הרה"ג ר' גבריאל ציננער שליט"א

[ידען]

די צייטונג האט געשריבען וועגען הרה"ג ר' גבריאל צינער אז ער איז האט געשריבען די מערסטע ספרים אין די היינטיגע דור, בינעך געקומען דא זעהן אויב מע האט שוין געשריבען וועגען איהם און בין סורפרייזט אז נאכנישט.

איך ווייס כמעט נישט ווער ער איז נאר אז כאב ליעב צו לייענען זיינע ספרים נטעי גבריאל וואס איז זייער שיין און גרינג פאר מיין מח און איך קען עס פארשטיין.

ער האט כמעט אלע הלכות וואס מען דארף וויסן ביי יו"ט און אנדערע וויכטיגע הלכות.

ווער קען נאך שרייבען וועגען איהם?

ער איז מער מחמיר אדער מער מקיל?

[ידען]

די גרעסטע שיעור און די גרעסטע מגיד שיעור זענען אנדערע רבנים

[רויטע וואנצעס]

די לאנגע באשרייבונג וועל איך לאזן פאר די עקספירטס דא אין שטיבל. נאר אפאר פרטים וואס איך ווייס איבער אים.

ר' גבריאל איז א פאפא תלמיד און א חסיד פונעם שפע חיים פון קלויזנבורג.
ער ניצט די כח דהתירא ווען ער קען, ער פסקענט זייער אסאך אויפן דרך פון ר' פישעלע, זענען זייער נאנט.
ער איז א רב מיט מידות טובות אבער שטארק ווען מ'דארף.
א אוהב ישראל. אז איר וואוינט אין בארא פארק און ס'איז ליל טבילה און די מקואות זענען פארשפארט וועט ער שיקן די רעבעצין עפענען זיין מקוה וואס איז כשר לנשים.
זיינע ספרים זענען זייער אויפגעכאפט צוליב די רייכע, קורצע און קלארע שפראך.
זיין אפענקייט געבט אויך צו, צו די געשמאק פון די ספרים. ער רעכענט זיך מיט יעדן פוסק גרויס אדער קליין, אמאל אדער היינט, אשכנזיש אדער ספרדיש.
היינטיגע דיינים האבן זייער ליב זיינע ספרים ווייל אלעס איז מוכן מ'דארף נישט קלעטערן אין ספרים.

[רויטע וואנצעס]

ספריו:

קונטרס נטעי גבריאל - ברכת החמה 2009

ספר נטעי גבריאל - כצאת השמש :קידוש החמה וברכתה ‬ 2009

ספר נטעי גבריאל - הל’ שמיטת כספים ופרוזבול ‬ 2007

ספר נטעי גבריאל - פורים המשולש ‬ 2005

קונטרס נטעי גבריאל הלכות בין המצרים ח"ב‬ 2003

ספר נטעי גבריאל - הלכות פסח ‬ח"ב 2002

נטעי גבריאל - הלכות ראש השנה ויום הכפורים ‬ 2001

נטעי גבריאל - הלכות יחוד 2001

נטעי גבריאל - תגלחת הילדים
‬
ספר נטעי גבריאל - הלכות פורים :מט"ו בשבט עד ר"ח ניסן ‬

ספר נטעי גבריאל - כתיבת והכנסת ספר תורה ‬ 1998

ספר נטעי גבריאל - הלכות פסח ח"א 1997

ספר נטעי גבריאל - הלכות יום טוב ‬ 1997

ספר נטעי גבריאל - הלכות בין המצרים ‬ח"א 1997

ספר נטעי גבריאל - הלכות יום כיפורים ‬ 1994

ספר נטעי גבריאל - הלכות ערב פסח שחל בשבת ‬ 1994

[על המחיה]

די גרעסטע שיעור און די גרעסטע מגיד שיעור זענען אנדערע רבנים

די אויסגאבע וואס איז ארויס געקומען פאר יו"ט סוכות, מיינען זיי דערמיט די משפחה אין עברית
זיי האבען געהאט א'ן עקסטערע ביילאגע פין אלע יודישע רעקארדס

צווישען זיי
די גרעסטע מחבר - הרב ציננער
די גרעסטע שיעור - געדענק איך נישט יעצט
די גרעסטע מגיד שיעור - הרב אריאלי פין ישיבת מיר

[בעל הבית]

די גרעסטע שיעור - געדענק איך נישט יעצט


ר' מיכל זילבער

[שפתים ישק]

שפתים קישאקTM!

[ידען]

ר עובדי יוסף זצ״ל האט ארויס געגעבען 70 ספרים האבעך געהערט.

ניין?

[געפילטע פיש]

[tag]שפתים ישק[/tag] שפתים ישק!

[נהורא נפישא]

כ'בין ממש משוגע געווארן פארן רב'ס בקיאות און אזא הייקעלע ענין ווי הלכות ניטול.

[שמו יגער]

ר עובדי יוסף זצ״ל האט ארויס געגעבען 70 ספרים האבעך געהערט.

ניין?

די איזרעאלי צייטונגען האבן די וואך געהאט א חשבון פון פופציג ספרים וואס ער האט אליינס געשריבן די רעשט האבן תלמידים אין שרייבערס מלקט געווען פון זיינע דרשות , ספרים און שיעורים

[ידען]

ר׳ גבריאל 40

ר׳ עובדי׳ 50

ווער האט מער?

[איטשע]

אזא ליצנות שוין לאנג געזעהן... כידוע

[שפתים ישק]

שפתים קישאקTM!

[על המחיה]

איך ווייס נישט פארוואס די ליצים האבען זיך גענומען דווקא צי עם

[דולה ומשקה]

אין איין וועגס קען מען שוין דאס אויך צולייגען - נטעי ההרים על הלכות קאנטרי, ובו יש ד' פרקים.
download/file.php?id=649

[שבת אחים]

אזוי ווי רוב פון מיינע מיינונגען אויף רבנים זענען געווענליך מעהר ווייניגער אויף די נעגאטיווע זייט און מעהר בייסיג געשטימט, פיהל איך אז מ'דארף אמאל זאגן עפעס פאזעטיוו אויך אז מ'געפינט שוין יא א פערזענליכקייט אינערהאלב אונזערע רייען וואס פירט זיך אויף מענטשליך און יושר'דיג, און היות איך האב לעצטענס מיטגעהאלטן א פרשה ווי איך האב מיך פערזענליך באקענט מיט הגאון הרב גבריאל ציננער שליט"א צום ערשטען מאל און איך האב מיט אים אביסל פארברענגט און געשמוסט אפאר מאהל אין די לעצטע פאר וואכן, און וואס מעהר איך האב מיט אים פארברענגט בין איך מעהר נתפעל געווארן פון אים צוליב אפאר סיבות:

1) זיין שארפע תפיסה און זיין גוטע קאפ
2) זיין גרייטקייט צו העלפן אנדערע און זיין איבערגעגעבנקייט
3) זיין שכל הישר און פראקטישקייט
4) זיין ענוה און זיין צוגעלאזנקייט
5) וע"כ בין איך געוועהן סופרייזט פון זיין אפען מיינדנעס, ער ערלויבט זיך צו גיין "אוט אוף די באקס" און ער איז ווייט פון פאנאטיש אקעגן די היינטיגע חרדי'שע מעינסטרים רבנים.

איך האב אים בכלל נישט געקענט פאר די פרשה און איך גלייב שווער אז איך וועל נאך עפעס האבן מיט אים, הגם ער האט מיר געגעבן זיין נומבער און ער האט מיר אפאר מאל געזאגט אז איך זאל אים רופן עני טיים, גלייב איך נישט אז איך וועל האבן עפעס א ספעציעלע שייכות מיט אים אדער ווערן יעצט אויף דער עלטער א נטעי גבריאל חסיד, פיהל איך נאך אלץ אז ס'ווערד דאס מיט צוטיילן מיטן חשובן ציבור שותה קאווע מיין פערזענליכע גוטע עקספיריענס וואס איך האב געהאט מיט אים.

און יעצט אז כ'האב מיך אביסל באקענט געמאכט מיט אים וואלט מיר געוועהן היפש אינטערסאנט צו וויסן מעהר וועגן זיין בעקגראונד און פון ווי ער שטאמט, און עפעס ליגט מיר אין קאפ אז ער האט געהאט עפעס א מחלוקה מיט פאפא, וויאזוי איז דאס צושטאנד געקומען?

זעט אויס אז איך וויל מוזן ווארטן מיט געדולט אויפן נעקסטן חאלהאמויד אז מורנו הרב מאראנצנזאפט זאל זיך מרחם זיין אין די מערצעהעשעם נעקסטע קאווע שטיבל'ס אויסגאבע

און פארשטייט זיך ס'וואלט געוועהן אינטערסאנט צו הערן די מיינונג פון די חכמי השטיבעל איבער אים, און פון די וואס קענען אים לענגער און בעסער צו עס איז טאקע אזוי שיינענדיג...

[שמעקעדיג]

אגריע. פון מיין עקספיריענס מיט אים קען איך זאגן אז עס פארווארפט זיך נישט היינט צופיל אזעלכע רבנים, מצד אחד א גאון עצום בתורה ומצד שני אזוי אפען מיינדעד צו די היינטיגע וועלט, און גייט אסאך מיטן כחא דהתירא עדיף, וכדברי רויטע וואנצעס הנ"ל (הגם סאם רעסטריקשאנ'ס סטיל עפליי...), איז ער א לב טוב און א זעלטענער בעל צדקה וחסד, מקבל את כל האדם בסבר פנים יפות.

הלואי ירבו כמותו בישראל.

[נופת צופים]

צימעס אלערט. אדער אפשר שמייכל.

אן סעקאנד טאהט, אפשר אין קרעטשמע

[berlbalaguleh]

שבת אחים : ווען דו און אנדערע מענטשן וואס רעכענען אויס די מעלות פון הרה"ג ר' גבריאל ציננער שליט"א פארפאסן איין מעלה שמנו חכמים. זיין גרויס התמדה. ווען איך האב געלערנט אין פאפא ישיבה און אויך געווען אין דארמיטארי, איז הרה"ג ר' גבריאל שליט"א נאך געווען א בחור. ער איז געזיצן אין ביהמ"ד און געלערנט יומם ולילה. דער סדר היום איז געווען אז מ'איז אויפגעשטאנען 5:30 פארטאגס. א יעדן טאג אין די צייט האט מען שוין געהערט זיין קול תורה. און ביינאכט. אפילו נאך חצות האט זיך זיין קול תורה אויך ארויסגעהערט פון ביהמ"ד...!

[שבת אחים]

ר׳ בערל , איך האב עס נישט אויסגערעכענט צווישען די מעלות וויבאלד איך האב אים נישט פארהערט און כ׳האב נישט גערעדט מיט אים אין לערנען , אבער אז איר זאגט אזוי גלייב איך אייך א חוץ פונדעם קען מען זעהן אין זיינע ספרים אז ער איז א געוואלדיגע תלמיד חכם, איך בין נתפעל געווארן פון זיין פשטות און פון זיין שארפן קאפּ

אז איר זענט יא פאפא תלמיד לאמיר הערן וואס איז געוועהן די מחלוקה ,אויב ס׳איז בכלל געוועהן א מחלוקה ,

[כוכב]

אויסער זיינע אלע מעלות רמות בתורה ויראה, ווי אז ווען א פרוי רופט פרעגן א שאלה, זאגט ער, די רעבעצין זאגט איר האט זייער גוט אויסגעזען ביי דער חתונה, און אויסער זיינע וואונדערליכע ספרים וואס זענען ווייט פון קראנט, נעמט דער רב צדדים און שטעלונגען אויף דיונים שבין איש לאשתו אן אויסהערן די צווייטע צד און פסקנט שאלות פון דיני נפשות אן א בי''ד של כ''א.

[פישלע העררינג]

אויסער זיינע אלע מעלות רמות בתורה ויראה, ווי אז ווען א פרוי רופט פרעגן א שאלה, זאגט ער, די רעבעצין זאגט איר האט זייער גוט אויסגעזען ביי דער חתונה, און אויסער זיינע וואונדערליכע ספרים וואס זענען ווייט פון קראנט, נעמט דער רב צדדים און שטעלונגען אויף דיונים שבין איש לאשתו אן אויסהערן די צווייטע צד און פסקנט שאלות פון דיני נפשות אן א בי''ד של כ''א.

ס'זעהט אויס ווי דו טראגסט ארום א רינענדיגע לשון הרע. אל תמנע טוב.

הודעה נשלחה על ידי iPhone 6 פלוס