קאמענטארן אויף אונטערשריפטן

[איש עברי]

איזה עשיר השמח בחלקו. עטס זעהטס? ווען איך הייס ווען שמעקעדיג וואלט איך מיר שוין לאנג גע'הרג'עט. אבער דער שמעקעדיג גייט אן כאילו לא היה. מ'קען זיך לערנען.

דאס איז ריכטיג אפטימיזם!

[ברסלבער]

[tag]יאיר[/tag]'ס נייע חתימה:

[justify]הצדיקים הטהורים: אינם קובלים על הרשעה אלא מוסיפים צדק, אינם קובלים על הכפירה אלא מוסיפים אמונה, אינם קובלים על הבערות אלא מוסיפים חכמה.[/justify] [left]הרב אברהם יצחק הכהן קוק[/left]

א שטארקע נקודה. אויף פלעין אידיש זאגט מען עס, "חשכות קען מען נישט פארטרייבן מיט שטעקענעס נאר מיטן אנצינדן א ליכט".
אבער די קאלערינג איז עפעס נישט אזוי גוט אויסגעקומען, עס צומישט די אויג. פילייכט וואלט בעסער געווען ווען עס מער איינפאך געשריבן, איך גלייב אז מען וועט עס אזוי אויך באמערקן.

[יאיר]

[tag]יאיר[/tag]'ס נייע חתימה:

[justify]הצדיקים הטהורים: אינם קובלים על הרשעה אלא מוסיפים צדק, אינם קובלים על הכפירה אלא מוסיפים אמונה, אינם קובלים על הבערות אלא מוסיפים חכמה.[/justify] [left]הרב אברהם יצחק הכהן קוק[/left]

א שטארקע נקודה. אויף פלעין אידיש זאגט מען עס, "חשכות קען מען נישט פארטרייבן מיט שטעקענעס נאר מיטן אנצינדן א ליכט".
אבער די קאלערינג איז עפעס נישט אזוי גוט אויסגעקומען, עס צומישט די אויג. פילייכט וואלט בעסער געווען ווען עס מער איינפאך געשריבן, איך גלייב אז מען וועט עס אזוי אויך באמערקן.

א דאנק ברסלב'ער פאר'ן עס ארויפברענגען. אין מיין קאלארינג פון הרב קוק'ס הייליגע דיבורים ליגט באהאלטן טיפע סודות נשגבים, גלייך ווי אין יעדן אות ותג פון מיינע ווערטער. ווער עס קען צוטרעפן די כונה בין איך מבטיח א שטול אין גן עדן לעתיד לבא צווישן מיר און הרב קוק, וואו ער וועט זיך קענען צוהערן צו אלע אונזערע דערהויבענע שמועסן בסוד שיח שרפי קודש.

[דער (פינטעל) איד]

איך האב עס צוגעטראפן אבער וויל איך נישט זיצן מיט דיר און קוק דארט אין גן עדן אדער גיהינם

[הוגה]

איך האב עס צוגעטראפן אבער וויל איך נישט זיצן מיט דיר און קוק דארט אין גן עדן אדער גיהינם

איך גיב דיר מיין הייליג ווארט אז דו וועסט דארט נישט זיין.

[דער (פינטעל) איד]

דו געסט נישט גארנישט. א לייק פון יאיר איז וואס דו דארפסט

[יאיר]

פינטעלע, אויב דו מיינסט לשם שמים וועסטו דארט זיין. אבער איך קען דיר גאראנטירן אז דו וועסט סייווי נישט פארשטיין קיין איין ווארט וואס מיר רעדן. דער קל רחום וחנון וועט דיר זיכער נישט שטראפן מיט אזא שרעקליכע עונש אז דו זאלסט זיך נישט טרעפן דאס פלאץ אין גן עדן. נאר איך קלער, לויט די מעשה וואס בערל וועט באלד דערציילן, אז אויף יענע וועלט וועט מען דיר געבן א בייטש אין די האנט און דו וועסט שמייסן אויף אלע מזרחיסטן, ציוניסטן, קאווע-שטיבליסטן, כופריסטן, און פארשטייט זיך, אויף די לייקיסטן, די אלע וואס שרייבן כדי צו באקומען לייקס, און מיט דעם וועסטו באקומען דיין שכר מיט פראצענט.
לעומת זה וועסטו אליין באקומען לייקס, און נישט סתם, נאר עד אשר יצא מאפכם. פאר יעדן שמייס א לייק. איינס? טויזנט! זעק מיט לייקס וועסטו באקומען דארט אויף יעדן פערלווארט וואס גיסט זיך ארויס פון דיין מויל, און אין צוגאב וועלט אלע מלאכים ושרפים לאכן פון דיינע וויצן. הו, עס רינט מיר שפייעכץ פון מויל!

[דער (פינטעל) איד]

ענדליך עפעס פאזעטיוו

[ברסלבער]

א דאנק ברסלב'ער פאר'ן עס ארויפברענגען. אין מיין קאלארינג פון הרב קוק'ס הייליגע דיבורים ליגט באהאלטן טיפע סודות נשגבים, גלייך ווי אין יעדן אות ותג פון מיינע ווערטער. ווער עס קען צוטרעפן די כונה בין איך מבטיח א שטול אין גן עדן לעתיד לבא צווישן מיר און הרב קוק, וואו ער וועט זיך קענען צוהערן צו אלע אונזערע דערהויבענע שמועסן בסוד שיח שרפי קודש.

דאס האב איך אליין פארשטאנען אז עס ליגט גרויסע סודות אין דעם. אין מיט דעם אלעם מאכט עס נאך אלץ נערוועז. א פלא פון א מעשה...

[יאיר]

מוז על כרחך זיין אז דו ביסט נאך נישט אויף די מדריגה פון באנעמען די קאלירן פון מיינע חתימות אויף אן אופן וואס עס זאל דיר נישט בלויז נישט נערוועז מאכן, נאר עס זאל דיר אריינפירן אין א טראנץ וואס עין לא ראית אלקים זולתך. מיינע קאלירן זענען געמאכט פאר די געהויבענע אידן, א שטייגער ווי דו וואס האבן ארויס די סודות פון די קאלירןפולע רבי'שע בעקישעס און פון זייער סייז פון די בלומען, ווי אויך פון דעם צאל שפיצן אויף'ן שטריימל (און אודאי פון יא אדער נישט מגלה זיין די עטרה), פון האבן סנעפס אנשטאט קנעפלעך אויף די סטראקעס וכו' וכו' וכבוד אלקים הסתר דבר. (מ'זאל חלילה נישט אויסגעפינען וואס ליגט אונטער דעם ווייל ס'וועט זיין גרויסע בזיונות).

[שמעקעדיג]

נאר איך קלער, לויט די מעשה וואס בערל וועט באלד דערציילן

[יאיר]

נאר איך קלער, לויט די מעשה וואס בערל וועט באלד דערציילן

:

[מאטי]

יאיר, איך וויל וויסן.. די קאליר פון ״הצדיקים הטהורים״ איז יא דיפאלט?

[שמעקעדיג]

נאר איך קלער, לויט די מעשה וואס בערל וועט באלד דערציילן

:

נאריש, האסט יעצט געספויעלט די זאך און אונז שוין פארציילט די ענדע פון זיין מעשה!

[יאיר]

אזוי ווי איך זע אז דער עולם איז נישט משיג די עמקות אשר מים עמוקים ידלם איש תבונה, און די רחבות הרחבה מני ים פון מיינע טיפע קאלירן פון מיין אונטערשריפט, וועל איך באין ברירה מוזן זיין א מגלה טפח ומכסה טפחיים און אנטפלעקן א קליינער טייל פון די סודות וואס ליגן דארט, והוא רחום יכפר וכו'.
אלזא נייגט צו אן אויער. נענטער, כוויל נישט רעדן צו הויך, כדי אז די אומגעווינטשענע אויערן זאלן נישט הערן. אט אזוי. לאמיר אנהייבן צוביסלעך:

הצדיקים הטהורים אינם קובלים על הרשעה אלא מוסיפים צדק

אין די ערשטע ווערטער פון רבינו הרב קוק ז"ל, ליגט דערין דער תשוקה צו צדק און יושר. ווי מיר ווייסן אלע דארף מען פייטן פאר'ן יושר ביז'ן לעצטן טראפן בלוט, דאס איז עפעס וואס קומט אן נאך גרויס שוועריקייטן. דערפאר האב איך דאס באצייכנט מיט'ן רויטן קאליר, וואס סימבאליזירט א התלהבות און פייערליכקייט. מיר דארפן אלע זיין קנאים פאר צדק און יושר, נישט דורך זיין פארנומען מיט'ן זוכן רשעות, נאר דורך זיין אליין א סימבאל פון צדק און יושר!

אינם קובלים על הכפירה אלא מוסיפים אמונה

דערנאך קומט דער יסוד פון אמונה, דאס דארף מען אריינברענגען אין די הערצער פון דעם היינטיגן דור, וואס איז נעבעך פארפלייצט פון איין זייט מיט אן עקסטרעמע סקעפטיציזם וואס אזי בעצם א פאלשע אמונה אין זיך אליין, און פון די אנדערע זייט זענען דא די פאלשע מאמינים וועלכע האבן צוגע'גנב'עט דעם טיטל פון אמונה פשוטה כדי צו באהאלטן אונטער דעם זייערע דעות כוזבות. אויף דעם דארף מען אריינבלאזן א ריכטיגע אמונה, אן עניוות צו די העכערקייט וואס ליגט אין די בריאה. בלוי, ווי מיר ווייסן אלע, איז מרמז אויף אמונה, תכלת דומה לים, ים דומה לרקיע. אין דעם ליגט אויך א געוואלדיגע טיפקייט, וויבאלד דער קאליר בלוי איז א גאר באלאנסירטער און רואיגער קאליר, ווייל א מענטש וואס איז אן אמת'ער מאמין איז ביי זיך אין הארץ רואיג און באלאנסירט.

אינם קובלים על הבערות אלא מוסיפים חכמה

די דריטע חלק, דאס איז חכמה, אויף דעם דארף זיין געווידמעט אונזערע כוחות צו אריינברענגען חכמה אויף א פאזיטיווער אופן, ארויסהייבן די שיינקייט פון די מאיעסטעטישע גאונות וואס ליגט אין די בריאה און אין די מענטשן. אויף דעם איז מרומז דער קאליר געל, וואס איז דאך פשוט אז דאס איז מרמז אויף דעם אור הגנוז וואס איז באהאלטן אין די טיפע דברי חכמה וואס ליגט אין תורה, סייענס און פילאזאפיע, ווי עס שטייט אין גמרא, כי הוא חכמתכם ובינתכם לעיני העמים, זו חישוב התקופות והמזלות, און ווי עס איז ידוע בשם דעם חכם ישראל רבינו הרמב"ם.

הרב אברהם יצחק הכהן קוק

און פאר דעם גרויסן בעל המימרא הכהן הגדול מאחיו שהיה מבני בניו ותלמידיו של אהרן הכהן, וואס איז געווען א נאה דורש ונאה מקיים, ראויים הדברים למי שאומרם, האב מיר גאט ממש יעצט חוננן דעת געווען צו באשטימען פאר אים דעם קאליר פינק, וואס ווי באקאנט איז פינק דער קאליר וואס צייגט אויף ליבשאפט און ווייכקייט, אזוי ווי דער גדול בישראל וואס האט פארמאגט אן אהבת נפש צו די גאנצע בריאה און האט ליב געהאט זיינע גרעסטע שונאים.


באמת האב איך געוואלט מאכן די ווערטער אנהייב "הצדיקים הטהורים" ווייס, וויבאלד דער קאליר ווייס איז כולל אין זיך אלע קאלירן, כידוע מחכמי הקבלה והמדע, נאר אזוי ווי מען וואלט דאס נישט געהעריג אנגעזען האב איך באין ברירה מוותר געווען דערויף. ווען משיח וועט קומען און ס'וועט זיין דער תיקון השלם וועט דאס זיכער ווייס ווערן פון זיך אליין און מיט דעם אלעם וועט מען דאס קענען זען, וויבאלד די ווערטער שיינען שבעתיים כאור הבוקר, וראו כל בשר יחדיו כי פי ה' דיבר.

[הוגה]

[tag]מאטי[/tag] האט א ציפעדיגע אונטערשריפט וואס דארף פאראייביגט ווערן (איידער ער טוישט עס). קורץ און צום פונקט:

געזונט: דער לענגסטער וועג צום טויט.

און אז מען גייט שוין אין דער ריכטונג קומט צו דערמאנען די אונטערשריפט פון [tag]דענקער[/tag] וואס גייט אויפן זעלבע מהלך:

דאס לעבן איז ווי א קליין קינד'ס אינטערהויזן... קורץ און איינגעמאכט.

אפשר ווילן די אויבנ-דערמאנטע חברי השטיבל קומען מיטטיילן מיט אונז הסברים ע"פ דרוש וע"פ סוד, ווייל ע"פ פשטות איז עס גאנץ קלאר...


.

[דער (פינטעל) איד]

ס'איז סתם א גוטער כאפ. ווער וויל דען נישט אז דער וועג צום טויט זאל זיין ווי לענגער?




.

[מאטי]

ס'איז סתם א גוטער כאפ. ווער וויל דען נישט אז דער וועג צום טויט זאל זיין ווי לענגער?




.

פינטעל קרוין דאס איז פשט,דרוש, אדער סוד. נ. ב. איך האב דיר באמת ליב.

[מאראנצןזאפט]

ברוכים תהי', אי"ה ביי ענק אויף סימכעס, ערגעץ די וואך האב איך געפראוועט מיין בוירטדעי, יוניאר 22 כמדומה, ווען איך האב מיך איינגעשריבן דא אלס א מעמבער נישט מער געדאכט, טאקע פון מיין באליבטן זיץ ארט, די גרויסע הענדיקעפט סקיסע אין כולל, און די יארן לויפן! אפילו קאווע טרינקער פארשטייט שוין ס'צייט פאר א מעיקאווער, יעצט איז שוין בענגס אין סטייל, און א פינקע טאפ איז שוין אויך נישט אזוי גאנגבאר, קאלירן זענען אוועקגעפלויגן כשמא דקא גרים פלייאינג קאלערס, ווארום אין פאריז האט מען שוין געטוישט מיינונגען.

גם אני לכבוד מיין געבורטס טאג האב איך אגב געטוישט מיין אוואטער וואס איז דורך בשתיקה, און היינט האב איך געטוישט מיין חתימה, כאפט א בליק ביטע.

יא! דאס איז מיין לעקציע פונעם לאנגען קייליכיגן יאר. קריגערייען זענען זינלאז!
צוויבל קוגל און לאקשן קוגל וועלן אלעמאל בלייבן צוויי קוגלען, און בו בעת וואס מנשה פרעפערט א געצוויבלט וועל איך ענדערש גיין מיט א סטוטשינער גאליציאנער געפעפערטן קוגל.
ביי איינעם איז פוסטריט אגיטאציע, ולא גרע פון אלע אנדערע קריסטליכע הומאנטארישע הילפס ארגאניזאציעס למיניהם וואס דינען אלע געטריי דעם יוזלען, און ביי א צווייטן איז עס עבודת הקודש.
וכו' וכו', איינער גלייכט דעם משנה ברורה, און ביי א צווייטן איז ער א קינד וואס געהערט אין א וויגל, ואטו כי רוכלא אויסצורעכענען די אלע וועלט געפעכטן וואס מיר האבן דא מיטגעלעבט דורכאויס די לעצטע צוועלף חדשים.
הצד השוה שבהם, אז רובא דמינכרא סטיקט יעדער צו זיין פריערדיגן מיינונג, זעלטן וואס איינער זאל טוישן זיין דעה, כי אין דעות בני אדם משתוות וועט אלעמאל בלייבן דער פאקט.

אלזא איז דאס די ערשטע פאראגראף וואס איך לאז צוואה פאר מיינע קינדערלעך: קריגטס ענק נישט, שוינטס אייער צייט און מי, לערנט אייך אויס צו דולדן, עס מוז נישט יעדער מיטטאנצן קדוש אויף אלעם וואס איר האט נאר אמאל געקלערט, ברוך חכם הרזים זאגן אונז חז"ל, דאס איז די שיינקייט פון דער בריאה, אז יעדער האט זיין געדאנקען, וכשם שאין פרצופיהן שוות, אזויווי איינער איז בלאנד און דער צווייטער שווארץ, איינער האט בלויע אויגן און דער צווייטער ברוינע, וועט אלעמאל בלייבן דעם אומלייקבארער פאקט, אז אין דיעותיהן שוות.

ביז די הונדערט און צוואנציג אי"ה.

[שמעקעדיג]

פינקע קאלירן זענען אפשר מער נישט די מאדע; אבער לעצטנס איז געווארן אין סטייל דא אין שטיבל אז יעדער שמויגער לאזט צוואה. א אנשיקעניש!

נאכאמאזל דו פירסט אויס ביז די 120....

[טעפל]

העפי בירדעי מאראנצען, ביז 120 טויזענט תגובות!

[שמעקעדיג]

יאפ העפי בירטדעי. אין די איינע יאר האסטו אונז באלויכטן און באשאנקען מיט הונדערטער מאמרים. תגובות, און אפשאצונגען/ביאגראפיעס אויף פארשידענע פערזענליכקייטן, בטוב טעם ודעת, מיט דיין רייכן פעדער. באמת א געשמאק צו ליינען, ווי עס וועלן עדות זאגן די טויזענטער לייקס. מיר בעטן, עד הנה וכו' ואל תטשנו לנצח....

[שמעקעדיג]

אז מען רעדט שוין, איך האב שוין געשריבן א ענליכע צוואה קרוב צו 2 יאר צוריק, ושמעקעדיג עדיף ממאראנצן.......

viewtopic.php?p=6475#p6475