ספרים חדשים

[דולה ומשקה]

איך עפען דעם אשכול מיט א כוונה, מזכה צו זיין את הרבים, ווען איהר ווייסט פון א נייע ספר וואס איז נארוואס געדריקט געווארען, לאזט וויסען פאר די שותי הקאווע. אויב א שמועס איבער א ספר וועט זיך צוען אביסעל לענגער, בקשתי להמנהלים דאס צו איבערבייטען אלס א אשכול פאר זיך.

ובזה החלי:

באר משה עה"ת - ב' כרכים מהגה"ק רבי משה אליקים בריעה מקאזניץ זי"ע

עטרת ישעי' - רישומי דברים על התורה ומועדי השנה (מהדו"ק) מהרה"ג ר' ישעי' צבי פריעדמאן שליט"א מרביץ תורה ומעמיד תלמידים, וחובר חיבורים.

קונטרס פסקי ומנהגי חתם סופר החדש - בעניני פורים על סדר שולחן ערוך

[טעמפא]

הרב דולה ומשקה. ישר כוח! אויב איר קענט צולייגן פרייזען און מספר עמודים, מה טוב ומה נעים.

[איש האמת]

מגן אבות אוצר מנהגי שבת קודש לבית באבוב
גאר א שיינע ליקוט מיט פאני און אונטרעסאנטע עובדות ומעשיות וסיפרים
יוצא לאור על ידי מערכת בית צדיקים (מהרמ"ד)

לכבוד הרב טעמפא: און ביגעלאייזען פאר פוניף און צוואנציג, אייכלערס פוניף און צוואנציג דולער פופציג סענטס, אן די טעקס

[דולה ומשקה]

נועם חיים - צעטיל קטן, הנהגות האדם עם פירש פניני שפע חיים עפ"י משנתו של הגה"ק מקלויזענבורג זי"ע, קפג עמודים, בערך $6
צום סוף קונטרס שטייט "השתטחותו של כ"ק מרן זי"ע על הציון הקדוש בליזענסק לפני המלחמה..."

[איש האמת]

וואס איז פשט מגעט א נאמען פון א ספר מיט א עגגלישע ווארט, "טשעק" בהלכה
איז עס נישט אונטרעסאנט??

אהבת חיים על מועדים ושמחות- חידושי תורה ודרשות מאת הגאון הצדיק רבי חיים יהודה דייטש זצ"ל דומ"צ דק"ק מאקאווא
זיין נאמען לפענ"ד וואלט געדארפט און פארדינט אן אשכול פאר זיך, מיט זיין פרעזענליכקייט, און אויפגעכאפטע שיינע חיבורים

[דולה ומשקה]

ספר מלכות שבחסד - לעבנס ביאגראפיע פון העסקן ואיש החסד ר' מרדכי פריעדמאן ז"ל, וועלכע איז נפטר געווארען י"ב ניסן תש"ע, אין געווארען געדריקט לרגל שמחת בר מצוה של הב' שלמה ב"ר אברהם יעקב פריעדמאן.

[קאווע טרינקער]

וואס איז פשט מגעט א נאמען פון א ספר מיט א עגגלישע ווארט, "טשעק" בהלכה
איז עס נישט אונטרעסאנט??

אין ישראל הייסט עס צ'ק בהלכה, די איצטיגע מהדורה איז "טשעק" כדי די סלתה ושמנה זאל אויך פארשטיין....

[לאדיך אפ]

אלפא ביתא תניֵתא דשמואל זעירא (ב"כ)
ר' שמואל אשכנזי
א הפלא'דיגער ליקוט לויט דעם סדר הא' ב' פון מקורות נפלאות אויף כל מיני נושאים און אויסדרוקן
952 זייטן
$27

א ביישפיל פון אן אויסדרוק וואס ווערט דורך ר' שמואל שטארק דורכגעטון איז "אהוּב אפלטון, אהוּב סוקראט, האמת אהוּב יותר," וואס געפינט זיך אין דער חתימה פון ידידינו ר' יידל, מגדולי חכמי שטיבלנו. ר' שמואל גייט דורך צענדליגער מקורות וואו דער אויסדרוק ווערט דערמאנט אין רבנישער ווי אלגעמיינער ליטעראטור, אנגעפאנגען ביי חוות יאיר סי' ט', און געענדיגט ביי היינטצייטיגע מחברים. דאס אלעס איז געטון געווארן נאך פאר מען האט געקענט טרעפן מקורות דורך א קאמפיוטער!
איבער ר' שמואל אשכנזי (ער לאזט זיך נישט באטיטלען מיט מער ווי "ר'") זע דא און דא. פאר איין פרק פון דעם ספר זע דא.

א מעכטיגע ספר פאר איימער וואס וויל קונה זיין אסאך ידיעות איבער ענינים שונים, בעיקר בנוגע ספרים וסופרים.

[יידל]

ספר הברת החסידים, פון הרב נפתלי צבי דעמביצער, לאנדאן, תשע"ב
ביאור הברת לשה"ק בפי יהודי מזרח אירופה, וסדר השתלשלות המבטא מימי קדם עד היום.

אין דעם ספר איז אויך דא "ספר כללי עברי" - כללי מבטא הנקודות למנהג בני מזרח אירופה באופן מושלם ביותר - וכן חקירות בתולדות המבטא בלשה"ק ובאנגלית.

גאנץ צום סוף פון ספר איז דא אן אפטיילונג אונטערן קעפל" הלכתא למשיחא", מבטא לשה"ק האמיתי עפ"י דקדוק, ווי עס ווערט מבואר די אריגענעלע פארם פון לשה"ק'דיגע אותיות און נקודות.

[היסטאריקער]

לב אהרן

[משה געציל]

אין די קומענדיגע וואך וועט אי״ה זיין צו באקומען די וואונדערבארע ספר ״מכון לשבתך״ על הלכות שבת ח״ג. מכון לשבתך איז מעשי ידו פון הרב חיים בן ציון ראזענבערג, א ארבעט וואס איז ממש א זעלטענהייט, סיי מיטן גראדן און געשמאקן דרך הלימוד, אזוי אויך דער פאקט אז ער גייט ביז אפאר יאר האבן אויף גאנץ הלכות שבת אין זיבן בענדער. דער ספר איז הערליך שיין צוטיילט אין דריי באזונדערע חלקים, א) חלק הפירושים - דארט איז דער מחבר מבאר מקורות און ביאורים אויפן שו״ע, ט״ז, מג״א. ב) חלק הביאורים - הרב ראז״ב צונעמט הערליך שיין די יסודות פון די הלכות אויסגעבויט פון די גמרא, ראשונים, אחרונים. ג) אליבא דהלכתא - כשמו כן הוא, א יעדן סעיף אין שו״ע ווערט צוגעשטעלט צום היינטיגן מציאות ווי דער מחבר איז מלבן די דינים מיט א אויסערגעוונליכע ברירות, ע״פ השו״ע ופוסקי זמנינו.
די ערשטע באנד איז ערשינען אלול תש״ע אויף די סימנים ש״א - שי״א, די צווייטע חלק איז ערשינען בערך א יאר צוריק אויף די סימנם שי״ב - שט״ז, הרב ראז״ב האלט יעצט ביים דריטן באנד וואס וועט אי״ה זיין אויף די סימנים שי״ז - ש״כ. די ספר איז הערליך שיין אויסגעשטעלט, שו״ע, מג״א, ט״ז אויפן דף ארום גענומען מיט די ארבעט פון די מחבר. עס איז א זעלטנהייט אז א ספר היינטיגע צייטן זאל זיין אזא חידוש פון א ארבעט, צי דאס איז די קלארקייט, צי דאס געשמאקן שפראך פון הרב ראז״ב.

[אויס מענטש]

איך ווייס נישט אויב דא איז דער פלאץ
אדער זאל מען עפענען אן עקסטער אשכול פאר דעם:
ווען איך וויל וויסן אויב מען קען האבן א געוויסען ספר וועט מען עס דא שרייבן
ווער עס ווייסט זאל ביטע ארויס העלפן עד שידו מגעת
ספר אוצר החיים פון מנהגי הרה"ק מצאנז בעל דברי חיים
{נישט פון קלויזענבארג}

[לעיקוואד]

ספר באמונה שלימה
הרב יוסף זלמן בלאך
דער דיקער ספר (איבער 500 עמודים) איז געווידמעט פארצושטעלן די וויכטיגקייט פון אמונה פשוטה, און "פארענטפערן" די אלע ראשונים און אחרונים פון וועמען עס איז משמע אז ס'איז כדאי עטוואס חוקר צו זיין. הרב בלאך איז דער זעלבער וואס האט אין יאר תשס"ט ארויסגעגעבן דעם קונטרס "השמש בגבורתו", "אויפצואווייזן" אז די וויסנשאפטלער זענען זיך טועה מיט דעם וואס זיי באהויפטן אז די זון שטייט אינמיטן דעם סאלאר סיסטעם, נאר באמת שטייט די וועלט אינדערמיט. יענער קונטרס נעמט אויך אויף א פרק אין דעם נייעם ספר וואס טוט אונטערשטרייכן די וויכטיגקייט פון גלייבן באמונה פשוטה אין אלעם וואס די ראשונים האבן געשריבן.

כולל דער חיוב גדול ונורא צו גלייבען אז די וועלט איז פלאך, די זון און אלע שטערן דרייען זיך ארום די וועלט, די לבנה איז א כוכב, און זיי דרייען זיך דורך גלגלים געמאכט פון גשם חמשי, און ווער ס'כופר אין דעם גלייבט ער נישט אי איבערשטען ווייל דער רמב"ם שרייבט דאס בפירוש אז מאיז מחוייב צי גלייבען אז זדר אייבשטער דרייט די גלגלים, נו, אז סנישט דא קיין גלגלים איז נישטא קיין אייברשטער, ממש פשוט לאגיש, און די גאנצע סייענס איז פשוט א קאנספיראציע אז אמעקיקא זאל געוואונען רוסלאנד, אנטשולדיג, אז מזאל אופהערען גלייבען אין הייליגן רמב"ם, און ווערען ח"ו ציונים, מיט שוואכע קשיות.
כמובן דאס וואס דער רב"ם שרייבט אליינס אז די חכמים און אפילו די נביאים האבן זיך טועה געווען אין די ענינים דאס טאר מען ח"ו נישט אננעמען ווואס ער זאגט ער האט עס נישט געמיינט כפשוטו וכו'.
[אגב קוק דאhttp://www.kaveshtiebel.com/viewtopic.php?p=45031#p45031 וואס ר' יעקב קמנצקי האט געהאלטן איבערן רמב"ם לגבי די לבנה. ]

[שמואל הלוי]

זה עתה יצא לאור
ספר הטעמים
למרן בעל החתם סופר זצוק"ל
טעמים ונימוקים
על מצוות, הלכות ומנהגים
כללים וענינים
שיצאו מפי כתבו של מרן בעל החתם סופר זי"ע
להשיג בכל בתי מסחר ספרים

[יידל]

און די גאנצע סייענס איז פשוט א קאנספיראציע אז אמעקיקא זאל געוואונען רוסלאנד, אנטשולדיג, אז מזאל אופהערען גלייבען אין הייליגן רמב"ם, און ווערען ח"ו ציונים, מיט שוואכע קשיות.

וועסט נישט גלייבן אבער הרב בלאך איז אייגענטליך מקשר צווישן "אבולוציא" און "ציונות" אז ביידע זענען א קאנספיראציע אפצופארן מענטשן פון די ריינע אמונה.

[זר זהב]

זה עתה יצא לאור
ספר הטעמים
למרן בעל החתם סופר זצוק"ל
טעמים ונימוקים
על מצוות, הלכות ומנהגים
כללים וענינים
שיצאו מפי כתבו של מרן בעל החתם סופר זי"ע
להשיג בכל בתי מסחר ספרים

ווער איז דער מוצ"ל?

[שמואל הלוי]

הרב אהרן פערל - הוצאת ספרא.

[לעיקוואד]

וועסט נישט גלייבן אבער הרב בלאך איז אייגענטליך מקשר צווישן "אבולוציא" און "ציונות" אז ביידע זענען א קאנספיראציע אפצופארן מענטשן פון די ריינע אמונה.

Poe's law

[יידל]

וועסט נישט גלייבן אבער הרב בלאך איז אייגענטליך מקשר צווישן "אבולוציא" און "ציונות" אז ביידע זענען א קאנספיראציע אפצופארן מענטשן פון די ריינע אמונה.

en.wikipedia.org/wiki/Poe's_law

ער מיינט עס ערנסט.

[יידל]

אוצר פלאות התורה - בראשית, 641 עמודים, $17.00

א נייער ספר איז לעצטנס ארויסגעקומען "אוצר פלאות התורה" פון ר' וואלף זיכערמאן. דערווייל איז נאר דא איין באנד אויף בראשית, און עס איז צום האפן אז די בענדער וועלכע וועלן נאכפאלגן וועלן אויך זיין אזוי אינטערעסאנט ווי די באנד. די ספר טוט מלקט זיין כל מיני מאדנע און אינטערעסאנטע מדרשים און חידושים פון ספרים ווי דער לשון המחבר אויפן שער בלאט איז: "אוצר בלום מזן אל זן עם נפלאות מתורת ה', פלאי פלאים וחידושים עצומים, מפלאות תמים דעים, נורא תהלות עושה פלא".

דער ספר איז געאייגענט פאר יעדן וואס גלייכט קיריאזע און מאדנע חידושים און פשטים. א טיפישען ביישפיל צו די סארט חידושים וועלכע ערשיינען אינעם ספר איז די פאלגענדע דבר תורה אויף פרשת תולדות (איבערגעזעצט אויף אידיש):

אין תרגום יונתן בן עוזיאל שטייט אז עשו איז געבוירן געווארן אינגאנצן פערטיג, אריינגערעכנט מיט ציין. שטעלט זיך די פראגע אז אין פרשת ויחי אויפן פסוק ולבן שיניים מחלב זאגט יונתן בן עוזיאל אז א קינד'ס ציין קומט דורך די מילך וואס ער זייגט פון מאמען. אויב אזוי איז לכאורה שווער וויאזוי עשו האט שוין געקענט האבן ציין בעפאר ער האט געזייגט מילך? אויף דעם ברענגט דער מלקט פון ספר לב אריה אז אין מדרש אבכיר שטייט אז דעריבער איז עשו געווען אן אדמוני ווייל ווען ער איז געווען במעי אמו האט ער געטרינקען רבקה'ס דם נדה, און מיר ווייסן דאך אז חלב אם קומט פון דם נדה, "דם נעכר ונעשה חלב", קומט אויס אז עשו האט באקומען די ציין דורך טרונקען די דם נדה פון רבקה!

אין פרשת בראשית איז דער מחבר דן איבער דעם לשון "בזיעת אפיך תאכל לחם". פארוואס עפעס שוויץ פון די נאז? ברענגט די מחבר צוויי פשטים. דער חזקוני איז מסביר אז די נאז הייבט אן שוויצן בעפאר אלע אנדערע איברים. דער מחבר פון מחברת הערוך זאגט אבער אז די נאז שוויצט מער פון אלע אנדערע אברים.

אין פרשת וירא ברענגט ער די מדרש אין בראשית רבה אז ביז יצחק איז געבוירן זענען אלע קינדער געבוירן געווארן גרויס. יצחק איז געווען דער ערשטער צו ווערן געבוירן קליין, און ער איז טאקע געווען דאס ערשטער קינד צו ליגן אין א קינדער בעטל. ער ברענגט אבער א אנדערע פשט אין די מדרש פון ספר קרן אור פני משה ווי פאלגענד: אין זוהר שטייט אז דעריבער שאקלען זיך אידן ביים לערנען אבער גויים נישט, ווייל אידן האבן דאך א נשמה, און אויף די נשמה שטייט "נר ה' נשמת אדם", אז די נשמה איז ווי א ליכט, און פונקט ווי א ליכט צאנקעט, שאקלט זיך די נשמה, און דערפאר שאקלט מען זיך ווען מ'לערנט. און אין מסילת ישרים שטייט אז דערפאר שאקלט מען זיך ווייל די אויסערליכע תנועה טוט משפיע זיין אויף די פנימיות. לויט דעם זאגט דער בעל קרן אור פני משה אז פשט אין מדרש איז, אז אברהם אבינו האט ערפינדן א שאקעלדיגע קינדער בעטל און יצחק איז געווען דער ערשטער קינד צו ליגן אין אזא בעטל. די סיבה דערצו איז ווייל אברהם האט געוואלט מחנך זיין יצחק פון זיין יוגנט צו דעם יסוד פון התנועה החיצונית מעורר את הפנימית. לויט דעם וויל ער זאגן אז די גאנצע זאך פון שאקלען קינדער ווען זיי וויינען קומט בעצם פון די אידן, און די אידן האבן דאס געטון ווייל זיי האבן געוואלט מחנך זיין זייער קינדער כנ"ל, און ווען די גויים האבן געזען די אידן שאקלען די קינדער האבן זיי נאכגעמאכט, און די גויים האבן געמיינט אז די אידן טוען דאס צו בארואיגן די קינדער, און צוליב די קישוי הגלות האבן די אידן פארגעסן דעם אריגינעלן טעם, און זיי שאקלען שוין אויך צוליב די טעות'דיגע סיבה וואס די גויים האבן זיך איינגערעדט. כהנה וכהנה איז דער ספר מלא וגדוש מיט אזעלכע סארט תורה'לעך, חידושים און מדרשים.

אן אינטרעסאנטער מנהג (טוב?) האט דער מחבר, אז יעדעס מאל ער דערמאנט די נאמען פון א גדול אדער זיין ספר שרייבט ער אונטן אין די הערות א קורצע ביאגראפיע. פון איין זייט איז דאס גאר אן אינטערעסאנטע ספר, און די וואס גלייכן נאכצוזאגן אזעלכע סארט דברי תורה וועלן דערפון שטארק הנאה האבן. פון צווייטן זייט איז דאס א ליקוט פון בלויז קוריאזע און מאדנע ענינים, און לענ"ד איז עס א שטיקל זלזול אין די אלע גדולים פון וועם די ספר ברענגט נאך מטעמים המובנים.

[שמעקעדיג]

אין פרשת וירא ברענגט ער די מדרש אין בראשית רבה אז ביז יצחק איז געבוירן זענען אלע קינדער געבוירן געווארן גרויס.

איך האב אלץ געוואוסט אז אדם הראשון איז געבוירן גרויס.
איך האב עס געזעהן אזוי אין "א הילף פארן קינד" בילדער

[יידל]

אן אינטערעסאנטער מנהג (טוב?) האט דער מחבר אז יעדעס מאל ער דערמאנט די נאמען פון א גדול אדער זיין ספר שרייבט ער אונטען אין די הערות א קורצע ביאגראפיע. פון איין זייט איז דאס גאר אן אינטערעסאנטע ספר, און די וואס גלייכן נאכצוזאגן אזעלכע סארט דברי תורה וועלן דערפון שטארק הנאה האבן. פון צווייטן זייט איז דאס א ליקוט פון בלויז קיריאזע און מאדנע ענינים, אוןלענ"ד איז עס א שטיקל זלזול אין די אלע גדולים פון וועם די ספר ברענגט נאך מטעמים המובנים.

״מנהג (טוב?)״
וואס איז דיין ספק אין דעם צי ס׳איז א מנהג טוב?
דער פראבלעם פון שעצן קוריאזע מאמרים פון גדולי ישראל גייט שוין אן א סך יארן. דוכט זיך אז די ספרים פון הרב אברהם מייזעלס (מטבע שטבעו חכמים) גייען אויך אויף דעם מהלך.

מיין ספק איז צו ס'איז א גוטער זאך אז ער ברענגט די ביאגראפיע פון גדולי ישראל פון וועם ער ברענגט נאך דברי תורה, אדער איז עס נישט קיין גוטער זאך ווייל רוב לייענער זענען סיי ווי נישט אינטערעסירט דערין אדער ווייסן סיי ווי די קורצע ביאגראפישע שטריכן וואס דער מחבר ברענגט, און עס מאכט נאר דעם ספר דיקער און טוט באמיטשענען דעם ליינער.

לגבי הרב מייזעלס' ספרים זענט איר נישט גערעכט. הרב מייזעלס איז טאקע מלקט אסאך ענינים וועלכע קוקן אויס מאדנע היינט צו טאגס, אבער זיי זענען נישט בעצם קוריאז, נאר פאר איינעם וואס קען די היינטיגע וויסנשאפטליכע מציאות קען עס אפט אויסקוקן קוריאז. אן אנדערע קריטיק וועלכע איך האב אויף הרב מייזלעס' "מטבע שטבעו חכמים" איז די אבסורד פון מלקט זיין ידיעות און "פאקטן" וועלכע זענען שוין לאנג אפגעפרעגט געווארן בלויז וויבאלד זיי ווערן געברענגט אין אידישע ספרים בשם חכמי האומות (פון זייערע צייטן) און דערנאך שרייבן אז מ'קען זען פון די אלע פלעצער גודל חכמת חכמי ישראל אשר כל רז לא אניס להו. און נישט נאר דאס, נאר הרב מייזעלס שענקט אין זיין הקדמה אפאר פאראגראפן אוועקצומאכן אלע ידיעות פון חכמי אומה"ע, "כלל גדול נקוט בידך, אמיתות חוקי הטבע תלוי בהוכחות מן התורה כי התורה אמת והמדע שקר"! די אבסורדיטעט שרייט עד לב השמים.

אין פרשת וירא ברענגט ער די מדרש אין בראשית רבה אז ביז יצחק איז געבוירן זענען אלע קינדער געבוירן געווארן גרויס.

איך האב אלץ געוואוסט אז אדם הראשון איז געבוירן גרויס.
איך האב עס געזעהן אזוי אין "א הילף פארן קינד" בילדער

אויף דעם שטייט דאך שוין אין גמרא אז אדם הראשון בקומתו נברא, און ווי טייל לערנען מיינט דאס טאקע דאס. אבער די חידוש דא איז אז מבטן אמם זענען אלע מענטשן ביז יצחק ארויסגעקומען גרויס ווי ערוואקסענע.

[לעיקוואד]

דער פראבלעם איז אז רוב היימישע יודען כאפען ניטאמאל נישט אז די סארט זאכען זענען מאדנע. מען זעהט עס אלץ א שיינע ווארט. מהאט זייער וייניג בקורת און שכל צו זאגען כלפי אזעלכע זאכען אז סאיז פשוט שטותים מיט לאקשען. [סיי לגבי דברי תורה און סיי לגבי ענינים מציאותיים וואס מברענגט.]
נאך א ספר וואס ליידט פון דער פראבלעם איז מגדים חדשים, וואס הגם ער וייזט אסאך בקיאות אין פארשידענע פארווארפענע ענינים און ספרים, וייזט עס זייער וייניג שכל אן ער מאכט גאנצע בערג פלפולים קשיות ותירוצים והשוואת וואס איז נישט געשטויגען און נישט געפלויגען.