כלל ישראל טרויערט: האברך ר' מנחם משולם שטארק הי"ד

[סאשי פיש]

אינגערמאן געקידנעפט אין וויליאמסבורג!!!

א אינגערמאן איז געקידנעפט געווארן אין וויליאמסבורג אויף ראטלידזש סט.
ער הייסט מנחם שטארק.
די פאליציי האט פארופען א לעוועל 1,
באריכטען געבן איבער אז מען האט אים פארכאפט פון זיין אפיס אויף ראטלידזש סט, מען האט געטראפען דאק טעיפ דארטען.
זיין ווייב האט געזען אז ער קומט נישט אהיים און ער היבט נישט אויף זיין סעלפאון האט זי גערופען פאר הילף.

image.jpg

[סאשי פיש]

דא איז די קעסטעל ווי זיי האבען געהאלטען די שטריק מיט די דאק טעיפ.

image.jpg

א בילד פון א קאמרע פון די ווען מיט וואס זיי האבען אים פארכאפט

[סאשי פיש]

זייט מתפלל פאר מנחם משולם בן שניא עטיא זאל ווערן געטראפען ווי שנעלער אין א געזונטע צושטאנד!

[שטילע אינגערמאן]

פליז מער דעטאלען
ווי אזוי זענען זיי אריין אין זיין אפיס?
וויפיהל אזייגער איז עס פארגעקומען?
ווי אלט איז דער יונגערמאן?
ווי געהערט ער?
איז עס צוליב מיט וואס ער האנדלט (געשעפטען)?
ס'געווען א רענדאם קידנעפינג אדער דווקא עיהם??
נעבעך. איך קען נישט שלאפן

[סאשי פיש]

די מעשה איז אזוי,
זיין אפיס איז העכער עמעזינג סעווינגס צוויי גוים האבען אים אפגעווארט אונטען אויפען גאס, 11:30 ווען ער איז ארויס פון אפיס צום גאס האט זיך אנגעהויבען א שווערע געראנגעל צום סוף האבען זיי אים געבינדען מיט שטריק און דאק טעיפ און אים אריינגעווארפען אין די בעשיע ווען און אנטלאפען.
שומרים ביי די ארבעט

[קאווע טרינקער]

אוי, א פחד.

[ברוך שאמר]

זייט מתפלל פאר מנחם משולם בן שניא עטיא זאל ווערן געטראפען ווי שנעלער אין א געזונטע צושטאנד!

אין א-וועלט האט איינער געשריבן אז Sean Penn is on the scene!

[נאר,,פרייליך]

סאטמאר לייוו פון קהילת מהר''א האט ארומגעשיקט א בקשת תפילה פאר'ן אינגעמאן זעהט אויס ער איז משלנו

ווי מען הערט האט מען שוין זיך פארבינדען מיט גדולי בעלי מקובלים איבער'ן געפינען דעם ארט ווי דער אינגערמאן געפינט זיך,

זייט'ס מרבה בתפילה

געוויסע וויליאמסבורגע געבן אהן אז עס האט מיט חברה וואס זיכען אים פשוט צו בארויבען דעם געשעפט
בחדרי זאגט אז עס איז חשש כבד לחייו

[נאר,,פרייליך]

אין איי צייכענט מען צו אהער צו דעם לינק

מען זעהט ווי גוים רעגן זיך אויף יענע בעל בתים

באריכט איבער די מצב:

השתדלו והרבו תחינה ובקשה: רבנים און עסקנים רופן כלל ישראל איינצורייסן פאר דער חסידי'שער אינגערמאן ר' מנחם משולם בן שאניא עטי-ה - וועלכע איז בייזוויליג פארכאפט געווארן נעכטן דאנערשטאג אויפדערנאכט אין הארץ פון וויליאמסבורג דורך צוויי אומאידענטיפיצירטע פארברעכער - אז ער זאל וואס שנעלער אפגעפונען ווערן אין א גוטע צושטאנד, און זיך קענען צוריק פאראייניגען מיט זיין פאמיליע.דאנערשטאג נאכט, אום 11:30 האט דער אינגערמאן פארלאזט זיין אפיס וועלכע איז סטאנציאנירט אויף ראטלידזש, ווען פלוצלינג איז ער איבערגעפאלן געווארן דורך צוויי פארמאסקירטע פארשוינען. ווי די זיכערהייט קאמערעס צייגען, איז אנטשטאנען א 5-מינוטיגע העפטיגע געראנגל צווישן דעם אינגערמאן אין זיינע פארכאפער, ביז ער איז ענדגילטיג אריינגעצויגען געווארן אין דער ווייסער-דייטש ווען, וועלכע האט נישט פארמאגט קיים פלעטס אויף זיך.שומרים און פאליציי זענען אלארמירט געווארן עטליכע שטונדן שפעטער, דורך זיין פרוי וועלכע האט זיך באקלאגט אז זי קען נישט צוקומען צו איר מאן, און איר טעלעפאן רופן ווערן געענטפערט דורך זיין וואויסמעיל. שומרים אין פאליציי האבן אין איילעניש אינטערגענומען א אינטענסיווע זוך-אקציע און אויספארשונג צו קומען אויף די שפורן פון דעם אינגערמאן אין זיינע פארכאפער.דער אויספארשונג זעצט ווייטער פאר מיטן גאנצן קראפט, עס האלטן און איין אריינגעברענגט ווערן פרישע אגענטורן וועלכע זענען ספעציעל טרענירט צו האנדלן מיט אזוינע סענסעטיווע פעלער, און נאך פאליצייאישע עקספערטן וועלכע האבן זיך אין לויף פון די נאכט זיך אנגעשלאסן אין די מאסיווע אויספארשונג.דערווייל האלט מען שוין 7 שטונדן פון ווען דער אינגערמאן איז פארכאפט געווארן, און דערווייל האט מען נאכנישט געהערט קיין פאזעטיווע ענדערונגען אינעם קעיס.נעמט ארויס א תהלימ'ל און רייסט איין אז אונזער ברודער זאל אפגעפונען ווערן אין א גוטע געזונט-צושטאנד, גאנץ אן קיין שום שאדן.

[[NAMELESS]]

שרעקעדיג

[נאר,,פרייליך]

שומרים בעהט מען זאל רופען
718.237.0202
ווער עס האט עני אינפא. אין יענע גאנצע עריע קעמרע'ס פון בראדוועי
העריסאן
ראטלידזש,
נעמט א חלק טראץ דעם שווערן וועטער און אפגעפינען דעם יונגערמאן און העלפט ארויס די פארפייניגטע בני משפחה

א הרהור תשובה וקבלה טובה לטובת דעם יונגערמאן קען שטארק בייהילפיג זיין
(ליין די חתימה)

[נאר,,פרייליך]

א ברידער רבי יואל רעד אויף קול מבשר

ער געט אהן אז דער ציבור קען דער מערסטע בייהילפיג זיין מיט תפילות
און איבערקוקען אלע קעמרע'ס פון יענע געגנט
....
מ'זאגט אז אין זיינע אימעיל'ס האט מען געפינען שטארקע סטראשונקעס פון חברה

טייל זאגען אז אין בושוויק געגנט האט מען געפינען סיגנאלען פון זיין טעלעפאון

[[NAMELESS]]

http://www.vosizneias.com/151288/2014/0 ... rg-office/

[מצטמק ויפה]

עס איז נאך ברוך השם גענוג פרי אין די געים, אז מען זאל זיך דערמאנען, אז נישט לאנג צירוק האט מען פאר אביסעל רייץ און תאווה געהרגעט איינעם עטליכע מאל על לא דבר.
יא יא, איך באצו זיך דא אויף די "וואטס אפ" באניצער וואס געדענקען נאך גאנץ גוט דעם קאפי פעיסט (ק/פ) מוצאי שבת נישט מער געדאכט. טייערע אידן הערטס אויף מיט די מעשי רשעות! אלעס האט א שיער, יענעמס בלוט איז עפעס א ראבבע"ר בענ"ד??, פאר די פארשטונקענע אזוי געריפענע גוטע געפיל צו זיין די ערשטער צו מעלדן די נייעס ביסטו מפקיר יענעם'ס בלוט ?? ווי איז אייער אחריות?? .
יעצט ווען עס שפילט זיך אפ נאכאמאל א דראמאטישע מעשה ביטע ר' איד גייטס צום שאנק אין נעמט ארויס א תהילים'ל אין זאגטס אפאר קאפיטלעך תהלים לזכות פון דעם אינגערמאן, און פאר איר שיקט ארויס סיי וואס פאר א מעסידש, זיפט דאס דורך צען מאל און מאכט זיכער אז קיינעמס נשמה גייט נישט גערירט ווערן פון אייער פארנאכלעסטיקייט, און אויב קענט איר זיך נישט איינהאלטן, דאן מאכט צו אייער פאון, און הערט אויס קול מבשר פאר אפדעיטס.
א דאנק,

[נאר,,פרייליך]

מען קען ווען צוזאמשטעלן דא עטליכע מאל אמירת תהלים יעדער זאל נעמען א צען קאפיטלעך
איך הייב יעצט אהן פון צ-ק

[[NAMELESS]]

.

[שמעקעדיג]

א פחד, א שרעק.

Bye יעדער. איך גיי זאגן תהלים.

[נח בער]

צייטליכע און וויכטגע בקשה!

שטייענדיג געציילטע וואכן נאך די פטירה פון ר׳ ליפא ברייער ע״ה, געדענקט זיך נאר גאר גוט די צעמישטע און פאלשע באריכטן וועלכע זענען ארויסגעקומען יעדע ליאדע מינוט. טייל איז גאר געווען העכסט קראנט און באשטעטיגט דורך די חברה קדישא אדער נאנטע פאמיליע מיטגלידער.
ס׳זענען פארהאן פולע טוויטער אקאונטס וואס זענען זייער ענליך צו די אקאונטס פון די היימישע ארגאניזאציעס און מענטשן ערלויבן זיך צו שרייבן דארטן אלע זייערע בויך וויי.
צום סוף האט זיך ארויסגעשטעלט אז די אלע קאנפירמעד אופדעיטס זענען געווען ׳בי עס׳ פון א׳ ביז ת׳.

ס׳קאכט זיך איצט א פאל פון א שוידערליכע פארכאפונג אין וויליאמסבורג. און ס׳איז ערווארטעט א פארפלייצונג פון פולע שפעקולאציעס וואס וועט ווערן א רעאליטעט ווען מען פאוסט עס אויף די גרופעס.

דעריבער גייט ארויס דער רוף צום ציבור: האלטס ענק רואיג.
שרייבט נישט גארנישט וואס איר טראכט... און אויב האט עמיצער געשריבן עפעס גלייבט נישט קיין שום ׳קאנפירמעד׳ אופדעיט.

צו וויסן דעם מערסט פארלעסליכסטע אופדעיט גייטס ארויף אויף וואסאיזנייעס.קאם, אדער רופטס קול מבשר.

לאמיר האפן צו הערן בקרוב גוטע נייעס, אבער אויפדערוווייל שפילט זיך נישט ארום מיט אידיש בלוט...

[נאר,,פרייליך]

אין די סאטמארע צענטערן
הן די והן די אנדערע שטייען פילע מנינים און רייסען איין בעד דעם יונגערמאן

אין אנדערע קהילות איז מען זיך אויך מצטרף בתפילה בעד די הצלחה פינעם אינגערמאן

יעדער ביי זיך אין שטוב קען ארגאנאזירען א חברת תהלים בזמן וואס די קינדער געפינען זיך אין שטוב צוליב די שווערע שנייען, זאגט פאר די קינדער דאס אוועקגעבן עטליכע מינוט הנאה פון שאוולען די שניי פאר א צווייטען יוד האט א גרויסער כח

.......
יעצט געהערט אז די משפחה האט געפאדערט אויף קול מבשר צו טון דעם געדאנק פון צוזאמנעמען אין אלע יידישע שטובער די קינדער 10:30 צוזאמען און איינרייסען אינאיינעם

[shem-tov]

הריני מקבל עלי מצות עשה של ואהבת לריעך כמוך מיטן גאנצן הארץ און מח. איך וועל אויך האבן אסאך מער געדולד צו מיינע טייערע זיסע קינדערלעך און זיך נישט זוכען ארויסצודרייען ווען זיי רעדן צו מיר. און אויך נעם איך זיך אונטער אויפצוהייבן יעדען פאון קאל פון מיין ווייב און איר קלאר אויסהערן און נישט וועלן גלייך אראפלייגען, נאר זי זאל זיין די וואס לייגט אראפ ווען זי פארטיגט צו רעדן. ויהי רצון מלפניך ה' אלקי ואלקי אבותי אז די זכות פון די מצוה זאל גיין פאר די באלדיגע באפרייאונג פון אונזער ברודער מנחם משולם בן שניא עטיא ער זאל ארויסקומען פון אונטער זיינע פענגער גאנץ און שטארק.

לאמיר זינגען דעם הארציגען אחינו כל בית ישראל, הנתונים בצרה ובשבי' וכו' המקום ירחם, ירחם עליהם ויוציאם מצרה לרוחה וכו'

[נאר,,פרייליך]

נאך א לינק
ליינט דא

[טיטאניק]

איך האב דא 3 מקובלים וואס מען קען פרעגען
אלע 3 ווייסען זייער גיט וואס עס טיט זיך, בדידי הווה עובדא, געזען ביי אלע 3 עקסטערע אפנע אפענע קראנטע ישועות
1) הרב בעריש האלפערט פון מאנסי, נאמבער איז:845.304.8520 ער מאכט פון זעך גארנישט, זעט אויס ווי א געהריגע בעלזער כאניאק מיט שווארצע זאקען אין די וואכען, אבער ער איז אעפעס נישט סתם, א קאמארנער און זידיטשובער אייניקעל, ער איז א ת"ח א מחנך, א פסיכאלאג, וע"כ א גרויסער מקובל ויודע זאכען וואס איך און דיר ווייסען נישט
2) הרב שמואל ארי עקשטיין, שטעלט זיך ארויס מער פראפעשאנאל, א תלמיד פון הגה"ק מזמיגראד זצ"ל מסטקאפקאוו זצ"ל רמ"א פריינד זצ"ל ועוד גרויסע צדיקים פון אונזערע קרייזען, אידען (וגם אנכי9 שווערען זיך אין זיין בארד, זיין נומבער איז: 347.675.7201.
3) הרה"צ ר' אליעזר סאפרין פון ארץ ישראל, א קאמארנער אייניקל, א איד וואס שטעלט זיך ענדערשט ארויס זייער זייער "בעל בתיש" מאכענדיג די רושם פון איידער א פראפעסער ווי א מקובל, אבער למשעה זאגען אלע נושעים אז ער ווייסט נאך איינמאל, וגם אנכי, ער איז בכלל א געשמאקער גאר קליגער איד, עק קימט מזמן לזמן אהער א גיטער ידיד פון הרב העסקן ר' אייליש באכנער פון ב"פ (פארווער עס קען עם). זיין נאמבער האב איך נישט אויפען מיניט

אבער די ווייסען זייער גיט וואס טיט זעך

[טאמבל סאס]

איך געדענק, כ'האב אזויפיל געהערט פון עמיצן ר' שמואל בנימין קרויס אין לאנדאן. מ'האט געזאגט, ביי אים זעט מען אפענע רוח הק'. ער טרעפט דיר אפ' אן אוצר אונטערן בריק.
זייענדיג אמאל אויף א באזוך אין דעם פאראייניגטן קינגדאם, בין איך אריין צו אים, כ'האב מיך געשטעלט אין די רייע, ס'געווען פאר מעריב, ווי נאר כ'האב געזען ווי ער זוכט זיין גארטל אין זיינע טאשן, האב איך ארויסגעפוצט פון דארטן.