משולם שטיינפעלד האט געשריבן:זר זהב האט געשריבן:אין באבוב שול 48 בין איך איינמאל אריינגעפאלן פאר א מנחה, אינמיטן שמונה עשרה האב איך געשפילט מיט'ן פאון, געט מיר איינער א רוק און ווייזט מיר מיט א עכטן ערענסטקייט א טאוול אויפ'ן וואנט אז מ'טאר נישט האבן אן אפענעם פאון אין שול, גערעכט איז ער! צי ס'מיר געפאלן צי נישט.
דארט איז די תקנה נארמאל. מען הייסט נישט אויסלעשן די פאון איידער מען קומט אריין אין בית המדרש.
אדרבה, מען האט ספעציעל צוגעשטעלט גאר גוטע פאון סערוויס אין די בעיסמענט, וואו עס איז דא א היכל התורה, אז מען זאל זיך נישט אפהאלטן פון קומען לערנען דארט צוליב דעם וואס מען האט מורא אז מען גייט פארפאסן א וויכטיגע פאון קאלל. אבער עס איז דא א תקנה אז אין די היכל טאר מען נישט רעדן אויפן טעלעפאן, און מען רעדט טאקע נישט דארט.
אין בית המדרש טאר מען נישט רעדן אויפן טעלעפאן, אבער אויב עס קלונגט ערלויבט מען ארויסצוגיין פון בית המדרש רעדן אינדרויסן.
אבער צווינגען צו פארלעשן גענצליך די טעלעפאן איז נישט אויספירבאר.
ווי איך געדענק איז די תקנה אין באבוב 48 שול צו פארלעשן לגמרי די טעלעפאנען אדער סיי וועלכע עלעקטראנישע מאשינקעס אין די חדרי התפלה. עפעס א באבוב'ער דא וואס קען קאנפירמען?
לדעתי איז דער תקנה הונדערט פראצענט אויסגעהאלטן, און דאס האט קיין שייכות מיט די אינטערנעט הוהא. אז א איד וויל קומען דאווינען פארלאנגט זיך רעספעקט פאר דעם מקום התפלה. שטעל דיר פאר א אינגערמאן פילט זיך לאנגווייליג ביי חזרת הש"ץ און נעמט זיך ארויס א געים באוי! מה נשתנה?