די העכסטע ראנגען לייקס: איך גלייך עס, אבער עס קומט מיר נישט

[[NAMELESS]]

זייט ארענזש זאפט האט איבערגעיאגט קאפערינקעס, איז קאפערניקעס פארשווינדען ווי אין וואסער אריין.....

[[NAMELESS]]

שלום עליכם טייערע אידן איר זענט שוין געוויס געוואוינט דערצו אז אמאל אמאל פעל איך פאר א שטיקל צייט. אמאל האב איך נישט קיין געהעריגע עקסעס צו שרייבן, אמאל דארף איך פארן צוליב צרכי מסחר, און נישט אייביג קען איך שרייבן.
איין גרויסע מעלה פון מיין פעלן איז צו זעהן אז קאווע שטיבל איז שוין געווארן א גרויסע יונגל, זי קען שוין שטיין אויף די אייגענע פיס ברוך השם. אויב דוכט זיך מיר אמאל אז אויב איך פעל הייבט די וועלט אן צו צופאלן אויף פיצלעך, זעה איך אז מען לעבט און מען לאכט, איך קען רוהיג אנטרונען ווערן, קופערניקוס הולך וקופערניקוס בא והארץ לעולם עומדת.
עס איז א געוואלדיגע זאך אז עס קומען דא אייביג אריין נייע חברה, עס איז וזרח השמש ובא השמש, עד שלא שקעה שמשו של שרגא, זרחה שמשו של לעיקוואד, ועד שלא שקעה שמשו של לעמאן דזשוס זרחה שמשו של מאראנצן זאפט. עד שלא שקעה שמשו של ממי שאמרו זרחה שמשו של הוגה, עד שלא שקעה שמשו של היימישער ליטוואק זרחה שמשו של יואב, וכן הלאה.
מיר האבן פארלוירן אסאך גוטע חברה, אפילו זר זהב אונזער באליבטער הודעות טשעמפיאן האט געפעלט, אבער קאווע שטיבל איז אנגעגעגאנען. יעדע איינציגע ניק, בפרט די גוטע ניקים איז א גרויסע שאד, עס פעלט די זיסע טעם וואס יעדער יחיד לייגט צו זיין פלעיוואר, מיר בענקען נאך לעמאן דזשוס'נס פאעמס, מיר בענקען נאך ממי שאמרו'ס הערליכע לאנגע מאמרים, אבער מיר זענען שוין היינט גענוג ערוואקסן אז מען זיצט אפ שבעה אבער דערנאך שטעלט מען זיך אויף און מען האלט ווייטער אן און מען נעמט אויף די פרישע גוטע חברה.
אויב האבן מיר געמיינט אז עס מאנגלען ביי אונז חכמים, זענען מיר געוואויר געווארן!
האט איר אמאל געחלוםט אז עס וואלגערן זיך אזוינע געפילטע פישן? אזוינע מאטי107 אזוינע יאנקלעך, אזוינע יידל'עך? אבער ניין, מיר האבן אסאך בעלי כשרון און יעדע שטיק צייט קומען פרישע.
האט איר געטראכט אז קינות גירושין קען נאר שרייבן איבער גיטין, ניין, עס אינטערסירט אים שמעלקעס אין די נאז, וכן הלאה, מיר האבן שוין א פעסטע יסוד, און אז איינער רוהט זיך אפ אביסל אדער מוז איבערלאזן די מקום דא פאר א תקופה, גייט נישט די וועלט אונטער. קאווע שטיבל איז א שטארקע זאך וכל רוחות שבעולם לא יזיזוהו, די באן איז ארויסגעפארן און ביי יעדע סטאנציע גייען אראפ און קומען ארויף בעלי כשרונות וחכמי לב.

[קאווע טרינקער]

No like
This time

מיט דעם ביסטו יוצא, און שוין, ויחלום שנית? מיר דולדן דאס נישט

[[NAMELESS]]

דאס מאל, איים העיר טו סטעי, איך וועל זיין דא פאר א שטיק צייט, אבער העי, קאווע טרונקער, עס איז שוין העכסט צייט אונז אנצוטרונקען פון דיין קוואל, אדער זעץ דיר אריין אין אוצר החכמה און שעפ אונז אן פון מאדנע, מיסטעריעזע און טרוימענדע ספרים. אדער זעץ זיך אריין אין דיין נדבורנא מוד און שרייב תולדות הצדיקים, טוה דיר אן דיין נביאיש היטל און שרייב ספר יואל, ווער אביסל לוסטיג און שרייב איבער דעם שיינעם פוד סטעמפ באנוצער, אבער אזוי אפטרוקענען? לא אל הקאווע הזה התפללנו!

[שמעקעדיג]

2 קארפן קעפ רייסן זיך ארום אז דער אנדערער זאל שרייבן שיינע ארטיקלען.
בלייבט אונז נישט איבער מער ווי זיצן אין די זייט און קוועלן מיט הנאה.
קאמפעטישאן איז גאד פאר די קאנסומערס!

[קאווע טרינקער]

קופי', כ'נעם אן מוסר איינגעוויקלט אין גלעטעלעך...
אי"ה, כ'פאר אוועק פאר א וואך, אפשר וועל איך צוריקקומען מיט פרישע בויך וויי.

[אביגדור]

ברוך ד'.

[[NAMELESS]]

דיין מאמע האט דיר געהאט ווייל דעמאלטס האט אין באבוב געמאנגלט קינדער.
דיין מאמע האט דיר געהאט ווייל זי האט נישט געהאט אין שטוב קיין טעלעוויזיע און קול מבשר איז נאך דעמאלטס נישט געווען, טא, מיט וואס איינשלאפן ביינאכט?
דיין מאמע האט דיר געהאט ווייל איר מאמע האט איר געהאט.
אבער, יא, די ביסטו א שטארקער ממלא מקום פאר אסאך איינגעזונקענע זונען. אחד יכול להאיר יותר מכמה שמשות ביחד!

[געפילטע פיש]

לץ איינער! אבער קופי מיר לאזן זיך נישט! מיר זענען אלע קטנים הצריכים לאימם, תבוא אמה ותקנח, מיר דארפן דיר האבן דא זאלסט אונטערווישען דעם שיבער, ער מאכט אלע מצות עשירים מיט זיינע זיעת אפיך, משפיע י"ד שח"ט ד"ם מיט אלע ספייסעס. אן דיר זעמער אויף צרות.

[בענדזשאמין פרענקלין]

דאס מאל, איים העיר טו סטעי, איך וועל זיין דא פאר א שטיק צייט, אבער העי, קאווע טרונקער, עס איז שוין העכסט צייט אונז אנצוטרונקען פון דיין קוואל, אדער זעץ דיר אריין אין אוצר החכמה און שעפ אונז אן פון מאדנע, מיסטעריעזע און טרוימענדע ספרים. אדער זעץ זיך אריין אין דיין נדבורנא מוד און שרייב תולדות הצדיקים, טוה דיר אן דיין נביאיש היטל און שרייב ספר יואל, ווער אביסל לוסטיג און שרייב איבער דעם שיינעם פוד סטעמפ באנוצער, אבער אזוי אפטרוקענען? לא אל הקאווע הזה התפללנו!

העי, ריספעקט פאר חברינו היקר קאווער טרינקער. וואס טריקן? ווען טריקן? מיט זיינע שארפע הומאריסטישע קורצע הודעות ברענגט ער אריין א זאפט אין כמעט יעדע אשכול, אל הקאווע הזה התפללנו ונתפלל עוד שלא יבש המעין. אז די ווילסט בעטן לאנגע תגובות און הודעות בעט שיין און מיט דרך ארץ.

[קאווע טרינקער]

בענדזשאמין, איך ממש געטראכט פון אייך דעם שבת... ביי קידוש...
אויך ביי די פיש... הער א מעשה:
ביים עסען דעם פיש, בין איך געווען אזוי אריינגעטוהן אין עבודת העלת הניצוצים של המגולגלים וכו... פלוצלינג זעה איך א מצריש'ע איד שטייט נעבן מיר. אויסגעזעהן האט ער ווי רב סעדיה גאון. ואתו עמו א ווילנא איד, הויך געבויט, רייך געקליידעט, בערך ווי הרב שמואל שטראסאהן האט אויסגעזעהן בחייו.. איך האב געמיינט אז דאס איז עס, איך שטארב אן איבערלאזן א צוואה ווער ס'נעמט איבער מיין ניק (מער פון דעם פארמאג איך נישט), אבער מיט דרייסט האב איך זיי א פרעג געטון: מורי ורבותי, וואס ווילט איר פון מיר? ענטפערען זיי: וואס ווילט איר פון דעם פיש? וואס גלגולים? ווען גלגולים?... להד"ם!
ווי נאר זיי זענען ארויס, כ'בין צו זיך געקומען, האב איך געקלערט צו שרייבן אין שטיבל
רס"ג און רש"ש ביים פיש....
אבער מי כמו בענדזשאמין... נאכמאכן קען איך נישט...

[[NAMELESS]]

גם אני מצטרף צום מחאה על בזיון ככוד קאווע טרינקער, אבער פארפאלן, איך בין געוואוינט צו זיינע גרויסע יצירות און איך בין נישט מסתפק במועט. איך גלוסט פאר קאווע טרונקערס הייסע סחורה און אויף תאווה -זאגן צדיקי חב"ד - פרעגט מען קיין קושיות.

[אביגדור]

יודע ספר.

[זר זהב]

סאמת וואס איר שרייבט

[קאווע טרינקער]

יא, זר, ס'איז אמת.

פוזנא איז שוין פארנומען, אבער מ'רעדט פון עפעס..

[פלעין יודיש]

סתם צו אנמערקן
א שינוי וואס איז געשען אין די פאולס דא אינטען ביי לייקס ראנגען
[tag]יואליש[/tag] האט פארלוירען מאמענטום און אראפ פונעם אויבן אהן
אבער לא אלמן ישראל אינזערע טייערע [tag]רויטע וואנצעס[/tag] איז אצינד אויפן stage מיט א מערהייט
יואלישעל טייערע געב נישט אויף שיס צירוק ארויף חדש ימינו כקדם וועסטו זיי אלעמען איבערשטייגען
די קענסט די קענסט איך זאג דיר אז די קענסט (קרעדיט מיכאל)

[יואליש]

סתם צו אנמערקן
א שינוי וואס איז געשען אין די פאולס דא אינטען ביי לייקס ראנגען
[tag]יואליש[/tag] האט פארלוירען מאמענטום און אראפ פונעם אויבן אהן
אבער לא אלמן ישראל אינזערע טייערע [tag]רויטע וואנצעס[/tag] איז אצינד אויפן stage מיט א מערהייט
יואלישעל טייערע געב נישט אויף שיס צירוק ארויף חדש ימינו כקדם וועסטו זיי אלעמען איבערשטייגען
די קענסט די קענסט איך זאג דיר אז די קענסט (קרעדיט מיכאל)

ווי זעהט מען די ראנקן?

[סאשי פיש]

אויפן הויפט זייט.