ר' איד! זענט איר שוין גרייט צו פאסטן?

[דעת תורה]

[tag]יואב[/tag], דיין גאנצע מבוכה איז לכאורה א פוסטע אמעראציס. אין ביהמ''ק איז נישט דא קיין ביסקיסעס. ממילא פאלט צאם דיין גאנצע בנין...

ובית הכסא של כבוד היה שם, וזהו כבודו, מצאו נעול וכו' (משנה במס' תמיד).

[שמעקעדיג]

רעמיינדער! ווער עס איז נאכנישט גרייט צו פאסטן זאל אנהייבן טרינקען וואסער און עסן וואסערמעלאנע מיט קלי צום, מיט די אלע סגולות וואס יואב האט אויבן אויסגערעכנט...
געדענקט עס קומט ביטער-הייסע און נאסע טעג, עס איז נישט קיין קינדער שפיל.

[יואב]

שוין גארנישט קיין וויץ. דער אנגעצויגענער ערב יום כיפור רוח מנשב לקראת מחנינו מיט דעם מכת ארבה קראפט.

די כפרות ביזנעס קען מען זאגן האט שוין מער ווייניגער ערהאלטן די 'פיפטין מיניטס אף פעים'. זיי האבן שוין סוקסעספול פארשמירט די צייטונגען, נשים וטפיהם האבן שוין אפגעשלאגן, און די מענער האבן שוין הפנים די טיקעטס.

יעצט קומט די רייע אויף די בעלי סגולה ממינים שונים שלא ראי זה כראי זה, אבער הצד השוה שבהם זיי טוהן ווי משחד זיין דעם תענית ס'זאל לאזן די חברה פאסטן ווי מענטשן.

אדווערטייזערס פאר דעם צוועק האבן שוין אפגעמאכט זייערע געלטער, און די בעלי בתים זעלבס קוקן בלויז ווי זייערע נכסים ברייטערן זיך אויס ווי א גוטן טאג אויפן סטאק מארקעט. כאטש מיט אן אומקלארער שאצונג וויפיל די סכומים וועלן גרייכן ווי נאר כלל ישראל טוהט זיך אן די פאפאטשן.

די איראניע שטייגט נאר ווען מ'זעהט וואספארא חברה יאגן אלץ נאך די סגולות. מ'רעדט נישט נאר מבנות ישראל וועלעכע סווינגן צווישן די נערה און בוגרות גרעניצן, אדער בחורים'לעך דער ייצר טוב איז נאך ביי זיי אינעם שנה ראשונה אדער גאר נאך בעפאר דאס אויסוועלן א תפילין בארטל.
חברה ס'פאסטן שוין ווייסעך וויפיל יאר, און דרייען זיך ארום אנגעצויגן ווי די שווערע אומרוהן אין סיריע זאל ווען אפעקטירן דעם תענית.

ומכאן הקריאה יוצאת. מ'בעהט געשעפט אייגנטומער זאלן געבן א זכות קדימה פאר די וועלעכע קומען קויפן לימנע מיט בשמים. ס'איז פשוט נישט קיין יושר מזכי הרבים זאלן ברויכן שטיין אין די לאנגע ליניעס, אונטער די געשטראנדע וועגענער פון אומבאלומפערטע קונדן וועלעכע גנב'ן זיך אריין אינעם עקספרעס ליניע.

אויך איז ראטזאם מ'זאל מיטברענגן טישוס פון אינדערהיים, און איבערלאזן די ענגע בית כסא פארקינג פאר דאונלאוד'ס אונלי. ס'אחוץ פון דעם וואס קאמערציאלע טישוס זענען געווענדליך נישט מן המובחר.

מ'דארף נישט יעדעס יאר עקסטער איבערזאגן, אבער האלטס די כנפי הטליתים אין קאנטראל. קנעפלעך פון נישט קיטל טראגענדע ברויכן זיך נישט אריינכאפן דארטן, און ווארטן מיט סבלנות ווי לאנג איר פראבירט דאס אויסגראדן, און הערשט דאן זעהן צו ס'איז צום סוף אפגעשריבן געווארן לחיים או למוות. מ'קען זיין ערענסט און נישט צולאזן דאס טלית בארדענען אויפן פריי. שפארט עגמת נפש פאר אייך, און פאר יענעם.

מיר שטייען שוין ביים שוועל פון יום הקדוש תשע"ד, ועדיין בן דוד לא בא. מילא דער דעבאטע אויבן צו מ'וועט ברויכן דאן פאסטן יום הקדוש וועט געוויס ליידער זיין אומרעלעוואנט פאר היי יאר.

זאל שוין השי"ת העלפן ס'זאל זיין שנה שתדבר בה עמים תחתינו, תדרוש גאולה לגלותינו, און מיר זאלן שוין זוכה זיין מיטצוהאלטן דעם עבודת הכהן גדול "לייוו".

טוהט'ס יא סגולות, טוהט'ס נישט סגולות. בין כך ובין כך האטס א גמר חתימה טובה.
א פרייליכן כ-פורים, און א שמחת תמיד!

[יואב]

זיך יעצט איינגעהאנדלט קלי צום! סופאזעטוריס קען איך נעמען מארגן, און לאמיר לויפן קויפן טאביק!

[אליצפן]

איינער קען זאגן פון פערזענליכע ערפארונג צו קלי צום העלפט עפעס? עס לוינט זיך צו ספענדן די 15 דאללאר וואס זיי בעטן פארדעם?

[יואב]

איינער קען זאגן פון פערזענליכע ערפארונג צו קלי צום העלפט עפעס? עס לוינט זיך צו ספענדן די 15 דאללאר וואס זיי בעטן פארדעם?

פאסטן איז אזוי ווי ערוועלן א פראסעקיוטער.
מענטשן זאגן דער טאמפסאן איז א רשע, דאס און יענץ. ברויך מען צו וויסן אז א פראסעקיוטער איז נישט דא צו טיילן וואוטשערס און געבן דירות. ס'גלייבטס זיך אפילו נישט ער זאל קומען טיילן עסן ביי המשביע וכדומה אין א פארזוך צו ווייזן זיין געטריישאפט. זיין פליכט איז אנצוזעצן דאס לעבן פון מענטשן. כ'זאג נישט, מ'מוז האבן אזא מענטש, אנדערש וואלט מען קיין לאנד נישט געקענט פירן.

מ'מוז זיך אבער אריין נעמען אין קאפ אז סך הכל ערוועלט מען א באגי-מען. מ'ערווארט נישט קיין גוטס. (חוץ דער פאקט אז ער וועט אפקערן די פארברעכער פונעם פריי). די שאלה איז נאר צו ער וועט זיך אומגיין מיט ישרות, שכל, און געפיהל; אדער זיין א קאראפטירטער, הארץ-לאזער, און אומיושר'דיגער.

א תענית בדרך כלל סאקט! ס'איז דא גרינגע פאסטער, און ס'איז דא שווערע. ס'זאל זיך קיינער איינרעדן אז מ'גייט זיך שפורן ווי אבירי בשן נאך א פרעס אקציע ביי עפעס א דינער השנתי פאר א יובל העשור.

א דורכשניטליכער מענטש פאסט אמאל בעסער, און אמאל ערגער. אוודאי קען העלפן די אלע זאכן, איך ווייס אבער נישט צו מ'קען דירעקט אנצייגן אויף עפעס אז דאס האט געמאכט די תענית ראקן.

מיין טאטע טענה'ט אז ס'העלפט שטארק, מיין ווייב זאגט אויך אזוי. איך האב פאריאר גענומען, און געהאט קאפ ווייטאג מוצאי יום הקדוש ווי יאר יערליך. מעגליך ס'האט געהאלפן ס'זאל זיין גרינגער, אזוי ווי א גוטע פראסעקיוטער. נו, זאל יעדער טוהן וויאזוי ער פארשטייט. מסתם דארף איך יעצט ענדיגן אז "שאטן וועט דאס זיכער נישט".

איך וואלט דיר געזאגט קויף! זאל זיין.
איך גיי מסתם נעמען, ווייל מיין ווייב האט במילא געקויפט. כ'וועל דיר קענען אפדעיטן מוצאי וויאזוי ס'געווען.

פאר די אלע וואס האבן טענות אז די משל האט גארנישט מיט די נמשל, וועל איך זאגן אז איך בין מער ווייניגער אויף זייער זייט. אין ערגסטן פאל האב איך געשריבן צוויי באזונדערע נקודות, איינס מער פאלש פונעם צווייטן.

ליתר שאת קען מען זיך פארבינדן צו מין חשובער ידיד[tag]moti107[/tag], ער איז גוט אין די משלים ביזנעס. אולי קען ער דאס אויסגראדן, אדער גאר קאמפאזירן א פרישע.

[zurich]

יואב איך ווער צודרייט פון דיינע משלים ס'קלאפט עפעס ווינדערבאר..

[סאשי פיש]

איך ווייס אז מען האלט שוין ב״ה נאכען פאסטען אבער באלד פארגעס איך שוין שרייב איך עס אראפ אז עס זאל בלייבען לזכרון,
איך בין אריין פאר יום כיפור צו א ווייטימען/העלט סטאר פרעגען צו ער האט קלי צום, זאגט ער מיר אז ער האלט אז די ווייטימען B12 איז די עיקר ווייל עס איז קעגען דיהיידירעשין ד״מ אז עס האלט די וואסער אינעם קערפער, און איך זאל דאס נעמען און ער האט נישט קיין קלי צום.

[ישמעאל הכהן]

איינגעשלעפט

[outspoken]

start drinking water now and scale back on Coffee

[כוכב]

יואב

[petergrifin]

עלות 5:37 (ברוקלין)
נאך דרײ טעג פון סעודת װער דארף זיך צוגרײטן?

[יואב]

ארויפגעברענגט צום צווייטן יארצייט.

[י.ל.פרץ]

[tag]יואב[/tag] דו ביסט גוטע נייעס

איין זאך יום כיפור איז נישט די נעקסטע פאסט (חוץ אויב משיח גייט שוין דא זיין) דארפסט באשרייבען תשעה באב מען זיצט אין שול האלב לעכטיג האלב טינקל ...מען ליינט אייכה און אזוי ווייטער........

געשריבן האב איך דאס טאקע דערפאר ווייל שבעה עשר בתמוז איז זיך אקורשט פארלאפן, און תשעה באב איז ארונד דע קארנער. דאס האט מיר דערמאנט די משוגעת'ן עס שפילט זיך אפ ארום א תענית. למעשה האב איך געשריבן איבער יום כיפור פאר צוויי סיבות. איינס, משיח קומט שוין אט אט, און בעת אלע תעניתים וועלן בטל ווערן, וועט יום כיפור פשטות בלייבן.

לכאורה, ווען משיח וועט קומען וועלן מיר דאך נישט האבן קיין יצר הרע. אויף וואס וועט מען תשובה טאן יו״כ?

[[NAMELESS]]

[tag]יואב[/tag] דו ביסט גוטע נייעס

איין זאך יום כיפור איז נישט די נעקסטע פאסט (חוץ אויב משיח גייט שוין דא זיין) דארפסט באשרייבען תשעה באב מען זיצט אין שול האלב לעכטיג האלב טינקל ...מען ליינט אייכה און אזוי ווייטער........

געשריבן האב איך דאס טאקע דערפאר ווייל שבעה עשר בתמוז איז זיך אקורשט פארלאפן, און תשעה באב איז ארונד דע קארנער. דאס האט מיר דערמאנט די משוגעת'ן עס שפילט זיך אפ ארום א תענית. למעשה האב איך געשריבן איבער יום כיפור פאר צוויי סיבות. איינס, משיח קומט שוין אט אט, און בעת אלע תעניתים וועלן בטל ווערן, וועט יום כיפור פשטות בלייבן.

לכאורה, ווען משיח וועט קומען וועלן מיר דאך נישט האבן קיין יצר הרע. אויף וואס וועט מען תשובה טאן יו״כ?

טעות.

[petergrifin]

עלות = 5:25

[יואב]

נו, זענט איר שוין גרייט?

[שמערל]

שוין גרייט