שרייבן ווען ס'קען אנקומען צו אומריכטיגן פלאץ?

[נח בער]

איך האב יעצט א נושא וואס איך וויל ארויסלייגן ברבים און עס דרוקט מיר שטארק דאס צו טאן. די רעדע איז פון א געפערליכע עוולה וואס איז באגאנגען געווארן דורך חסידישע אידן און איך האלט אז עס מוז ווערן מפורסם ווייל איך האב עס שוין געהערט פון א מקור נאמן וואס קומט עס נאכזאגן פונעם בא'עוול'טער גוי און אזא זאך טאר נישט האבן קיין מקום צווישן ציוויליזירטע מענטשן בכלל און ביי דעם עם ישראל וואס ברויכן זיין אן אור לגוים בפרט.

עס איז לכאורה א דבר ידוע אבער איך האב עס נאכנישט נאכגעפארשט געהעריג צו וויסן ווי ווייט דער אפעקט איז און אויב און וויפיל מענטשן עס ווייסן טאקע דערפון און אפשר אפי' איז עס שוין געווען דא ערגעץ אויסגעלופטערט ברבים צווישן די העפטיגע קאווע שטיבלעך.

מיין שאלה איז אבער בנוגע שרייבן זאכן און ענינים וואס קענען גאר גרינג ארויסרינען צו אומריכטיגע און אומנויטיגע מקומות, ווען דאס וועט נישט בעסער מאכן און טוישן דעם מהלך, און וועט ענדערש בלויז באשמוצן אזעלכע אידן ווי מיר און מיין משפחה און אלע וואס גייען אנגעטון מיט די חסידישער לבוש.

אזא איינער ווי "פעילד מעסייע" זוכט אזעלכע שמוץ אויף סיי וועלכער וועג ער קען נאר, אבער איז נישט דא צו פארבעסערן אונזער געמיינדע נאר וויל גיכער זיכער מאכן אז וואו אימער אן אינו יהודי עס געפונט זיך זאל וויסן אז מיר זענען ביליגע באטריגער, און באשווינדלער פונעם ערגסטן און מיאוס'טן סארט.

איז מיין שאלה אויב וועט דאס פירן אין דעם ריכטונג פון בלויז באשמוצן אחינו בני ישראל און וועט אבער נישט צוהעלפן פארבעסערן די און ענליכע עוולות צי איז עס יצא שכרו בהפסדו הגדול?

[גאלד]

ליתר שאת וואלט איך עס געשטעלט אין א עקזיסטערנד אשכול, אזוי עס צו פארשלייערן אביסל

[הוגה]

אויב ס'וועט נישט ארויסקומען לתועלת זאלסטו אודאי עס נישט שרייבן דא. אבער קענסט עס פארשפרייטן דורכ'ן עס פארציילן בפה פאר ווי מער מענטשן.

[נח בער]

אויב ס'וועט נישט ארויסקומען לתועלת זאלסטו אודאי עס נישט שרייבן דא. אבער קענסט עס פארשפרייטן דורכ'ן עס פארציילן בפה פאר ווי מער מענטשן.

דאס טו איך אוודאי שוין.

איך האלט פאר נויטיג אז דאס איז הימל שרייענדע עוולה און ברויך פארדאמט ווערן.

גאלד שרייבט אויך א געדאנק. וועל מיר זען קומענדיגע וואך.

פינטעלע איד איז זייער לייקיש געשטימט... לויט ווי כ'זע פון זיין חתימה, אבער איך האב דאס נישט אלס ציל אין מיין שרייבן דא בכלליות און דער נושא בפרטיות.

[דער (פינטעל) איד]

[דענקער]

די אבסעסיע פון מה יאמרו בריות איז אביסל איבערגעטריבן. די פאראנויע איז א דירעקטע גורם אז מיר זאלן נישט דיעלן מיט אונזערע איבלען, נאר זיי קערן אונטערן טעפיך.
די פראבלעם איז די עולה זעלבסט. נישט דאס רעדן דערפון. אויב דארף מען פראטעסטירן אויף אן אומרעכט און עס קומט ליידער ארויס א חילול הקאמיוניטי, איז דער גורם דער וואס איז באגאנגען די עולה. נישט דער וואס האט עס אויסגעשמועסט.

אויב עפעס, איז עס נאר א כבוד אז עס איז נאך דא חרדים וועם עס באדערט עוולות. מי דלא שתקי רבנן, שמע מינה דלא ניחא להו.

[שמעקעדיג]

דענקער, א"כ לא שבקת חיי להלכות לשה"ר, מען קען נישט באשולדיגן די וואס פלאפלען אויף יענעם כל דבר אסור, שולדיג איז דער וואס האט עס געטון.

[איך אויך]

לאשאן הארע נוא איז עס ווייל עס איז נישט פאר קיין שום תועלת אבער כדי אויפצוראמען שמוץ און איבלען זיכער מעג מען.