נארישקייטן און קוריאזן אינעם אינטערנעט מערכה

[יאיר]

לכבוד די חשוב'ע מערכת פון די עלטצטע סגולה פון איבער דריי לאקאציעס,
שוין יארן וואס איך דריי זיך ארום אן א קאפ, נישט וויסנדיג ווי אזוי איך וועל קענען באהאלטן דעם סמארט פאון פון מיינע קינדער. איין טאג, את אשר יגרונו הוא בא, און מיין זון האט מיר געכאפט ארויסגעקומען פון ביסקיסע און באהאלטן דעם סמארט פאון. פארלוירענערהייט האב איך שנעל צוגעזאגט צען טויזנט דאלער פאר אלע דריי לאקאציעס פון די עלטצטע סגולה, פאר קופת העיר, און פאר מוסדות קבר רחל, ביז עס איז מיר איינגעפאלן א געדאנק, איך האב געזאגט פאר מיינע קינדער אז איך האב עס פשוט געקויפט כדי זיי זאלן וויסן אז איך האב אסאך געלט, און איך האב זייער ליב א סמארט פאון, דערנאך האט מען געמאכט אן אקטיוויטי און יעדער האט געגעבן א זעץ מיט א האמער אויפ'ן סמארט פאון. מה עשה הקדוש ברוך הוא, איך בין געגאנגען דעם נעקסטן צופרי און געקויפט א נייע.

[געפילטע פיש]

נאך א מזל ס'נאך געווען אונטער וואראנטי.

[סאשי פיש]

האסט א אייפאון קענסט נישט וואטען!!.....

[שמעקעדיג]

אין ארץ ישראל לאזט מען נישט וואטן מיט א אייפאון, וואס "הייבט זיך אן אריינצוכאפן בקצה המחנה".
וואס וועט זיין מיט אונז, בני חוץ לארץ? ווי קענען מיר דאס צולאזן ביי אונז?
נישט גע'דאגה'ט אידן. מיר "קוועלן און דערקוויקן זיך" פון די מערכה אין ארץ ישראל, און מיר וועלן עס קאפירן דאהי.
ובשם ה' נעשה ונצליח.

.

[רואה ואינו נראה]

.

[דער (פינטעל) איד]

אזא צעטל האב איך געזען הענגען דעם שבת אין מיין בית הכנסת , און איך מוז קאנגראטולירן די ערליכע אידן וואס געבן זיך אזוי אוועק אויפצוקלערן ישראל קדושים וואס ווילן באמת זיין גוט און ערליך נאר דער שעור שבעיסה מעכב , און מיט זייערע צומאל גאר געלונגענע טרעפליכע אין "פינטעל" ווערטערלעך דרינגען זיי אריין צום פינטעלע איד , די וואס ווילן באמת זיין גוט און וואס ווייסן דעם ריינעם אמת וואסערע מלאך המשחית די אלע כלים זענען און האבן שוין חרוב געמאכט טויזענטער ברוחניות ובגשמיות! דער תוכן שרייט צום פינטעלע איד און באנוצט זיך מיט א ווערטער שפיל , קוק אהער טייער קינד , ס'האט זיך אנגעהויבן מיט אן איי-פאד געגאנגען צום איי-פעד און נאכדעם צו אלע מאדעלן פון איי-פאונען , און צו ווי קומען רוב אן ? מ'ווערט נעבעך אן עשיו !! (איי-שיו) איי איי איי !!!

ישראל קדושים !! נעמסט אריין אין ענק די אמת'ע רייד , צווישן אונז גערעדט איי איי זענען זיי גערעכט.

effa2ed9e7adb09e0acfa908c9bfff9a.jpg

//

[הוגה]

זיי זענען נישט סתם גערעכט. און מיר נעמען אן אז די פריערדיגע תגובה איז געשריבן געווארן פון אן ענדרויד...

[דער (פינטעל) איד]

קודם זענט איר אומגערעכט , דאס פריערדיגע איז נישט געשריבן געווארן דורך א פאון. און אפילו יא איז מעגליך אז מיין פאון איז געפילטערט , און נישט דאס איז דער נושא דא. דער רעדע איז פון נישט געפילטערטע כלים.

//

[לעיקוואד]

עשו איז זיכער געווען א ליטוואק אדער א סקווערער און האט געזאגט עישאוו נישט איישאוו. ממילא פאלט אוועק די גאנצע תורה, וישתמשו באייפונים וישבעו.

[דער (פינטעל) איד]

יעצט גייסטע כאפן פון לוסטיג !

[לעיקוואד]

ווילאנג איך האב אונזער בעל עגלה אויף מיין זייט האב איך נישט מורא..

[לעיקוואד]

שיעור פארגעסן, פאר אזעלכע זאכען האב איך דאך אן אשכול
viewtopic.php?f=26&t=4680

מנהלים, ביטע צאמשטעלן.

[געפילטע פיש]

איך ווינדער מיך ווער ס'פינאנצירט די צעטליך, קאלירטע קאפי'ס אויף הארטע פאפיר קומט נישט ביליג, אבער ס'נישט אונטערגעשריבן, אדער עדווערטייזט קיינעם נישט, סא ווער שטייט אויס צו פארדינען געלט פון דעם אז מענטשען קויפן נישט קיין איי-דיווייסעס? כ'האב א שטארקע חשד אז לערי פעידזש און סערגיי ברין שטייען הונטער דעם קאמפיין.

[הוגה]

איינער ערקלערט מיר אז דאס איז די וואטסאפפ און בלאג מידיאם פאר די מענטשן וואס פארמאגן נישט קיין אינטערנעט.

[משולם שטיינפעלד]

עשו איז זיכער געווען א ליטוואק אדער א סקווערער און האט געזאגט עישאוו נישט איישאוו. ממילא פאלט אוועק די גאנצע תורה, וישתמשו באייפונים וישבעו.

אין לעיקוואוד ווייסט מען נישט די כלל פון לא פלגינן לחצאין?

אין סקווירא רופט מען עס עיפאון עיפאד, עייפעד, נישט אייפאד אייפאון אייפעד, והדרה גזירה שוה לדוכתא, און היות עס איז מופנה משני [משנעי] צדדים אי אפשר לפרוך עליו

[I'm back]

אזא צעטל האב איך געזען הענגען דעם שבת אין מיין בית הכנסת , און איך מוז קאנגראטולירן די ערליכע אידן וואס געבן זיך אזוי אוועק אויפצוקלערן ישראל קדושים וואס ווילן באמת זיין גוט און ערליך נאר דער שעור שבעיסה מעכב , און מיט זייערע צומאל גאר געלונגענע טרעפליכע אין "פינטעל" ווערטערלעך דרינגען זיי אריין צום פינטעלע איד , די וואס ווילן באמת זיין גוט און וואס ווייסן דעם ריינעם אמת וואסערע מלאך המשחית די אלע כלים זענען און האבן שוין חרוב געמאכט טויזענטער ברוחניות ובגשמיות! דער תוכן שרייט צום פינטעלע איד און באנוצט זיך מיט א ווערטער שפיל , קוק אהער טייער קינד , ס'האט זיך אנגעהויבן מיט אן איי-פאד געגאנגען צום איי-פעד און נאכדעם צו אלע מאדעלן פון איי-פאונען , און צו ווי קומען רוב אן ? מ'ווערט נעבעך אן עשיו !! (איי-שיו) איי איי איי !!!

ישראל קדושים !! נעמסט אריין אין ענק די אמת'ע רייד , צווישן אונז גערעדט איי איי זענען זיי גערעכט.

effa2ed9e7adb09e0acfa908c9bfff9a.jpg

//

זיי האבן פארגעסן צוצולייגן איי-וועלט בתוך שאר ביצי ישראל.

[berlbalaguleh]

ווילאנג איך האב אונזער בעל עגלה אויף מיין זייט האב איך נישט מורא..

הס (מגזירת הס וועשאלעם...) מלהזכיר. רבותי עטץ זעיט וואס דער טמא'נער אינטערנעט און די אלע טמא'נע כלים וגירוריהן זענען גורם, רח"ל. א זאך וואס אונזערע זיידעס האבן נאך געקעמפט דערויף אין יוראפ (קרי אונגארן) קומט מען און מ'פארלייקנט. ווער קען דען פארגעסן די גרויסע אסיפה אין בודאפעסט בשנת תרל"ג לפ"ק, וואו אלע גדולי ישראל זענען זיך צוזאמען געקומען אין גרויסן פוטבאלל סטעידיום און מ'האט געהערט פייערדיגע דרשות אקעיגן אינטערנעט און אלע אנדערע טמא'נע כלים למיניהם. נישט ח"ו אויף די טמא'נע לשונות העמים, נאר אויף אונגאריש, כדי נישט עובר צו זיין אויף די מיהאלאוויצער תקנות. טייל גדולי ישראל, ברכיים אשר לו כרעו לבעל זענען בכלל נישט געפארן צו די אסיפה ווייל געוויסע רעידנערס האבן יא געדרש'נט בלשונות העמים. אנדערע העיליגע אידן זענעון נישט ארויס פון זאל, נאר האבן זיך פארשטאפט די אויערן כדי מקיים צו זיין מצות מחאה. ב"ה ס'איז אכשר דרא און די פארגעשריטענע (געפילטערטע טועכנאלאגיע ערלויבט אינז צו "סקענען" און דרוקן אלערליי קול קורא'ס און פארשפרייטן זיי בחוצות העיר.

[לעיקוואד]

הגאון הנואם הנפלא האדמו"ר ר' אהרן טייטלבוים מקרית יואל איז מעיד אויף זיך אז ער ווייסט נישט וואס עס ליגט דארט אין דער סמארטפון, אבער עד אחד נאמן באיסורים, און א יונגערמאן האט עם מעיד געווען אז עס קען גאר זיין דאס איז גענוג חמור צו צוברעכן דער שטענדער ביי וואס דער רבי רעדט. אינטרעסאנט ער האט פארגעסען אז צוברעכן שטענדערס אין סאטמער גייט עפעס נישט אזוי לייכט, פאר דעם דארף מען אפאר שווארצע בריונים. ווי אויך איז א פליאה אויף דער מפלפל נפלא שליט"א אז ער האט נישט גלייך אפגענטפערט אז טאקע עד אחד נאמן באיסורים אבער אין דבר שבערווה פחות משניים. לחומר הקושיא קען זיין ער האט אינזין געהאט די פירצה אז אויף די אינטערנעט איז דא צו קויפען פלייש וואס מ'האט נישט בודק געווען די צומת הגידין.
נאך א חידוש נפלא להלכה האט דער רבי מחדש געווען, און נישט סתם אליינס מדעתו הרחבה, נאר גאר בשם א סוחר, איינער וואס פארשטייט אן עסק. אז א גאנצע וואך נאכ'ן נוצען א סמארטפאון טאר מען נישט לייגען קיין תפילין. טאקע א חידוש שלא שמעתו אוזן, הגם אז עפעס הער איך אז עס זענען פארהאן אזעלכע וואס פירען זיך שוין לאנג די חומרא וברוך שכיוונו לדעת גדולים.

דאס אלעס, לויט א באריכט פון בחדרי חרדים. די נייעס היינט איז געספאנסערט דורך אנדרויד 4.4 קיטקאט. אט אזוי. קיט. קאט.

[berlbalaguleh]

ס'דא נאך אנדערע מצוות וואס מ'טאר נישט מקיים זיין נאכ'ן נוצן א סמארטפאון. למשל, בענטשן מיט'ן רבינ'ס אתרוג. נישט עסן אריזאנא ווייטץ. און נישט טועם זיין פונ'ם רבינ'ס אתרוג חמשה עשר בשבט (ט"ו בשבט איז צו שטארק ציוניסטיש און קומט נישט אריין דא.(.

[נולד מאוחר]

וואס איז די מעשה מיט וואטס עפפ?

[פרישער]

די זינד פון איי שיו איז געוועין אז

ער האט זיך באזאלבט מיט שמעקעדיגע
איי לבירט אויל

און האט געגעסן איי סקרים

נאך די איי מער צוויבל

אבער עס זענען אויך פארהאן איי'ס מצד הקדושה

ברידער רבנים טיען זיך פאר איי ניגן

זיי קאפען ארויס שלעכטע בחורים
איי נס נאכן אנדערן

[לעיקוואד]

אין אנדערע נייעס אויף דער פראנט פון אמונות הכרחיות און משומר'דיגע פילטערס, ווערט באריכטעט אויף א יונגערמאן אין מאנסי וואס האט זיך שטארק דערשראקען ווען א שלאנג האט זיך אריינגעכאפט ביי עם אינדערהיים. דער גאון האט געקלונגען זיין חבר און אנגעפרעגט וואס צו טוהן. פאר אן אומפארשטענדליכע סיבה האט יענער נישט געהאט די טעלעפאן נאמבער פון אן עקסטערמינעיטער און האט אנשטאטס עם געהייסען עפענען א סידור צו פרק שירה, האפענדיג אז פון דעם וועט ארויסקומען עפעס א מופת, דערווייל איז דער פלאן נישט געלונגען, אבער ער האט זיך דערמאנט אין די מאמר חז"ל פורץ גדר ישכנו נחש, און האט גלייך איבערגעקוקט די שטוב אויב איז פארהאן עפעס ביי האר צו אן אנדערע שרעגליכע פירצה, נאכ'ן מפשפש זיין בכל מעשיו, איז געבליבען אז גארנישט פעלט עם, נאר איין זאך, עפעס א קעסטל וואס מען רופט קאמפיוטער וואס עפעס א קרוב זיינע האט איבערגעלאזט ביי עם אין שטוב. שוין האט ער געהייסען דאס יענעם ארויסנעמען פון עם אין שטוב, און בזכות די גרויסע מצווה פון מבטל זיין א טובה טוהן מיט א איד איז דער שלאנג אנטלאפען.


א צווייטער מאל שפעטער איז עפעס דורך א מיסטעריעזער סיבה ווייטער אריינגעקומען א קאמפיאטער אין דער הייליגער שטוב, בטעות נאך דעם וואס דער אשת חיל האט עס געדארפט פאר די ארבעט און האט נישט געוואוסט אז מען קען ארבעטן אויסטראכטען מעשיות און פאר דעם דארף מען נישט קיין אינטערנעט, און גלייך איז אנגעקומען דער זעלבער שלאנג. און וויאזוי ווייסט מען אז עס איז טאקע דער זעלבער? פשוט, ווייל עס איז געקומען פאר די זעלבער סיבה. נאכ'ן ארויסשליידערן די קאמפיאטער אין מיסט לנצח נצחים , און רופען א כשר'ע שלאנג כאפער, איז דער שלאנג נעלם געווארען אויף דערווייל.

דער סקולענער צדיק שליט"א האט געהייסען מפרסם זיין די מעשה, נאך פאר חנוכה, כדי די קליינע קינדער וואס זענען נישט גענוג גרויס נתפעל צו ווערן פון די גאונות פון דער גזירה שווה איי-פאון מיט איי-שאוו, זאלען האבען מיט וואס זיך מתחזק זיין באמנות סכנת המחשב, און בהודעתי זאת קיימתי רצון צדיק ויה"ר שנשמע ונתבשר בשורות טובות.
http://www.bhol.co.il/Article.aspx?id=62040

[פרישער]

מיר אלע וואס האבן דעים קאמפיוטערלעך און קעשענע, מיר האבן יעדער איינע א שלאנג וואס קיקט אינז נאך, די שלעינג וועלן אינז נאך אמאל דעריאגן, און דאן וועט נישט העלפן אז מען וועט ארויס ווארפן די קאמפיוטערס, ווייל אינזערע שלעינג זענען גיפטיג.