וואס ווארט אונז אין די חרדי'שע אויסגאבעס • פסח תשע"ד

[ישמעאל הכהן]

יעדע האלב יאהר, פסח און סוכות צוגלייך, קומען די אויסגאבעס ביים חרדישן ציבור ארויס מיט ריזיגע העווי-דוטי אויסגאבעס און ביילאגעס, ווער עס ווייסט אביסל מער פרטים וואס עס איז ערווארטעט אין די אידיש/ענגליש/היברו מארקעט איז מכובד דא צו מעלדן.

(קרעדיט: אבי גערעדט)

[איש עברי]

איך קען דיר געבן א טיילווייזע ליסט וואס עס ערווארטעט אונז אין די אידישע אויסגאבעס:
פולמוס איבער מאשין מצות
פאלשע ירושלמי
תכלת....

[עפל סיידער]

איך הער אז א נייע צייטונג איז אויפען וועג
נוטראל פאר אלע ליינער צוגלייך.

[איש עברי]

אפשר קענסטו געבן מער פרטים, וואס, ווער? פארוואס גייט דאס האבן א קיום מער ווי די אלע צייטונגען וואס וואקסן ארויס יעדן מאנטאג און דאנערשטאג?

[עפל סיידער]

די ברייטע אידיש רעדנדע גאס האט א חוץ די דריי סאטמארע צייטונגען, נישט ווי צו ליינען קיין אידישע באריכטען מהנעשה והנשמע.

[פלעין יודיש]

עברי
אפשר שטעלסטו אינז צו עפעס גיטע ליין מאטריאל פאר די לאנגע חול המועד טעג

[עפל סיידער]

עברי
אפשר שטעלסטו אינז צו עפעס גיטע ליין מאטריאל פאר די לאנגע חול המועד טעג

עברי האלט אין איין צושטעלן פיינע סחורה, עס איז אומעגליך אז אזא ריז זאל שטיין ארבעטסלאז.

[איש עברי]

די ברייטע אידיש רעדנדע גאס האט א חוץ די דריי סאטמארע צייטונגען, נישט ווי צו ליינען קיין אידישע באריכטען מהנעשה והנשמע.

גערעכט אבער ליידער האט קיין איינער דערווייל נישט מצליח געווען צו שאפן א אלטערנאטיוו פאר די פארטיי-באזירטע צייטונגען, מיין שאלה איז וואס קומט יעצט? וואס גייט ער מחדש זיין אז ער זאל נישט אונטערגיין כדרך שמת פלוני?

[עפל סיידער]

א צייטונג נוסח ק"מ האט דערווייל נאך קיינער נישט פרובירט לאמיר זעהן וויאזוי עס וועט זיך למעשה אויסקאכען.

[שמעקעדיג]

אין אייוועלט:

http://www.ivelt.com/forum/viewtopic.php?f=6&t=22320

[מ גפני]

[tag]פישל'ע העררינג[/tag] גרייטסט צו "מצות בלעטער" פאר יו"ט??

[רויטע וואנצעס]

מרור בלעטער לאל

[געפילטע פיש]

אויב מאכט מען א בלעטל פון מאחורי ארטיקלען דארף עס הייסן צפון בלעטל.

[איש עברי]

און א צימעס בלעטל? כרפס? יחץ? מגיד? רחצה?

[געפילטע פיש]

אודאי יחץ, וואדען? יעצט טראכט איך אז אפשר ברויך מען רופן די מאחורי בלעטל ענדערש שלחן עורך, מלשון ערכתי לו שלחן וכו', בבחי' וראית את אחורי, וגם מל' אידי"ש המצונזר מ'עסט און מ'טרינקט און מ'לאזט זיך וואוילגיין.

[יואליש]

איך קען דיר געבן א טיילווייזע ליסט וואס עס ערווארטעט אונז אין די אידישע אויסגאבעס:
פולמוס איבער מאשין מצות
פאלשע ירושלמי
תכלת....

ווי אויך א ברייטע איבערזיכט אויף די קליווע גט, און א שמועס איבער דעם גולם פון פראג, נאפאליאן'ס מלחמה, און א ליקוט פון סדר נאכט געפראוואכץ אין לאגער.

[יואליש]

א בילד ווי א ירושלמי איד אונטערזיכט שאלאטן פאר ווערים אונטער א דימאנט לופ, בילדער פון פארשידענע סיריע'ישע זילבערע קערות, און אין דער בלאט, א פראמינענטע בילד וויאזוי א אינגערמאן קראסט לי עוועניו יאגענדיג זיך צו מים שלנו, א בילד פון אלע לעלוס מיט פאליציי שעפען אין ווייסע העמעדער דעקארירט אין העראישע מונדירן נאכן סטאראטעגישע זיצונג וויאזוי צו באהאנדלן די בעפארשטייענדע שריפות חמץ בכלל און זיכערהייט שוץ פון בתי מדרשים דורכאוס די יו"ט סעזאן בפרט ( היי יאר'ס הויכע אלערט קומט אין ליכט פון פוטין'ס גוג ומגוג אין קריימיע)

[מ גפני]

און נישט פארגעסן נאך א ביילאגע אין "דער איד" פון אברהם לויפער'ס דברי הבל

[רויטע וואנצעס]

אויך א באצאלטע ארטיקל פארוואס הגדה קוקיס איז בעסער ווי די אנדערע ברענדס און להבדיל אפילו חמץ.
די עדס וועט זיין א געמיש פון עסן, כשר'ע פלעיס און ריידס בהכשר די גאלאנטער, און שטריימלעך וואס קענען פליען, לויפן, און זיך אפילו דרייען.

[petergrifin]

אן ארטיקעל װעגן די חתם סופר זצ׳ל מיט עסן מאשין מצות און א ארטיקל װעגן די תימן׳ער דיקע מצות װאס הײנט צוטאגס עסט מען שוין
נישט נאר דורך געצײלטע יחידים און נאר פאר די ערשטע צװײ כזיתים אלס װײל זײ לײנען נאכנישט די בלאט/איד רח׳ל.

[פלעין יודיש]

און וואס איז מיט אן ארטיקעל פסח ביים רבי'ן זכותויגןעלינו...
בקיצור דער אשכול איז פארפארן אסאך אסאך ווייטער פונעם דעת בעה''ב הפותח האשכול

[מ גפני]

דער אשכול איז פארפארן אסאך אסאך ווייטער פונעם דעת בעה''ב הפותח האשכול

ווען די יו"ט סחורה וועט ליגן אויף די פאליצעס אין די געשעפטן וועט זיך צוריקקערן צום נושא

[ישמעאל הכהן]

יעצט געהערט פון א מיימאנידיס אינסיידער אז ס'קומט א דיקן דבר יום ביומו ער"פ