איך וויין!!! אוי מי יורה דעה ומי יבין שמועה.

[ימי קדם]

איך ווייס אז עס איז שוין דא אן אשכול דערוועגן אין פארום ''אידישע נייעס'', איך פיל אבער אז עס איז דא א שטארקע געזעלשאפט'ליכע נקודה וואס דארף ארויסגעברענגט ווערן, דא אין 'געזעלשאפט'.

מיר שטייען יעצט אויף צופרי צו א נייע וועלט, א וועלט אהן דער גדול ישראל, מרן רבא דעמיה, הרה''ק עובדיה יוסף זכותו יגן עלינו. עיני עיני יורדה מים על שבר בת עמי.

אבער איך גיי נישט דא סתם וויינען, עס איז דא א נקודה וואס דארף ארויסגעברענגט ווערן וועגן אים, וואס איז כנראה א בחינה פון חבל על דאבדין ולא משתכחין.

אין געוויסע קרייזן, איז דער היינטיגער געשעהניש, אנגעקוקט כמעט ווי גארנישט, און איך האב שוין אנגעהויבן הערן די 'שרעקליכע' טענות וואס זיי האבן אויף אים, אבער טאקע וועגן דעם פיל איך אזא הערצה צו אים.

חוץ פון דעם מציאות אז ער האט געראטוועט דאס אידישקייט, לעבן, און חיות בגשם ורוח פון הונדערטער טויזענטער אידן, וואס וואלטן אהן אים נישט געהאט קיין שום חיות, און וואלטן נאר צוגעגעבן צו די פארברעכן אין ארצינו הקדושה אויף א גרויסען פארנעם, וואס פארדעם אליין דארפן מיר אים אלע מכיר זיין, ער האט אויפגעשטעלט מוסדות החינוך, און יא, מיט א געהעריגע באלאנסירטע תורה'דיגע און וועלטליכע חינוך, ממש א יחיד במינו און די וועלט ווי קינדער האבן א גאנצן אידישן, צוזאמען מיט א גאנצן סעקולארען חינוך, וואס מיר אלע קענען זיך לערנען פון דעם, ווי הונדערטער טויזענטער קינדער זענען ערצויגן געווארן.
אבער נישט דאס מיין איך.

ער האט געהאט א כח וואס מען טרעפט נישט היינט אויף אזא פארנעם, און דאס איז לא תגורו מפני איש ער האט געזאגט זיין מיינוג אין אלעם, נישט קיין חילוק וויפיל קריטיק, קול קורא'ס און חרמות ער האט באקומען דערפאר, ער האט געקענט שטיין איינער אליין קעגן די גאנצע וועלט פון די לעצטע הונדערט יאר, און זיך האלטן צו דעתו, וואס ער האט געהאט די רעכט דערצו, קעמפן פאר די אפגעהיטענע רייכע ספרדישע מסורה (וואס איז סאך רייכער, עלטער, און קראנטער פון די אשכנזישער, מכח די פאקט אז זיי האבן סאך ווייניגער געוואנדערט, דהיינו די בני עדות המזרח, פון מאראקא, איראק, איראן, מצרים, וכו'), אפילו ווען די גאנצע וועלט איז דאמינירט געווען דורך די אשכנזים, שלא ביושר.

מען קען פן דעם רעדן אסאך, און איך וועל לאזן די חברים ממשיך זיין, וויבאלד איך גיי שוין אריין צו די ארבעט.
די עיקר נקודה איז נאר: מיר דארפן באוויינען דעם כח פון א גדול וואס האט געקענט שטיין קעגן די גאנצע וועלט, אהן קיין מורא, און זאגן זיין אייגענער מיינוג. אפילו און א צייט וואס מען פרובירט אונז צו פארדרייען א ראפ מיט אזאלכע שטותים ווי 'אזוי טוט מען' און מען טאר נישט משנה זיין, און די ספרי שו''ת זענען מלא הבל דן צו זיין און וואס די זיידעס האבן יא אדער נישט געוואלט און געטוהן, אהן זיך רעכענען מיט אומצאליגע זאכן וואס זענען קלאר מותר ע''פ תורה, און מען מאכט פון זיי איסורי כריתות על לא דבר.

וכל בית ישראל יבכו.

[טעפל]

געוואלדיג ארויסגעברענגט די מצב.
די וועלט אהן הרב עובדיה איז נישט וואס עס איז געוועהן פריער..

[אפטעמיסט]

בושה וחרפה! שומו שמים!!!
די מטורפים ווייסן נישט קיין גבול. אצינד הער איך וואו עפעס א מקנא קנאת ה' באציט זיך צו מרן מיט'ן כינוי "עובדיה יאשקע" רח"ל. אוי לו לאותו בושה.

[טעפל]

בושה וחרפה! שומו שמים!!!
די מטורפים ווייסן נישט קיין גבול. אצינד הער איך וואו עפעס א מקנא קנאת ה' באציט זיך צו מרן מיט'ן כינוי "עובדיה יאשקע" רח"ל. אוי לו לאותו בושה.

ג"א הקטן מצטרף לבושה..

[outspoken]

בושה וחרפה! שומו שמים!!!
די מטורפים ווייסן נישט קיין גבול. אצינד הער איך וואו עפעס א מקנא קנאת ה' באציט זיך צו מרן מיט'ן כינוי "עובדיה יאשקע" רח"ל. אוי לו לאותו בושה.

אפשר איז א בושה אז מ'שטעלט צו א לווי' פאר די ראשי המדינה הכופרות, און א כופר מחלל שבת וועט מספיד זיין?
און דאס איז אפציעל נישט וואס איין מעשוגענער זאגט אין ביהמ''ד

[טעפל]

בושה וחרפה! שומו שמים!!!
די מטורפים ווייסן נישט קיין גבול. אצינד הער איך וואו עפעס א מקנא קנאת ה' באציט זיך צו מרן מיט'ן כינוי "עובדיה יאשקע" רח"ל. אוי לו לאותו בושה.

אפשר איז א בושה אז מ'שטעלט צו א לווי' פאר די ראשי המדינה הכופרות, און א כופר מחלל שבת וועט מספיד זיין?
און דאס איז אפציעל נישט וואס איין מעשוגענער זאגט אין ביהמ''ד

א שטיקל בושה אפשר, אבער נישט וועגן דעם איז מען געגאנגען קיין שמגר נאר וועגען די טהרה, אבער פון דא ביז רופען...וכו'??

[היימישער ליטוואק]

און אונזערע ברודער אויף אוי-וועלט האבן נאכנישט איינגזען פאר וויכטיג צו מאכן אשכול לכבוד דעם גדול הדור זצ"ל.

[שרייבער]

און אונזערע ברודער אויף אוי-וועלט האבן נאכנישט איינגזען פאר וויכטיג צו מאכן אשכול לכבוד דעם גדול הדור זצ"ל.

גדול הדור? ביי די ספרדים, נו, נישטא עפעס א ספרדישע אייוועלט?
דוכט זיך פאר די אשכנז'ישע וועלט האט ער גארנישט צוגעגעבן, ממילא האבן זיי נישט וואס צו קלאגן מי יורה דעה ומי יבין שמועה, ב"ה מיר האבן מי יורה דעה ומי יבין שמועה
אוודאי איז תלמיד חכם שמת אין לו תמורה, דארטן ווי ער האט משפיע געווען מאורו

ת נ צ ב ה

[סאשי פיש]

און אונזערע ברודער אויף אוי-וועלט האבן נאכנישט איינגזען פאר וויכטיג צו מאכן אשכול לכבוד דעם גדול הדור זצ"ל.

זיי האבען שוין אן אשכול, גייטס קוקט ווי אזוי עס זעט אויס, ראו מה בין בני לבין....

http://www.ivelt.com/forum/viewtopic.php?f=6&t=20955

[[NAMELESS]]

אוי געוואלד!! עס איז אוועקגעריסן געווארן דער גרעסטער מנהיג ישראל וואס מיר האבן געזעהן איו די לעצטע הונדערט יאהר, און א גאון שלא היה כדוגמתו אין די היסטאריע פון כלל ישראל. אין הונדערטער יארן ארום (משיח זאל אוודאי פריער קומען) וועט מען נאך רעדן פון הרב עובדיה ברתת ובזיע.

[טעפל]

און אונזערע ברודער אויף אוי-וועלט האבן נאכנישט איינגזען פאר וויכטיג צו מאכן אשכול לכבוד דעם גדול הדור זצ"ל.

זיי האבען שוין אן אשכול, גייטס קוקט ווי אזוי עס זעט אויס, ראו מה בין בני לבין....

http://www.ivelt.com/forum/viewtopic.php?f=6&t=20955

כמיטב המסורת פון אייוועלט איז עס שוין פארשפארט..מוחות דחוקים!!

[דולה ומשקה]

הרב ש"ך וואס האט געגרינדערט דער ש"ס פארטיי אין פיר יאר שפעטער געגרינדערט דער 'דגל התורה' פארטיי, האט זיך כל ימיו נישט געקענט מוחל זיין אויף דעם אז ער האט אוועק געגעבן דער ש"ס באוועגונג צו די ספרדים. די בני אשכנז אין ארץ ישראל האבען געהאט די אויבערהאנט אין די הילוך החיים אין דער פאליטישע חלק אין דער מדינה ביז הרב עובדיה האט איינגעזעהן אז זיי צוען איבער דער שטריק, האט ער במו ידיו מיט זיין כח המשכה גענומען די לייצעס אין דער הענט אריין אין געמאכט ש"ס פאר די דריטע גרעסטע פארטיי אין מדינת ישראל, ווען 'דגל התורה איז אלעמאהל געוועהן צו מערסטנס פיר מאנדאטן אין ש"ס געהאלט אין איין וואקסען בכמות ובאיכות ביז צו דער קליימעקס פון 17 בענקלעך אין דער כנסת, ביז אריה דרעי האט דאס צוביסלעך געלייגט מטה מטה ווי עס האלט היינט ביי 11 זיצן.

יעצט וועט דער ש"ס פארטיי זיך צוטיילען אין גרויסען, ווייל הרב עובדיה האט באוויזען צוזאם נעמען די יוצאי מארקא, מצרים, אירן, תימן אונטער איין פירעשאפט, גאר א זעלטענע אין אויסגעווענדליכע דערגרייכונג, דאס איז כאילו איינער זאל צוזאמען נעמען סאטמאר וויזניץ סקווירא בעלז אונטער איין מנהיג, א אומעגליכע ערשיינונג. יעצט מיט זיין פטירה וועט הרב אמנון יצחק צוריק באקומען דער יוצאי תימן וואס וועט גרעסער מאכען זיין פאליטישע פארטיי ואילו באקומען כאטש איין מאנדאנט, אזוי וועט וועט הרב ראובן אלבז מאכען שבת פאר זוך, אין משפחת אביחצירא וועט אויך מאכען שבת פאר זיך אין אין בני הספרדים יוצאי מאראקא וועלן נאך גיין רבי דוד'ס דעת תור.

אנדערש ווי הרב אמנון יצחק וואס האט פרובירט בחייו פון הרב עובדיה זיין מזל, האט רבי דוד אביחצירא און הרב ראובן אלבז און נאך אנדערע געזעצן שטיל כל ימיו פון הרב עובדיה מפני דרכי שלום, משום כבוד הגדול, און בכלל אלץ א שטיקעל הכרת הטוב, ווייל ווי נישט ווי האט ער ארויף געשטעלט די בני הספרדים אויף די מאפע, אבער יעצט ווען די אלע האבען פיינט בתכלית השנאה דער פירעשאפט פון ש"ס ובראשם אריה דרעי, וועט זיך יעדער גיין זייערע אייגענע מהלך.

[איך אויך]

און די פערדן האבן געמעקט די נארמאלע תגובה. כאנישט עקספעטעד אנדערש.

[סאו וואט]

נאר פאר ספרדים? זייט ווען?
אלע פוסקי וגדולי ההוראה ניצן זיין יביע אומר,
מצודתו פרוסה גם לאשכנצים...

מע'מאכט אן אשכול צו באוויינען א גאון וצדיק,
און ס'איז אנגעפולט אז מ'שטימט פאר שלעסער.
אוי לאותו בושה ...
כ'הער זאגען אייוועלט זוכט א גוטן לאקסמיט..

קען איינער מאכען א רישומא קדישא פון אלע זיינע ספרים?

[שושן פורים]

וואס איז די יאמערייען דא? סקען זיך דאכטן אז מרעדט דא פון א יונגע מענטש , ס"ה איז ער געווען א 93 יעריגער טאקע א גרויסע תלמיד חכם , איז עסט מען א שטיקל קעיק מטרינקט צו אביסל שליוואוויטץ און מזאגט זכותו יגן עלינו און געגאנגען ווייטער

[שמעקעדיג]

וואס איז די יאמערייען דא? סקען זיך דאכטן אז מ'רעדט דא פון א יונגע מענטש. ס"ה איז ער געווען א 93 יעריגער, טאקע א גרויסע תלמיד חכם, איז עסט מען א שטיקל קעיק מ'טרינקט צו אביסל שליוואוויטץ און מ'זאגט זכותו יגן עלינו און געגאנגען ווייטער

שושן!

כל המוריד דמעות על אדם כשר....
(סתם נייגעריג, כ"ו אב האסטו אויך אזוי געזאגט?)

[סאשי פיש]

און די פערדן האבן געמעקט די נארמאלע תגובה. כאנישט עקספעטעד אנדערש.

איך האב די גאנצע אשכול געקאפיעט פארען מעקען דא האט איר אהערליכע שטיקעל וואס מען האט געמעקט, זאג מיר פארוואס?!

[איך אויך]

ווייל דארט האבן די ס"ח דאס אויבערהאנט ,ב"ה אז דא קאנטראלירט מען זיי זאלן זיך נישט צופיל צופירן די הענט ארויס פון די צימעס גבולים.

[קאווע טרינקער]

כל המוריד דמעות על אדם כשר מיינט נישט אז מ'דארף שרייען אז די וועלט גייט אונטער.

[שמעקעדיג]

איך מיין מען זאל עפענען א עקסטערע אשכול פאר די אייוועלט סומאטוכע. עס באלאנגט נישט אהער.

איך האלט אויך ס'איז געווען נאריש צו מעקן, אבער 2 פונקטן ווי דער איטשע האט געטרעטן (געטרויטן?) אויף די הינער-אויגן און האט גורם געווען פארן לאקסמיט און קליענ-אפ גיי זאל ערשיינען:

1. "דער איד איז געווען ביי זיי אסאך אסאך מער ווי די סאטמאר'ע חסידים האבן אנגעקוקט הרה"ק ר' יואל זי"ע"..... אזא איסאלט? ס'איז דאך נישט מעגליך
2. "אונז זענען געווען פארנומען צו מוחה זיין קעגן די ציונים (דהיינו, א נארישקייט), אבער דער איד האט "ברוב חכמתו" געארבעט האנט ביי האנט מיט די רשעים און מיט מס"נ אויפגעטון"... - ממש היפוך השיטה הקדושה.

[שמעקעדיג]

כל המוריד דמעות על אדם כשר מיינט נישט אז מ'דארף שרייען אז די וועלט גייט אונטער.

כל המוריד דמעות על אדם כשר מיינט נישט אז מען עסט לעקעך און שליוואוויטץ און מען גייט ווייטער.

[[NAMELESS]]

וואס איז די יאמערייען דא? סקען זיך דאכטן אז מרעדט דא פון א יונגע מענטש , ס"ה איז ער געווען א 93 יעריגער טאקע א גרויסע תלמיד חכם , איז עסט מען א שטיקל קעיק מטרינקט צו אביסל שליוואוויטץ און מזאגט זכותו יגן עלינו און געגאנגען ווייטער

מ'וויינט נישט אויף אים, מ'וויינט אויף זיך. איך גיי יעצט לעבן אין א וועלט וואס איז אזוי פארארעמט געווארן. איך האב פארפאסט צו כאפן א בליק אויף דעם מנהיג הדור. איך האב פארלוירן, די וועלט האט פארלוירן.

[קאווע טרינקער]

נו, גיי שנעל אריבער צו ר' פישעלע.