אדמו"ר מהר"א מסטוטשין

[איש עברי]

אזוי איבערגייענדיג די אשכולות פון אנשי שם האב איך געקלערט אז טאמער מנשה פילאפף און שענדישובע רבי פארדינען א אשכול דאן איז צייט צו שרייבן א אשכול אויך דעם קאלירפולע ליבליכע פערזענליכקייט פון האדמו"ר מסטוטשין רבי אליעזר יודקאווסקי שליט"א

א דערפרישענדע חידוש אין די ספעקטרום פון רבנים און רבי'לעך א אייגנארטיגע מענטש מיט א אייגנארטיגע מהלך, מן הסתם נענטער צו די מהלך פון בעל שם טוב ווי רוב פון זיינע קעלעגעס אין די רבי ביזנעס, א געוואלדיגע אוהב את הבריות ומקרבן לאביהן שבשמים, קודם לאמיר זעהן זיין יחוס און זיין פערזענליכקייט און דערנאך זיין דרך העבודה

ער איז א בן יחיד צו זיין מאמע וואס איז געווען די טאכטער פון די סטיטשינע רבי רבי יודעלע פון בארא פארק, זיין טאטע איז געווען א ליטווישע מאדערנע איד, און דעריבער איז סטוטשין געשטאנען א תקופה אהן א רבי ביז ער האט איבערגענומען די לייצעס [אינצווישן האט זיך עפעס א אנדערע איד געמאכט שבת פון די ירושה ואכמ"ל ועיין באשכול משפיעים של הגרמיץ תפוזים]

זיין ערשיינונט איז זייער נישט טיפיקעל ווי א רבי ער האט נישט קיין לענגלעכיגע נאז מיט א פאטריאכאלישע בארד, ער איז א פעשליכע רויטע יונגערמאן, מיט ראמלאזע ברילן, ער דרייט זיך מיט א סמארט פאון, דרייווט א קילע קאר, און פירט זיך כאיש בין אנשים. זיין הופעה חיצונית זעהט אויס זייער בעלבתיש, ווען מען זעהט אים די ערשטע מינוט וואלט מען אים ענדערש קאטאגאריזירט אלס טרעוול עידשענט ווי אלס א רבי אדער דאס גלייכן.

עס איז אמת אז ער איז זיין אויפפירונג בכלל נישט וואס מיר זענען געוואוינט ביי די געווענליכע רבי'ס און רעבעלעך, אבער פון די אנדער זייט שטורעמט ער מיט געפיהלן ער לאכט וויינט און קושט אגאנצן טאג, ער איז כסדר אין א רוח סערה פון אהבת ישראל און מחזיר זיין בתשובה נשמות תועות, ער פאהרט ארום אין די וועלט זוכן נשמות, און מיט זיין צוגענגליכע סטייל טוט ער אויף גדולות ונצורות, עס איז אינטרעסאנט צו זעהן ווי ער טרעפט א מגולח און ער געט אים א חיבוק דוב און א נאסע קוש און נעמט זיך וויינען ווי א בעיבי.

אסאך או טי דיס דרייען זיך ביי אים און שעפן ביי אים חיות, ער רעדט זייער שפראך און זינגט זייערע ניגונים, און די עיקר איז אז זיי שפירן ביי אים גרעניצלאזע אהבה unconditional love און ער אידענטיפיצירט זיך מיט זייערע שוועריגקייטן נישט נאר אין אידשקייט נאר אין זייערע חיי יום יום בעומק הקליפות והתאוות.

אבער עס איז א טעות צו אים אנקוקען ווי אזא סארט וואס קעיטערט נאר נידחים און פארלוירענע נשמות, אין פאקט האט ער איבערגענומען אסאך חסידים פון זיין זיידע, דארונטער חסידישע גאליציאנע אידן וואס האלטן פון אים גדולות, זיי קוקן אהן זיין אייגנארטיגע געפירעכץ אלס דירעקטע המשך צו די דרך פון ראפשיץ וואס ספלאקערט א פייער אין הארץ און בחיצוניות פירט מען א הנהגה וואס קען מעורר זיין קשיות. [אגב רבי אליעזרל האט מיר אויך געזאגט אין א שמועס אויף זיך אליין אז ער איז כולו ראפשיץ]

עס ליגט אויך א אמת אין דעם, ווער עס קען די שלשלת ראפשיץ-ראזוואדוב סטיטשין ווייסט אז דער דרך איז מלא אהבה געגועים ורגש און דאס פארקערפערט רבי אליעזר'ל אין זיך במלוא מובן המלה, ער איז כסדר צושטורעמט און כאפט אהבה אטאקעס, ער קומט צו א חתונה איז ער צורידערט ווי א וואנזיניגער ער טאנצט און וויינט און קושט מיט א רוח סערה אז מען קען נישט בלייבן גלייכגילטיג.

ער האט משלב געווען זייער קונצליך ראפשיץ מיט קארליבאך, ער איז א שטארקע קארליבאך אנהענגער [זיינע פרומע חסידים זאגן ווייטער אז סאיז נאר א סטראטעגיע צו כאפן פארלוירענע נשמות] ער מאכט יעדע סוכות א קומזיץ נוסח קארליבאך וואס ציט אסאך מענטשן פון די גאס.

זיינע תורות זענען אויך פול מיט רגש הגם ער פרובירט צו קריכן אין הימל און זאגן הויכע געדאנקען האט ער גאנץ ווייניג הצלחה, זיין פלאץ איז נישט דארט ער געהערט אין עולם הרגש והנגינה, אבער זיינע תורות זענען למעשה זייער שיין און אויך פול מיט רגש.

[נהורא נפישא]

א שאד ס'איז נישטא קיין קליפס אויף יוטוב פון דעם חשובן רעבין זז"ג , נאר די איינציגע האב איך געפינען,א טייל פון א ל"ג בעומר טיש פארזינגענדיג בר יוחאי מיט בכיות עצומות.
https://www.youtube.com/watch?v=be2Nonv ... ata_player
ס'כדאי צוצולייגן ביודעי ומכירי קאמינא ער וויינט באמת פון הרגש ס'איז נישט סתם א שפיל ער איז מוראדיג מוזיקאליש און א שטארקער בעל הרגש.

[מאטי]

זייער שיין איש עברי. מיר ווארטן א ביאגראפיע אויף רעביי יונתן שליט"א.

[איש עברי]

א געוואלדיגע מדה ביים רבי'ן איז זיין נושא בעול עם חבירו און זיין משתתף בצערן של ישראל, איך בין געווען דערביי ווען ער איז געקומען מנחם אבל זיין ביי א משפחה ווי סהאט פאסירט א טראגעדיע ער האט געגאסן עמערס טרערן בלי גוזמא, און ער האט בכלל נישט געהאט צופיל שייכות צו דעם באטרעפנדער מענטש אדער פאל.
אזוי אויך קען ער פארן מרחקים צו מחזק זיין א צובראכענע איד, אדער זיך משתתף זיין אין א שמחה פון א לב נשבר

[קאווע טרינקער]

כ'האב געהערט אויף דעם איד'ס טיש געפירעכטץ, בין איך טאקע געגאנגען און זיך איבערצייגט דברים כמסירתן. זיינע בכיות זענען להפליא, אפגעזעהן צו ער האלט ביי "והשנה משובחת" אדער "ושליו ודגים".
בימי החול, ווי געזאגט, איז ער א פשוטע בעל הבית, אן קיין טיטלען וכו', איך וואלט אפילו געזאגט אז ער האט א ניק דא אין שטיבל.
([tag]חיים נחום הלוי פריעד[/tag], אדער [tag]הוגה[/tag])

[נ נח]

ס'כדאי צוצולייגן ביודעי ומכירי קאמינא ער וויינט באמת פון הרגש ס'איז נישט סתם א שפיל ער איז מוראדיג מוזיקאליש און א שטארקער בעל הרגש.[/quote]

צו ווערן נתרגש יעדע איינציגע 7טע טאג באותו מקום ובאותו זמן באותו אופן ובאותו תנועות זעט מיר אויס זייער אומארגינעל אין אומנאטירליך
ספעציעל מיט די בכיות אן קיין טרערן.

[שאולי]

https://www.youtube.com/watch?v=UXmrMZhhJSo

[מאטי]

כ' בין געווען דארטן איין חוה"מ סוכות ער שפילט אויף אן אפגעריבענער Keyboard ארגאן א גאנצן צייט. ער לאזט נישט אויס קיין קאורד, אויב כאפט ער אויף אן ארומיגער זינגען א הארמאניע וואס געפעלט אים מאכט ער א וועזן דערפון דורך א בליק צו יענעמ'ס זייט. עטליכע נאנטע האבן מיר געזאגט אז אגאנץ יאר חוץ חוהמ"ס הערט מען בכלל נישט קיין קארליבאך פון אין, כ'ווייס נישט צו ס'איז אמת.

[הדד בן בדד]

https://www.youtube.com/watch?v=UXmrMZhhJSo

אה, דאס האב איך געזוכט און נישט געקענט טרעפן, איך האב עס אמאל געזעהן און עס איז מיר דוקא זייער געפאלן (חוץ אביסל דאס געוויין וואס איך קען נישט מחליט זיין, אבער עפעס באדערט עס מיך), איך זוך דאס שוין א שטיק צייט און איך קען נישט טרעפן. שקועיח ר' שאולי

[שאולי]

http://www.youtube.com/watch?v=S8fyiQs_6sY

[איש עברי]

ס'כדאי צוצולייגן ביודעי ומכירי קאמינא ער וויינט באמת פון הרגש ס'איז נישט סתם א שפיל ער איז מוראדיג מוזיקאליש און א שטארקער בעל הרגש.

צו ווערן נתרגש יעדע איינציגע 7טע טאג באותו מקום ובאותו זמן באותו אופן ובאותו תנועות זעט מיר אויס זייער אומארגינעל אין אומנאטירליך
ספעציעל מיט די בכיות אן קיין טרערן.

איך ווייס נישט וואס דו מיינסט אהנע טרערן איך האב אים שוין געזעהן גיסן הייסע זאלציגע טרערן לרוב, נעקסטע מאהל וועל איך עס אוועקלייגן פאר עווידענס

[שאולי]

http://www.youtube.com/watch?v=IcNk_4tmBYw#t=4

[דער (פינטעל) איד]

ווי געזאגט, איז ער א פשוטע בעל הבית, אן קיין טיטלען וכו', איך וואלט אפילו געזאגט אז ער האט א ניק דא אין שטיבל.
([tag]חיים נחום הלוי פריעד[/tag], אדער [tag]הוגה[/tag])

לויט וויאזוי איש עברי לייגט עם אראפ וואל איך געזאגט אז זיין ניק איז שפתיים ישק...
א דאנק אייך איש עברי פאר אזא שיינע אשכול איך האב קיינמאל נישט געהערט פון עם בעפאר.

[מאטי]

ער האט אבער זיכער געהערט פון דיר (אויב האט ער א ניק דא).

[איש עברי]

די רבי וויינט ביי א הכנסת ספר תורה, מי יבוא בסוד קדושים

[על המחיה]

און א טאנץ מיט א אייניקל

[על המחיה]

ביי א קומזיץ מיט'ן גיטאר

[על המחיה]

[איש עברי]

ברוך אתה .. על המחיה

[פוןדעסטוועגןדאך]

ווען איך זעה די אומגעצוימטע בכייות פונעם דעם רבי'ן, (דאס רוב ווידיא קליפסט געלינקט דא) לעומת די זייער געצוימטע און כמעט צינישע 'האנט געמאכעריי' פן שמחה, (איין גאר קורצע קליפ, ווי מען זעהט בכלל נישט קיין עקסטאז פון שמחה. עס איז בכלל נישט מדה כנגד מדה, און אוודאי נישט מדה טובה מרובה), ברענגט עס מיר ארויס די פאלגענדע שאלה.

פארוואס ווען מען זאגט אויף א וואוילער איד אז ער איז א בעל הרגש, מיינט עס אז ער וויינט שטארק? פארוואס נישט אז ער לאכט שטארק?

ערלויבט נאר אידישקייט איינס און נישט דער צווייטער?

פארוואס מיינט עס געווענליך אז ער איז זיך משתתף בצערן של ישראל? פארוואס נישט בשמחתן?

ווען דער אדער יענער שוישפילער-רבי האלט דרשות ווי שטארק ער טרויערט פאר צרות ישראל, אפי' בשעת זיין אייגענע שמחה, פארוואס פארגעסט פון אלע שמחות ישראל?

איז נישטא קיין שמחות? איז נישטא מיט וואס זיך צו פרייען? איז די וועלט סאך מער פול מיט צער ווי מיט שמחה?

מיינט דאס אז אויב וועל איך אנהייבן זיין ווייניגער עגאיסטיש, און איך וועל אנהויבען טראכטן און שפירן יענעם, שרייב איך מיר פאר א לעבן פון צער, א לעבן פון שפירן זייער אסאך ווייטאג פון די גאנצע וועלט און נישט קיין שמחה פון די וועלט?

[איש עברי]

[tag]פוןדעסטוועגןדאך[/tag] דו ברענגסט ארויס א גוטע נקודה אבער טאטאל נישט אויפ'ן ריכטיגן פלאץ און אויפן ריכטיגן מענטש.

דער סטיטשינע רב האט גענומען אלס זיין לעבנס-פראיעקט צו זיין א שותף מיט יעדע איד בעת צר לו, נישט ווי די רעבעלעך וואס אידישע צרות זענען זייער אינקאם, און נישט ווי די רבנים וואס קענען קוים ווארטן אויף א טראגעדיע זיי זאלן קענען אויסשפייען די דברי התעררות וואס ליגט זיי אויפ'ן מאגן.
דער רב נעמט זיך צום הארץ אידישע פראבלעמען און לייגט זיך אריין בלב ונפש, ער לייגט זיך אריין פיזיש און עמאציאנעל, און רוהט נישט איין, צו סזאל זיין א משפחה וואס א קינד גליטשט פון וועג אדער א נישט געזונט קינד ל"ע.
ער איז א ווארעם הארץ און זיין הארץ איז צובראכן פון צרות ישראל, הגם ער איז א איד מיט א שטארקע שמחת החיים, מען רעדט נישט דא פון א רב וואס וויינט שובבים תורה'ס און נוצט אידישע צרות פאר חומר לדרוש.

[טעפל]

אוח אוח אוח (ווער ס'איז אמאהל געוועהן דארט ווייסט וואס דאס מיינט)..כ'האב געהערט אז ער האט געהערט אסאך טעיפ'ס פונעם זייד'ן ז"ל וואס איז געוועהן א גוטע בעל תפילה און ער מאכט איהם ריזיג נאך מיט'ן גאנצען נוסח, א נחת אריינצוגיין דארט, גאלציע בתפארתה!!

[קאווע טרינקער]

אפשר גיימער אלע די וואך צום טיש?
איך האב נישט קיין פראבלעם מיט גילוי, איך בין דארט יעדע וואך, ער טוט דאך אין קירוב וד"ל, ודוק כי שקרתי.