סיינט די פעטיציע: מיר דארפן א פרייליכן פורים!

[ברסלבער]

[justify]דער יום טוב פורים דערנענטערט זיך שוין. אידן האבן שוין אנגעהויבן זיין פרייליך פון ר"ח אדר, ווי די גמרא זאגט משנכנס אדר מרבין בשמחה, די מער פרומערע האבן שוין אנגעהויבן פון ר"ח אדר א', יעצט ווען מען האלט שוין ממש אייניגע טעג פאר פורים, ערוועקן זיך שוין אפילו די שוואכערע און הייבן שוין אן צו זיין פרייליך.

עס איז באקאנט די קשיא פארוואס ביי "משנכנס אב" איז דא פונקליכע הלכות וואס און ווען מען טאר נישט טוהן חודש אב אז עס זאל נישט ברענגן צופיל שמחה, ווידער ביי "משנכנס אדר" שטייט נישט קיין הלכות מיט וואס מען דארף פארמערן שמחה?

זאגן די פריערדיגע אז ביי חודש אב האט מען מורא געהאט אז דער עולם וועט ווערן אנגעזעצט איבער די מאס, האט מען אוועק געשטעלט גבולים וואס מען דארף טוהן, וזהו - דאס איז עס, מער פון דעם דארף מען נישט טרויערן. אבער ביי חודש אדר ווען מען דארף זיין פרייליך, מאכט מען נישט קיין גבולים, יעדער דארף זעהן צו זיין פרייליך וויפיל ער קען, און יעדער ווייסט ביי זיך וואסערע זאכן עס מאכן אים פרייליך און אין דעם דארף ער מרבה זיין אין חודש אדר.

איינער ווערט פרייליך פון מוזיק, זאל ער הערן מוזיק. א צווייטער ווערט פרייליך פון עסן גוטע זאכן, זאל ער דאס טוהן. און אזוי ווייטער יעדער ווערט פרייליך פון עפעס אנדערש. איך כשלעצמי, פרוביר צו טוהן די זאכן וואס מאכן מיר פרייליך, און מיטן באשעפער'ס הילף ארבעט זיך עס אויס גאנץ פיין. איין זאך האב איך אבער וואס פלעגט מיר מאכן זייער פרייליך, און איך וואלט זייער געקענט באשטיין עס ווייטער צו האבן, אבער צו דעם דארף איך האבן די הילף פון די חברי השטיבל, צו סיינען דעם פעטיציע.

דער ענין איז איבער [tag]קופערניקוס[/tag]. פאר דער עלטערער דור דאהי, איז דער נאמען אליין גענוג ארויפצוברענגן א שמייכל אויפן פנים. און דער אינגערער דור אשר לא ידע את יוסף, איז כדאי צו כאפן א בליק אויף זיינע תגובות, איינס בעסער פונעם צווייטן. עס ליגט מיר נאך אין די ביינער ווען ער האט איינמאל תשובה געטוהן, ווי עס האט זיך דאן געגאסן שמאלץ. דאס איז נאר איין ביישפיל פון זיינע נאנט צו 1500 תגובות, כולם שוין לטובה. און איך גלייב אז אין די אזוי אויסגעווארטעטע "קאווע געלעכטער" וועט זיכער זיין אסאך סחורה פון אים.

למעשה איז ער לעצטנס פארשוואונדען געווארן פון האריזאנט, מען זעהט נישט און מען הערט נישט פון אים. זיין לעצטע תגובה איז געווען מיט אנדערטהאלבן חודש צוריק. און די לעצטע אשכול וואס ער האט געעפנט איז געווען - איר וועט נישט גלייבן - מיט גאנצע זיבן חדשים צוריק.

יעצט ווען מען האלט בעפאר פורים, בענקט זיך מיר צו הערן עפעס א גריס פון אים. ווי באקאנט טוען צדיקים שטענדיג תשובה על תשובה, ווייל אפשר איז די פריערידיגע תשובה נישט געווען בשלימות. דא זעהט מען עס ממש בחוש, וויפיל דער קופערניקוס טוט תשובה איין מאל און נאכאמאל, דארף ער אלץ פון פריש תשובה טוהן, און הלואי זאל עס שוין זיין דאס לעצטע מאל וואס מען דארף זיך בעטן אזוי ביי אים אז ער זאל צוריק קומען.

און מיט דעם גיי איך ארויס מיט א פעטיציע קאמפיין, ווער עס האט סיי וועלכע השפעה אויף דעם קופערניקוס אז ער זאל תשובה טוהן און זיך צוריק קערן צו אונז, ווערט געבעטן צו טוהן כל מה שביכולתו אים אהער צו שלעפן ביים אויער. ולמצוה גדולה יחשב.

און אין דעם זכות וועלן מיר אלע האבן א פרייליכן פורים און א לוסטיגן תמיד.[/justify]

[לעמיל]

איך שרייב אונטער מיט אלע מיינע ניקים

[[NAMELESS]]

איך שרייב אונטער נאר מיט מיין ראשעקאל ניק. מיין אנדערע ניק איז זייער פרום, און ער האלט אז קיפערניקעס איז צו אויפגעקלערט , און גוט אז ער איז מער נישט דא

[געפילטע פיש]

איך שרייב אונטער, מיט א תפילה צום באשעפער אז די מצות סיזען זאל זיין סלאו דאס יאר, כדי דער שיבער זאל נישט אזוי שטארק שוויצן, און אונזער קופערניקוס זאל זיך קענען אפרוהען בין וויש ל'וויש, און אהערקומען שרייבן אביסל איבער זיינע איבערלעבענישן.

[לעמיל]

עס קוקט אויס ווי [tag]יידל[/tag] האט מורא געהאט אז ער גייט זיין נעקסט אויף די פעטיציע איז ער שנעל געקומען צו לויפען, [tag]יידל[/tag] עפעס א גוטס לכבוד פורים דארפען אונז פון דיך

[דענקער]

מי יתן דער עוילם זאל אנהייבן צו עסן די מהור'דיגע מאשין מצות. נישט די האנט מצות וואס איז געווייקט מיט אידיש בלוט (דמים תרתי משמע). וועט קופערניקוס קענען צוריק קומען במלוא הודו והדרו.

[מאראנצןזאפט]

די פרטים שטומען נישט, ער האט געעפענט צוויי נאבל מאטריאל אשכולות הערשט לעצטנס איינס וועגן א נקדישך טאנץ, און צוויי וועגן די שם של ארבע.
הכלל, איך וויין אויך וואו איז קופערניקוס, קודם כל ווארט איך ער זאל צוריקקומען ווייל, עההם, נישט משנה.
קופער איז דער קינג אוו יומער, טייכן אידישע טרערן זענען שוין פארגאסן געווארן פון ליינען זיינע ארטיקלען, א בחינה פון אם קטן אתה, אז דו מאכסט דעם עולם קטנען אין די הויזן, דעמאלט ראש'י שבטי ישראל אתה, יו אר דע מען.
ווען נישט די האלעפצעס וואס שמעקן שוין אין די נאז לעכער וואלט איך פארגעשלאגן מ'זאל דערקלערן א הונגער סטרייק ביז ער קומט צוריק. שיק איך אים אן אישי, זאגט ער מיר ער איז ביזי. שכויעח, נאר פארנומענע מענטשן דארפן מיר, ליידיגגייער זאלן זיך טרעפן א צווייט פלאץ.
ובחדא מחתא בין איך מוחה נמרצות האסטו געהערט אזאנס אויפ'ן שר צבא ה' יואב וואס האט זיך אפגעגאפלט פון דא אזוי בשתיקה אן איבערלאזן א שאטן. פישעלע שוויצט פון צוזאמענעמען די פילע הומאראסיטישער ארטיקלען זיינע, וואס וועלן געוויס אויפנעמען א באדייטנדע צאל בלעטער אין קאווע געלעכטער.
מ'דארף באשטעלן צימערמאן מיט א טאוול: קופער און יואב, פפפפפפפפפפפפפפפפפפפפפפפפפפוווווווווווווווווווווווווווווווווווויייייייייייייייייייייייייייייייייייייייייי.

[שמעקעדיג]

אם קטן אתה.... א שיין ווארט! (אייגענס?)

[berlbalaguleh]

איך שרייב אונטער, מיט א תפילה צום באשעפער אז די מצות סיזען זאל זיין סלאו דאס יאר, כדי דער שיבער זאל נישט אזוי שטארק שוויצן, און אונזער קופערניקוס זאל זיך קענען אפרוהען בין וויש ל'וויש, און אהערקומען שרייבן אביסל איבער זיינע איבערלעבענישן.

כ'האב מורא אז ער (קופערניקוס, ע"ה) האלט אויכעט אזוי. מהאי טעמא איז ער שוין נישט דא. בינינו.
נ.ב.:ס'איז זעלבסט פארשטענדליך (מובן מאליו) אז דאס אויבנדערמאנטע איז נאר געזאגט געווארן אויף זיין ניק. אבער איהם אליינס (ר' יודל איצקאוויטש, שליט"א) ווינטשן מיר אריכת ימים ונשים, מיט א סאך נחת פון זיינע קינדער און אייניקלעך עמו"ש. און ער זאל זוכה זיין צוזאמען מיט זיין בני בית (אויב ר'איז נישט קיין בחור, אדער א גרוש, ח"ו.) מקבל פנים צו זיין משיח צדקינו (נישט דוקא דעים פון קראונהייטס) ומלכינו בראשינו, אמן.

[berlbalaguleh]

איך שרייב אונטער, מיט א תפילה צום באשעפער אז די מצות סיזען זאל זיין סלאו דאס יאר, כדי דער שיבער זאל נישט אזוי שטארק שוויצן, און אונזער קופערניקוס זאל זיך קענען אפרוהען בין וויש ל'וויש, און אהערקומען שרייבן אביסל איבער זיינע איבערלעבענישן.

כ'האב מורא אז ער (קופערניקוס, ע"ה) האלט אויכעט אזוי. מהאי טעמא איז ער שוין נישט דא. בינינו.
נ.ב.:ס'איז זעלבסט פארשטענדליך (מובן מאליו) אז דאס אויבנדערמאנטע איז נאר געזאגט געווארן אויף זיין ניק. אבער איהם אליינס (ר' יודל איצקאוויטש, שליט"א) ווינטשן מיר אריכת ימים ונשים, מיט א סאך נחת פון זיינע קינדער און אייניקלעך עמו"ש. און ער זאל זוכה זיין צוזאמען מיט זיין בני בית (אויב ר'איז נישט קיין בחור, אדער א גרוש, ח"ו.) מקבל פנים צו זיין משיח צדקינו (נישט דוקא דעים פון קראונהייטס) ומלכינו בראשינו, אמן.

די תגובה איז נישט די ריכטיגע אדרעסס. ס'איז אריין בשוגג. מיין תגובה איז געווען אויף די מימרא פון אונזער ראשעקאל, שליט"א. נאר ס'איז בטעות אריינגעפאלן אין די געפילטע פיש.

[sefish]

אויב וואלט איך געווען חזקי המלך וואלט איז געזאגט אז דא ליגט עפעס טיפערס. נעמליך ניקס שמועסן זיך אפ איינער מיט'ן צווייטן יעדע שטיקל צייט גייט א צווייטער פעלן און דער אנדערע גייט זיך צוריקבעטן צום פעלענדיגן ניק אז ער זאל צוריקומען און אזוי אין איין אטעם ארייכאפן 20 לייקס. וחוזר חלילה
איך בין דאך אבער נישט חזקי המלך מילא זאג איך עס נישט

[ברסלבער]

די פרטים שטומען נישט, ער האט געעפענט צוויי נאבל מאטריאל אשכולות הערשט לעצטנס איינס וועגן א נקדישך טאנץ, און צוויי וועגן די שם של ארבע.

איך האב שוין פאראויס געשריבן:

און די לעצטע אשכול וואס ער האט געעפנט איז געווען - איר וועט נישט גלייבן - מיט גאנצע זיבן חדשים צוריק.

וכך הוה.

וועגן [tag]יואב[/tag]. כ'האב אים גראדע אינזין געהאט ביים שרייבן. ער וואלט אראפלייגט דעם [tag]קופערניקוס[/tag] ווי עס דארף צו זיין, אז מען זאל טאקע שפירן וואס מען פארפעלט. און קופערניקוס זאל טאקע קומען צו לויפן אויף אלע פיר. אבער אז יואב איז אויך נישט אראונד האב איך זיך געמוזט באגענוגען מיט מיין ארימע פעדער.

[berlbalaguleh]

ברסלבער: דו האסט אלע מעלות דו ביסט, ב"ה א גוטע שרייבער און אן עניו אויך.

[רויטע וואנצעס]

כ'האב אלץ געוואוסט ער האט א הויעכע נשמה, קוקסט דא, יצא נשמתו מיט'ן ויואל משה און מיט'ן מופתי.

[בעל הבית]

אפשר וואלט מען געדארפט אויף הערן אזוי נאך צו לופן די אלע געשטארבענע ניקס זאלן זיי זיך גיין,נישט איז נישט, קופי, מ'מיינט ענק אויך

[רויטע וואנצעס]

דעת בעל הבית העפעח דעת תורה. לאל.

[ישמעאל הכהן]

דעת בעל הבית העפעח דעת תורה. לאל.

אבער [tag]דעת תורה[/tag] איז דאך אויך פארשווינדען געווארן, בלייבט מען דאך נאר מיטן בעל הבית...

[בעל הבית]

בקיצור עס איז א דור יותום

[סאשי פיש]

[center]מעןן האט שוין אינגאנצען פארגעסן אז עס איז בכלל געווען פורים און פסח איז שוין אויך אדורעך געלאפען און מען זעט שוין שבועות אויפן האריזאנט.[/center]
[center]שרייט זיך ארויס א וויי געשריי איפה [tag]קופערניקוס[/tag][/center]

[אשכולות אויפוועקער]

אויפגוועקט