וקרא שמו בישראל... וועלכע נאמען זאל איך געבן?

[אפטעמיסט]

סאיז מיר געבוירען געווארן א אינגעלע בשטומ"צ און אנשטאט זיך פרייען מיט א רוהיגקייט דריי איך מיך ארום פארלוירן, נישט קענענדיג אויפקומען מיט א שיין פאסיגע נאמען פארן רך הנולד. די ברית איז ממשמש ובא, ואני אנה אני בא.

'נעמען געבן' איז א פראבלעם וואס פלאגט א גרויס חלק פון כלל ישראל. ביי די גוים איז נישט דא אזא פראבלעם וויבאלד סאיז נישט איינגעפירט צו 'דייקא' געבן א נאמען נאך א זיידע, רבי וכדומה, אזוי אויך פרוכטבארען זיי זיך נישט אזוי פיל ווי אונז תורה טרייע אידן און ברויכען סך הכל געבן צוויי (אדער זעלטן אביסל מער) נעמען.

אונז אידעלעך פלאגט אבער דער פראבלעם זייער. ממילא דער ערשטער קינד, נו, הולכין אחר האם. דער צווייטער דריטער און אפילו פערדער איז אויך נישט שווער צו טרעפען זיידעס און באבעס אדער רביס צי ראשעשיבעס נאך וועם צו געבן. אבער וואס טוט מען ווייטער ווען מען לויפט פשוט אויס פון נעמען?! סתם געבן א נאמען א קיין 'נאך וועמען' קען שאטן פאר שידוכים, געבן נאך די אבות הקדושים סטעמפעלט אייך אפ אלס גר. איז וואס ברויך מען טוען? אפשר זאל איך רופן דאס קינד 'פעסימיסט'?!