דארף מען טאקע לויפן צו פאליציי ווען איינער רירט אהן א בחור?

[איש עברי]

איך וויל זאגן אפאר ווערטער וואס וועט ווארשיינליך אויפרעגן אסאך פון די חכמי השטיבל, און איך זאג נישט קבלו דעתי, אדרבא לאמיר הערן וואס דער עולם האלט.
עס איז עפעס זייער אין סטייל אז ווי נאר מען הערט פון א מאלעסטער ווערט יעדער העפפי און ס'איז הותר דמו לגמרי, און גלייכצייטיג די בלוט פון די משפחה וכל הנלוים אליו, יעדער שטייגט איבער דעם צווייטן מיט היציגע רעטאריק איבער די עונשים חמורים וואס מען דארף אים צוטיילן, און ווער עס זאגט נאר א גוט ווארט אויף אים ווערט באטראכט ווי אלטמאדיש און איינער וואס געהערט צום פינסטערע פארגאנגענהייט ווען מען האט מאלעסטערט קינדער תחת כל עץ רענן ואין פוצה פה ומצפצף.
די זעלבע וואס אין אנדערע פעלער וועלן האבן א ליבעראלע חמלה'דיגע צוגאנג ווען א עוולה ווערט באגאנגען ווערן עפעס ביי אזאנע זאכן אינגאנצן צושפילט און ווי נאר עס איז דא א האלבע קלאנג אויף עמיצין [און ווער רעדט נאך א איש מכובד] טאנצט מען גלייך אויף כגבור שש לקרב און מען מאכט א כאראקטער מארד אויף דעם באטרעפנדער, און מען חתמ'ט אים אפ לאלתר למיתה חטופה.
די אנגענומענע תירוץ איז אז היות ביי אונז איז דא א מגיפה פון מאלעסטערס דארף מען אומגיין בחומר הדין און טיילן פעטש רעכטס און לינקס למען ישמעו ויראו, אבער איך האלט נישט אז דאס איז א תירוץ מען דארף דן זיין יעדע אינדעוועדועל לגופו מען קען נישט מקריב זיין קיין קרבנות ציבור ווען ס'שמעקט אונז.
איז קודם לאמיר זעהן איז טאקע דא ביי אונז א איבערפלוס פון מאלעסטערס? איך בין נישט זיכער דערין, עס קען זיין אז ביי אונז איז פשוט דא מער געלעגנהייטן צו טשעפען קינדער ממילא האבן די מאלעסטער'ס א פרייע האנט, די וואס שרייען אז מען דארף ארעסטירן יעדער וואס האט נאר געקוקט הייס אויף א בחור זאל אפשר מאכן א שטורעם אז מען זאל מאכן נארמאלע מקוואות ווי ס... הונגעריג עדאלטס זאלן נישט קענען זעהן בחורים בקישוי אבר [סארי פאר מיין שפראך]
מען דארף נעמען אין באטראכט אז די געזעץ וואס לייגט ארויף אזאנע הארבע שטראפן רעדט זיך פון א געמיינדע וואס טאמער איינער איז נישט צופרידן פון זיין ווייב קען ער נעמען א צווייטן, אז סשמעקט אים א זכר קען ער דאס אויך האבן, און עס איז נישט מעגליך אז א יונגער זאל עס ברצון טוהן מיט א ערוואקסענע מענטש,
און אזוי ווייטער, ביי אונז איז אמאהל דער מאלעסטערער א צובראכענע איד וואס גלייכט נישט זיין אשת נעורים און ער איז נעבעך הונגעריג אויף אביסל בשר תאווה, און טיילמאהל טוען די בחורים אויך זייער חלק און סשמעקט זיי די מעשה [נישט אז ס'איז א תירוץ אבער סגיט אביסל א אנדער בליק]
מען דארף אויך מחלק זיין ווען איינער טוט עס מיט א אומשולדיג אינגל, צו מען טוט עס מיט א בחור וואס איז בנוי לתלפיות, אזוי אויך צו עס האט אים איינמאהל געכאפט א חולשה אויף א געוויסע בחור אדער ער איז א סעריעל מאלעסטערער, און אזוי אויך צו ער רירט נאר צו אדער ער צווינגט אויף מעשים מגונים און אזוי ווייטער
די נקודה איז נישט אז מען זאל אנקוקן מאלעסטערס אלס לעגיטים חס ושלום, יעדער מאלעסטערער דארף מען אפירנעמען און טאמער עס העלפט נישט דארף מען גיין צו פאליציי אבער מען דארף נאך נישט פארדעם קוקן אויף יעדער וואס האט געהאט עפעס א מעשה מיט א בחור אין מקווה ווי א סכנה פאר די מענטשהייט וואס מען דארף הענגן אינמיטן שטאהט, מען דארף נעמען אין באטראכט אז מיר לעבן אין א שווערע סאסייעטי און אמאהל איז דער מאלעסטער אויך א שטיקל קרבן
זיכער אז מיר לעבן אין א לאנד ווי עס איז דא יושר'דיגע חוקים וואס מען דארף מכבד זיין און אז די געזעץ זאגט אז מען דארף באריכטן א מאלעסטערער איז זיכער אז מ'דארף אזוי טוהן, אבער ווי לאנג מיר פארשטייען אז לצורך פודסטעמפס וסקול פראגראמ'ס מעג מען פארקוקן אויף דינא דמלכותא, מעג מען אויך גוט איבערטראכטן פאר מען ארעסטירט א איד אויף א גאנץ לעבן און מען מאכט א כאראקטער מארד אויף אים און אויף זיין פאמיליע.
איך פארשטיי אז מיין שטעלונג איז העכסט אומפאפולער אבער זה דעתי לעת עתה, [עס קען זיך טוישן אין אפאהר מינוט ארום]
די עיקר נקודה איז אז אוודאי איינער וואס איז שוין געווארנט געווארן דארף מען גיין בחומר הדין, אבער איינער וואס איז דורכגעפאלן דארף מען באהאנדלען מיט איידלקייט און שיקן צו העלפ.
אונזער סאסייעטי האט אסאך פראבלעמען אבער דאס וואס מען האלט זיך אפ פון באריכטען פאר די פאליציי איז נישט איינע פון זיי, עס איז זייער נארמאל אז ווילאנג מיר האבן אזא צודרייטע לעבנס-שטייגער זאל אונזער פראבלעמען אויך באהאנדלט ווערן צווישן אונז...
יעצט רבותי נעמטס ענק האקן....

[מאראנצןזאפט]

אן אומצופרידענע מעריזש וכו איז ווייט נישט קיין תירוץ און פארגרינגערט נישט די עוולה אבער כבר מילתי אמורה אין א שכינות'דיגן אשכול אז נישט יעדע פאל איז די זעלבע און געוויס איז מען נישט מחויב מיתה פאר א צל של ספק אז איינער האט זיך עפעס געדאכט.

אבער דאס איז קלאר אז מאלעסטעישן איז א גרויסע פראבלעם ביי אונז אפגעזען וואס סאיז די לעזונג

[שרייבער]

איש עברי
וואס זאל איך טון אז איך קען נישט געבן מער ווי איין לייק, איך וואלט דיר געגעבן צען ווען איך קען
דו האסט גענומען מיינע מחשבות און עס אראפגעשריבן אויפן פאפיר, ס'באדערט מיר שוין א לענגערע צייט, דא האב איך א רחמנות ווען איך הער א אינגערמאן איז נכשל געווארן און ער איז באשמוצט אין אלע גאסן, פון די צווייטע זייט האקט מיר אין קאפ די געדאנק וואס וואלט איך געטון ווען ער טוט עס ח"ו מיט מיינס א קינד, און מען קען זיך נישט מצמצם זיין וואס איז באמת די ריכטיגע וועג
לענ"ד האסטו עס גאר גוט ארויסגעברענגט

[איש עברי]

זיכער אז גארנישט פארענטפערט נישט די עוולה, אבער די שאלה איז ווען מען מעג גיין צו פאליציי לאמיך מיך בעסער מסביר זיין מיט א"ב
א] זיכער אז איינער וואס איז ממש עוסק אין טשעפען יונגע קינדער און בחורים און מען האט פרובירט אים אפצושטעלן דארף מען ארעסטירן אדער מסרס זיין,
ב] מען דארף נעמען אין באטראכט אז ביי אונז ווי מען איז אזוי האקל אויף די נאמען וכדו, איז דאס ארעסטירן אויף אזא זאך בצירוף מיט די בזיונות כמעט ווי טויט שטראף, און אזוי אויך קומט צו ביי אונז א זאך פון בזיון המשפחה וואס איז אבסעלוט א שיקול וואס מען דארף יא נעמען אין באטראכט.

[איך אויך]

איש איש איש איך רייב מיך די אויגן צו דו האסט דאס געשריבן אדער האט איינער געהעקט דיין ניק??
דאכט זיך דאס איז די ערשטע זאך וואס איך ליין פון דיר וואס מאכט טאטעלי נישט קיין סענס (נעם עס אלס א קאמפלימענט).

[איש עברי]

מאכט טאטאלי נישט קיין סענס אין דיינע אויגן מיינסטו צו זאגן

[איך אויך]

ווילסט איך זאל רייבן דיינע אויגן?

[גורן האט''ד]

לכאורה דארף מען נישט לויפען, עס איז גענוג אז מען וואקט רוהיג, אדער מען קלינגט אויפ'ן טעלעפאן.

[איש עברי]

אזוי ווי מיר האבן א אייגענע לייפסטייל אויף טריט און אויף שריט, און אלעס איז ביי אונז אנדערש ממילא דארף מען דן זיין לויט אונזערע חוקים כמאמר החכם "here is jewland"
אוודאי ווי גוט וואלט געוועהן ווען מיר זאלן קענען זיין נארמאלע מענטשן און פטור ווערן פון אלע משוגעת'ן וואס פלאגן אונז נעבעך, אבער ווילאנג מיר זענען אזא צוריסענע צופליקטע וואנזיניגע סאסייעטי דארפ'ן מיר באהאנדלען אונזערע חולים אויף א דיסקרעטע וועג.
ווי פלעגט זאגן איחוד פעלד ז"ל "א משוגענער באלאנגט אין משוגעים הויז און א מאלעסטער אין תפיסה" און היות ביי אונז איז זייער מטושטש די גבול ווער עס הייסט משוגע, און אסאך משוגעים זענען נישט נאר נישט אין משוגעים הויז נאר זענען מנהיגי ישראל והוגי דעות, דעריבער אין אזא סאסייעטי קען מען דן זיין יעדע זאך לעצמו מען דארף קוקן אויף די גאנצע בילד... ויותר אין בכוחי להאריך

[סמבטיון]

טייער גוט ארויסגעברענגט, עס איז נישט אויסציהאלטען די ווייטאג וואס אזא יונגערמאן גייט דארעך ווייל ער איז אמאל דארעך געפאלען אין א שוואכע מעניט, ווען עס איז א ספוק צי ער האט מער הנאה געהאט פינעם פארטנער. דיין דעה איז זייער אנגענימען אין אמת, מען דארף גוט אדורעך טראכטן יעדע קעיס פאר מעלויפט צי די פאליציי, א יונגערמאן קען האלטן א פאר חדשים נאך זיין חתונה, אין ער איז נאך ווייט פין זיין געסעטעלט, אין דא האט ער ציגערירט ווי מען דארף נישט, קען עס איהם קאסטן דאס גאנץ לעבען אין אויף דורי דורות.. פין דע אנדערע זייט דארף מען גיין בכל חומר הדין, ווען סע קלאר אז דער יונגערמאן איז קראנק.

[איש עברי]

גוט געזאגט די ציהל דארף זיין צו העלפן די מאלעסטערס, ווייל ווי געזאגט זענען זיי טיילמאהל אונזערע קרבנות,
אבער מען דארף האלטן אפן די אפציע פון גיין צו פאליציי טאמער איינער וויל זיך נישט העלפן אדער אז טעראפי העלפט נישט, דאן דארף ער גיין אין תפיסה.
איך פארשטיי פשוט נישט די שמחה עצומה וואס כאפט אהן דעם עולם יעדע מאהל מ'ארעסטירט איינעם אויף אזאנע זאכן, דאס הארץ דארף אויסגיין בפרט אז מ'נעמט אין חשבון אז דא איז א קראנקע מענטש

[איך אויך]

חתונה אהער שוואכע מינוט אהין ,איך וויל אייך נאר איין זאך פרעגן וואלסט עם אהינגעגעבן דיין זין אדער טאכטער ער זאל אויסגעבן? אויב נישט פארוואס איז יענעם'ס קינד און בליט ביליגער ווי דיינס?

(חוץ אויב די אשכול איז פשוט נאך א מיטל פאר רבנים/אדמורי''ם בעשינג דאן האב איך גארנישט געזאגט)

[איש עברי]

ווען ער טוט עס מיט מיין זוהן וואלט איך געגאנגן צו אים אין געזאגט "טייערע יונגערמאן איר זענט קראנק און איר זענט א סכנה פאר די מענטשהייט, דעריבער אויב ווייזטו מיר נישט קיין פאפיר'ן אז דו גייסט אויף העלפ וועל איך ביז דרייסיג טעג גיין צו פאליציי"

[איך אויך]

סאו פאר דרייסיג טעג האט ער א פרי פעסס און דערנאך קען ער אנהייבן פון פריש אין א אנדערע ביהמ''ד/געגנט ,נאט א בעד דיעל.

[סמבטיון]

איך וואלט גוט אויסגעפרעגט מיין זוהן פינקלעך וואס איז געוועהן, ב"ה מיר האבן גאר א גוטע שפראך, אין איך וואלט געגאנגען הערן דעם אנדערן צד, אין נאך דעם וואלט איך באשלאסן צי איך דארף גיין צי די פאליס, אבער ווען איינער קומט מיר זאגען אז א יונגערמאן קוקט אויף דיין זוהן אין מקוה אין סע סאונד נישט גוט, לויף איך נישט גלייך צים פאליס אין איך פאנג אהן באשמיצען דעם יונגערמאן.

[סמבטיון]

ניין, קיינער האט נישט קיין פרי פעסס, איך זאג נאר אז מעדארף גוט נאכגיין וואס פינקליך סעפאר געגאנגען, ווי איש עברי האט שוין ארויסגעברענגט, איז נישט דער יונגערמאן אייביג דע שילדיגער.

[איש עברי]

און צו אונזערע טייערע או.טי.די. ברודער ווענד איך מיך מיט א רוף, די פראבלעם פון אונזער סאסייעטי איז נישט אז ס'זענען דא שלעכטע אינדעוועדועלן וואס טשעפענען קינדער, אונזער סאסייעטי איז פארפוילט מן היסוד.
די ענערגיע וואס ענק לייגן אריין צו כאפן עפעס א נעבעכדיגע מלמד וואס האט געזעצט א קינד אויף זיין שויס, לייגט ענדערש אריין אין א מעכטיגע קאמפעין אריינצוברענגען ביי אונז מער עדיוקעישן, מער נארמאלקייט לגבי בחירת בני זוג, מער נארמאלקייט און די שרעקוודיגע חומות וואס מיר נעמען ארום אונזערע קינדער, וועט איר זעהן ווי אויטאמאטיש ווערט געלעזט די פראבלעם פון טשיילד מאלעסטרי.

[מ גפני]

ווי פלעגט זאגן איחוד פעלד ז"ל "א משוגענער באלאנגט אין משוגעים הויז און א מאלעסטער אין תפיסה" און היות ביי אונז איז זייער מטושטש די גבול ווער עס הייסט משוגע, און אסאך משוגעים זענען נישט נאר נישט אין משוגעים הויז נאר זענען מנהיגי ישראל והוגי דעות, דעריבער אין אזא סאסייעטי קען מען דן זיין יעדע זאך לעצמו מען דארף קוקן אויף די גאנצע בילד... ויותר אין בכוחי להאריך

[איש עברי]

חתונה אהער שוואכע מינוט אהין ,איך וויל אייך נאר איין זאך פרעגן וואלסט עם אהינגעגעבן דיין זין אדער טאכטער ער זאל אויסגעבן? אויב נישט פארוואס איז יענעם'ס קינד און בליט ביליגער ווי דיינס?

און ווען דיין ברודער פאלט דורך מיט א בחור וואלסטו אויך געהייסן גיין גלייך צו פאליציי, ביטע שיס נישט קיין לויזע רעטאריק רעד לגופו של עניין אן אריינמישן געפיל.

[גורן האט''ד]

איש עברי, לשיטתך יש לומר, מיר זענען א צופידעלטע סאסייעטי, דארף מען זיך פירען אויך מיט מאלעסטערס אויף אן אופן וואס פאסט אין אזא סאסייעטי.
ממילא שלאג איך פאר, אז מען זאל מעניש זיין א מאלעסטער אויף די זעלבער וועג ווי מען פירט זיך ביי אונז מעניש זיין דער וואס דאווענט שבת אין א צווייטער שוהל: מען זאל עם צושטעכען די רעדער, צוברעכען די פענסטער, און שיקען בחורים אינמיטען די נאכט פארברענען זיין הויז.

[איך אויך]

יא בלי שום ספק ,מיין ברידער האט גארנישט מער רעכט צו זיין א רוצח ווי סיי ווער. ווי פלעגט זיין שמעקי'ס לאזונג ז''ל וועיק אפ ענד סמעלל די קאפי.

[הוגה]

[justify]איך פארשטיי אז דער אשכול איז געעפענט געווארן אין ליכט וואס איך האב אראפגעברענגט איבער דער קרית יואל׳ער יונגערמאן וואס איז ארעסטירט געווארן מיט די הילף פון די פאבליק סעיפטי. מען האט מיר אנגעפרעגט אין אישי איבער דער ספעציפישע נושא. איך האב שוין געשריבן אסאך אין ק״ש איבער דער נושא הנוגע ללבי, אלעס איז כתוב וחתום, גייטס און ליינטס. אבער בקיצור נמרץ וועל איך שרייבן נאכמאל.

יא, עס איז א פראבלעם אז עס קען זיך מאכן אז איינער זאל אומריכטיג באשולדיגט ווערן אדער צוגעטיילט ווערן א שטראף וואס איז נישט proportional צו די עבירה. (ווען?) יא, די אומשולדיגע משפחה ליידט יסורי הנפש וואס זענען אומבאשרייבליך. עס איז א שטארקע הארץ ווייטאג פאר אלעמען. אבער זיך איינרעדן אז ״דאס״ איז די פראבלעם מיט וואס מיר ספראווען זיך איז די ריכטיגע אפטייטש פון אריינשטעקן די קאפ אין זאמד. דאס איז א סעקאנדערי פראבלעם, אולי!!!

די עיקר פראבלעם איז אז מען האט נאך כמעט גארנישט געטון אין די געביט פון אפשטעלן מאלעסטערס, און צו באשוצן קרבנות. די קאמיוניטי רירט זיך ווי א טשערעפאכע אין דער נושא, און נאר עווערנעס וועט עפעס קענען אויפטון! די פראבלעמען וואס קומען ארויס דורך מאלעסטעישאן זענען ווייט-גרייכנד אפילו אינדערויסן פון די scope פון די וויקטים. ווער עס האט מיטגעהאלטן אמאל די תוצאות פון מאלעסטעישאן פון די נאנט רעדט אינגאנצן אנדערש ווי דער וואס ווייסט נאר מפי השמועה.

די סאלושענס זענען גאר גאר שכלדיג און זייער simple. אבער משום איזה סיבה שהיא טוט מען נישט. א יעדער קען זיך אליינס פארשטעלן די סיבות דערצו. עס וועט נעמען אזא דראסטישע שריט ווי איינזעצען אפאר מנהיגים וואס האבן פראטעקטעד מאלעסטערס (אזוי ווי עס איז געשעהן אין די קאטוילישע קירכע) אז די ריכטיגע שריט זאלן גענומען ווערן און די פראבלעמען זאלן זיך אפשטעלן.

א יעדער פריוואטע מענטש האט א רעכט און א חיוב צו ווייטאגן און קלאגן אויף די חורבן פון די איינגעזעצטע מענטש און זיין פאמיליע. די קאמיונעטי as a whole האט אבער נישט דער רעכט! ווילאנג מען נעמט נישט די נויטיגע גרינגע שריט האבן זיי נישט קיין רעכט צו האבן טענות. נאך דעם קען מען האבן א דיסקוסיע.

איש עברי, ווילאנג די עולם וויינט נישט ווען מען ווארפט ארויס קינדער פון מוסדות ווייל די מאמע שמירט זיך די פנים, ווילאנג א משפחה מעג פארשעמט ווערן און געפייניגט ווערן צוליב דעם וואס איינער אין די משפחה אפילאירט זיך מיט די אנדערע פארטיי, ווילאנג א יונגערמאן מזנה זיין אדער טאנצן אין קלאבס איז ערגער ווי מאלעסטן, זעהן אזעלכע ״רחמנות טרערן״ אויס ווי קראקעדיל טרערן. אב, און נאך איין זאך, ווייל ער האט נישט א הייסע ווייב דארף מען אים פארשטיין אז ער גייט מאלעסטען קינדער? סיריעסלי? אין וועלכע סאסייעטי איז דער טענה אקצעפטבאר? איך קען נישט גלייבן אז דיין קיבארד האט דיר געלאזט טייפן אזא איידיע.

טו א טובה און ליין אדורך וואס איך האב געשריבן אפאר וואכן צוריק, ענטפער דערויף און דערנאך וועט מען ווייטער רעדן.

נאך אמאל מוז דערמאנט ווערן לשבח אז די פאבליק סעיפטי האט אין דער פאל געטון די ריכטיגע שריט און רעפארטעד דעם יונגערמאן. עס זענען שוין דא מענטשן און אפילו רבנים וואס זעהן די נושא מיט לאגישע שכל. די בעלזער רבנים האבן געטון די ריכטיגע זאך ווען זיי האבן געלאזט דער דייטש יונגערמאן פון בארא פארק ווערן ארעסטירט, און נאך א פלי בארגן האט ער באקומען 9 חדשים טורמע און 10 יאר פראבעישאן פארן מאנס זיין א 13 יעריגע בחור, און פרובירן נאך צוויי מאל. איז דאס צו א שווערע עונש? איך גלייב אז די וויקטימס און זייערע משפחות האבן אסאך מער געליטן ווי דעם.




.[/justify]

[איש עברי]

דברי פי חכם חן, כ'האב שטארק הנאה פון דיינע נקודות, אבער נאך אלץ דארף יעדע זאך ווערן נידון לגופו, און די כעס דארף טאקע גיין אויף די אזויגערופענע פארזארגערס פון כלל ישראל וואס טוען גארנישט אין דעם עניין,
א חלק פון די נקודות וואס דו ברענגסט ארויס קען מען נוצן אויף פארקערט אויך ואין בכוחי להאריך כעת, די נקודה איז אז מען דארף זיך אומגיין מיט זיידענע הענטשיך, אבער נישט אז מען זאל פארנאכלעסיגן דעם פראבלעם.
מען קען נישט נעמען א יונגערמאן און מאכן פאר א קרבן ציבור