וואס פארדינט איך פון שרייבען אין קאווע שטיבעל?

[טיטאניק]

הערט א פחדימ'דיגער מעשה, בדידי הוה עובדא,
א נורא נוראותדיגע סטארי, ה' ירחם, איך בין צימישט און פארריקט, חלום מיט אפענע אויגען, איך דערקען מיר גארנישט
איך ווייס נישט וואס גייט פאר מיט מיר אליינס!
הערט די מעשה,
ס'האט מיר אנגעשמעקט, ס'האט זיך מיר פארגליסט, און דער נער האט מיר געשטיפט (וועלכע?) און איך האב געלאנדעט אין דעם וועב זייטעל מיטען נאמען "קאווע שטיבעל"
קיינמאל נישט געוויסט אז איך קען אזויפיל צייט פארברענגען פאר הבל, גארנישט, נול, זירא, אפס, סתם שרייבען אן פארדינען עפעס דערויף
אבער פארט ציט עס, עפעס א יצר הרע ציט מיר אזוי (מיסטאם נישט יצר טוב, ווייל זיי זאגען אז ער ציט עפעס נישט, מאן ייאמר?) צי שרייבען און ליינען און קאמענטירען אין נאך שרייבען, אבער נאך אלץ ווייס איך נישט פארוואס? וואס שטיפט מיר? איך פארדין דאך דארנישט דערויף?
אבער די משעה גייט ווייטער! איך האב אנגעהויבען צי באקימען א נייע תאווה, רח"ל א תאווה פון "לייקס", א משוגעת, עפעס א דיבוק מיר באטראפען, איך, מיסטער איך, זאל באקימען א נייע גליסטעניש, צי עפעס וואס מען קען נישט אנטאפען, מען פארדינט נישט גארנישט דערויף, אבער פארט א צידרייטער תאווה פון א זאך וואס מען ריפט דא "לייקס",
פון צווייטען האנט גלייב איך נישט מיינע מדרגות, קיינמאל נישט געוויסט אז איך קען אזוי שנעל ווערען פאפילער, פון א שטילער איינגעמאכטער מענטש, ווערען אזוי פאפילער אז איך האלט שוין דערווייל, ווייניגער פון א חודש אנגעהויבען צי שרייבען תגובות דא, און שוין האלט איך ביי איבער 105 לייקס!
אין יש לו מנה רוצה מתאיים, און איי דאנט נאו ווי דאס גייט מיר נאך אריינשלעפען רח"ל.... היום אומר לו עשה כך ומחר עשה כך עד שילך רח"ל ויכתוב בעניני צניעות, ה"י!

איך האב מיר יעצט אוועקגעזעצט מאכען א חשבון הנפש,
1. וואס איז די זאך וואס מאכט מיר ציען אזוי צי שרייבען אויף קאווע שטיבעל?
2. וואס פארדין איך פון שרייבען אויף קאווע שטיבעל?
3. פארוואס ווער איך אזוי העפי פון די לייקס?
4. ווי גייט עס מיר נאך פירען?
5. אולי טי איך עפעס אויף מיט מיין געשרייבעכטץ?
6. איז כדי אז איך זאל אויפהערען?
7.
8.
9.
10.

מורי ורבותי געסט, אנשי שלומינו, באניצערס, שרים נכבדים מאלפים, ענפערט מיר גיטע תירוצים אויף מיינע פראגעס, וואס איז לכאורה זייער ניצלעך פאר אסאך באניצער און אויך צדיקים וואס ווילען ווערען ניקס דא, אבער האבען מורא,
הייבט אן צי ענפערען טעריצעם!!

ביי
דער חוצפעניאק און שייגעץ
טיטאניק'ל

[טיטאניק]

שרייבט אייער עקספיריענס אויך, דבר רעדט אריין!

[berlbalaguleh]

דא האסטו, טיטאניק. האסט געזאגט אז דו האסט באקומען א תאווה צו לייקס. כ'דארף פרעיגן מיין מורה הוראה צו איך בין נישט אויווער (ס'קלינגט כמעט ווי ק"ק אויוואר, יצ"ו.) אויף לפני עיוור לא תתן מכשול. דו וואלסט עכט געקענט הייסן נאך צען אנדערע ניקס. ואי אפשר לפורטם (הטעמים) כי רבים הם. אבער א מקצת שבחו בפניו ( וואס איך זאג שלא בפניו, ווילסטו זיכער נישט הערן). וועל איך יא זאגן. דו וואלסט געקענט הייסן "אין פינטל". פשוטו כמשמעו. דו זאגסט א סאך מאל אין פינטל אריין. פאר'ן זעלבן טעם וואלסטו געקענט הייסן באבע. ווייל דו זאגסט אין באב'ן אריין. אדער קאווע. ווייל מ'קען זיך אפבריען מיט הייסע קאווע וואס גיסט זיך אויס אויפ'ן רעקל. וכו'.
נ.ב.: איך האף קיינער הערט נישט. דו וואלסט זיך געקענט איינשרייבן אין א קורס וואו מ'לערנט שרייבן/ספעללן לשה"ק און אידיש.

[נאר,,פרייליך]

איך האב שוין געבעטן די מערכת זאל זיך א נייצע געבן מיט דעם פראבלעים

קוק דא אז די האסט עפעס אן בעסערע געדאנק אדרבה

[מאטי]

דער ענין פארוואס דו האסט אזוי ליב לייקס איז אזוי:
ווען דו שמועסט אין בית המדרש מיט חברים און דו זאגסט עפעס א גוט ווארט, נישט קיין חילוק וויפיל אנערקענונג דיינע חברים וועלן דיר געבן, גייט פארט גרידזשען עפעס א קליינער ווערימל וואס טענה'ט: "נע! זיי מיינען מיר נאר צו מאכן שפירן גוט! וואס גייען זיי זאגן אויף מיר ווען איך גיי אוועק גיין? וכו' . משא"כ אלס א ניק איז דיר קיינער נישט משועבד צו לייקן, דעריבער שפירסטו א געוויסער ארגינעלקייט אינעם קאמפלימענט, עפעס ואס איז נישטא אינעם עכטער עולם השקר. א קלוגער איד האט אמאהל געזאגט: לויב דיין קינד פאר א צווייטן בשעת דאס קינד ווייסט נישט אז דו ווייסט אז ער הערט.

[מ גפני]

טיטאניק איך האב מוראדיג הנאה פון דיין מנהג טוב (אפשר איז עס א פערצופאל...) צו לייקן אנדערע מיט'ן זעלבן סכום ווי וויפיל מ'האט דיך געלייקט, בשעת ווען איך טייפ דאס האלט ער ביי: האט שוין געלייקט: 108 מאל האט שוין באקומען לייקס: 108 מאל

[berlbalaguleh]

גפני: פאר דעים אליין דארפסטו באקומען א לייק. איי איך בין נישט טיטאניק. שלוחו של אדם כמותו. ביי מיר באקומסטו נאך א פאר סמיילי'ס אויכעט.

[דער (פינטעל) איד]

טיטאניק איך האב מוראדיג הנאה פון דיין מנהג טוב (אפשר איז עס א פערצופאל...) צו לייקן אנדערע מיט'ן זעלבן סכום ווי וויפיל מ'האט דיך געלייקט, בשעת ווען איך טייפ דאס האלט ער ביי: האט שוין געלייקט: 108 מאל האט שוין באקומען לייקס: 108 מאל

און האסט נישט באמערקט אז זיינע הודעות צאל איז אויך פונקט 108 ?!?! איך זאג דיר איך האב עס שוין פארגעזען!

viewtopic.php?p=168637#p168637

[דער (פינטעל) איד]

107 108 109 ....

titnic.JPG

[מ גפני]

עטס זענטס אלע געוואלדיג (סמיילי קרעדיטס:בערלע באלעגאלע)

[שמעקעדיג]

(סמיילי קרעדיטס: בערלע באלעגאלע)

נעה, בערל נוצט נישט די גראבע ברוינע מיאוסע. נאר די קיוט געהלע...