכות און מיט אסאך ביילאגעס זאל מען אכטונג געבן בשעת׳ן אהיים נעמען אז די ביילאגעס זאלען נישט ארויספאלען

[אבי גערעדט]

אונזער נעבעכדיגע אויסגאבעס אין אידיש

[אבי גערעדט]

.

[קאמענטירער]

כבין נייגעריג אויב די וואך אדער אנדערע אויסגאבעס פרעגן רשות פון וועמען זיי לייגען ארויף אויפן קאווער?

אין מיין לעבן וואלט איך נישט מסכים געווען אז מזאל לייגען א בילד פון מיר אזוי אז מזאל קענען אפציילען וויפיל גאנצע ציינער כהאב אין מויל...

[מיין מיינונג]

יעצט איינגעהאנדלט די סחורה, עס קוקט אויס אז 'בקהילה' געווינט דעם יום טוב די פארמעסט. א פונקטליכע באריכט וועט נאכפאלגן.

[[NAMELESS]]

אה, מיין מיינונג'ס באריכט פון פסח ליגט נאך אין די ביינער
לאקינג פארווארד!!

[[NAMELESS]]

עמי זעהט נישט אויס צו אינטערסאנט

[אבי גערעדט]

.

[שמעקעדיג]

קרעדיט: גרויזאמער פון אייוועלט

קול הקאסטומער'ס: מיר זוכן אביסל נארמאלערע לייען מאטריאל!

לכבוד כל האויסגאבעס כל אחד בשמו הטוב יבורך.

לכבוד דעם בעפארשטייענדן יו"ט סוכות ווען אלע אויסגאבעס און ליניעס פראבירן צו כאפן די העדליינס מיט מורא'דיגע אינטערסאנטע אויפטרעפן וויאזוי צוצוציען די ליינער און צוהערער, וועל איך דאסמאל פארכאפן דעם העדליין מיט גאר א אינטערסאנטע אויפטרעף, נעמליך איר - אויסגאבעס - זאלט זיצן אויפן שטיל דארט אונטן, און מיר קאסטומערס-וועלכע-קויפן-נישט-אייער-אויסגאבע וועלן זיך ארויפשטעלן אויפן פלאטפארמע, און אייך לאזן הערן אביסל פון אונזער זייט.

דעם גרעסטן טעות וואס איר מאכט, ליבע פארזאמעלטע אויסגאבעס, איז אז מיר אומקויפעדיגע קונדן זוכן עפעס ברעכעדיג, עפעס שרעקעדיג, דראמאטיש, באבמאסטיש. כאילו מיר זענען קינדערלעך אין חדר וואס דער לאנטש רבי קען האלטן שטיל בלויז מיטן דערציילן די שפאנענדע מאמענטן פון מאשקע אינעם גרוב.

אייערע דעקלעך זענען אנגעפילט מיט די שרייעדיגע העדליינס ווי: "ווען איין קראקאדיל האט באוויזן איבערצודרייען גאנץ וואשינגטאן די.סי." (נאר א משל). "אמעריקע איז אונטער שרעקליכע סכנה", ועוד ועוד. און אויב וואנדערט עפעס א זאכליכע ארטיקל אריין דא און דארט ווערט עס בכלל נישט דערמאנט אויפן דעקל. וזה פשוט.

די קשיא וואס איר שרייט זייער הויך, און איר כאפט ניטאמאל אז איר שרייט עס, איז: פארוואס גייט נישט אונזערע אויסגאבעס? פארוואס איז די לייען אינדוסטריע אזוי אין דער ערד?

די קשיא ווערט געשריגן זייער הויך דורך אייער גרעפיקס וואס ווערט שענער און שענער, דורך די פאפירן וואס ווערן דיקער און דיקער, דורך פרישע אויסגאבעס ארומגעוויקלט מיט פלאסטיק וועלכע פארמאכן זיך נאך 2-3 מאל ערשיינען. מען זעהט ווי איר קלאמערט זיך נעבעך אויף די לייטער, איר פראבירט נאכאמאל און נאכאמאל, מעגליך דאס וועט ארבעטן, מעגליך דאס...

קיינער ווי איר אליינס שרייט דאס נישט אזוי הויך: קאסטומערס! מיר מאכן אלעס אזוי שפאנענד און שרעקעדיג, נעגאטיוו און דראמאטיש, אומגלויבליך און ברעכעדיג, פארוואס קויפט מען אונז נישט?

דער תירוץ איז "נישט" קיין רוחניות'דיגע אז מען קויפט נישט קיין "אומאויסגעהאלטענע אויסגאבעס". דער תירוץ איז פשוט - איר זענט גרייט צו הערן חשוב'ע פארזאמעלטע? - דער תירוץ איז: שטעלט צו חומר וואס ברענגט כבוד ווען מען ווייסט עס!

איר פארשטייט? שטעל דיך פאר איך כאפ א היטש מיט איינעם, און איך זוך פון וואס צו רעדן, געב איך אים אזא פרעג: האסט געזעהן די ארטיקל מיט די 10 גרעסטע היימלאזע פארשוינען? וואס זאגסטו צו פארשוין נומער 6 מיט די שנאוץ העכער די אויגן? הא?

עס קומט נישט דא אריין אידישקייט און נישט-אידישקייט, עס איז וויסענשאפט, זאל עס זיין סעקולערע אויסגעהאלטענע וויסענשאפט און היסטאריע, זאכן וואס בויען אויף די מח און וואס העלפן ארויס אויפן צוקונפט אין וואס אימער, זאל עס זיין אידישקייט, זאל עס זיין ביזנעס, פראטיק, און אלעס ווייטער.

"וואס", פרעגט איר? איר דארפט מיך האבן? גייט אביסל ארויף - צום ביישפיל - אויף וויקיפעדיע און טוט אייער היים ארבעט דארט! איך קען אייך נישט העלפן, וועט איר האבן אזאלכע סארט גוטע ארטיקלעך וועט איר זוכה זיין צו אונז אלס קאסטומערס!

מיר, קאסטומער וועלכע קויפן נישט אייער אויסגאבע, קויפן עס נישט ווייל עס איז דום! נאריש און אבסורד! מיר שעמען זיך צו שפאצירן דערמיט אין גאס! ווען מען קויפט עס יא וועט מען עס נעמען אין א שווארצע שאפינג בעג!

מיר וועלן גאר שטארק עפרישיעיטן זאכליכע ארטיקלען וועלכע קען נאכגעזאגט ווערן בדרך כבוד פון ערוואקסענע צו ערוואקסענע, נישט פון ערוואקסענע צו קינדער, און נישט פון קינדער צו ערוואקסענע.

זוכט נישט גארנישט צו ברעכן, מאכט אונז נישט פילן ווי צעהיצטע בחור'לעך אין די וועד שמחת רבינו, מיר זוכן רואיגע געמיטליכע תוכנ'דיגע ארטיקלעך.

יישר כח!

(ביטע נישט דערמאנען קיין שום אויסגאבע -אפילו בדרך רמז - אין דעם אשכול, עס איז בכלל נישט דאס דער ציל).

[שרייבער]

המגזין - אנליין מאגאזין פון בחדרי חרדים

איך האב באמערקט אויף די סייט "בחדרי חרדים" אז זיי האבן צוגעלייגט א נייע זאך "המגזין".

מעגליך ס'יז אן אלטע זאך, אבער איך האב דאס הערשט יעצט באמערקט, ס'קוקט מיר אויס ספעציעל געמאכט לכבוד יו"ט ווען יעדער אויסגאבע קומט ארויס מיט גרעסערע און אונטערסאנטערע ביילאג'ס ספעציעל לכבוד יו"ט.

"המגזין" איז א אנליין מאגאזין, אין וועלעכע איר קענט מיטן מאוז מישן די בלעטער פון איין ארטיקל צום צווייטן און דארט קליקן אויפן ארטיקל צו באקומען דעם גאנצן ארטיקל. די גראפיק חלק גלייך איך זייער שטארק, די ארטיקלן האב איך אפרשטייצעך נאכנישט געליינט.

נאך א מעלה וואס עס האט איבער אנדערע אויסגאבע'ס (און צוגאב צו לאזן קאמענט'ס) אז מ'קען לייגן אונטערסאנטע ווידיאו קליפס אלץ אן ארטיקל... א שטייגער ווי המגזין האט אלץ איינע פון זייערע ארטיקלן א הערליכע 35 מינוטיגע קליפ פון הגאב"ד עדה החרדית און אב"ד סאטמאר י"ם רבי משה ארי' פריינד זצ"ל, די לעצטע יאר פון זיינע הקפות פאר 17 יאר צוריק. די קליפ איז גענומען געווארן דורך אן ערלית פונעם ווייבער שוהל. מ'זעהט די טאנצן, דעם רב זאגן די הקפות, דאס זינגען די חרדים, אידן ווישן זיך די שווייס, בחורלעך מאכן לופט מיט זייער הוט'ל, וכדו'. זייער אינטערסאנט.

אדער א שטייגער זיין ארטיקל מיט יוסף משה כהנא און הערשל בריסק איבער די "לחיים טיש" פראיעקטן, האט ער דארט אונטערסאנטע קליפס. סיי א אינטערוויו מיט זיי און סיי אל אלטע קליפ פון יוסף משה, מונה, ירמי' דמן און שלמה ארצי אין סטודיאו.

נאדיר די לינק צום "המגזין".
http://www.bhol.co.il/articlecarousle.a ... leid=59233


(קרעדיט: צייטליך איי וועלט)

[קאווע טרינקער]

יעצט געענדיגט ליינען די "100 תעלומות ומסתורין יהודיים" פון בקהילה
הערליך

[אביגדור]

בכל קוראינו אליו.

[שרייבער]

וועמעס פרצוף איז דארט?

[[NAMELESS]]

איר זענט גערעכט, די בקהילה מיטן מיליטאנטישן פירער פון די ליטווישע בני יואל, נאכדערצו געשריבן דורכן הפלא'דיגער בעל דמיון און גאר טאלאנטפולער מטורף יעקב ב' פרידמאן, האט מיר געגרוילט, אבער אז קאווע זאגט אז עס איז גוט שטאפט מען צו די נאז און מען קויפט בקהילה.

[קאווע טרינקער]

הכנעני החתי האמורי הפריזי....
כ'האב נסיונות פון גיאות..

די כתבות אויף גדולי ישראל ליין איך ניטאמאל, אחוץ ווען כ'קען יענע חצר פון דער נאנט, איז עס געשמאק צו ליינען, ווייל ס'ברענגט צו אשפ"ג'ען אויף גאר הויכע טענער.
צוריקומענדיג נעכטען פון א ליל שישי פארברענג, בערך 1'זע, בין איך אריין אין געשעפט, מיט אן הונגעריגע גוף און נשמה, זיי האבן נאר געהאט די בקהילה, האב איך יענץ געקויפט.

פאר מער דרוקט דא שנשמע ונתבשר בשורות טובות

[מיין מיינונג]

א שנעלע איבערבליק פאר די וואס ווילן וויסן וואס צו קויפן. בקהילה, האט שוין ווי געשמועסט, געווינען ביג טיים. א נישט פאליטישער ארטיקל אויף הג"ר שמואל אויערבאך, א שיינער פראפייל אויפן הרה"ק מטאהש שליט"א, א אונטערוויו מיט גי' שוטנשטין דער נדבן פון די ארטסקרול גמרוןת און נאך; דער ספעציעל היסטארישע מוסף צום 30'טן יארטאג פון גרינדונג פון די ש"ס פארטיי, מיט זאפטיגע אנאליזן פון דעם וועלט בארימטן שרייבער יעקב ריבלין; דער מוסף איבער די 100 אידישע מיסטעריעס איז גאר אינטערעסאנט און רייך; א גליון תורני.

משפחה האט מיך שרעקליך דיסעפוינטעד, דער פרופייל אויף פשעווארסקער רבי'ן איז גארנישט ספעציעל, יעדע יו"ט א אנדערע רבי מיט די זעלבע גוזמאות נאר ארומגעטוישט די נעמען פון יענעם רבי'ן און זיינע גבאים; א אונטערוויו מיט רובאשקין וואס איז שוין אויסגעדראשן פון יעדן אספעקט; די מוסף סיפורים איז יא אינטערעסאנט אזוי ווי תמיד; דער לעילא ולעילא מוסף פארשעמט די ביז יעצטיגע על דא ועל הא און פה ושם, אנדערש ווי די פאריגע צוויי וועלכע זענען געווען אינפארמאטיוו איז דער יעצטיגער מוסף סתם הוילע דמיונות אדער פאלטשע פאקטן, די איבריגע זענען איבערגעקייטע אינטערוויו'ס מיט מענטשן וואס זענען שוין געווען באשריבן הונדערט און איין מאל; דער קולמוס איז גוט; דער מוסף פון ניגונים פון עולם הליטא איז חוץ ר' אביש בראדט'ס אונטערוויו נישטא קיין סאך צו ליינען.

המודיע האט ממש נישט קיין חידושים חוץ זייער מוסף פון סיפורים.

המבשר האט זיך גאנץ שיין צוגעשטעלט דעם יו"ט מיט אפאר רייכע מוספים, 10 סטאנציעס ארום די וועלט ווי זיי האבן פאקטיש אריבערגעשיקט שרייבער (די געדאנק כשלעצמו איז שוין נישט קיין חידוש, אבער דאך איז דא אינטערעסאנטע פאקטן און געשעענישן צו ליינען); דער גליון תורני קוקט אויס גוט; אזוי אויך דער מוסף אויף אכט דערהויבענע אידן פון ארה"ק פון גאנץ באוויסטע אידן זייער שיין באשריבן.

שעה טובה איז א שאד צו קויפן.

א בליק האט צוויי זייער גוטע ביילאגעס, איינס פון בעסטע בילדער פון זייערע פאטאגרעפערס איבער די יארן, און איינס "זכרתי לך חסד נעוריך" פון אדמורי"ם אין זייערע אינגע יארן וואס פארמאגט אסאך היסטארישע בילדער.

די וואך האט אויך ארויסגעגעבן צוויי געלונגענע אויסגאבעס, איינס "די פרנסה" באשריבן א שיינע צאל אידישע געשעפטן באגלייט מיט בילדער, די צווייטע איז חלק ב' פון בילדער פון די ערשטע יארן אין אמעריקע ביז תש"ס היסטארישע רבי'שע בילדער.

דער איד, בלאט און צייטונג איז מיר נאכנישט אויסגעקומען צו באטראכטן.

גוט יום טוב.

[קינות גירושין]

Ami?