יעדער קריץ אין טיר אינמיטען נאכט ציט אן די נערווען, יעדער שיכור וואס מאכט געוואלדעס אין גאס שפרינגט אינטער דעם עולם מיט שרעק
פארשטייט זיך אז יעדער ארים כאפט ציליב די אנגעצויגענקייט וואס שוועבט ווי א שווערע וואלקען אין די ליפט
די קינדער אינדערהיים די ווייב און בעיקר דער קי בארד ווען מען שרייבט אויף קאוועש שטיבל
יעדער פראסקעט יעדעם יעדער כאפט פון יעדעם אלעס איז באנקראטירט און אלעס איז שלעכט
יעדער איז שילדיג אז כלל ישראל וועקט זיך אויף זייט דאנערשטאג אויף די לינקע זייט
די גליקע צווישען אינז האבען זיך איינגעהאנדעלט די "משפטים בלעכענע הויזען" מיט פאר וואכען פריער פשוט אלץ די סכנה וואס הערשט איבעראל
עס איז גרויסע צרות, נאך א נס פון הימעל אז עס איז נישט יעצט געפאלען אויך ערב פסח ווייל טאמער יא וואלט טאקע געווען נאך אפאר הרוגים רח"ל
תכלית, איך האב שוין נישט קיין כח מער צי די אנגעצויגענע מצב
איך האב באשלאסען צי מאכען דעם עולם און מיר בעיקר אביסעלע רוהיגער און מער פאזעטיווער ווי נעגעטיוו
געניג איז געניג
לאמרי דאס סטאפען באצייטענס
דערפאר האב איך באשלאסען צי עפענען א אשכול און ארויס ברענגען "מעלות" און יעדע פאזעטיווע ווארט, אלעס מיז דאס זיין אויף די פרייליכע פאזעטיווע זייט, אז דער וואס זיכט א קאלטע בור זיך אפציקילען פון די הייסע ברענעדיגע בורות זאל האבען ווי צי גיין
און איך גיי טאקע זיין דער מתחיל במצוה און לאמרי זיכען מעלות און גיטע זאכען און טאקע מתוך צרה המציאם גיטע פונקטען
1) ווי וואויל און זיס כלל ישראל איז, נישט צי גלויבען, ווי זעט מען דאס ביי א גוי? וויפיל גויים אפילו קינדער ווערען נעלם טאג טעגליך און קיינער הערט נישט קיינער ווייסט נישט, וויפיל מערדערייען (אסאך ערגער פון די סארט) געשעט טאג טעגליך ביי גויים ואין פוצה פה, קיינער ווערד נישט נערוועז יעדער שלאפט רוהיג, אפילו דער ניו יארק פאסט שרייבט נישט גארנישט, די עצם זאך וואס מיר זענען אזוי נערוועז אין אנגעצויגען די עצם זאך וואס די מערדעריי נעמט ארים די גאנצע גלאוב ווייזט וואס פארא עם הנבחר מיר זענען וואס פארא שיין פאלק מיר זענען, יעדער איז דערשיטערט אפילו 90 פראצענט עולם האט קיינמאל נישט געוויסט איבער דער נפטר ע"ה, אלע מחיצות וואס איז דא ביי כלל ישראל איז פארשווידנען געווארען יעדערס הארץ איז דא, יעדער וויל זען אז מען זאל דער רוצח אראפ נעמען פון די גאסען, הצד השוה שבכולם יעדער וויל נאר גיטס יעדער מיינט עס באמת
2) עסקנים, וויפיל אינז האקען אויף זיי, ווער איז אבער געווען אויף נעכט ביז מען האט געברעגנט דעם נפטר ע"ה לקבר ישראל? ווער? נאר די עסקנים קודם מיט די זיכעריי נאכדעם מיט איבערגעבען פאר די משפחה נאכדעם די קבורה בשעת מעשה מחזק זיין דעם עולם און די משפחה נאכדעם די הילף וואס מען טיילט פון אלע זייטען, און די שפיץ איז די וויי געשריי קעגען דעם רשעותדיגער פסאט, ווען מען האט געזען עסקנים פון ביידע זייטען, יעדע מטבע האט צוויי זייטען און יעדע זאך קען מען ברענגען תילי תילים פון נעגעטיווע זאכען און פאזעטיווע זאכען נעמט ארויס די פאזעטיווע חלק ווי שיין דאס איז געווען, ווי אזוי וואלט אויסגעזעען וועל על שארפטאן שיקט ארויס פראטעסטירען? אלע גאסען וואלטען געווען א שלאכט פעלד, ווי אזוי זעט אויס ווען אינז פראטעסטירען? רוהיג געלאסען מענטשליך
3) די שרעקליכע חשדות, ווען גאנצע שעות זיצען יונגעלייט ליידיג גייערס און נעמען זיך אן פאר דער שותף כאטש ווער האט עם געקענט פארדעם? אבער די פאקט אז מען באשרמיט א איד דאס טיט יעדעם וויי, ווי אזוי וואלט דאס אויסגעזען ביי די גויים? וועמען וואלט עס אנגעגאנגען? פארקערט, יעדער וואלט מיטגעטאנצען יעדער וואלט עם נאך מער באשמיצט
4) די גאנצע קאווע שטיבעל, יעדער האקט אז קאווע שטיבעל איז אלעס שילדיג, אפשר טראכט מען פארקערט, גיי אדארעך בלעטל ביי בלעטל וויפיל אידיש הארץ וויפיל אידיש געפיל עס ליגט דא קיקט וויפיל אזייגער אין די נאכט אריין זענען אידען געזיצען און פראבירט לכל אשר לאל ידם צי העלפען מיט יעדע וועג מעגליך
5) איך ווייס נישט צי מען האט יא אויפגעטיען אדער נישט, צי די עסקנים צי די שרייבערלעך, אבער די פאקט היוצא לנו איז די גיטער ווילען די גיטער רצון וואס יעדער האט דא צי א צווייטער איד, ווי טרעפט מען נאך א פאלק אין די וועלט וואס וואלט אזוי מיטגעלעבט און מיטגעפילט אזא טראגעדיע? נישטא!
6) מיר זענען דער עם הנבחר א טייער פאלק, א איידעל פאלק, נישטא זיינס גלייכנס,
7) דאס אז מען ווערט אזוי אויפגעציטערעט ווייזט ווי שטארק זעלטען די סארט מעשיות זענען ביי אינז, און מען דארף זיך מחזק זיין און זיך נישט לאזען, דאס געשעט נישט יעדען טאג און וועט בעזר דער שומר ישראל מער נישט פאסירען
חברה שרייבט ווייטער גיטע זאכען לאמרי זיין פאזעטיוו
![שמייכלט :)](./images/smilies/icon_e_smile.gif)