קארגשאפט צו לייקן?

[פעדער]

איך פארשטיי נישט . וואס איז די עקל?? ווען דא זאל מען כאטש יא באדאנקן יעדע שמויגער, ביסטו א בא בטענה, אבער דא געט מען דאך קוים אפ' פאר גוטע שרייבערס. אלזא מה כל הרעש?? און דו מיינסט אז די א.ג. זעלבסט דערקלערטע (פראקלאמירטע) שרייבער, באקומען אזויפיהל דאנקען וויבאלד מ'קען זיי? האביך פאר דיר נייעס! אז טאקע מיינסטנס פון די גאר בארימטע גוטע שרייבער, קען זיי כמעט קיינער.

און ווידער, וואס איז בכלל די רעדע דא? זיי זענען דאך למעשה טאקע גוטע שרייבער, און אויב יעדער באדאנקט זיי, איז דא א ריזן דערפאר. מסתמא צורייסן זיי דעם עולם פאר געלעכטער. אצינד אנשטאט שטיין אין די זייט און צופלאצט ווערן פאר קנאה, איז דא א בעסערע אויסוועג, "נעם דיך אויך שרייבן, יעדער זאל עס זיין ווער נאר, פארמאגט מיט עפעס וואס צוצוגעבן צום פארום, דער מיט ארטיקלען, דער מיט בילדער, דער מיט טעכניק, דער מיט סתם עצות, דער מיט טעקסט מעסיזשעס, דער מיט 4,5,6,7,8 ווערטער אשכול, און אזוי רבים כהנה. און יעדער מיט - יישר כח'ס וואס דאס איז די אלף בית פון צוזאמהאלטן און מוטיגן פארום מיטגלידער.
ס'האט נישט קיין זין צו שרייען "אן עקל" אויף מענטשן וואס טוען מהנה זיין א ציבור אידן אומזיסט. העכסטנס איז דא א אויסוואל צושווייגן און גארנישט זאגן, אנשטאט יענעם ארונטערצורייסן

[פעדער]

און די אנדערע האלב איז צען מאל מער ווי די היזיגע ביידע חלקים צוזאמען. קאפשטיק איינער!!
איז בא וראה וועסטו זען אז ווי מער פון די העלפט וואס רימט אויס, אלץ מער גאזעלין געט דאס פאר די דאזיגע וואס טוען אינעם אינדערן חלק.
נאך אלעם באשטייט א פארום, פון שרייבער און לייענער, יעצט די שרייבער שרייבן , און די לייענער באדאנקן זיך. איך רעד נישט פאר מיר! איך רעד פון פאקטן וואס איך זע ביי אנדערע!
און יא! נישט קען זיין דאס איז די סיבה... נאר דאס איז טאקע די סיבה פ"וו אייוועלט פארמאגט נישט קיין לייק קנעפל. וואס מיינסטו? זייט בריאת העולם זענען נאכנישט געווען אזעלכע חכמים וואס האבן געקענט אויפקומען מיט דעם?!

אייוועלט איז 95 פראצענט קאמפלימענטס און סתם פלאטשקערייען, כדי צו אנקומען צו א זאכליכע קאמענט וואס קען נוגע זיין דעם תוכן פונעם אשכול ברויך מען צומישן גאנצעטע בלעטער, און ס'איז נאטינג ראנג, זיי האבן עס אויסגעשטעלט אויף אזא וועג און זיי ברויכן זיך האלטן צו זייערע פרינציפן, אבער נישט יעדער מוז דאס ליב האבן, פאר אסאך שרייבער'ס איז א לייק איבער גענוג אויף ווייטערצוגיין, יעדער געשריבענער איבעריגער תגובה נעמט אוועק דאס געדולד פון די ליינער'ס.

א זאכליכער תגובה מיינט אדער אז ס'איז מוסיף אדער גורע עפעס צום עצם ענין, די איבעריגע איז ספעם.

אז דו האסט א פראבלעם מיטן מישן לאנג, איז לייען נאר דעם ערשטן ארטיקל. אדער זיי א מזכה את הרבים און זיי מחבר מפתחות פאר יעדע ענין, אזוי ווי עטליכע פיינע אינגעלייט האבן געמאכט אין אייוועלט. איך פארשטיי דיין פראבלעם פון דארפן לייענען יישר כח'ס און געדאנקעכצער וואס האבן גארניקס שייכות מיט דיר, און דעריבער הייסט עס "ספעם". אבער דאס איז כ"ע מודי, אז ווען ס'קומט צו אן אייגן ארטיקל וואס דויערט לאמיר זאגן א שעה צוויי אפצושרייבן איז גאנץ געשמאק צו באקומען א דאנק דערויף. נאר ווען ס'איז פאר יענעם, און דו דארפסט יעצט נאר לייענען די 'זאכליכע' הודעה'ס וואס זענען דיר נוגע, נאר דאן הייסן די אנדערע 'ספעם'.

[DotCom]

איך קענישט קאמענטירן אויף אנדערע, אבער איך האב שוין גענוג מאל געשריבן תגובות וואס האט מיר גענומען שעות, א לייק איז איבער גענוג, די געשריבענע פרויערישע געלעקעכצער איז אין מיינע אויגן אן עקל און ספעם.

[זר זהב]

איך פארשטיי נישט . וואס איז די עקל?? ווען דא זאל מען כאטש יא באדאנקן יעדע שמויגער, ביסטו א בא בטענה, אבער דא געט מען דאך קוים אפ' פאר גוטע שרייבערס. אלזא מה כל הרעש?? און דו מיינסט אז די א.ג. זעלבסט דערקלערטע (פראקלאמירטע) שרייבער, באקומען אזויפיהל דאנקען וויבאלד מ'קען זיי? האביך פאר דיר נייעס! אז טאקע מיינסטנס פון די גאר בארימטע גוטע שרייבער, קען זיי כמעט קיינער.

און ווידער, וואס איז בכלל די רעדע דא? זיי זענען דאך למעשה טאקע גוטע שרייבער, און אויב יעדער באדאנקט זיי, איז דא א ריזן דערפאר. מסתמא צורייסן זיי דעם עולם פאר געלעכטער. אצינד אנשטאט שטיין אין די זייט און צופלאצט ווערן פאר קנאה, איז דא א בעסערע אויסוועג, "נעם דיך אויך שרייבן, יעדער זאל עס זיין ווער נאר, פארמאגט מיט עפעס וואס צוצוגעבן צום פארום, דער מיט ארטיקלען, דער מיט בילדער, דער מיט טעכניק, דער מיט סתם עצות, דער מיט טעקסט מעסיזשעס, דער מיט 4,5,6,7,8 ווערטער אשכול, און אזוי רבים כהנה. און יעדער מיט - יישר כח'ס וואס דאס איז די אלף בית פון צוזאמהאלטן און מוטיגן פארום מיטגלידער.
ס'האט נישט קיין זין צו שרייען "אן עקל" אויף מענטשן וואס טוען מהנה זיין א ציבור אידן אומזיסט. העכסטנס איז דא א אויסוואל צושווייגן און גארנישט זאגן, אנשטאט יענעם ארונטערצורייסן

האסט נישט קלאר ארויס וואס מיר באדערט. ס'גוט אזוי.

[דולה ומשקה]

בבחינת "אויף דעם גנב ברענט דאס היטל", האב איך א פילינג אז אויך מיך מיינט מען ציווישען די כלל פון די וואס קארגן אויף די לייקס.
כ'וועל זיך נעמען דערצו כפע מסת הפנאי, אבער בהקדם אנטשולדיקונג פאר די אלע וואס האבן געשריבען ביז היינט אין איך האב זיי נישט געלייקט.
אבער מיין שאלה איז צו אסאך ניקס פארוואס קארגן ענק אזוי מיט תגובות אונעם "תורה ודעת" אפטיילונג?

[געפילטע פיש]

בבחינת "אויף דעם גנב ברענט דאס היטל", האב איך א פילינג אז אויך מיך מיינט מען ציווישען די כלל פון די וואס קארגן אויף די לייקס.
כ'וועל זיך נעמען דערצו כפע מסת הפנאי, אבער בהקדם אנטשולדיקונג פאר די אלע וואס האבן געשריבען ביז היינט אין איך האב זיי נישט געלייקט.
אבער מיין שאלה איז צו אסאך ניקס פארוואס קארגן ענק אזוי מיט תגובות אונעם "תורה ודעת" אפטיילונג?

מ'זעמער א באנדע אמעראצערס...

[דולה ומשקה]

בבחינת "אויף דעם גנב ברענט דאס היטל", האב איך א פילינג אז אויך מיך מיינט מען ציווישען די כלל פון די וואס קארגן אויף די לייקס.
כ'וועל זיך נעמען דערצו כפע מסת הפנאי, אבער בהקדם אנטשולדיקונג פאר די אלע וואס האבן געשריבען ביז היינט אין איך האב זיי נישט געלייקט.
אבער מיין שאלה איז צו אסאך ניקס פארוואס קארגן ענק אזוי מיט תגובות אונעם "תורה ודעת" אפטיילונג?

מ'זעמער א באנדע אמעראצערס...

אמעראצים אדער אמעראציס?

אמעראצים פון ניקס אדער אמעראציס פון תגובות?

[געפילטע פיש]

בבחינת "אויף דעם גנב ברענט דאס היטל", האב איך א פילינג אז אויך מיך מיינט מען ציווישען די כלל פון די וואס קארגן אויף די לייקס.
כ'וועל זיך נעמען דערצו כפע מסת הפנאי, אבער בהקדם אנטשולדיקונג פאר די אלע וואס האבן געשריבען ביז היינט אין איך האב זיי נישט געלייקט.
אבער מיין שאלה איז צו אסאך ניקס פארוואס קארגן ענק אזוי מיט תגובות אונעם "תורה ודעת" אפטיילונג?

מ'זעמער א באנדע אמעראצערס...

אמעראצים אדער אמעראציס?

אמעראצים פון ניקס אדער אמעראציס פון תגובות?

א קאמבינאציע פון עמי-הארצים און ראצערס.

[גלות יוד]

איך ווייס נישט פונקטליך וואס איז געווען די מטרה פון קאווע שטיבל צי אז מען זאל קענען שרייבן מער זאכן אן דארפן מורא האבן פון ווערן צענזורירט אדער, ס'זאל זיין א מארקעט פלעיס פון מענטשן, פון מיין בליק איז עס די צווייטע א ראיה דערצו איז די לייקס אויב ביסטו גיט מדייק וועסטו זען ווי מער די לייקסט אזויפיל לייקס וועסטו באקומען ס'האט נישט צוטין וואס די שרייבסט

[משולם שטיינפעלד]

גיבט א קוק דא און אפשר איז מיר איינער מסביר די סיבה פארוואס די צוויי תגובות פארלאנגען א לייק?

איז דען א ציל להרבות לייקס בקאווע שטיבל?

[געפילטע פיש]

גיבט א קוק דא און אפשר איז מיר איינער מסביר די סיבה פארוואס די צוויי תגובות פארלאנגען א לייק?

איז דען א ציל להרבות לייקס בקאווע שטיבל?

יענע לייקס מיינען אזא שאקל מיטן קאפ, גם אני מצטרף צו וואס דער קעלייקטער זאגט.

[ידען]

גיבט א קוק דא און אפשר איז מיר איינער מסביר די סיבה פארוואס די צוויי תגובות פארלאנגען א לייק?

איז דען א ציל להרבות לייקס בקאווע שטיבל?

האסט געלייענט די ערשטע תגובה אין די אשכול?

לייען די לעצטע פעריגרעף.

קען זיין טאקע אז מע זאל בעטן צו מאכן א agree קנעפעל אז מע זאל קענען שנעל מסכים זיין צו וואס איינער שרייבט, כאטשיג איך מיין אז די לייק איז גוט פאר דעם אויך.

[ידען]

בבחינת "אויף דעם גנב ברענט דאס היטל", האב איך א פילינג אז אויך מיך מיינט מען ציווישען די כלל פון די וואס קארגן אויף די לייקס.
כ'וועל זיך נעמען דערצו כפע מסת הפנאי, אבער בהקדם אנטשולדיקונג פאר די אלע וואס האבן געשריבען ביז היינט אין איך האב זיי נישט געלייקט.
אבער מיין שאלה איז צו אסאך ניקס פארוואס קארגן ענק אזוי מיט תגובות אונעם "תורה ודעת" אפטיילונג?

אז דער היטל ברענט שוין, וועלעך צולייגען אביסל קוילען דערצו און דיר דערציילען אז ווען כאב געזען ווי דו האסט געגעבן נאר איין לייק און האסט שוין אזויפיל באקומענע לייקס האסטו מיך initiated צו מאכן די אשכול

איך האלט אז דו ביסט ווערט אסאך אסאך מער לייקס מיט דיינע העליכע זאכן וואס דו שרייבסט דא, און מיט אזא דורשט וואס כאב אין אזא הייסע טאג, לייען איך דיינע זאכן און איך גלייבב אז יעדער וועט מיטשטימען מיט דיינע ביירייכערונגין צום קאווע שטיבל.

און וועגן שרייבן אין די תורה ודעת אפטיילונג. וואס קען איך דען זאגן אויזער ווערן טאמעטע רויט פון בושה פון די אמעראצעס וואס איך בין אנגעפילט מיט?

[שרגא]

קודם ידען, אויב האב איך פארפאסט עפעס א תגובה וואס דו האלטסט עס קומט א לייק, פליז ווייז מיר זיי אן און איך וועל תיכף אהינגיין צולייגן. עס איז דאך פון די סארט טעותים וואס קען פארראכטן ווערן.

אבער איך מיין איידער'ן פרעגן פארוואס קארגן לייקס, דארף מען אפשר קודם פרעגן וואס פינקטליך זענען די לייקס? וואס זענען אירע הלכות?

דארף מען טאקע אויף יעדע תגובה וואס מען האט די מינדעסטע הנאה דערפון געבן א לייק? דאס הייסט אפשר אז מען דארף אויף כמעט יעדע זאך וואס מען לייענט געבן א לייק, אויסער אויב "מען האט עס נישט ליב".
דאס קען דאך נישט זיין. פשוט ווייל דאס וועט מיינען אז יעדע מאל מען שרייבט עפעס און קיינער לייקט נישט, איז א סימן אז מען האט נישט גערעדט צום זאך בכלל און וועט אויטאמאטיש זיין א "דיסלייק".

ווייטער אויב מען זאל געבן יעדעס מאל ווען עס איז דא סיי וועלכע פאזיטיווע שטריך, איז אויך אין לדבר סוף ווייל קודם זענען דא וואס דארפן עס באקומען ביי כמעט יעדע תגובה. איינער שרייבט מיט טעם, איינער האט א חידוש, איינער שרייבט מיט קלארע לאגיק, איינער שרייבט שיין הומאריסטיש און די ליסטע ענדיגט זיך נישט. דא זענען דאך פאראן אסאך בעלי כשרון, זה בכה וזה בכה. און אויב באקומט מען אויף יעדע צווייטע תגובה א לייק וועט דאך די ענין פון לייקס ווערן אויס "ספעציעלע קאמפלימענט", עס וועט אויפהערן דינען דעם ציל. עס טאר נישט פארלירן די ווערד.
שטעל דיך פאר דער עולם הייבט זיך מארגן אן לאזן ווואוילגיין און געט ברייטהארציגע לייקס רעכטס און לינקס, יעדעס מאל איינער שרייבט אן אינטערעסאנטע ווארט אדער א זאץ וואס ענדיגט זיך מיט דריי פינטלעך, פליסן אריין לייקס פון יעדן. מען וואלט עס מער נישט אפרישיעיטעד.

ווייטער וועט איינער יענעם געבן סתם א לייק ווייל מען שפירט יענער דארף חיזוק, אפשר איינעם וואס איז א מתחיל, אפשר איינעם וואס געווענליך שרייבט ער א ווארט-צוויי און יעצט האט ער געשריבן א גאנצן פאראגראף, אפשר ווייל איך האב געלייקט איין תגובה פאר אים און איינס נאך אים וואס קען אפשר מאכן דעם מיטלסטן פילן אז מען האט אים "אויסגעלאזט", אפשר איינעם וואס שרייבט קיינמאל נישט עפעס מוראדיג און אפשר קען אים באדערן צו בלייבן א לייק-לאזער ניק, אדער אפשר אויך אייביג ווען איינער איז א "קליינער פארדינער" דארף מען אים שענקען עטליכע, און אפשר ווייל יענער האט מיך געלייקט יעצט דארף איך ביי זיין קומענדיגע תגובה אים צוריקלייקן, כ'מיין מענטשליכקייט. אפשר בכלל געבן פאר איינעם וואס לייקט אפט, אויב נישט איז מען פשוט א כפוי טובה. קומט עס טאקע אזוי?
די זעלבע איז מיט "נישט לייקן". אויב געט מען נישט קיין לייק פאר איינעם וואס האט אמאל געשריבן עפעס וואס דיר שמעקט נישט, אדער פון אן אנדערע חסידות אדער ווייל יענער איז א קארגער און לייקט נישט צופיל, איז דאך אבער אויס דער גאנצער ציל פון די לייקס. ווייל יענעמס קארגשאפט אדער אפילו שלעכטיגקייט נישט צו לייקן האט מיט זיין עצם שרייבן קיין שייכות, חוץ אויב לייקס דארף טאקע אויך זיין א מעסטער אויף יענעמ'ס פערזענליכע כאראקטער, נישט דוקא עצם שרייבעריי. אבער ווייטער קענסטו נישט הייסן איינעם לייקן א צווייטן, אפילו ער האט געשריבן שיין אדער א גוטע פונקט, אויב איך שטים נישט איין מיט זיין מיינונג אדער כ'וואלט ענדערש געוואלט עס זאל נישט געשריבן ווערן. בקיצור איט איז נאט דעט סימפל.

אלזא, ווען יא? דארף מען דאס אויסשמועסן. נאר די גדר אין א ווארט וואלט איך געקלערט איז: ווען עס איז מער ווי סתם א גוטע תגובה. אבער איך זע די נאטור וואס האט א נאטור זיך אויסצושיילן און זיך אויסצוקלארן מיט די צייט, גילט דא אויך. און עס איז נישט געפערליך.

[DotCom]

איך טראכט פון עפענען א לייק גמ"ח, גענדיגט מיט די דיסקרימינאציעס!

[ידען]

שרגא

זייער גוט ארויסגעברענגט אלע צדדים :

איך בין טאקע זייער ברייט מיט לייקן אנדערע און וועל לייקן פאר אפי׳ א קליינע הנאה אדער גוט ווארט אבער איך קוק בכללל נישט אויב יענער האט מיר געלייקט אדער נישט. איך שרייב ווען איך קען און א לייק איז ביי מיר נישט אנשטאטס א תגובה.

איך האב מער געמיינט ארויסצוברענגען אז סע דא דא וואס זיי נוצן ממש נישט די לייק קנעפעל כאילו סע עפעס א מיליאן דאללער וואס זיי געבן אוועק פארן צווייטען.

[יונגערמאנטשיק]

שרגא זאגט פיין! איך בין נאך היבש ניי דא, אבער איך זעה מיך נישט גיבן קיין לייקס פארן עולם סתם אזוי, נאר פאר אזא תגובה ווי שרגא'ס יעצטיגע תגובה, ס'איז צום זאך, ס'שטומט מיט מיין מיינונג, און ס'איז גוט געשריבן. און אויך נאר ווען איך שרייב נישט צו גארנישט! אין אנדערע ווערטער, ס'דארף זיין אז איך זאל שטארק גלייכן די תגובה, און איך זאל נישט קענען שרייבן א תגובה אז איך "לייק" די תגובה, דעמאלטס וועל איך מיך אי"ה באנוצן מיטן לייק קנעפל. לכתחילה וועל איך ענדערש שרייבן א לייק אין פארום פון א תגובה.

[ידען]

לאמיך זען אויב איך קען מאכן מיין קעיס פארוואס איך האב יא ליב דעם לייק קנעפל אן האקן אויף אנדערע.
איך קען נאר רעדן פאר מיר, איך האלט מיך קיינמאל נישט צוריק פון שרייבן א תגובה צו אן ארטיקל אויב איך האב עפעס זאכליך צו זאגן. איך פרוביר צו געבן א לייק פאר כמעט יעדער הודעה מיט חומר פון וועלכער איך האב הנאה, און אז איך האב עפעס צוצולייגן לייג איך צו.
דער מספר פון לייקס ווייזט וואספארא קאליבער שרייבער א מעמבער איז. אז איר גיט א קוק אויף אזא ניק ווי ״פעדער״ און איר זעט אז מיט זיינע קוים 20 הודעות פארמאגט ער שוין 29 לייקס ווייזט עס אז מ׳רעדט דא פון א געלונגענעם שרייבער וואס שרייבט נישט אבי וואס, נאר שטרענגט זיך אן צוצוגעבן צום פארום. אז איר זעט א ניק וואס פארמאגט 500 הודעות קענט איר אין איין רגע וויסן וויאזוי ער האט זיך ערווארבן אזויפיל - געב א קוק וויפיל לייקס ער האט. אז ער האט נאר 15-20 לייקס ווייסט איר גלייך אז ער קנאקט שטיקער אין ״פינף ווערטער״ אשכול...

איך וועל זיך נישט באליידיגעןאז איך האב שוין געשריבן 838 תגובות און האב נאר 133 לייקס. מיר שטערט עס בכלל נישט. איך שרייב נישט פאר לייקס און וויין נישט נאכן זעהן ווי מע מאכט זיך נישט וויסענדיג מיט א לייק, אבער אביסל באדערט יא ווען מע מאכט זיך נישט וויסענדיג ווען איך פרעג עפעס און בלייב ווארטן אויף א ענפער.

Btw מע דארף אויך געדענקען אז די לייק קנעפעל איז געקומען שפעטער און אסאך האבן גישריבן נאך פאר דעם און האבן נישט באקומען די פארדינטע לייקס.

[יונגערמאנטשיק]

ביי דיר אפשר, איך האב אנגענומען דעם לייק קנעפל אלס א "replacement" צו שרייבן א דאנק תגובה.

הא לן והא להו.

[טאמבל סאס]

אינערמאנטשיק! איך ווייס אבער נישט וויפיל דאנק עס איז! איבערהויפט ווען עס זענען דא ניקס וואס לייקן יעדע צווייטע הודעה. כ'מיין נישט יעצט צו מוטיגן "קארגשאפט" . כ'מיין נאר צוזאגן אז א לייק טראגט נישט פאר יעדעם קיין גרויסע חשיבות, ווייל א ארטיקל וואס ס'איז גרינג צו באקומען און עס איז דא פון דעם גענוג איז "ביליג"
און וועגן דעם איז שטיינער ביליגער ווי פערל.

איך וועל אפילו געבן א לייק פאר עמיצער וואס שרייבט פארקערט ווי מיר, אויב פארמאגט עס געוויסע אמת'ע נקודות, אדער ס'איז געשריבן מיט הומאר. אבער ווען איינער שרייבט שוין טאקע אזאנס און אזעלעכס דארף מען אים אויסרימען און דאנקען פארדעם ברחל בתך הנאקעטע.

[יונגערמאנטשיק]

ביזט גערעכט אז מ'דארף נישט קוקן צו יענער האלט ווי מיר צו נישט, נאר צו ער שרייבט גוטע פונקטן, אבער איך זעה אז דו שטומסט מיט מיר אז די "לייק" קנעפל איז נאר במקום תגובה, א תגובה איז חשוב'ער.

און טאקע וועגן די סיבה וואס דו זאגסט, די לייק קנעפל קוק איך אן ביליג, איך קוק אן תגובות וואס האבן גארנישט אין זיך, און ס'דא א לייק אדער מער, ווידער זענען דא תגובות מלא תוכן און ס'איז דא ווייניג לייקס. די גאנצע לייק קנעפל איז אין מיינע אויגן א ביליגע זאך, נאר היות ס'איז נישט אייביג מעגליך צו שרייבן א דאנק תגובה, גיבט מען א לייק אנשטאט.

[טאמבל סאס]

אהה איך פארשטיי איך האב געמיינט דו זאגסט אז די לייק איז שטענדיג א ריפליעסמענט פון א תגובה און די דאנקען תגובות איז במילא מער נישט אקטועל.
נעקסטיים ערקלער דיך בעסער מיטן זאגן אז ס'איז נאר אין א צייט פון נויט

[יונגערמאנטשיק]

איך האב קלאר געשריבן די לייק קנעפל איז א "ריפלעיסמענט" פאר א תגובה.

דער עיקר איז אז מיר פארשטייען זיך.