מיין בליק אויף די ניקס

[אפטעמיסט]

ס'דא געוויסע ניקס וואס איך האב א בליק אין מח וויאזוי זיי זעהן אויס אין ריעל לייף. דער פאקט איז אז מ'קען ארויסהאבן א מענטש פון וויאזוי ער שרייבט און טראכט.
פאלגענד איז רשימה פון עטליכע ניקס, און מיין בליק אויף זיי.
פארשטייט זיך כ'האב שטארק מקצר געוועהן ס'זאל נישט צוקומען לידי גילוי חלילה, אבער אויב איינע פון זיי פילן אז כ'קריך אריין צי טיף אין זייער קישקעס זאל ער מיר ביטע אויפמערקזאם מאכן און כ'העל עס טוישן.
די איצטיגע רשימה איז נאר א טיפה מן הים, און בעצם האב'ך וואס צו שרייבן אויף נאך צענדליגע חברים, ועוד חזון למועד.


[tag]שמעקעדיג[/tag], א פעשליכע אינגערמאן אין די נידריגע דרייסיגער יארן, גייט אן אלטען אפגעריבענעם רעקל, און זאקן מיט לעכער. ארבעט אין א גראסרי, האט א הארץ ווייעך ווי פיטער און זאגט א גוט ווארט פאר יעדעם. קומט אהיים מיד און שוואך נאך א טאג שווערע ארבעט, אבער איז אייביג גרייט צו העלפן א צווייטען. שבת דאווענט ער אין ראדני.

[tag]יאנקל[/tag], א מאגערע הויכע אינגערמאן- אדער א לאקש אין קורצן. א שפיציגע לענגליכע נאז, און לעכער גרויס כמוציא רמון. דאווענט בקביעות אין דער ניין אזייגער מנין און באטראכט יעדעם פון קאפ ביז פיס. האט א מיינונג אין יעדע נושא אויף דער וועלט, און האלט נישט צוריק קיין שטעך ווערטער ווען נויטיג.

[tag]הוגה[/tag], א מאדערענע איד פון פלעטבוש, האט א פענסיל בערדל און ברילן אויפן שפיץ נאז. שטאמט פון רוזינ'ע חסידים אבער דולד נישט קיין פרומע שטיק און נארישקייטן. רעד א צובראכענע אידיש און שרייבט אויף קאווע שטיבל מיטן הילף פון אן איבערזעצער. זיין ווייב זעהט קוים אויס ווי א איד.

@דער (פינטעל) איד, א שטערבליך איבערוואגיגע קרית יואל'ע איינוואוינער. אטעמט שווער, ס'גיסט זיך פון אים דענדראווס און ער כאפט היטשעס אפילו פאר א גאס צוויי. האט שווארצע פלעסטישע גלעזער און איין הענטל האלט זיך מיט סקאטש טעיפ. ארבעט פאר ובלכתך בדרך, און אין די נאכט שטונדען וואלאונטירט ער פאר נטרונא. פרייטאג איז ער א מקוה איד.

[tag]רויטע וואנצעס[/tag], א אינגערמאן אין די הויכע צוואנציגער יארן, א באליבטער מאן און א גאלדענע פאטער. וואוינט אין א וואן בעדראם אין בארא פארק, דרייוועט אן עקורד, און איז אן לייף אינשורענס אגענט. ער איז א רויטער, פארשטייט זיך, אבער ער האט זיך אויסגעלערענט צו לעבן דערמיט.

[tag]יאיר[/tag], א בעל הבית'ישע וויליאמסבורגער איד. כמעט א בן ארבעים, און האט א טאכטער אין שידוכים. א שטיקל גביר און א היפש'ער בעל בשר. דרייוועט א לעקסוס און פליפט בנינים. האלט זיך פאר א יודע ספר און האט נישט פיינט כבוד. א שיינע בעל צדקה.

[tag]כתר מלכות[/tag], א שנה ראשונה אינגערמאן, געבוירן אין קרית טאהש און חתונה געהאט אויף וויליאמסבורג. שטיפט די צייט אין כולל און לויפט צום לייבערי קוקן זיינע אימעילס און שרייבן אויף קאווע. עסט נאכטמאל ביים טאטע און שווער, און האט שוין א דרייווינג פערמיט. הערט קול מבשר אן ערך פון דרייסיג מאל א טאג.

[tag]טאמבל סאס[/tag], א העפי גאו לאקי אינגערמאן, מאכט שיין פרנסה אבער האט נישט קיין שלום בית. וואוינט אין ווילי און טראגט אין טאש. שטייט נישט אויף פאר צענע און דאווענט חצות. פירט קיפקעס און רעדט ביים ליינען.


המשך יבוא אי"ה

[מאטי]

דאס איז בכלל נישט קיין ״אפטעמיסט׳׳ישע״ בליק...

[הוגה]

הא הא הא... You got my attention now...

צוויי הערות, (דאס איבעריגע בין איך מיט דיר). אין א גראסערי קען מען דען אריינכאפן תגובות דא און דארט אין מיטן טאג? צווייטענס, עס איז מיר שווער צו גלייבן אז אזא טייערע אינגערמאן ווי טאמבל זאל רעדן אין מיטן ליינען.

נ.ב. געשריבן דורך מיין דאלמעטשער.

[טאמבל סאס]

כ'מוז זאגן, כ'האב מיך געהארגעט פאר געלעכטער. כ'האב שוין לאנג נישט געלייענט אזא גוטן הודעה.

בד"וו, היינט רעד איך שוין ביי שמו"ע אויכעט.

[געפילטע פיש]

כ'מוז זאגן, כ'האב מיך געהארגעט פאר געלעכטער. כ'האב שוין לאנג נישט געלייענט אזא גוטן הודעה.

בד"וו, היינט רעד איך שוין ביי שמו"ע אויכעט.

שטילע צו הויכע?

[פיטומי מילי]

Hahaha!!!!

[יאיר]

וואס איז דאס, אפטעמיסט?! מ'האט דאך געשמועסט אז די פערזענליכע אינפארמאציע בלייבט צווישן אונז! נאך גוט וואס דו האסט נישט דערציילט וועגן מיינע שלום בית פראבלעמען ברבים.

[פישלע העררינג]

.

[יואב]

ס'איז שוין דא אן אשכול "ווי אזוי קוקט ער אויס" וואו מ'בהאנדלט פאנטאזיע זייער שטרענג דארט.

קודם וואלט איך יא מוחה געוועזן פארן שרייבן "דענטראפס" אויפן פינטל איד, ס'איז נישט שיין אזוי צו שרייבן אויף אנדערע ניקס.

כתר מלכות פארשטיי איך אינגאנצן נישט. קומט פון טאהש, וואוינט אין וויליאמסבורג, און עסט ביי זיין טאטע? ס'טייטש ער כאפט זיך טעגליך אריבער קיין קרית טאהש, אדער דער פאטער זיינע האט זיך אויך אריבערגעצויגן צום ירושלים דאמעריקע.

נב. איך ווארט נאך צו הערן איבער יואב עפעס.

[קאווע טרינקער]

ס'איז שוין דא אן אשכול "ווי אזוי קוקט ער אויס" וואו מ'בהאנדלט פאנטאזיע זייער שטרענג דארט.

פליז יואב, צייכען נישט צו צו וואס דו האסט מיר באשריבן דארט, ך' שעהם זיך.

[פיטומי מילי]

אפטאמיסט,
איך נעם די רשות הדיבור צי פאנטאזירן ווי אזוי די זעהסט אויס
ביסט געווען א ראלי פאלי באט די האסט דיך געבענד האסט קליינע קינקי פאות צווישן 27-30 יאר אלט יעדער ארום דיר איז פרייליך ביסט קיינמאל נישט געווען טרויריג מער ווי דריי מינוט א מנחה דאווינען נעמט ביי דיר א שעה ווייל די גאנצע שטאט קען דיך

[berlbalaguleh]

אפטעמיסט: מורא'דיג. נאר אויף עטליכע ניקס ביניך מחולק מיט דיר. למשל, דו אליינס. פאר מיר זעהסטו אויס צו זיין א מיטליעריגער בעלבת'ישער אידל, א שטיקל בעל בכי. (פי'. ער האט א שטיקל בייכל.) וועלכער אינטרעסירט זיך אין אלע מקוה נייעס. ער קען אנדערש נישט טרינקען די קאווע פאר'ן דאווענען איידער ער ווייסט אלע פרטי פרטים, וועלכע זמירות שרון האט געזונגען, און וואספארא געפילטע פיש זיין ווייב ע"ה האט געמאכט לכבוד שבת. גאליציאנער אדער אונגארישע.

[רויטע וואנצעס]

אפטעמיסט ריזיג ריזיג, אזוי צולאכן און איך קען מיך נאך אלס נישט בארואיגן. אזא פאנטאזיעשע קאפ wow!

[שמעקעדיג]

אומגלויבליך! צוגעטראפן 95% ריכטיג!!

[tag]שמעקעדיג[/tag], א פעשליכע אינגערמאן אין די נידריגע דרייסיגער יארן,
יאפ, ממש אזוי!
גייט אן אלטען אפגעריבענעם רעקל,
אויך אמת, חוץ אויף סימכעס טוה איך אן דעם שענערן
און זאקן מיט לעכער
נו אודאי אזוי, אן א לאך קען מען עס דאך נישט אנטון! (קרעדיט: יארמער רב)
ארבעט אין א גראסערי,
נישט ממש, אבער איך קויף איין דארט
האט א הארץ ווייך ווי פיטער און זאגט א גוט ווארט פאר יעדעם.
דאס איז נאר ברבים, פרעג נאר מיין ווייב צו מיין הארץ איז פוטער אדער פינאט באטער
קומט אהיים מיד און שוואך נאך א טאג שווערע ארבעט,
אה יעעעה! אבער דאס איז נישט אזוי ביי יעדן?
אבער איז אייביג גרייט צו העלפן א צווייטען.
הממ... נישט זיכער אז אייביג. אבער שקויעך פאר די קאמפלימענט!
שבת דאווענט ער אין ראדני.
אקעי, דאס גרעניצט זיך שוין מיט גילוי ממש!

[מורינו הרב]

אפטעמיסט, וואס איז מיט מיין נשמה?

[גאנצל]

מיין בליק איז אז דו ביסט ראנג ביי יעדעם אפילו שמעקעדיג שפיר איך אז ער שפילט נאר מיט מיט דיר

איך האלט אז הוגה למשל איז א סאטמארע יונגערמאן וואס איז אויפגעצויגן געווארן צו לאכן פון יעדעם און דאס מאכט אים אויפגעקלערט אויף געוויסע זאכן און צו גיין אין קריג מער אגרעסיוו מיט זאכן וואס ער האלט אז ס'דארף אנדערש באהאנדעלט ווערן

[אפטעמיסט]

איך גרייט מיר ארויפצושטעלן די צווייטע סעריע דייעגנאוסעס פון ניקס. איר קענט אריין שיקן טיפס און מיינונגען. אויב זענט איר מקפיד און ווילט נישט אויסגעפראקט ווערן ברבים- זייט מיר מודיע אין אישי.

[פישלע העררינג]

וויאזוי מיין אחוריים זעהט אויס, מיט די ידו על התחתונה, קענסטו נעמען פון מיין אוואטור. דאס איבעריגע איז נישט שווער זיך פארשצושטעלן.

[טיטאניק]

ני? ני? ווילאנג דארף מען ווארטען????.????????

[אפטעמיסט]

דער עולם ווערט געבעטן זיך צו זעצן אויף די פלעצער און זיין שטיל. קאווע שטיבל שטעלט זיך צום פארהער.
די בחינה האט זעקס שאלות און איז מאלטיפל טשויס.
דאס מאל האב מען באשריבן זעקס ניקס הע"י און דער עולם ברויך אנצייגן וועלכע ניק מ'מיינט מיט וועלכע פאל.
די היינטיגע ניקס זענען ווי פאלגענד:
[tag]ברסלבער[/tag] [tag]לעיקוואד[/tag] [tag]קאווע טרינקער[/tag] [tag]berlbalaguleh[/tag] ,[tag]יואב[/tag] [tag]היימישער ליטוואק[/tag]

ס'איז א רעלעטיוו גרינגע בחינה, און ס'איז בשום פנים נישט ערלויבט צו קוקן ביי א צווייטען אדער זיך דורך שמועסן אין אישי.
די בחינה האט זיך אנגעהויבן.

1) א בלאנדע אנטווערפענע אויבערחכם, חתונה געהאט אין מאנסי. נישט סאציאל אבער מלא תוכן. כעט מיט א כייש, ארבעט אין א ספרים סטאר און שרייבט פאר דער שטערן. מיינט אז דער לעבן איז א וויץ.

2) אין די הויכע פופציגער'ס, גייט א צוגעפאסטע פראק און האט פיינט חסידים, שלאפט פרקדן און גרייט נישט קיין נעגל וואסער. זייער נערוועז און אנגעצויגן.

3) אן עלטערע ליטווישע בחור, שטארק סענסעטיוו, מאדנע, און א וויקטים פון דער שידוכים קרייסיס. האט פיר עלטערע שוועסטער, אבער האלט ווייטער אז חסידים זענען פאריקט. קען אמאל פארגעסן צו שעיוון.

4) געוועהן א גוטע בחור, זיך אויפגעריסען נאכן חתונה און איז יעצט סטאק מיט זיין ווייב. איז אייביג גערעכט, געבט נישט קיין היטשעס און רעד נישט מיט יעדעם. ארבעט אין דזשי ענד דזשי און גייט בקרוב אויסטוען דעם פלאטשיק.


5) הויעך און דאר. שיין צוזאמגענומען, געקראזלטע פיאות און א רינדיגע בארד. ארבעט אין א ווערהאוז און זעהט אויס ווי א ספרדי. קלאפט אויף טירן- בעט צדקה- זאגט תזכו- שלעפט ארויס א קונטרס און ווערט נעלם. ראש השנה איז ער אין אויסלאנד.


6) גראב, שוויציג, האריג און נידריג. חתונה געהאט פיר יאר און האט אכט קינדער. זיין ווייב גייט א שפיצל און ער ארבעט אין קאר סערוויס. הערט נישט אויף לאכן.

[דער (פינטעל) איד]

נומבער 5 איז ברסלבער
3 איז ליטוואק
1 איז קאווע טרינקער

[דער (פינטעל) איד]

2 איז בערל
6 יואב
4לעעקוואד

יא?

[יאיר]

1 - קאווע טרינקער
2- היימישער ליטוואק (ס'ארא שקרים דו רעדסט צאם אויף אים!)
3 - לעיקוואוד
4 - בערל
5 - ברסלב'ער
6 - יואב