אין די היסטאריע וועט פארשריבן ווערן די לעגענדארע סלאגאן אראפ מיטן פיטום א סלאגאן וואס איז געקומען מעמקי המח ומנהמת לב, און האט געטוישט די דירעקציע פון היסטאריע!
ווייניג זענען די סלאגאנען וואס האבן אזוי שטארק געטוישט די גאנג פון היסטאריע, צווישן די סלאגאנען ציילן זיך "מר. גארבאטשאוו נעם אראפ דעם וואנט" פון רעיגן, "א גוטן מועד" פון שלמה דער שמש, און "ווי איז די דעקל פון די גרעיפ דזשוס" פון פעסטער רב, אין אט די גאלדענע גאלעריע גייט אריין די סלאגאן "בייס אראפ דעם פיטום"!!!!!!!!!!!!!!!!!!!
בייס אראפ דעם פיטום האט אפגעקלינגען אין די קארידארן פון יוסטיץ, גרויסע יוריסטן האבן איר באוואונדערט, זי האט געהאט א גאר גרויסן אפעקט אין די וועלט פון מענטאל העלט און פסיכאלאגן און רופאי נפשות האבן געשטוינט, און פארשטייט זיך אז אין די מקוואות, שמש שטיבל, ביתו נאוה קודש און פארן זייטלעך האט זי געטוישט אלעס!
געווען איז דאס אין א פינסטערע צייט ווען די וועלט איז געשטאנען פארלוירן, חולי נפש ואכזרי לב זענען עומד ומלסטר את הבריות, אן אינסייד פאול ביים רב המקוואות האט געטענהט אז דריי הונדערט פראצענט פון אלע מלמדים מאלעסטן מיליאנען קינדער, און עס איז נישטא קיין עצה, זאל מען לייגן אין טורמע פאר יעדע איינציגע ? איז דאך יכלו הזמן וימלאו אסמי סוהרינו שבע, והם לא יכלו, שופטים האבן געבראכן קאפ, עסקנים האבן פרובירט, רבנים האבן געגעסן טרויבן על מדוכה זו ולא נחו דעתם ביז ווי מיט א שטורעם ווינט איז איינער געקומען מיט אן עצה פון הלכות לולב, און אריינגעשריגן "בייס זיי אפ דעם פיטום"
דאס וואקעלדיגע קאר איז אפגעראטעוועט געווארן דורך דעם געטרייען דרייווער!
יעצט, הושענא רבה, ווען מען פירט זיך אז די נשים צדקניות בייסן פיטומ'ם, צו מתקן זיין............ נו, לאמיר נישט פאר מאחורי'נען, איז כדי צו זאגן די תפלה:
"הנני מקיים מנהג נשיכת הפיטום על דעת כל הצדיקים הקודמים, ועל דעת המנהיג, וכשם שאני מנשך פיטום זה כן יינשכו כל הפיטומים המפוטמים והמהורמנים של מלסטרי הבריות, כל פיטומיהם יהיו בטלים ומבוטלים, לא שרירין ולא קיימין, ובני ישראל יינצלו מהם ומהמונם", ובשעת הנשיכה ישאג "אראפ מיטן פיטום".
און אויב קען מען נעמען בשעת הנשיכה דעם באמפער סטיקער וואס מען האט בשעתו פראדוצירט, הנה מה טוב ומה נעים ונאמר אמן.
נשוך נא, למענך, נשוך נא.
-
קאווע טרינקער
- שריפטשטעלער
- הודעות: 7167
- זיך רעגיסטרירט: זונטאג מערץ 18, 2012 11:01 am
- האט שוין געלייקט: 4109 מאל
- האט שוין באקומען לייקס: 7909 מאל
-
רויטע וואנצעס
- שריפטשטעלער
- הודעות: 4863
- זיך רעגיסטרירט: דאנערשטאג יוני 27, 2013 1:17 pm
- געפינט זיך: אין א לאוו רילעישינשיפ מיט גאט און מיט די מענטשהייט.
- האט שוין געלייקט: 8315 מאל
- האט שוין באקומען לייקס: 8762 מאל
-
אייז קריעם
- ידיד השטיבל
- הודעות: 323
- זיך רעגיסטרירט: דינסטאג סעפטעמבער 13, 2016 12:47 pm
- האט שוין געלייקט: 136 מאל
- האט שוין באקומען לייקס: 248 מאל