שטייענדיג הארט נאך שבת זכור, איז כדאי צו ווידמען אן אשכול צו פאראייביגען די פילצאליגע "אכשר דרא'יגע" מערכות שלא לשם שמים, און די אומשולדיגע קרבנות וואס זענען געפאלן א קרבן צו זיי.
אלה לחיי עולם, ואלה לדראון עולם!
עטרת בלעם
מיט בערך 10 יאר צוריק, מיט'ן עפענונג פונעם לוקסוריעזן חתונה זאל "עטרת אברהם" אין שטאט וויליאמסבורג, זענען די גאסן ווייס געווארן מיט פאשקעווילן און כתבי פלסתר קעגן די זאל און איר אייגענטימער, היתכן ער בויעט אזא שיינע זאל אין אזא מיאוס'ע שטאט.
צעהן יאר שפעטער שטייט די זאל מיט'ן גאנצען פראכט על אפם וחמתם פון דער אלטע דור א. ג. "קנאים" וועלכע האבן געטאן כל מה שביכלתם מקפח צו זיין פרנסה פון א איד.
גל פז:
ס'ליגט מיר נאך אין די ביינער די שטורעמישע פראטעסטן און מאסן ראלי'ס, וועלכע זענען פארגעקומען פארענט פונעם ניי געבוירענעם מוזיק געשעפט "גל פז" אויף לי עוועניו.
די בעה"ב האבן אריינגעלייגט שווערע געלטער און געעפענט א שיין געשעפט'ל על דרך ישראל סבא, אבער די רשעי ישראל זענען מיט עקסטאז אריינגעשפרינגן אינעם מערכה, און מיט געניטשאפט געפירט אן אייער-און שפייאכטס קאמפיין, ביז דער "געמיינער אינג" איז געוועהן געצווינגן צו פארשפארן זיין מקור פרנסה. והעיר וויליאמסבורג נבוכה.
פרעס טראק:
ווער געדענקט נישט דעם "פרעס טראק" עפאכע?! שווערע הפגנות, א שטייגער ווי דאס וואס טוט זיך איצט אין אוקריינא, זענען דאן געוועהן נארמאל א יעדע נאכט. סיבה? א איד האט זיך געוואגט ארבעטן און מאכן פרנסה.
א קליין איידל "סאב אן וויעלס" איז פארוואנדעלט געווארן אין א גרויזאמער "פרעס טראק" און איז געווארן א ציל פאר פאשקעווילן און אייער, געווארפן דורך אומציוויליזירטע אידיש-רעדענדע טאליבאנער.
אזוי ווי אין דעם פריעדיגן פאל, האט דא אויך טעראר געזיגט, און דער אומשילדיגער "מאשקע" איז געבליבן אן קיין מקור הפרנסה.
111 לי עוועניו:
דאס מאל איז די קרבן געוועהן א פרוי. אן אשה כשרה האט געעפענט א באשיידענע געשעפט אויפן טרויעריג- בארימטן "לי עוועניו", אין וויליאמסטאן. דאס געשעפט'ל וואס האט געמאכט פעדעקעירס און מענעקעירס פאר ווייבער, איז וואנדאליזירט געווארן דורך אן אויפגעברויזטע מאסן וואס האט באקומען הרהורים נאר פונעם הערן דאס ציפער "111".
נאך בלויז עטליכע וואכן, האט דאס געשעפט פארשלאסן דער ריגל. ולקלאר היתה אורה.
***
דער עולם ווערט געבעטן צוצולייגן נאך מסרעכות, למען ידעו דור אחרון כי בסריחת הושבתי את בני ישראל.
היימישע-טעראר שאנד וואנט
דער אשכול פארמאגט 32 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
איינשרייבן