די טריאומף פון נצחון

[נהורא נפישא]

אויפן שווערן גורל איך וויין
ליידענישן און פיל פיין
די געמיט דערשלאגן
די געוויסן צוטראגן
די הארץ פארקלעמט
די געפילן פארטעמט
די טאלאנטן צודריקט
די פעאיגקייטן דערשטיקט
די האפענונג פארלוירן
דאס שטרעבן אנגעוואוירן

און מיטאמאל א בת קול איך הער
מיין קינד וויין נישט מער
גארטל זיך אן מיט דרייסטקייט
און באלד וועסטו באקומען שטארקייט
די זון וועט ווידעראמאל שטראלן
די טריאומף פון נצחון וועט שאלן

די געמיט באלד דערהויבן
די געוויסן אין זיך גענומען גלויבן
די הארץ דערפרייט
די געפילן געפינען באדייט
די טאלאנטן אנדעקט
די פעאיגקייטן ערוועקט
די האפענונג אפגעפינען
דאס שטרעבן צוריק געווינען

[יאיר]

זייער אינספירירנד. פלייכט וואלט געווען כדאי אריינצופילן די ספעיסעס. רבי נהוראי וכו'

[נהורא נפישא]

מ'מוז אפטיילן דעם עבר פונעם עתיד.

[יאיר]

מ'מוז אפטיילן דעם עבר פונעם עתיד.

מען ברויך דאך אבער וויסן וואס האט פאסירט אינצווישן.

[קאווע טרינקער]

דיר צו זאגן, ס'טוט מיר באנג
די זון שיינט נישט אזוי לאנג
קוים האט ער אן עליה
איין דריי איז שוין די שקיעה

שלמה המלך זאגט כהלכה
פון א תוחלת ממושכה
פון א האפענונג א לאנגע
מחלת לב, מ'ווערט א קראנקע

[נהורא נפישא]

די פארמעסטן הויבן זיך אן.

[משה געציל]

זארג נישט נהורא
קאווע איז סחורה
פאר געלעכטער וויינט
וואס ער זאגט נישט מיינט

ס'קוקט אויס ווי אין ווינקל
די וואלקענעס טינקל
דאך שטארק זי שיינט
קלאר ווי דער היינט

[טעפל]

איך ווייס נישט פארוואס די טוסט שטויסען
די זון שיינט נאך אין גרויסען
מיר וועלן דיר מחזק זיין
ס'זאל ביי דיר זיין פיין
די זון טוט נאך שיינען
איז הער אויף צו וויינען