בריוו צו די רבי'ס פון די מועצת גדולי התורה

[אניהקטן]

טייערע רבי'ס פון די מועצת גדולי התורה,

אחרי קידה והשתחוי' ביראת הכבוד כיאות, ובמחילה וסליחה וכפרה מכבוד תורתכם,

ילמדנו רבותינו, וואס גענוי ווילט איר אויפטאן מיט דעם פראטעסט אין אמעריקע?

איך זעץ זיך אראפ שרייבן דעם בריוו ווי א פשוט'ער איד וועלכער איז עפר ואפר קעגן אייך. איך האב נישט אייער יחוס אבות און אייער יחוס עצמי, איר קענט מער תורה לערנען ווי מיר און איר זענט איר פיל מער חשוב ווי מיר אין הימל און אויף דער ערד. אבער דאך ווען ס'קומט צו אמעריקאנער פאליטיק און פי-אר (יחסי ציבור) האב איך כאטש אזויפיל ערפארונג ווי אייך, וויבאלד איך בין אן אמעריקאנער, און לולא דמסתפינא וואלט איך געזאגט אז איך פארשטיי אפילו בעסער דערצו ווי אייך.

אלס איד וואס רעספעקטירט אייך וויל איך אייך ווארענען ס'קוקט אויס אז עמיצער פירט אייך ביי די נאז ווייל דער גאנצער עצרת האט נישט קיין הענט און קיין פיס, און קען אייך מיאוס צוריקשליידערן אין פנים.

איך וואלט אייך גארנישט געזאגט אויב עס וואלט געווען אייער'ס א זאך און נישט געהאט קיין שום שייכות מיט אונז. למעשה אבער איז מעגליך אז פון דעם ריזן-עצרת וועט ארויסקומען א גרויסע רעה פאר אונז אויך.

לאמיר נישט מאכן קיין הקדמות נאר תיכף צוגיין צום פונקט, 100 פראצענט אמעריקאנער האבן נישט קיין שום פראבלעם אז אין ארץ ישראל איז פארהאן א דרעפט. אמעריקע האט אויך געהאט א דרעפט ביים צווייטן וועלט קריג און ביים וויעטנאם קריג. אסאך לענדער אין די וועלט האבן דרעפטס און קיינער קומט נישט פראטעסטירן אין אמעריקע און פארלאנגען אזיל-רעכט ווייל מען וויל זיי נעמען אין מיליטער.

יעצט אזוי, ווען איר וואלט אנגענומען די סאטמארער שיטה וואלט איר נישט געהאט קיין שום פראבלעם. איר וואלט אייך אויפגעשטעלט און געשריגן, "מיר טוען נישט אנערקענען אין די מדינה, מיר נעמען נישט קיין געלט פון זיי, מיר האבן נישט קיין שום שייכות מיט זיי, מיט וואספארא רעכט האבן זיי צו קומען אונז צווינגען צו גיין אין מיליטער? מיט וואספארא רעכט צווינגען זיי אונזער יונגע בחורים איינצושטעלן זייערע לעבנס." דאס וואלט געווען א טענה וואס דער גוי וואלט פארשטאנען. עכ"פ, וואלט ער נישט געהאט א פראבלעם דערמיט.

אבער למעשה טוט איר נישט דאס, נאר איר קומט אהער שרייען אז איר ווילט נישט אז די בחורים זאלן גיין אין מיליטער און איר זענט קעגן די געלט-סאנקציעס וואס די מדינה וויל ארויפשטעלן אויף ענקערע מוסדות און ישיבות.

על כן, זייט געווארנט אז דאס וועט נישט ארבעטן. אמעריקאנער גוים קוקן זייער אראפ אויף מענטשן וואס ווילן נאר נעמען אבער גיבן גארנישט צוריק. פאקטיש זענען אנטיסעמיטן אלעמאל פארנומען אראפצורייסן דעם חרדי'שן עולם אין אמעריקע, מיט די זעלבע טענות, אז מיר באקומען צופיל הילף פון די גאווערמענט און גיבן כמעט גארנישט צוריק. די אנטיסעמיטישע טענה איז לעכערליך, אבער מיט אייער טענה אז איר דארפט באקומען געלט און הילף פון ענקער מדינה אבער איר ווילט אז דווקא בני הישיבות זאלן זיין פריי פון גיין אין מיליטער וועט איר אריינלייגן ווערטער אין מויל פון די אנטיסעמיטן.

די טענה אז ערליכע אידן דארפן לערנען די תורה איז פעלזן-פעסט פאר אונז פרומע אידן, אבער דער אמעריקאנער גוי פארשטייט דאס נישט. ביי אים איז נישטא אזא מין זאך אז רעליגיעזע מענטשן זענען פריי פון א חוב וואס ליגט אויף יעדן איינעם.

אמת טאקע מדינת ישראל צווינגט סטודענטן צו גיין אין מיליטער (א זאך וואס איז נישט געווען אין אמעריקע) אבער איר קומט דאך נישט קיין אמעריקע פארלאנגען אז מען זאל אפשאפן דעם דרעפט פאר סטודענטן. איר ווילט דווקא אז בני הישיבות זאלן זיין פריי. נו אויב אזוי זאג איך אייך שוין, ס'איז א ברכה לבטלה. נישט נאר וועט עס גארנישט אויפטאן נאר די פרעסע דא וועט צעשמירן דעם עצרת אויף גאר א מיאוס'ן אופן און מיר אלע (אונז און ענק) וועלן ארויסקומען בזוי ומבוזה דערפון.

פון די אנדערע זייט איז כמעט הונדערט פראצענט זיכער אז אייער רעגירונג וועט זיך ווייניג צעקראצן פון דעם פראטעסט, און וועט אחרי ככלות הכל נאך אלץ אפשטעלן די הילף פאר די ישיבות וואס שיקן נישט די בחורים אין מיליטער. וואס וועט איר טאן א טאג נאכדעם נאכ'ן אויסניצן דעם לעצטן קויל אין אייער ביקס? איר זענט שוין געפארן קיין אמעריקע, און פראטעסטירט, אבער גארנישט אויפגעטאן. אלזא, עצה טובה פאר אייך, אנשטאט פראטעסטירן קומט קיין אמעריקע און מאכט פשוט א ריזן עצרת צו עפענען א מאסיוון פאנד רעיזינג קאמפיין פאר אלע ערליכע מוסדות אין ארץ ישראל, צו ערזעצן די געלטער וואס איר גייט יעצט פארלירן. דערנאך זאגט די מדינה לא מעוקצך ולא מדובשך. מיר דארפן נישט ענקערע טובות און מיר ווילן נישט גיין אין אייער מיליטער. אזא עצרת וועט פאראייניגן גאנץ כלל ישראל, פון אלע שיכטן און קרייזן, פון די צוויי סאטמארס ביז צו די ליטאים. עס וועט זיין דער גרעסטער קידוש ה' וואס איר קענט מאכן.

[days]

ביזט דאך טייער גערעכט
נניח זיי פארשעמען די מדינה פאר די גאנצע וועלט, אבער וואס גייען זיי זאגן פאר די מידיע צו די פאליטיקאנטען?

[נאר,,פרייליך]

בערך די רייד האט נעכטן משמיע געווען מהרי''י מ'סאטמאר אויף לארקין אין קרית יואל

ס'איז דברים של טעם

מיר ברויכען גרינדען א נייער קרן הצלה, און אפהאקען מיט'ן מדינה הציונית, און געקאנטשעט

[atmybest]

טייערע סאקמירער!
קיינער דארף נישט ענקערע בריוו.

עטס זענטס לאזערס, און היסטאריע ווייזט אז ווען מען גייט אן סאטמאר, טוט מען אויף.

[דער (פינטעל) איד]

דערווייל קוקט זיך אויס ווי אלע אנדערע חסידות ווילן נאכטון סאטמארער לאזערס און נישט נעמען געלט פון דע מדינה. נישט אזוי האט א ראש ישיבה געזגאט לעצטענס הרבי מסאטמר צודק?

[אפטעמיסט]

יעצט אזוי, ווען איר וואלט אנגענומען די סאטמארער שיטה וואלט איר נישט געהאט קיין שום פראבלעם. איר וואלט אייך אויפגעשטעלט און געשריגן, "מיר טוען נישט אנערקענען אין די מדינה, מיר נעמען נישט קיין געלט פון זיי, מיר האבן נישט קיין שום שייכות מיט זיי, מיט וואספארא רעכט האבן זיי צו קומען אונז צווינגען צו גיין אין מיליטער?

ווען סאטמאר אליינס וואלט אזוי געזאגט ביי זייער פראטעסט קעגן די גיוס וואלטן דיינע ווערטער געהאט א פשט. אבער סאטמאר אליינס האט פארשריגן די וואס האבן אזוי געזאגט און האט נישט ערלויבט פלאקאטן מיט דעם מעסעדזש.

[I'm back]

דערווייל קוקט זיך אויס ווי אלע אנדערע חסידות ווילן נאכטון סאטמארער לאזערס און נישט נעמען געלט פון דע מדינה. נישט אזוי האט א ראש ישיבה געזגאט לעצטענס הרבי מסאטמר צודק?

האסט א טעיפ פון דער ראש ישיבה בד'וו?

[פיינע קאווע]

פרייליך וואס האט הגז"ל געזאגט אין לארקין? מען דארף גרינדען א נייע קרן הצלה? לאמיך שנעל וויסען איך סטאפ שוין מיין טשעק וואס איך נארוואס געגעבען פאר קרן הצלה

[דער (פינטעל) איד]

דערווייל קוקט זיך אויס ווי אלע אנדערע חסידות ווילן נאכטון סאטמארער לאזערס און נישט נעמען געלט פון דע מדינה. נישט אזוי האט א ראש ישיבה געזגאט לעצטענס הרבי מסאטמר צודק?

האסט א טעיפ פון דער ראש ישיבה בד'וו?

ס'איז געווען געדרוקט אין בקהילה . דאס איז לכאורה א מאגאזין וואס דו געסט אן הסכמה דערויף

[I'm back]

ניין. איך האב געהערט פון זיין נאנטע מענטשן אז ער האט דאס קיינמאל נישט געזאגט.

מזל טוב צו תגובה #420

[דער (פינטעל) איד]

יא און איך וועל דיר דאך זיכער גלייבן אויפן ווארט (נישט אז ס'מאכט א גרויסער חילוק וואס יענע ר"י האלט)

[היימישער ליטוואק]

http://www.bhol.co.il/forums/topic.asp? ... rum_id=771

[diff]

We want to come to you for a big donation. Are you availble or you always need to kuten

[נאר,,פרייליך]

פרייליך וואס האט הגז"ל געזאגט אין לארקין? מען דארף גרינדען א נייע קרן הצלה? לאמיך שנעל וויסען איך סטאפ שוין מיין טשעק וואס איך נארוואס געגעבען פאר קרן הצלה

הער זיין טעלעפאון
718.506.9054
2738

[דעת תורה]

איך מוטשע זיך צו פארשטיין: דאס, צו זאגן פאר די גוים אז איך וויל נישט גיין אין מיליטער וועגן "איני מכיר", מאכט א פעני מער סענס? פרובירן זאל איינער אין אמעריקע טענה'ן אז דאס געזעץ איז אים נישט מחייב ווייל ער איז נישט מכיר אין אמעריקע....

אדרבה, לויט ווי דער רבינו יונה איז מסביר איז דאס פיל ערגער ווי איינער וואס איז פאקטיש עובר אויף די געזעצן. איני מכיר איז נישט קיין תירוץ.

[שפתים ישק]

איך מוטשע זיך צו פארשטיין: דאס, צו זאגן פאר די גוים אז איך וויל נישט גיין אין מיליטער וועגן "איני מכיר", מאכט א פעני מער סענס? פרובירן זאל איינער אין אמעריקע טענה'ן אז דאס געזעץ איז אים נישט מחייב ווייל ער איז נישט מכיר אין אמעריקע....

אין אמעריקא, האבן די שבטים וואס האבן דא געוואוינט איידער די אירופאישער האבן עס איינגענומען, אויך אוי גע'טענה'ט. הרצחת גם ירשת? די אינדיענס ווי מ'רופט זיי אין אמעריקא האבן פארשידענע רעכטן וואס סתם עמך אמעריקא האט נישט. זיי גייען נישט אין דרעפט. זיי צאלן נישט קיין שטייערן. זיי מעגן געמבלען, וכו' וכו'. - די אידן האבן געמאכט עליה קיין ארץ ישראל פאר די לעצטע פאר הונדרעט יאר כדי אויסצולעבן די יארן בחיי עוני צער ודחק לערנענדיג תורה לשמה, אסאך אסאך איידער די ערשטע ציוטנים האבן געטראכט פון מאכן א כיבוש. בעטן זיי סך הכל די זעלבע רעכטן וואס די אינדיאנער האבן דא אין אמעריקא.

[געפילטע פיש]

1. רוב חרדים זענען אנגעקומען נאכן קריג.
2. אמעריקע האט געטוהן לפנים משורת הדין, און איז נישט געווען מחוייב צו געבן די נעיטיוו אמעריקענס גארנישט.
3. דאס האט גארנישט מיט איננו מכירים, פונקט ווי א מעקסיקאנער קען נישט טענה'ן אז ער איז נישט מכיר אין אמעריקע.
4. נעיטיוו אמעריקענס זענען נישט עקזעמפט פון דרעפט. טויזענטער פון זיי האבן געפייט פאר אונז אינעם צווייטן וועלט קריג.

[פאטעטע קוגל]

דו האסט מיר ממש אויסגעכאפט דעם איידיע צו שרייבן א בריעף, נאר איך האב עס געוואלט שיקן צו א צווייטע אדרעס.

ילמדינו רבינו, וואס האט נעמען געלט מיט רודפ'ן חרד'ישע אידן אין ארץ ישראל? ווען איר זענט געגאנגען מוחה זיין אין מאנהעטן וואס איז געשטאנען אויף די פלאקאטן? We don't take money from the Government or Freedom of religion? לשיטתך איז דאך עיקר חסר מן הספר, און בכלל ווייסט דען א גוי א חילוק אז א פלאכע קאפילוטש נעמט נישט קיין געלט משא"כ א הויכע ביבער היט?

די טענה וואס די רבנים ווילן ארויסברענגען איז נישט די גיין אין מיליטער, נאר פשוט פייניגן פרומע יידן, סיי דער וואס נעמט געלט און סיי דער וואס נעמט נישט (עכ"פ אויף זיין נאמען).

די טענה פון שניידן געלט איז נישט נאר אז מ'קאט געלט, אין די גאנצע וועלט שניידט מען. די טענה איז אויף די אומ-יושר אז א פרייער באקומט צען מאל מער ווי א פרומער, שטעל דיך פאר אז עס קומט ארויס א געזעץ אין אמעריקע אז רילידג'עס דג'אי באקימט נאר האלב די פוד סטעמפס פון א גוי, דו ווייסט וואס וואלט געשען? מ'וואלט פאררופן עצרת'ן, מ'וואלט איבערגעדרייט די וועלט, אזא דיסקרימענעשן!!

אבער לאמיר זיין קלאר מיט די טענה, הייסט די גאנצע פראבלעם איז אז מ'נעמט געלט? וואס איז געשען מיט די טענה אז די אלע רבי'ס שיקן זייערע אינגעלייט אין מיליטער? איך ווייס נישט, איך האב געליינט ביז היינט אין דער איד אז די גאנצע שפיל פין די חברי כנסת און זייערע רעגיליעזע פירערס איז א חוזק און זיי טוען עס נאר כדי צו באקומען דעת קהל, איז פארוואס האט מען געטוישט די טענה?

און אז מ'רעדט שוין פון נעמען געלט, לאמיר דיר פרעגן צוויי פשוטע קשיות. איינס, דו ווייסט וויפיל ישיבות און כוללים חדרים וכו' איז דא אין ארץ ישראל וואס נעמען געלט? און וויפיל איז זייער יערליכע בודזשעט? צוויי, וויפיל קומט אריין א יאר אין קרן הצלה?

ביטע פאר דו קוועטשט אריין די נומערן פרעג דיך נאך די ריכטיגע פאקטן.

[עוד מישהו]

מיסטער פאטעטע קוגל, איך ווייס נישט פון וואו די נעמסט דיין באשולדיגונג, אז א פרייער באקומט מער, אויב עפעס שפייט ער פונקט אזוי פיל בלוט אויב נישט מער וואו א פרומער.
שטייערן אין ארץ ישראל איז ביטער טייער, אגב רוב פון די שטייערן צאלט א פרומער בכלל נישט, שטייער אויפן הויז (ארנונה) האבן פרומע אן עקזעמפט, איינקונפט שטייער (מס הכנסה) צאלט מען שווערע געלטער, אבער וואו באלד רוב פרומע ארבעטן נישט נארמאל אדער געהעריג און האבן גרויסע משפחות, האבן זיי נקודות זכות פארוואס נישט צו צאלן.
לאמיר זען וויפיל א פרומע בחור באקומט אין משך פון די דריי יאר פון די רעגירונג, און וויפיל געלט באקומט א פרייער וואס איז אין ארמעי.
א ישיבה באקומט אויף יעדע בחור א חודש 855 שקל, א סאלדאט 352 שקל. 855*36 =30,780. יעצט א סאלדאט 352*36 =12,672.
אויב די פרייע טענהן און דאס איז זייער טענה טאקע אויף דיסקרימינאציע, אבער פארקערט וואו דו טענה'סט, א ישיבה בחור וואס רובא דרובא זיצן דארט און לערנען ממילא נישט, באקומען אזויפיל, פארוואס איז דער סאלדאט וואס אויב טוט ער יא עפעס, באקומט ער מאקסימום מאקסימום נאכאלץ ווייניגער וואו א פשוט'ע פרומע בחור?!
אגב די מדינה העלפט נישט קיין כי הוא זה פאר א פרייע סטודענט אין קאלעזש אדער אוניווערסיטעט, פארוואס פאר א אינגערמאן וואס לערנט אין ישיבה אדער כולל דארף די מדינה יא געבן געלט?! ספעציעל וואס מיר אלע ווייסן, וואס א גרויסע חלק פון זיי טוען אין כולל (איך רעד פון די וואס טוען א טובה אז זיי קומען, אדער קומען פירן לופט געשעפטן און טרונקן קאווע לילות כימים). דאס איז דיסקרימינאציע!!!

[דעת תורה]

זאלן די פרייע סטודענטן גרינדן א פארטיי וואס זאל זיי פארטרעטן, און קעמפן פאר זייערע רעכטן - קיצוצים, קצבאות, פטורי גיוס וכדו'.

ווי קען עס טאקע זיין? אין אמעריקע דוכט זיך זענען די סטודענטן פיל מער א היי פריאריטי אין אלעם, לויט ווי איר לייגט אראפ דעם מצב דארטן.

[עוד מישהו]

די אידישע סטודענטן אין מדינת ישראל, קומען געווענליך אן אין קאלעזש און אין אוניווערסיטעט, שוין נאכן מיליטערישע דינסט, זיי ווערן גערופן אין רעזערוו צווישן צוויי ביז פיר וואכן א יאר, ביי דעם העלפט נישט קיין פטור, אויב האסטו רעזערוו וועסטו אין רוב פעלער מוזן!!! גיין.
די סטודענט און יוגענט האבן פארטייען און לאביאיסטן, אין ירושלים'ע שטאטראט האבן זיי צען דעלעגאטן פון צוויי פארטייען, איין פרייע מיט זעקס און א רעליגיעזע מיט פיר. אין די לאנדס פאליטיק איז אין יעדע גרויסע פארטיי דא רעפרעזענטאטן פון סטודענטן באוועגונגען. אין ליכוד, יש עתיד, און עבודה.
דאס אז די מ'האט אראפגעריקט די קצבאות איז זיי צו פארדאנקן, מ'קען נישט מאכן אן אונטערשיד צווישן צוויי סארטן תלמידים. דיסקרימינאציע האבן מיר שוין געזאגט!

[נאטרוליסט]

די טענה איז זייער גוט, אויב סאטמארער רבי האט פארבאטן באיסור גמור צו נהנה זיין פון "ביטוח לאומי" אדער "סאציאלע פראגראמען".

אויב לשיטת סאטמאר האט מען עס נישט גע'אסור'ט און והא ראי' אז גאר אסאך סאטמארע אידן נעמען יא פון די רעגירונג פריוואט, ביזטו מודה אז זיי מוזן אלע גיין אין מיליטער?