[center]א ארטיקל וואס איינער האט מיר געשיקט[/center] וזה הוא :
חלק א'בס"ד
(מיין תשובה גייט ארויף אויף שמן'ס אימעיל, ס'איז טאקע א פארשפעטיגטע, אבער עס האט מיר פשוט גענומען צייט דורכצוגיין און אפשרייבן, און ס'איז טאקע כדאי אז פאר מען הייבט אן ליינען וואס איך שרייב זאל מען שנעל איבערזען וואס שמן האט געשריבן)
פאר איך הייב אן וויל איך בעטן א בקשה, ביטע 'פאר' איר זענט מגיב, ליינט דורך די גאנצע זאך מרישא ועד גמירא, און ערשט נאכדעם זייט מגיב.
לאמיר זאגן די סדר וואס איך גיי, איך פראביר קודם צו פארציילן די מעשה ממש פון אנהייב, און איך פראביר צו גיין על הסדר, און ענטפערן אויף שמן'ס שאלות, און ערשט נאך אלעם ענטפער איך אויף דעם עסקן'ס ווערטער.
יעצט צום ענין.
ענדליך רעדט איינער צום זאך, און מיט א נארמאלע שפראך און טאן.
1. הגם מעיקרא האב איך נישט געזיכט אריין צו רעדן בכלל וואס דא איז געווען אין דעם גרויסן בילד,
נאר בעיקר האב איך געוואלט אפווארפן איין נקודה, וואס די נקודה האט דער עסקן מיר בכלל נישט
אפגעפרעגט, אבער היות דער עסקן האט שוין געזאגט זיין צד אויפן גרויסן בילד, און שמן קומט אריין
זייער קלאר און מיט א נארמאלע שפראך, וועל איך זאגן דעם אנדערן צד.
2. פאר איך האב זיך אבער אריין געלאזט דאס אפצושרייבן בין איך געגאנגען איבערפרעגן יעדע פרט
ופרט פון די פון וועם מיין אינפארמאציע איז געקומען, כדי איך זאל זיין ביי מיר זייער קלאר, און אויב גייט
מען מיר קענען אויפווייזן קלאר אז די פרט אדער יענע פרט איז נישט אמת ווי איך שרייב, זאל איך
קענען צוריק גיין און פרעגן דעם יעניגן וואס ער זאגט צו דעם באווייז, און דערפאר מאך איך יעדע
פאראגראף מיט א נאמבער, כדי גרינגער צו מאכן אויב עפעס איז נישט ריכטיג מען זאל קענען
צוצייכענען צום פאראגראף נאמבער.
3. קודם וועל איך אנהייבן מיט א זאך וואס שמן למאור האט פשוט אויסגעלאזט צו מסביר זיין, די
קשיא וואס יעדער פרעגט און זעט אויס אז מען איז נאכאלץ נישט קלאר, ווי קומט זי דא בכלל אריין אין
בילד צו טראכטן פון לויפן, ווי האט זי אנגעהויבן וכו' וכו', דאס צו ענטפערן און קורצן איז אזוי (דאס וואס איך
שרייב דא ווי אזוי זי איז אריין האב איך אליין געדארפט נאכגיין און איך שרייב ווי אזוי עס איז מיר ארויסגעקומען, אויב האב
איך א טעות אין עני זאך דערפון ביטע שמן אדער א צווייטער, פאררעכט מיר).
4. בערך צוויי יאר צוריק האט באבוב געוואלט צובויען צו זייער ביהמ"ד, און מצד די סידי אויס איז שוין
אלעס געווען מסודר, איז לאסערט דעמאלטס אויפגעשטאנען און אנגעהויבן פארפירן קעגן דעם, דאס
האט געפירט דערצו אז מען האט געמאכט א וואויט ביי די שכנים, דעמאלטס איז לאסערט
ארומגעגאנגען פון טיר צו טיר, מיט צעטלעך צו אויפקלערן די שכנים זיי זאלן וואויטן פאר ניין.
5. אין שכינות פון באבוב וואוינט א גוי'טע (Leila Marshy) א פאלאסטינע זי האט צוגעזען וואס לאסערט טוט, און געהאלטן אז ס'איז נישט ריכטיג וואס ער טוט צו פייטן קעגן א בית מדרש, און דערפאר ווען עסקנים זענען געגאנגען פון טיר צו טיר, האט זי זיך שטארק צוגעשטעלט דערצו, און זי האט אליין אנגעהויבן איבעררעדן די שכנים צו שטומען אויף יא, למעשה ביי די מעשה האט די ניין געוואונען און באבוב איז געבליבן אנגעזעצט.
6. א דאנק די מעשה האט זיך געעפנט דעם ארגענעזאציע מיטן נאמען 'פרענד'ס אף האטשיסאן סטריט' (פא"ה), די גוי'טע האט געעפנט א פעיס-בוך בלעטל, מיטן נאמען 'פרענד'ס אף האטשיסאן סטריט' (פא"ה), און די עסקנים האבן געעפנט א סייט outremonthassid.com מיטן ציל, זיך צו דורכשמועסן וועגן די חסידים, אוטרעמאנט, און די שכנים, וויבאלד ביז דעמאלטס האט די מידיע און פארשטייט זיך די שכנים און באאמטע נאר געהערט נעגעטיווע זאכן אויף אידן, צו דורך דער רשע וואס איז יעצט געלאפן, צו דורך די רשע'נטע, און אטאמאטיש האט דאס געברענגט א היץ פון גוים קעגן אידן, און אטאמאטיש ברענגט דאס אז מען האט נישט קיין ווארט ביי די באאמטע וואס זענען אונטער דריק פון די צד שכנגד.
7. האבן זיי געוואלט באלאנסירן די זאך דורך דעם וואס מען זאל זיך צינויף שמועסן איינער מיטן אנדערען, דער גוי זאל זאגן וואס שטערט אים קעגן די אידן, אדער פארקערט, און אזוי קען מען מסביר זיין פארן גוי דעם איד'ס צד, אזוי וועט זיך אויפהערן די ווינט קעגן אידן צווישן די שכנים, קען מען נאכדעם ארבעטן אז די מידיע זאל זיך אויך אפלאזן דערפון, און די ענד ציל אז דורכדעם וועלן די באאמטע נישט האבן די פרעשער פון די מידיע, הגם די רשע'נטע גייט נישט נאכגעבן אבער דעמאלטס איז שוין גרינגער צו ארבעטן דערויף.
8. די פרוי פאללאק איז א שכינה מיט די גויטע, און די גויטע האט איר דעמאלטס אריינגענומען אין דעם געשעפט און זי איז אויך געווען פון די גרינדער פון דעם ארגענעזאציע.
9. איך בין נישט באקאנט פונקטליך ווי אזוי די זאכן זענען צוגעגאנגען און וואס זיי האבן אלץ געטון צוצוקומען צום ציל, אבער זיי האבן אסאך אסאך אריינגעארבעט פאר דעם ציל אויפן מהלך פון אויפקלערן און מסביר זיין אונזער צד.
10. שפעטער אין די זומער פון יארע 2012 למספרם האט מען אויפגענומען פאללאק אויף די Comité consultatif sur les relations intercommunautaires (דאס איז זייער סייט
http://ville.montreal.qc.ca/portal/page ... ema=PORTAL צו פארשטיין קען מען עס טרענסלעיטן צו ענגליש), ווי מען האט מיר געזאגט איז דאס איז געווען דורך די הצעה פון איינע פון די עסקנים און די גוי'טע (יעצט פרעג איך די קשיא וואס אלע פרעגן, איז טאקע נישטא קיינער אין שטאט חוץ זי דערפאר??? אלא מאי... ניין!!!).
11. איך ווייס נישט פונקטליך וואס די ארבעט פון דעם קאמיטעי דארף צו זיין, ווי עס קוקט מיר אויס איז דאס באמת די זעלבע געדאנק ווי פא"ה נאר מצד די סיטי, די אויפטו ווי איך פארשטיי איז, אז די באאמטע רעכענען זיך דערמיט און מאכן עס נישט פלעין אוועק, אויף יענע סייט שטייט וואס מען האט אלץ דורכגעטון ביי די קאמיטעי (ס'איז פרענטש פידיעף'ס אבער מען קען עס טרענסלעיטן דורך קאפי פעיסט).
12. (נ"ב איך וויל נאר פרעגן איין קליינע שאלה, איך וויל איינער זאל מיר מסביר זיין, פארוואס דעמאלטס ווען מען האט איר אויפגענומען אין די קאמיטעי איז נישט געווען די אלע איצטיגע טענות קעגן איר?? די קאמיטעי איז דאך א צוזאמשטעל פון 10 גוים/גוי'טעס, די אלע איצטיגע טענות איז דאך שוין דעמאלטס געווען גילטיג....???).
13. ווייטער דורך די צוויי לעצטע יארן האט זי געבויעט א שטארקע קשר, מיט די מעמבער'ס אויף די קאמיטעי, ובפרט האט זי אנגעקניפט גאר א ווארעמע קשר מיט Ana Nunes פרעזידענט'קע פון די קאמיטעי, און זיי האבן ארויסגעהאט וואס אונזערע פראבלעמען זענען, איין דוגמא, אויף פורים האבן זיי מציע געווען פארן קאנסול הצעות לטובת הציבור דוכט זיך מען קען עס זען
דא (ס'איז נישט קיין טעקסט נאר אריין געסקענט, און ס'איז פרענטש וואס איך קען ממש כמעט נישט, איז מיר געווען שווער צו פארשטיין קלאר, אבער כ'האב פארשטאנען אז פון דעם איז די רעדע) אבער די קאנסול האט עס איגנארירט, די מעשה שטייט [url=outremonthassid.com/?p=1216]דא[/url] געשריבן טאקע דורך פאללאק.
14. דעמאלטס האבן די עסקנים פון פא"ה אנגעהויבן א אנדערע מהלך, וואס איז באמת נישט נוגע, מען קען עס זען ווי זיי שרייבן אלעס אויף די אויבנדערמאנטע סייט.
15. צוויי זאכן אין א סייד נאוט, איינס אנפאנג די יאר האט פאללאק געעפנט א בלאג צוזאמען מיט א אנדערע שכינה א גוי'טע בנוגע עסן צו שרייבן רעסעפי'ס און סטייל'ס פון מאכלים.
16. די צווייטע זאך, די גוי'טע איז קאמפיין מענידזשער ביי פראדזשעט מאנטריאל זינט אוגוסט 2013 ווי מען קען זען אויף איר פראפייל ביי לינק-דין.
17. ביז אהער איז א משהו צו פארשטיין פון וועלכע פלאנעט זי קומט דא אז זי איז נישט געווען דער פארמאכטע שטוב פרוי, נאר זי האט גענומען אן אקטיווע חלק אין פאבליק רילעישן'ס לטובת הציבור.
18. יעצט אזוי, פאללאק פארציילט
דא אז שוין אין זומער פון יאר 2012 האט פראדזשעט מאנטריאל אויפגעברענגט די געדאנק אז זי זאל לויפן אויף זייער טיקעט, אבער זי האט עס בכלל נישט אנגענומען ערנסט, און נישט געוואלט הערן דערפון.
19. ערגעץ אינמיטן די ווינטער 2013 ביי איינע פון די מיטונגען ביי פא"ה האט איינער דארט אויפגעברענגט דעם געדאנק אז פאללאק וואלט געווען גאר א גוטע קאנדידאט צו לויפן, און ער האט ארויסגעברענגט די חלק אז פראדזשעט מאנטריאל האט אינטערעס זי זאל זיין אויף זייער שטים-צעטל.
20. די סיבה פארוואס טאקע זיי האבן געהאלטן אז זי איז א גוטע קאנדידאט איז געווען א סברא, ווייל זיי האבן געזען אירע קוואליפיקעישנס פון אנקניפן א קשר און איבעררעדן לטובתינו, וואס דאס איז די עיקר וואס מען האט געדארפט צו טון דארט ביים קאנסול, און אויך צוליב וואס די מידיע איז געווען זייער פאזיטיוו לגבי פא"ה, און נאכדערצו אז פראדזשעט מאנטריאל בעט דאס האבן זיי געהאלטן אז פאליטיש איז דאס גאר גוט.
21. (דאס אלעס איז געווען גלייך אנהייב נאך פאר מען האט אפי' געוויסט פינקטליך מי ומי ההולכים, אבער שפעטער ווען ס'איז קלאר געווארן אז דער רשע גייט לויפן, האט דאס געמיינט אז אונז וועלן דארפן זוכן א קאנדידאט וואס גייט זיכער געוואונען מיט די אידישע וואויטס, אבער מיט א קאנדידאט וואס איז א ספק קען מען נישט גיין.)
22. א צייט שפעטער האט פראדזשעט מאנטריאל איר אנגעהויבן שטארק שטופן אז זיי ווילן זי זאל לויפן אויף זייער פלאטפארמע, זי האט נישט מסכים געווען, אבער אירע עלטערן און די גוי'טע האבן איר גאר גאר שטארק צוגערעדט דערצו, ביז זי האט מסכים געווען צום געדאנק, אבער זי האט זייער זייער קלאר געמאכט פאר פראזשעט מאנטריאל אז עס גייט זיך ווענדן צו זי וועט האבן שטיצע פון די ציבור, און פון די רבנים....
23. לאמיר צולייגן נאך אזאך פאר איך גיי ווייטער, ערגעץ אין ווינטער 2013 האט זיך געעפנט א נייע ארגענעזאציע מיטן נאמען CJQ מיטן ציל? איך ווייס נישט פונקטליך, אבער איך מיין צו העלפן דעם ציבור אין יעדע זאך, די ארגענעזאציע איז א צאמשטעל פון עסקנים פון אלע קהילות אין מאנטריאל.
24. איך בין בעצם בכלל נישט געווען אריין געמישט אין די גאנצע זאך, נאר געהערט פון די עסקנים, ממילא לאמיר איבערגעבן די ווארט פאר די עסקנים וואס זיי פארציילן וואס האט ווייטער פאסירט.
25. אין אפריל האט פאללאק געבעטן פון די עסקנים פון פא"ה אז מען זאל גיין מיט איר צו די רבנים צו הערן די דעת תורה דערוועגן, די עסקנים האבן אבער געפילט אז לתועלת הענין כדי זיך צו קענען בעסער אויסשמועסן אלץ ארום איר, איז בעסער אז זיי גייען אליין אן איר, אבער ווי די סדר פון זאכן האט זיך עס געשלעפט, ביז פאללאק האט אנגעהויבן לייגן דרוק אז מען קען נישט מער שלעפן דערמיט ווייל זי דארף שוין געבן תשובה, און זי קען נישט ענטפערן דערויף פאר זי באקומט תשובה פון די רבנים.
26. דעמאלטס איז איינע פון די עסקנים פון פא"ה אריבער צום סקווירא'ן דיין ר' יוחנן וואזנער זיין ענטפער איז געווען אז ער זעט נישט קיין שום הלכה'דיגע פראבלעם דערמיט, אבער ער וויל נישט זיין די איינציגסטע דאס צו פסק'נען, דעריבער זאל מען גיין צו רב ווייס אים פרעגן.
27. זענען אפאר פון די עסקנים פון פא"ה ארויף צו רב ווייס, און ער האט אויך געענטפערט אז ער זעט נישט קיין שום פראבלעם להלכה, און בכלליות איז ער געווען שטארק פאר דעם געדאנק.
28. פאללאק איז אבער נאכאלץ נישט געווען צופרידן מיט דעם אליין, זי האט געוואלט האבן א תשובה פון סאטמאר'ע דיין, און היות די צייט צו ענטפערן איז געקומען נענטער און נענטער האט זי אנגעהויבן דריקן אויף די עסקנים אז מען זאל פרעגן פון סאטמאר'ע דיין.
29. דאן האבן די עסקנים פון פא"ה געבעטן איינע פון די סאטמארע עסקנים פון CJQ, ער זאל פרעגן פון סאטמארע דיין, אבער יענער עסקן האט עס געהאלטן און איין אפשטיפן, זעענדיג אז עס נעמט נישט קיין עק, און די צייט ווערט נאר נענטער, האט איינע פון פא"ה פראבירט מיט א אנדערע סאטמארע עסקן צו ער קען זען אז זאכן זאלן זיך ריקן אז זיי זאלן האבן א תשובה פון דעם דיין.
30. יענער עסקן איז צוגעגאנגען צום דיין אין בית מדרש און געפרעגט קורץ און שארף, די דיין האט זיך נישט ארויסגעשטעלט דערגעגן צוליב השקפה, נאר זיין שאלה איז געווען צו ס'איז דען דא א מעגליכקייט אז זי זאל טאקע געוואונען?! (זע שפעטער נאמבער 40 וואס איך שרייב דערוועגן).
31. נאכדעם האט זיך אנגעהויבן יו"ט, ווייל די עסקנים פון פא"ה זענען ווייטער געגאנגען מיטן הסכמה פון די צוויי רבנים, אבער היות מען האט שוין געהאט אריינגעמישט די עסקנים פון די פרישע ארגענעזאציע CJQ, און ס'איז געווען דארט אפאר עסקנים וואס האבן בכלל נישט מיטגעהאלטן וואס זי האט אלץ געטון אינעם עבר, האבן זיי איר אנגעהויבן אויספארשן, און געווען זייער טאף קעגן איר, פרעגענדיג אירע כוונות פארוואס זי לויפט, און ווי געטריי זי איז פאר אונז צו זי וועט נישט מיטטאנצן מיט פראדזשעט מאנטריאל וכו' וכו', און אזוי ווייטער.
32. פארשטייט זיך די גאנצע צייט האט פראדזשעט מאנטריאל געווארט פון איר אויף תשובה, זיי האבן אינצווישן שוין צוויי מאל געהאט אפגעשטיפט די צייט פון ארויסקומען מיט זייער קאנדידאטן, אלץ צוליב איר.
33. צייט לויפט פארביי, און א גרינעם דאנערשטאג האט איינע פון די עסקנים פון CJQ אפגעהאלטן א 2 שעה'דיגן מיטונג און ער איז ארויסגעקומען גאר שטארק פאזאטיוו וועגן איר, דעמאלטס האט פאללאק אים ממש צוגעדריקט אז זי דארף א קלארע תשובה פון CJQ ווייל זי דארף וויסן ווי זי שטייט, צו קען זי גיין ווייטער אדער נישט, און זי האט אים זייער קלאר מודיע געווען אז פראדזשעט מאנטריאל פון זייער זייט גייט שוין נישט אפשטיפן און זיי וועלן ארויסקומען מיט זייערע קאנדידאטן דעם קומענדיגן דינסטאג.
34. דאנערשטאג נאכמיטאג איז געווארן קלאר אז פראדזשעט מאנטריאל האט שוין באשטימט זייער זמן פון ארויסקומען אויף דעם קומענדיגן דינסטאג, און אז זיי האבן שוין געסקעדזשעלט די מידיע אינטערוויאו וכו'.
35. האלטענדיג דא, דאס איז געווען יולי 2 2013 למספרם איז CJQ נאך אלץ נישט צוריק געקומען מיט א קלארע תשובה, און... זי איז געווען סטאק, זי האט שוין פארשטאנען אז זי האט מער נישט די מעגליכקייט אפצושטופן פון געבן איר תשובה פאר פראדזשעט מאנטריאל, און נעמענדיג אין באטראכט אז זי האט צוויי רבנים מיט א קלארע תשובה איז זי געגאנגען מיטן אנגרייטן די אינטערוויוס וכו'.
36. עד כאן דברי העסקן.
37. יעצט נעם איך איבער דעם ווארט, די פאקט אז פא"ה שטייט שוין זינט יוני 2011 למספרם איז א זאך וואס יעדער וואס האט צוטריט צו פעיס-בוך קען עס אויפטשעקן, איך לינק נישט דערצו היות איך האב אליין נישט קיין צוטריט דערצו, די אוטרעמאנט.חסיד סייט האט זיך געעפנט כמדומה היבש שפעטער, ס'איז אביסל שווער צו טרעפן א פונקטליכע דאטום היות זיי שטעלן נישט צו קיין אינפארמעישן ביי עבאוט, אבער זייער ערשטע פאוסט איז געווען אין מארש 2012.
38. און נאך מער די זעלבע עסקנים פון פא"ה זענען אויך פון די עסקנים ביי CJQ, פארשטייט זיך מיטן אויסנאם פון פאללאק און די גוי'טע.... ממילא טענה'ן אז זיי האבן זיך דעמאלטס געקרוינט איז קיין טענה (איך רעדט שוין נישט פון דעם אז איך זע נישט די פראבלעם פון זיך זעלבס קרוינען אלץ עסקן כדי צו אויפצוטון פארן ציבור...).
39. נאך אזאך וויל איך קלאר מאכן פאר איך גיי ווייטער, לגבי מעכי ראזענבערג - היות מען האט אזויפיל גערעדט פון דעם נאמען - ער איז נישט פון די עסקנים פון פא"ה, און איז יא פון די עסקנים פון CJQ...
40. בנוגע וואס איך האב נאכגעברענגט אין נאמבער 30 ווי דער עסקן פארציילט אז מען האט געפרעגט פון סאטמארע דיין און ער האט נישט געהאט קיין הלכה אדער השקפה פראבלעם, זאגט מיר א אינגערמאן ער האט געפרעגט פון די עסקן וואס האט גערעדט צום סאטמארע דיין, און יענער זאגט אים אז ער האט בס"ה געפרעגט צו די עסקנים קענען ארויפקומען צו אים, און ער האט געזאגט נו נו, זאלן זיי ארויפקומען, און למעשה זענען זיי קיינמאל נישט אנגעקומען.
41. נעקסט, שריבט שמן אז מען האט איר געמאלדן בע"פ און בכתב אז מען גייט איר נישט שטיצן, די שאלה איז ווען איז דאס געווען? איך וויל זען די אימעיל'ס, איז דאס געווען פאר יולי 2? אדער ערשט נאכדעם? (איך פרעג מחסרון ידיעה, איך האב די אימעיל'ס נישט געזען און נאר געהערט שמועסן דערוועגן). אבער לאמיר גיין א סטעפ ווייטער, לו יהא ס'איז טאקע פארהאנען אזא אימעיל, און נאך פון פאר יולי, לאמיר פארציילן וואס האט פאסירט אין בערך יענע צייט ביי CJQ אליין.
42. ווי געזאגט זענען די זעלבע עסקנים פון פא"ה אויך פון די עסקנים אונטער CJQ און זיי האבן פעסט געהאלטן אז לטובת הענין דארף זי לויפן, לאידך איז געווען אנדערע לאו דוקא סאטמארע, וואס האבן געהאלטן אז זי זאל נישט לויפן, און ווי דער עסקן האט אויבן געשריבן, איז די טעם געווען, פשוט מחסרון ידועה וואס פארא קשרים זי האט געמאכט, און די עסקנים האבן בכלל נישט מיטגעהאלטן מיט איר עסקנות בעפאר דעם.
43. לאמיר איבערהאקן מיט איין זאך, איך ווייס נישט ווען די סאטמארע עסקנים האבן גערעדט צו זייער דיין, ווייל ווי א עסקן האט מיר געזאגט, האבן באמת אין די שטאפל שוין 'אלע' עסקנים געהאלטן אז פאליטיש דארף מען איר יא נעמען צו לויפן, נאר סאטמאר האט אלץ דעת תורה נישט געקענט מיטגיין דערמיט, און ווי איך פארשטיי איז דאס געווען דא ערגעץ אינמיטן, און ערשט שפעטער איז געווארן אז נאך עסקנים האבן געהאלטן אז פאליטיש דארף מען צו גיין מיט אנדערע, אדרבה אויב ווייס איך נישט גוט ביטע פאררעכט מיר ווען די שטאפל איז געווען.
44. ממילא היוצא פון דעם, אז אפי' מען האט איר געמאלדן אז מען גייט איר נישט קענען שטיצן, האט זי דאך געוויסט אז דאס איז נאר איין צד אין CJQ, אבער פון אנדערע זייט איז דא אין CJQ נאך א צד וואס האלט אז זי זאל יא לויפן, און דאס איז געווען לאו דוקא די עסקנים פון פא"ה, און אויך לאו דוקא מעכי ראזענבערג... און בנוסף לזה האט זי דאך געהאט א תשובה פון רבנים מיט זיך, ממילא איז געווען פשוט אז ווילאנג CJQ קומט זיך נישט אויס צווישן זיך איז א ווארט פון איין צד נישט קיין תשובה אויף ניין, און נישט קיין תשובה אויף יא, און זי קען זיך בכלל נישט רעכענען מיט א וואקעלדיגע ארגענעזאציע, און ווען די לעצטע מינוט איז אנגעקומען האט זי זיך טאקע נישט געקענט רעכענען מיט דעם, און נאר געגאנגען מיט די מהלך פון פא"ה און עס אנגענומען.
45. די חלק אז יולי 2 זענען זיי ארויס געקומען מיט די ליסט פון קאנדידאטן קען מען זען
דא (ס'איז אין פרענטש).
46. און אפי' נאך וואס זי האט אריין געגעבן איר קאנדידאטור איז CJQ נאכאלץ געווען צוטיילט צו מען זאל גיין מיט איר צו נישט, און מען האט נישט געקענט קומען צו קיין החלטה, דעמאלטס האבן די עסקנים מחליט געווען אז מען זאל מאכן א גרויסע מיטונג פון נאך מער עסקנים, אזעלכע עסקנים וואס זענען נישט אונטער CJQ נאר בכלל פון די שטאט, ווי דער עסקן האט מיר געגעבן א משל אויף בא"פ, די חשבון איז געווען אז מער מענטשן גייען אויסדריקן זייער מיינונג אפשר אזוי וועט מען קומען צו א אפמאך וואס צו טון.
47. למעשה דעמאלטס איז שוין געווען מענטשן וואס האבן געהאלטן אז מען דארף שטומען פאר איר, לאו דוקא פון די אויבנדערמאנטע עסקנים צב"ש ווי מען קען זען ממש צום סוף פון דעם ארטיקל
דא דאס איז אין יולי 19 צוויי וואכן נאך וואס פראדזשעט מאנטריאל האט ארויסגעלייגט זייערע קאנדידאטן, זאגט דארט איינע פון די עסקנים אז דאס איז זייער א פאזאטיווע זאך, און ער טראכט אז דאס איז די ריכטיגע זאך, אין די ריכטיגע צייט, און די זעלבע זעט מען
דא אויך ,
48. למעשה האט נישט געהאלפן די גרעסערע אסיפת העסקנים, און ווי שמן שרייבט איז בין כסא לעשור געבליבן אז עס גייט זיין א אסיפת הרבנים, די אסיפת הרבנים איז פארגעקומען בין כסא לעשור, און קלארער צו מאכן די דעיט'ס ר"ה איז געווען סעפטעמבער 5 (נישט אז איך געדענק די דעיט'ס פון אלעס וואס איז פארגעקומען...).
49. שמן שרייבט אז בין כסא לעשור האט מען אפיר געטראפן דעם גאלדבערג, דא האבן שוין אנדערע עסקנים חוץ סאטמער געהאלטן אז גאלדבערג אויב האט ער אלע אידישע שטומען גייט ער זיכער געווינען, און מיט דעם איז מען צוגעגאנגען צום אסיפת הרבנים.
50. ביים אסיפה זענען אלע עסקנים געווען אינדרויסן, נאר אינמיטן האט מען אריין גערופן איין עסקן (ע.) פאר אפאר מינוט, ממילא צו וויסן קראנט וואס איז באמת פארגעקומען ביים מיטונג איז זייער שווער צו וויסן, אבער געהערט האב איך אז סאטמאר'ע דיין און דזשיבוי האבן געהאלטן אז להלכה טאר מען איר נישט שטיצן (סאטמארע דיין האט געהאלטן אז באמת טאר קיין איין איד נישט לויפן, מיטן טענה אז ווען אידן הייבן זיך די קאפ קומט אלע צרות, אבער צו דעם האט דזשיבוי דיין אויך נישט מסכים געווען - שמעתי), און 'אלע' אנדערע רבנים האבן נישט אזוי געהאלטן, נאר זיי האבן געהאלטן אז היות ס'איז דא א אנדערע וועג ווי אזוי צו געווינען קעגן דעם רשע, דארף מען גייט דערמיט, און דאס איז טאקע נאכדעם געווען די פסק הרבנים וואס ר' יוחנן וואזנער האט איבערגעגעבן אז מען זאל רעדן צו איר זי זאל אפטרעיטן, און מען זאל זיכן א צווייטן (זע שפעטער נאמבער 61).
51. נאך איין פאקט סתם צו וויסן, קיין שום צעטל אדער מודעה איז נישט געהאנגען ביז אנפאנג אקטובער (כמדומה שבת פרשת נח) א חודש פאר די וואלען, וואס דעמאלטס איז ארויסגעקומען א צעטל פון CJQ מיט א אחדות סימבל אז מען זאל זיך גיין רעדזשעסטערן, און מען איז נישט ארויסגעקומען מיט קיין נאמען, זאגט מיר די עסקן אלץ צוליב דעם ווייל אפי' נאך די פסק הרבנים זענען די עסקנים נאך אלץ געווען צוטיילט ווער עס קען עס טאקע מאכן... (להערה, ווי מען קען זען איז פון דא אין ווייטער איז שוין נישט געווען די מדובר צו דער קאנדידאט קען עפעס אויפטון אין דעם קאנסול, נאר די מדובר איז געווען ווער קען ארויסשטויסן דעם רשע....).
52. נאך א פונקט וויל איך צולייגן אז CJQ איז כמעט געגאנגען שלאפן נאך די אסיפת הרבנים, צוליב די טיילונג פון די עסקנים וואס האבן געהאלטן אז מען דארף גיין מיט פאללאק, ניין נישט נאר מעכי... ס'האט געהאלטן כמעט אז עס זאל זיך עפענען א פרישע ארגענעזאציע...
53. נאך א פונקט דארף ארויסגעברענגט ווערן, וואס איך האב שוין באמת אויבן אנגעמערקט אז חוץ די עסקנים וואס האבן געהאלטן מיט פאללאק - אפי' נאך די אסיפת הרבנים - איז געווען פריוואטע מענטשן וואס האבן געהאלטן אז זי האט מער שאנסן צו געווינען, און זי האט מער קשרים, און א גוטן שפראך, ממילא דארף מען איר אריינוועלען, און דאס איז געווען גאנץ אסאך וואס האבן אזוי געהאלטן.
54. איינער האט דא ארויפגעלייגט א פייל וואס די קעפל איז ר' שלמה ענטפערט, דאס איז געווען א וואך פאר די וואלן שבת פרשת חיי שרה, דאס איז געווען מיטן ציל צוריקצודרייען קעגן וואס פאללאק האט געהאט ארויסגעשיקט א צעטל אין די הייזער, (ער האט דוכט זיך געהאט געלייגט פרשת לך לך איין צעטל, איך האב עס נישט געזען, און זונטאג חיי שרה איז אנגעקומען א צעטל צו גיין מיט פאללאק).
55. די אויסגאבע דארף א עקסטערע באהאנדלונג וויפיל ליגנט עס ליגט דערין... עמער זען צו איך וועל נאך האבן געדולט.
56. אדערווייל האט די שטאט אנגעהויבן קאכן ווי א קעסל, דער האט געזאגט אהער, דער האט געזאגט אהין, דאן איז מעכי ראזענבערג אויפגעקומען מיט א פלאן, לאמיר דינגן א פאול'ינג קאמפאני און זען ווער שטייט העכער אין די פאול'ס, און מיט די צד וועט מען גיין, דאס הייסט ער איז געווען גרייט אפצולאזן פאללאק אויב איז די פאול לטובת גאלדבערג, "אלע" עסקנים חוץ סאטמאר האבן מסכים געווען דערצו, ווייל יעדער האט פארשטאנען אז צעטיילן די וואויט'ס איז א זיכערע געווינס פאר דעם רשע.
57. מאנטאג דערנאך (פרשת תולדות), איז ארויסגעקומען די פאול, אז דער רשע האט 48.6% און פאללאק האט 30.8% און נאך א פארטיי האט 15.7% און גאלדבערג האט 2.5% און נאך א פארטיי האט 2.4%.
58. די חשבון וויפיל וואויטער'ס דאס איז ווייס איך נישט, ווייל איך האב נישט געזען די פאול, אבער שבת תולדות האט א נייע ארגענעזאציע 'ובחרת בחיים', דאס איז געווען פון אלע עסקנים חוץ סאטמער, ארויסגעגעבן א בוקלעט דארט שטייט אז דער רשע באקומט אין די פאול 850, און פאללאק 500.
59. אלע עסקנים זענען געווען איינשטומיג אז אויב וואויט יעדער פאר פאללאק איז זי א זיכערע געוואונער, אבער אויב וואויט מען פאר גאלדבערג, איז עס א געמבל, און אויב מען שלעפט ארויס יעדע איינציגע שטומע איז א גרויסע ספק צו ער קען עס נאך מאכן, סיי צוליב וואס די פאול האט געגעבן פאר דעם רשע אזוי הויך, און סיי צוליב די פריוואטע מענטשן וואס ווי אויבן געשמועסט איז געווען גאר אסאך וואס וואלטן געוואויט פאר פאללאק נישט קיין חילוק וואס די עסקנים רבנים הייסן.
60. ביי די שטאפל האבן אלע עסקנים חוץ סאטמאר געהאלטן אז היות מען דארף גיין מיט דעם וואס גייט זיכער געוואונען, און בפשטות איז דאס דער וואס האט מער גוים, ווייל מען דארף צוקומען צו די גוי'אישע וואויט'ס כדי צו געווינען, און זי האט אסאאאך מער גוים מיט זיך, דארף מען גיין מיט איר.
61. איך וויל דא צולייגן נאך א פונקט, נישט נאר די עסקנים האבן אזוי געהאלטן נאר די רבנים האבן קלאר אזוי געהאלטן מדעת עצמם, נישט צוליב מעכי... אז די גאנצע פסק וואס איז געווען ביים אסיפת הרבנים איז נאר געווען על סמך זה אז גאלדבערג איז א זיכערע געוואונער, אבער אויב איז עס א ספק, האט מען נישט גערעדט פון דעם ביים אסיפה, און אויף אזא פאל דארף מען גיין מיט פאללאק.
62. סאטמער אבער האט געהאט א פראבלעם צו גיין מיט איר, האבן די עסקנים צווישן זיך געמאכט א אפמאך, אז סאטמער גייט מער נישט ארויסקומען אין שטאט קעגן איר, און די אנדערע עסקנים פון זייער זייט גייען נישט צאמנעמען אלע קהלות און אלע רבנים פון שטאט אונטער אן אחדות ווינט (דאס איז א שטארקע ענטפער פארוואס ס'איז למעשה נישט ארויסגעקומען פון קיין איין רב א היתר בכתב צב"ש בעלזא דיין, ווייל דאס איז געווען א חלק פון די אפמאך אז עס זאל נישט זיין קיין אפיציעלע שטיצע, נאר יעדע קהילה האט געמאלדן פאר וועם צו וואויטן, קומט מען יעצט למעשה און מען איז מהפך קערה על פיה, העי!, ס'איז נישט געווען קיין שטיצע פון קיין איין רב...).
63. למעשה די אפמאך האבן נאר די 'עסקנים' איינגעהאלטן, אבער יחידים נישט, און שבת האט א יחיד ארויסגעלייגט איבעראל צעטלעך קעגן איר, און זונטאג ווידער ארויסגעשיקט די צעטל וואס פאר דוקא האט געברענגט גלייך אנפאנג.
64. אין א סייד נאוט וויל איך צולייגן צוויי פאקטן, איינס וואס איך האב געהערט פון צוויי אידן וואס זענען דארט געווען ביי די מיטונג, אז איינע פון די סאטמארע עסקנים זעענדיג אז זי גייט בפשטות עס זיכער מאכן, האט ער געזאגט ביים מיטונג אז אפן קען ער טאקע נישט ארויסקומען לטובתה, אבער שטילערהייט וועט ער זאגן פאר דער וואס פרעגט אים אז מען זאל שטומען פאר איר. צוויי אז איינע פון די עסקנים פון CJQ וואס האט פאר דעם געהאלטן צו גיין מיט גאלדבערג קען מען זען אויפן בילד וואס איז ארומגעפארן ווי ער זיצט צוזאמען מיט מעכי אין די טאג פון די וואלן ווארטענדיג צו זען די אויסגאנג, ווייל דעמאלטס האט שוין יעדער געהאלטן אז אויב גייען אלע שטומען פאר פאללאק איז זי א זיכערע געוואונער ממילא דארף מען גיין מיט איר.
65. געווען וואס האבן געפרעגט לאמיר שוין זאגן אז מען וויל גיין מיט די פארטיי, פארוואס עפעס דווקא זי, פארוואס נישט גאלדבערג וכדו', די סיבה גלייב איך איז שוין פארענטפערט געווארן פון אנפאנג, אז פראדזשעט מאנטריאל האט מיטגעהאלטן מיט אירע עסקנות דורך די צוויי יאר, און ס'איז זיי מורא'דיג געפאלן, און דערפאר האבן זיי איר געוואלט, און זיי זענען עס געווען וואס האבן עס מעיקרא אנגעטראגן.
66. נאך איין נקודה, אויף די וואס טענה'ן אז ס'איז נישט געווען קיין היתר בכתב פון רבנים, איר זאלט מיר מוחל זיין, ווען די פרעגסט א שאלה פון דיין רב אין יו"ד ממש אויף דאורייתא ענינים בעטסטו אויך א היתר בכתב? אדער פארלאזט זיך אויף זיין ווערטער? דא איז געווען די זעלבע, די עסקנים האבן נאכגעזאגט קלאר פון די רבנים וואס די רבנים האלטן וואס מען דארף צו טון אין אזא פאל, און אויפן צעטל איז געשטאנען פון קהלה אזוי ווי געווענליכע וויילן וואס קהלה שטעלט א צעטל פאר וועם מען זאל שטומען.
אז זייער התנגדות איז לשם שמים. אזוי ווי ס'שטייט אין תהילים "שתו בשמים פיהם, ולשונם בארץ תהלך".
