איך בין א מחוצף!

[מ. גליקמאן]

קוקט אויס אז זיי זענען נאך נישט אינגאנצן משוגע..
איינע פון די אחראים דארטן האט יעצט געעפנט אן אשכול ווי ער רייסט אראפ די אלע מוחים.
http://www.ivelt.com/forum/viewtopic.php?f=3&t=22315

[פישלע העררינג]

קוקט אויס אז זיי זענען נאך נישט אינגאנצן משוגע..
איינע פון די אחראים דארטן האט יעצט געעפנט אן אשכול ווי ער רייסט אראפ די אלע מוחים.
http://www.ivelt.com/forum/viewtopic.php?f=3&t=22315

האבן מיר פארלוירן אונזער 'טאטש'?
UNREAD_POSTדורך געלעגער » פרייטאג מרץ 28, 2014 9:21 am

איך בין נייגעריג צו נאך האבן דאס באמערקט אדער איך בין דער איינציגסטער וואס ס'קרענקט לעצטענס די נייע מנהג דא פון שרייען קדוש און ווייזן ווי ערליך מ'איז אין יעדע אשכול?

איך שפיר לעצטענס ווי ס'איז געווארן א ווינט דא איבערצושטייגן דעם צווייטן און ווייזן פאר יעדן ווי ערליך, הייליג, און אפגעהיטן מ'איז. אין יעדע צווייטע אשכול קלאפט מען זיך אן אין געוויסע וואס וועלן זיכער מאכן צו נעמען דעם אשכול און פארדרייען ביז עס פארגייט די אפעטיט פון שרייבן דארט. איך רעד שוין נישט פון די אשכולות וואס האבן די טריפה'נע ווארט ווי למשל "ארץ ישראל" אדער חלילה "גיוס" "פראטעסט" חלילה חלילה, דאן שפרינגען געוויסע אויף און מאכן זיכער אז יעדער ווייסט אז די הייליגע רבי זי"ע איז געווען שטארק שטארק דערקעגן. מ'ברענגט שטיקער של"ס תורות אז חלילה מ'זאל נישט ליינען א שטיקל נייעס אן וויסן וואס די רבי האט געהאט צו זאגן אין אזא פאל ווען די מעשה וואלט זיך אפגעשפילט אין זיינע צייטן. איך מיין נישט קיינעם פערזענליך, עס זעט פשוט אויס ווי א ווינט וואס האט זיך אריין געכאפט און מ'דארף עס אפשטעלן באצייטנס.

לאמיר געבן אפאר משלים, מ'רעדט פון 'פרנסה עקספאו'. אנשטאט צו הערן באריכטן פון אידן וואס זענען דארט געווען, אנשטאט צו שמועסן וויאזוי ס'איז געווען, וועלכע קלייענטעל, ווער האט עפעס ארויסגענומען דערפון, וואס קען יעדער ארויסנעמען דערפון פאר די קומענדיגע יארן וכו' וכו'. וואו פארט די אשכול? מעג א פרוי יא פרעזענטירן איר ליין אדער נישט? און ס'טוט זיך אויף טישן און בענק.. יעדער פראבירט צו זיין ערליכער פונעם צווייטן און ווייזן מער אפשיי און גרויל. העלאוי.... דאס ליגט אין ביזנעס פארום. אזא דעבאטע קען זיין אין פלאץ אבער וואס האט דאס מיט ביזנעס? עפן אן אשכול אין ידיעות התורה און דעבאטיר דארט. וואס ווילסטו פון דעם אשכול?

גיימיר ווייטער. אוועק פארן פאר שבת הגדול, קען ווען זיין א שיינע שמועס ניין? וואו פארט עס? חינוך, אויסרייסן מסורה, צייטליך'ס תגובה פאסט נישט... גאטעניו, פארוואס???

לייגט איינער ארויף א שיינע ארטיקל איבער זיין מהלך אין עבודת השם. איינער האט זיך געפלאגט און געשריבן דעם ארטיקל. האסט זיך באדאנקט פאר אים? ניין. קודם האסטו אריין געשניטן אז זיין מהלך טויג נישט. פוי פוי פוי.... למה?? פארוואס?? WHY?

מ'קען אזוי געבן משלים נאך משלים..

און ווי געזאגט, ווען מ'רעדט פון סיי וואסערע אשכול וואס גרעניצט זיך מיט איינע פון די שטחים פון מיטל מזרח וועט תיקף אן 'אוקשען' יעדער פראבירט איבערצושטייגן דעם צווייטן אין ווייזן קנאות, ווייזן אז זיין רבי האט געזיגט, ווייזן אז די מהלך וואס ער גייט איז טאקע ממש וויאזוי די וועלט שטעלט זיך אויס און זיין רבי האט שוין לאנג געזאגט אז אטא דאס גייט געשען... קודם כל, איך מיין אז יעדער דא ווייסט שוין דעם רבי'נס מהלך און יעדער ווייסט שוין וואס די רבי וואלט יא געזאגט צו נישט געזאגט אין אזא צייט (ווענדט זיך וועלכע ברודער מ'פאלאוט) איז איבערזאגן פעלט זיכער נישט אויס. און אויב זעהט מען א נייע ניק וואס ס'קען זיך חלילה דאכטן אז ער ווייסט נאכנישט פונקטליך וואס די רבי האט/וואלט/האלט. קען מען אים שיקן אן אישי און מסביר זיין. אין די נייעס פארום באלאנגט דאס זיכער נישט!



איך זאג נאכאמאל, קען זיין איך קוק עס אן נישט ריכטיג און ס'איז נישט אזויווי איך זאג. אדרבה, זאלן אנדער זאגן צו זיי שפירן אויך אזוי??

[שמעקעדיג]

דער עולם דארט טענה'ט זיך פעסט ארום.
און כאטש געווענליך בין איך א שטארקע אנהענגער פון לכתחילה אריבער, שרייבט ער דארט אין "פארלוירענעם טאטש" אשכול אויף חברינו ברסלבער, כדלהלן:

(און פארשטייט זיך אז דאס איז אן דעם וואס געוויסע ווערטער זענען "זייער זייער נישט אויסגעהאלטן געשריבן" איידל געזאגט. און דאס איז אן דעם וואס יעדער ווייסט אז ער דרייט זיך אין פלעצער ווי א ערליכע איד טאר נישט אריין גיין, און איז פון די עמודי התוך דארטן, און איז שטאלץ דעמיט.

די צוויי זאכען זענען זייטיג, און דאס איז די סיבה פארוואס איך בעני האב נישט ראגירט דארט אויפן פלאץ. אבער וואס איך האב געשריבן דא, איז אפי' עס זאל זיין 100 פראצענט אויסגעהאלטענע ווערטער, און געשריבן דורך א ערליכע איד.)

לכתחילה, איך רעד צו דיר, ווייל איך זעה דאך אז דו לייענסט דא...
"יעדער ווייסט"?? ווי אזוי ווייסט יעדער? ווי אזוי ווייסט איר אז ער איז פון די עמודי התווך און איז שטאלץ? הא? ענטפער מיר!

[אפטעמיסט]

ס'איז מורא'דיג. דער עולם דארט שיט פעך און שוועבל כדרכם בקודש, קומט דער אחראי, און זעהט אז ער האט א געלעגענהייט צו פארכאפן דער "עמוד התוח" אונזערע, עפענט ער אן אשכול און פראבירט חנפ'נען און משחד זיין דער עמוד התוח. רעב איד, ס'וועט אייך נישט אזוי שנעל געלונגען; נומער איינס, ברסלבער איז העיר טו סטעי. נומער צוויי, דיינע חברה זענען ל"ע חולה אויף טראכטן, און אז איינער שרייבט צו נארמאל און שיין איז ער שוין אטאמאטיש א שייגץ. געלעגער, ראי בנים שגדלת!

[ברסלבער]

לכתחילה, איך רעד צו דיר, ווייל איך זעה דאך אז דו לייענסט דא...
"יעדער ווייסט"?? ווי אזוי ווייסט יעדער? ווי אזוי ווייסט איר אז ער איז פון די עמודי התווך און איז שטאלץ? הא? ענטפער מיר!

אינטערעסאנט טאקע ווי אזוי ער איז דאס געוואויר געווארן. מיט די היינטיגע טעכנעלאגיע קען מען אלעס באווייזן...

לכתחלה איז געווען מיין ציהל פון שרייבן דארט ווייל איך האב געוואלט פארשפרייטן מיינע השקפה ארטיקלען פאר מער אידן. אבער אז די חברה דארט ליינען דא אויך, מה הועילו חכמים בתקנתן?

[פישלע העררינג]

אגב, דיין בלאג, [tag]ברסלבער[/tag], איז הערליך און ריין אויסגעשטעלט. וויאזוי האסטו געמאכט א אידישע בלאג, פון רעכטס צו לינקס וכו' וכו'?

[שמעקעדיג]

און יעצט האט "זאלץוואסער" (וועלכער האט אגב געהאט אמאל א ניק דא, און געגעבן א טובל און ארויס) געעפנט נאך א אשכול איבער די נושא פון האבן מער טאלעראנץ, און נאך אפאר נקודות וואס קען זייער בייהילפיג זיין אויך דא אין אונזער שטיבל

http://www.ivelt.com/forum/viewtopic.php?f=3&t=22318

[רויטע וואנצעס]

אמ"ג, איך ווער שוין באלד א אייוועלטער, הערטס אויף מיט די לינקס אהין.

[עסקן בדברים]

אמ"ג, איך ווער שוין באלד א אייוועלטער, הערטס אויף מיט די לינקס אהין.

what's the problem?

[פישלע העררינג]

עס וועט זיי גארנישט העלפן די דאזיגע ארטיקלען. עס איז נאר דאמירן בעלמא, צו שטילן די קריטיקירער.

פארוואס זאג איך אזוי?

ווייל ווען איינער פון דא שרייבט אויף אייוועלט, ווערט ער פארפלייצט פון אישי'ס אז כדי אז ער זאל האבן די זכיה געליינט צו ווערן מוז ער זיך אונטערנעמען מער נישט צו שרייבן אויף קאווע שטיבל!

די אחראים דארטן קענען זיך נאר בעטן ביים עולם צו האבן שכל און נישט סעקירן א שרייבער ברבים, כדי נישט צו באקומען א נאמען פון א מצומצם'דיגע סייט, אבער פריוואטערהייט אין אישי וועלן זיי ווייטער דערגיין די יארן.

[ברסלבער]

אגב, דיין בלאג, [tag]ברסלבער[/tag], איז הערליך און ריין אויסגעשטעלט. וויאזוי האסטו געמאכט א אידישע בלאג, פון רעכטס צו לינקס וכו' וכו'?

א דאנק.

איך האב פשוט געוואלט צוזאמנעמען מיינע געלונגענע מאמרים לפונדק אחד, האב איך געעפנט א בלאג. איך האב אויסגעוועלט די ערשטע טעמפלעט מיטן נאמען simple, איך האב עס געטוישט צו היברו, און אוטאמאטיש איז עס געווארן פון רעכט צו לינקס, דערנאך זיך אביסל געשפילט מיט סעטינגס והוה מה דהוה.

[עפל סיידער]

עס וועט זיי גארנישט העלפן די דאזיגע ארטיקלען. עס איז נאר דאמירן בעלמא, צו שטילן די קריטיקירער.

פארוואס זאג איך אזוי?

ווייל ווען איינער פון דא שרייבט אויף אייוועלט, ווערט ער פארפלייצט פון אישי'ס אז כדי אז ער זאל האבן די זכיה געליינט צו ווערן מוז ער זיך אונטערנעמען מער נישט צו שרייבן אויף קאווע שטיבל!

די אחראים דארטן קענען זיך נאר בעטן ביים עולם צו האבן שכל און נישט סעקירן א שרייבער ברבים, כדי נישט צו באקומען א נאמען פון א מצומצם'דיגע סייט, אבער פריוואטערהייט אין אישי וועלן זיי ווייטער דערגיין די יארן.

קוקט אויס אז @פישעלע שפירט נאך ביז יעצט זייערע אטאקעס אויף לדעת, צוליב'ן לייגען די הערינג פון קאווע שטיבעל.

[אפטעמיסט]

אין א פרישע ארטיקל, פארענטפערט זיך אנעים זמירות פארן מוחה זיין אויף הבלים, נאכ'ן קומען אונטער שווערע קריטיק דורך זיינע אייגענע קאלעגעס. (מערקט אן ווי דער חכם בעיניו גלייכט צו א פרוי וואס גיבט א ביזנעס דרשה פאר מענער, צו חילול שבת ר"ל, און עסן טריפות. קאמענטארן זענען איבעריג).

[[NAMELESS]]

ברסלב, אם לא באתי לבית הקפה שלנו רק בשביל לקרוא בצמאון הכתבה הזאת דיינו.

אין בפי להודות, ואין בידי להלל, ואין במחשב לשבח. כתובתך הנכתבים מתוך לב יהודי מאמין חודר כטיל בתוך נפשי העייפה.

ישלם לך השם כגמולך הטוב, ושכרך הרבה מאוד.

ידידך בלב ובנפש,
ממי

[[NAMELESS]]

איך האב יעצט געליינט וואס אונזערע ברודער אין אייוועלט פראבירן צו טוהן, בלייבט מיר נאר אונטער צו זאגן ווי אזוי די חתימה פון איינע פון אונזערע חברים זענען (איך געדענק נישט איצט, אפשר איחוד פעלד?) א משוגענער בלאנגט אין משוגעים הויז, און א פערד באלאנגט אין אייוועלט.

[אפטעמיסט]

אייוועלט פארט אויף רעדער! http://www.ivelt.com/forum/viewtopic.ph ... cd583931c2

מעלדונג איבער געצוואונגענע פרעצעדענטלאזע שריט
דורך קרעטשמער » מאנטאג מרץ 31, 2014 11:00 pm
(צוליב די סענסיטיווקייט פון די פאלגנדע אינפארמאציע, וועלן מיר דאס בלויז לאזן אין די עפנטליכקייט אויף א קורצע צייט אפשניט, און מיר פארבאטן דאס נאכצוקאפירן אדער פארשפרייטן באיזה אופן שיהיה ח"ו.)

אל מעלת כבוד חברינו היקרים,

דא רעדט צו אייך די גרופע "מנהלים" פון אייוועלט.

ווי עס איז אייך גוט באקאנט, באשטייט די הנהלה פון צוויי באזונדערע קערפערשאפטן, גערופן "מנהלים" און "אחראים", אויך באקאנט אלס די "רויטע" (מנהלים) און "גרינע" (אחראים). די פונקציעס פון די צוויי גרופעס זענען פארשידנארטיג. בעת אויף די אחראים ליגט מער-ווייניגער די טאג טעגליכע ארדענונג פון די פארומס, אריינגערעכנט פארריכטן קעפלעך, צוטיילן אשכולות, אוועקפירן אדער לייגן שלעסער אויף שמועסן וואס באלאנגן נישט דאהי, ליגט אויף די מנהלים די געוואלדיגע אחריות פון אנהאלטן דעם אלגעמיינעם ניווא פונעם פלאץ און זעהן דערצו אז די ניקס (און יא, אויך די אחראים) זאלן זיך האלטן געטריי צו די תקנות וואס די מייסדים האבן אראפגעשטעלט ביים גרינדונג פון דעם זעלטענעם און טייערן ווינקל.

האט אבער - צו אונזער גרויס באדויער - לעצטנס פאסירט א שטארקע טשטוש הגבולים, ווען איינער פון די "גרינע" האט אריבערגעשפרייזט דעם "רויטן" ליניע און אנגעהויבן טוהן דא כאדם העושה בתוך שלו. אין פרידנסצייטן וואלטן מיר דאס באהאנדלט אינערליך, געשיקט א קלארע ווארענונג, און אויב דאס וואלט נישט געווירקט, אים אוועקגענומען די אחראים רעכטן. אבער אונזער יעצטיגער פאל איז אויסערארדנטליך און פרעצעדענטלאז, און ווי איר וועט ווייטער זעהן גרעניצט זיך דאס מיט אומגעהויערע פרעכקייט און זאגאר פארראט! דערפאר האבן מיר באשלאסן נאך לענגערע באראטונגען הונטער פארמאכטע טירן אז לא עת לחשות, מיר קענען מער נישט שלונגן און שווייגן, און טראץ די סענסיטיווקייט פון די אינפארמאציע, וועלן מיר ארויסקומען דערמיט אין די עפנטליכקייט.

מיר ווילן מקדים זיין אז צוליב די האקלקייט פון די נושא, און אויך צוליב אונזערע פעסטע תקנות, צו וואס אויך מיר מנהלים זענען פארפליכטעט, וועלן מיר נישט אריינגיין אין די פונקטליכע דעטאלן פון יעדן באשולדיגונג און פארדאכט, אויך וועלן מיר לעת עתה נישט ברענגן קיין דאקומענטירטע באווייזן אונטערצושטיצן אונזערע הנחות, מיר וועלן בלויז זיין א מגלה טפח ומכסה טפחיים פון די סאמע וויכטיגסטע אינפארמאציע וואס פעלט זיך אויס צעוויסן צו טוהן פאר די חשוב'ע מיטגלידער, כדי איר זאלט אונז קענען פארשטיין און אליינס קומען צו דער באשלוס אז וואס מיר האבן געטוהן אין דעם פאל איז ריכטיג און יושר'דיג. מיר האפן אז איר וועט אונז נישט באמוטשן מיט איבריגע פראגעס, ווייל דערווייל וועלן מיר נישט ארויסגעבן מער ווי דאס וואס שטייט דא אראפגעשריבן.

גראדע האבן מיר לאנג איבערגעקלערט אויב מיר זאלן קלאר ארויסשרייבן פון וועלכן "גרינער" די רעדע איז, אבער אין די ענדע איז איינשטימיג באשלאסן געווארן אז דאס מוז בעל כרחינו געטוהן ווערן, ווייל זיינע מעשים תעתועים זענען אזוי מערקבאר און אויבנאויפיג אז אפילו מיר זאלן פרובירן פארשווייגן זיינע בייזוויליגע אקטן וועט דאס פריער אדער שפעטער ארויסקומען אין די עפנטליכקייט, איז ממש א שאד אז מיר זאלן דאס נישט אויפוויקלן ווי געהעריג, והוקע אותו נגד השמש.

די רעדע איז פון א ניק וואס האט זיך אנגעבליך אהערגעשטעלט ווי א זעלטן געטרייער אחראי, שרייבנדיג און מעקנדיג ווען עס האט זיך נאר אויסגעפעלט, (און אפילו ווען נישט). פון צייט צו צייט האט ער זיך געלאזט הערן מיט זיינע מיינונגען וואס האבן אפטמאל בלויז רעפלעקטירט זיין פריוואטע דעה, אבער ער האט דאס אראפגעשטעלט בשער בת רבים כאילו ער רעדט דא בשם די גאנצע הנהלה. מיר וועלן נישט איבערגיין דא די לאנגע ליסטע פון עוולות וואס ער איז באגאנגען קעגן אונז, מיר וועלן זיך באגעניגן מיטן אויפברענגן זיין לעצטע אויסברוך אין די אשכול פון "האבן מיר פארלוירן אונזער טאטש".

יענער אשכול איז א טיפישער ביישפיל פון דעם פראבלעם וואס מיר האבן מיט דעם ספעציפישן אחראי. פון איין זייט שטעלט ער אן א פנים פון א געטרייער ארבייטער, און אין דער זעלבער צייט רייסט ער ארונטער רוב רובן פון אונזערע מיטגלידער וועלכע ווילן דוקא אנהאלטן דעם גאר פרומען אויסזעהן און געדאנקנגאנג. עס איז אונז געווען א הארצווייטאג צו ערהאלטן אזויפיל געזעגענונגס בריוולעך פון תורה טרייע ניקס וואס האבן זיך אפגעזעגנט פונעם פלאץ נאכן נישט קענען איבערטראגן דעם עפנטליכן העצע קעגן יעדע זאך וואס שמעקט מיט פרומקייט און ערליכקייט.

עס ווייסט יעדער איינער אז אייוועלט איז די שווארצאפל פון אויג פאר אלע ערליכע נעט-באזוכנדע אידעלעך, אויב זאל מען זיי פארשליסן דעם טויער פון מחאה דארט וואו עס פעלט אויס ווי לופט צום אטעמען, וועלן זיי אין די ענדע פארקלאפן דעם גאנצן וועבזייטל און גיין מאכן שבת פאר זיך, א זאך וואס מיר ווילן פארמיידן אויף אלע קאסטן.

אבער אלס דעם אליין וואלטן מיר נאכנישט איבערגעדרייט די שטאט, מיר וואלטן זיך באפרידיגט מיט א סילוק צום באטרעפנדן אחראי אין פריוואטן פאסט קעסטל, און אויב ער וואלט נישט פארשטאנען אויפן ווינק וואלטן מיר אים אוועקגענומען די שליסלעך. אבער וואס ברענגט אונז צו דעם פרעצעדענטלאזן שריט, איז א שטיקל דעטעקטיוו-סטיל ארבעט וואס אונזערס א געטרייער מיטגליד האט מיט גרויס ערפאלג אדורכגעפירט, וואס האט אים געברענגט צו ציען א מסקנא וואס האט אונז אלע אויפגעשטעלט די האר פון קאפ.

אויב ליינט איר די שורות שטייענדיג, רעקאמענדירן מיר איר זאלט זיך אנכאפן בעפארן ליינען ווייטער.

מיר זענען די לעצטע צייט געוואויר געווארן דורך פארשידענע אומוועגן אז - נישט מער און נישט ווייניגער, נאר - דער אלעמען באקאנטער 'געטרייער' אחראי "געלעגער", דינט גאר אלס דאפעלטער אגענט פאר אונזערע קאנקורענטן! אלע פעדימער צייגן קלאר און דייטליך אז נישט קיין אנדערער ווי ער זעלבסט האט גאר געגרינדעט דעם אנדערן וועבזייטל הידוע וואס מיר ווילן אפילו נישט אויפברענגן דעם נאמען צווישן אונזערע שפאלטן! נישט קיין וואונדער אז ער אגיטירט אזוי שטארק פאר ליבעראלקייט און קעמפט קעגן יעדע סארט מחאה וואס קען הייבן די אידישקייט שטאפלן פון אונזער ארט, אמער, הוא הגבר וואס שפילט א פירנדע ראלע אין דעם אנדערן מקום רח"ל!

ביים זיך איבערצייגן די קראנטקייט פון די שמועה לא טובה, האבן מיר שוין למפרע פארשטאנען פארוואס ער האט מיט זיין געוואלדיגע 'גוטסקייט' גענומען די מיה און געגרינדעט די טרויעריג בארימטע "אמ"ג" (אימעיל גרופע). מיר פארשטייען יעצט למפרע אז די אונטערליגנדע אורזאך דערפון איז פשוט געווען צו קענען אוועקצושלעפן ווי מער גוטע שרייבער פון אונזער וועלטל, און ווי מיר הערן טוהט ער דארט אנדרייען דעם עולם צו פאשן איבעראל נאר נישט דאהי, א זאך וואס דערקענט זיך שטארק אויף די סטאטיסטיקס פונעם סייט.

אויף דערווייל וועלן מיר זיך דא אפשטעלן, אבער אויב ער וועט פרובירן צוריקצוקעמפן ביי אונז אדער אויף זיין אנדערע וועבסייט, וועלן מיר געצווינגן זיין ארויסצוגעבן טייל פון די געהיימע באווייזן וואס מיר זאמלען איבער אים די לעצטע שטיק צייט! און מיר ווילן באטאנען אז דאס וועט אים שטעלן אין א גאר אומגינסטיגע ליכט, אפילו ביי זיינע אייגענע קאלעגעס אין דעם אנדערן פלאץ.

צום שלוס: מיר האבן טאקע געליטן א שטארקע דורכפאל, אבער מיר וועלן זיך האפנטליך צוריקכאפן דערפון ווי אמשנעלסטן, און אינאיינעם וועלן מיר צוריקשטעלן דעם הויכן ניווא פונעם פלאץ צו איר אלטע שטייגער, מיט די הילף פון א פרישע שטאב אחראים וואס וועלן האפנטליך אויסגעקליבן ווערן ביז א טאג-צוויי. (אלס תשובת המשקל וועלן מיר יעצט געבן א פארצוג פאר גאר ערנסטע מיטגלידער וועלכע האבן זיך שוין ערווארבן א נאמען פון פרומקייט און קנאות).

[כוכב]

סאיז אן אפריל וויץ.

[פישלע העררינג]

סאיז אן אפריל וויץ.

זעהט נישט אויס אזוי. על כל פנים די דארטיגע חברה האלטן הפנים נישט אזוי.

[פישלע העררינג]

דער איינציגע סימן אז עס איז יא א וויץ איז, אז עס איז געפאויסטעד "פונקטלעך" 12 אזייגער AM אפריל דעם ערשטן. אבער פונקטלעך.

[diff]

די קשיא וואס בלייבט שווער איז נאר פארוואס האט עס די תורה אפגעשריבן? צו וואס האט אויסגעפעלט עס אראפצושרייבן למען ידען דור אחרון
Do you mean erase the story completely

[עפל סיידער]

איך זאג ענק!!!!!
וואס איין ברסלבר קען אנמאכען מיט אביסעל חוצפה.....

[שעפטל]

דער איינציגע סימן אז עס איז יא א וויץ איז, אז עס איז געפאויסטעד "פונקטלעך" 12 אזייגער AM אפריל דעם ערשטן. אבער פונקטלעך.

און מ'האלט אין איין זאגן אויף בערך 12:00 וועט אלעס זיין מסודר....

און דוי דארף מען לאכן...

[רויטע וואנצעס]

היינט האב איך געשמועסט מיט א צובראכענע בחור, וואס איז כעת אינדרויסן פון אונזער קאמיוניטי. ער איז א גוטע נשמה, אבער חרוב. אינמיטן האט ער זיך ארויסגעגלישט ענדליכע דבורים ווי ברסלבער'ס חבר. כ'האב ארויסגעשלעפט דעם טעלעפאן און אפגעליינט דעם מאמר. ער האט זיך מחיה געווען. [tag]ברסלבער[/tag] דיין הארץ איז אפשר אין אומאן, אבער דיין פעדער איז מצודה זייער ווייט.