הגדה של פסח * קאווע בלעטער * חלק א' - ב' - ג'

[פישלע העררינג]

צאמרעכענדיג אלע לייקס וואס מען האט מיך געשאנקן דא אין דעם אשכול (און אין דעם אשכול ווי איך בין מודיע אז עס קומט ארויס) פאר די פסח'דיגע קאווע בלעטער, קומט עס צו א חשבון פון

131 לייקס!

נישט אז איך דארף די לייקס, אבער הכרת הטוב איז א שיינע מידה.

יישר כח גוטע פריינט!

[קליגער אינגערמאן]

נאדער נאכיינס צוצימישן דיין חשבון... אין הברכה שורה אלא בדבר הסמוי מן העין..

[רויטע וואנצעס]

ממש משוגא צו ווערן די ארבייט, מיין שווער האט געוואלט וויסן וואס איך קוק אינטערן טיש, איך הער נישט צו זיין קרעטשמע מעשיות.

רבותי! די goal איז 75 לייקס.

[מ גפני]

הערליך שיין פישעלע! א גרויסן דאנק פאר די פילע ארבעט וואס דו לייגסט אריין פאר אונזער הנאה.

[דולה ומשקה]

ביי מיר איז די שמחה אנקומען ערשט היינט, איך האב עס געדאונלאוד געסעיפט אין מיין פסח פייל,
אי"ה איבערס-א-יאר ארויס דריקן און מפיץ זיין בקרב עדתי.

פישעלע מ'זעהט די האראוואניע
פישעלע מ'זעהט די שווערע ארבעט
פישעלע מ'זעהט די אומנאטירליכע טירחה
פישעלע מ'זעהט די קאפ, מח און דער זמן
פישעלע מ'זעהט זייער אסאך שלאפלאזע שעות
פישעלע יעדן קעפל מיט איהר פאנט, סייז און גראפיקס
פישעלע יעדן ארטיקעל ווי עס פאסט אריין אין די הגדה
פישעלע יעדער איינציגער ניק וואס האט געלייגט אדער נישט
פישעלע יעדער וואס וואס האט א ניק און קאווע שטיבל אדער נישט
פישעלע כולם בפה אחת עומדים ומשתאים, אויף דער הערליכע מיינסטער ארבעט
פישעלע מיר דאנקען דיר פאר מלקט זיין וואס אלע ניקס האבן געשריבען מפרי מחשבותם
פישעלע עס איז א געוואלידע התחזקות פאר יעדן איינצעלע שרייבער וואס ווערט דערמאנט דא.
פישעלע עס בלייבט מיר נאר איבער דיר צו ווינטשען א ברכת הדיוט צלח ורכב ותעלה מעלה מעלה
[tag]פישל'ע העררינג[/tag], פישעלע, דו האסט מזכה געוועהן את הרבים יותר מן המשוער, זכות הרבים תלוי בו.

[עפל סיידער]

געוואלדיגע, אומבאשרייבליכער עבודת הפרך אריינגעלייגט, עס האט מיר נאר באנק געטון, ווען איך האב געוואלט מגיב זיין פאר [tag]אבטולמוס[/tag] אין זיין ספעציעלער ארטיקעל איבער לב טהור, און איך בין נישט ערמעגליכט נאר דא מגיב צו זיין,
די טענה היתכן מען האט געשטיצט בימים ההם א קידנעפער פון ישי פימא, איז א טענה פאר די וואס האבען אים דעמאלטס געקענט איך געדענק ווי אין סאטמאר גופא האבען פילע דעמאלטס געטענה'ט אז די שופטת איז גערעכט מיט איר הגדרה אויף אים אז ער איז א קידנעפער, אבער וואס קען מען טון אז בימים ההם איז נאך נישט געווען קיין [tag]פישל'ע העררינג[/tag] וואס זאל דאס קענען מפרסם זיין דורך די שפאלטען פינעם אינטערנעט.

יישר כוח פישעלע פארען זיך אפהאלטען פון מפרסם זיין מאחורי ארטיקלען.

[חכם עתיק]

הערליך.

איך בין נייגעריג וויפיל יודען האבן געהאלטן אט די הגדה ביים סדר טיש...

גהערט אז איינער פון די גדולי וויליאמסבורג האט שטארק פארפירט ביי נעילת החג טיש דערוועגן.

[אריק]

the first link doesn't work anymore, why?

[פישלע העררינג]

.

[יין שרף]

גהערט אז איינער פון די גדולי וויליאמסבורג האט שטארק פארפירט ביי נעילת החג טיש דערוועגן.

וויפיל האט מען אים געצאלט...?

[פישלע העררינג]

גהערט אז איינער פון די גדולי וויליאמסבורג האט שטארק פארפירט ביי נעילת החג טיש דערוועגן.

מי הוא זה ואיזה הוא? ווער איז פון די גדולי וויליאמסבורג, און וואס האט ער פארפירט?

[שמעקעדיג]

פישעלע, בלשון חיבה, דיין ארבעט איז אויסערגעווענליך שיין און רייך, (כאטש איך פארשטיי נישט פארוואס די הגדה קומט אריין דארט, אבער דאס איז דזשאסט ניט-פיקינג) די ארבעט איז מלאים זיו ומפיקים נוגה, סיי די אויסשטעל, די גראפיקס, די געקליבענע ארטיקלען, וכו' וכו'. תשואות חן חן לך!

אפאר הערות והגהות בכלליות (לאו דוקא אויף די אויסגאבע):

- תפשת מרובה לא תפשת. לענ"ד איז בעסער און גרינגער סיי פאר דיר (פישעלע) און סיי פאר די ליינער צו געבן ווייניגער מאטעריאל אויף אמאל, אדער וועסטו בקרוב אויסלויפן פון ארטיקלען...
- איך זעה אז די לינק צו די ארטיקלען כדי צו קענען לייקן האט זיך נישט אויסגעארבעט. אפשר נעקסטע מאל, און פליז נעם עס נישט פאר קיין פרעשור, איך פרעג נאר לדבריך וואס דו האסט פארשפראכן; אבער ביסט בארעכטיגט חוזר צו זיין.
- עס איז א שאד אז עס זענען פאראן אזויפיל ספעלינג מיסטעיקס דורך די שרייבערס און קיינער איז עס נישט מגיה בעפאר עס גייט צום דרוק. אפשר קען זיך איינער אנטראגן צוצוהעלפן בודק זיין, און איך וועל בל"נ אויך פרובירן צוצוהעלפן אויב עס איז פאראן א פארלאנג דערפאר.

יעצט א ווארט וועגן ראובנ'ס ארטיקל. בין איך דער איינציגסטער וואס איז נישט געווארן שאקירט עס צו ליינען? האט מען נאך קיינמאל נישט געהערט אזוינס אין די היסטאריע אז מען מיינט אויף איינעם אז ער איז אן ערליכער און צום סוף נעשה צדוקי אדער א מומר לכל דבר אסור? בשעת מעשה האט קיינער נישט געהאלטן אז ער איז א פארברעכער אדער א קולט פירער, ואין לדיין אלא מה שעיניו רואות! האט עפעס 'דער איד' געזאלט האבן רוח הקודש מה שיקרה עמו באחרית הימים? איך מיין אז מען קריכט דא אויף גראדע ווענט. אדרבה, אויב קען מיר איינער ערקלערן בין איך גרייט צו הערן.

[קאווע טרינקער]

בשעת מעשה האט קיינער נישט געהאלטן אז ער איז א פארברעכער אדער א קולט פירער, ואין לדיין אלא מה שעיניו רואות! האט עפעס 'דער איד' געזאלט האבן רוח הקודש מה שיקרה עמו באחרית הימים? איך מיין אז מען קריכט דא אויף גראדע ווענט. אדרבה, אויב קען מיר איינער ערקלערן בין איך גרייט צו הערן.

איך געדענק קלאר ווי טאג ווי מענטשען האבן דאן געשריגן אז מ'דארף אזא איינעם לאזן אין תפיסה! ס'געווען אן אפיעל אין בית המדרש, און די דעמאלסדיגע קאווע שטיבל אידן האבן געהאט רוח הקודש.

[עפל סיידער]

בשעת מעשה האט קיינער נישט געהאלטן אז ער איז א פארברעכער אדער א קולט פירער, ואין לדיין אלא מה שעיניו רואות! האט עפעס 'דער איד' געזאלט האבן רוח הקודש מה שיקרה עמו באחרית הימים? איך מיין אז מען קריכט דא אויף גראדע ווענט. אדרבה, אויב קען מיר איינער ערקלערן בין איך גרייט צו הערן.

איך געדענק קלאר ווי טאג ווי מענטשען האבן דאן געשריגן אז מ'דארף אזא איינעם לאזן אין תפיסה! ס'געווען אן אפיעל אין בית המדרש, און די דעמאלסדיגע קאווע שטיבל אידן האבן געהאט רוח הקודש.

איך האב עס גראדע דעמאלט'ס געהערט פון אייוועלט אידען, מען האט נישט געמיזט זיין א קאווע איד צו קומען צו דעי השגה.

[פישלע העררינג]

@שמעקעדיג,

מתחילה האב איך עס געהאלטן אינמיטן אויסשטעלן אויף וואורד, ווי איך האב שוין געוואוסט וויאזוי צו מאכן די לינקס צו די ארטיקלען. לבסוף האט מען מיך פארשאפט אינדיזיין, וואס זייענדיג א גרינע מיט די סארט קאמפליצירטע פראגראם'ס איז יעדע פיטשער א גאנצע דערלערעניש געוועהן, האב איך געלאזט די לינקס פאר א צוייטס מאהל.

לגבי די הגדה, על טעם וריח אין להתווכח. איך זעה אין דעם א שטיקל קריעטיוויטי און עקסייטמענט. אסאך הערליכע אלטע ארטיקלען וואלטן נישט ארויף צום אויבערפלאך אלמלי איך מאך עס סתם א געהעריגע פסח'דיגע אויסגאבע וואס אנטהאלט בלויז פסח'דיגע שמועסן.

לגבי די כמות, באמת איז 146 בלעטער נישט אזויפיהל. עס לייענט זיך גאנץ שנעל. והאמת אגיד, אז איך האב אנגעגרייט איבער 60 ארטיקלען ביז'ן סוף פון די הגדה, אבער איך האב נישט אנגעיאגט עס אויסצושטעלן, ועוד חזון למועד.

אלץ א הערה כללית, איז וויכטיג צו באטאנען אז תהיה הסיבה פארוואס איך טוה עס אשר תהיה, וועלן אלץ זיין אזוינע וואס וואלטן "אנדערש" געטוהן. אויב איז עס פראדאקטייוע קריטיק (למשל, איינער האט מיך מעורר געוועהן אז אין די פריערדיגע אויסגאבעס האב איך געלייגט מאמרים וואס פארנעמען זיך מיט אונז ניקס צווישן זיך, כדוגמת דער מושכל ראשון ארטיקל, וכדומה, האט יענער מעיר געוועהן אז דאס איז בבחינת אינסייד דזשאוק וואס א פרעמדע לייענער עפרישיעיט נישט בכלל, וקבלתי את דבריו. אדער לדוגמא א צווייטער האט מיך מעורר געוועהן צו קלויבן פאסיגע מאמרים לויט די סומע פון מינימום לייקס וואס יענער מאמר האט באקומען פון באזעסענע ניקס, און אזוי בורר זיין די אוכל מן הפסולת - דאס אלעס איז פשוט'ע קאנסטראקטיוו קריטיק) וואס ווערט געזאגט מיט'ן ציהל צו העלפן אז עס זאל לייכטער און שענער אנקומען דאס ארויסגעבן, יישר חיל פון ווער עס האט עפעס צו זאגן, און עס וועט זיין כענבי הגבן בענבי הגפן דבר נאה ומתקבל על הלב.

לגבי די טעויות, אויב איז דער מאמר פון א שטארק אקטיווע ניק וואס איך ווייס אז ער קוקט זיין אישי טעגליך און ריספאנד שנעל, פראביר איך יענעם צו שיקן אן אישי מיט א לינק צו דער מאמר און איך אפפער די אפערטיוניטי עס משפר, מאריך, מקצר, מגיה צו זיין. אסאך שרייבער קענען אויף דעם מעיד זיין. - איך אליינס פראביר אין די שנעלעקייט איבערצולויפן מיט די אויגן צו זעהן אויב עס דארף עפעס געשניטן אדער געטוישט ווערן און איך טויש עס אליינס. נישט אייבעיג קען מען אבער אזויפיהל פארעכטן, און פרידיש איז אויך א שפראך.

איעדן פאל, יישר כח פאר דיינע באמערקונגען.

נ.ב. איך מיין, אז דער דאזיגע אויסגאבע איז באמת געוועהן א עידית שבעידית. אלע ארטיקלען זענען הערליך און באלערנד וואס רעדן קלארע דיבורים ויש דברים בגו נישט סתם דברים של מה בכך און הוילע לופט מיט א פי די עף מצורף אליו... אפילו תחכמוני'ס מאמר, האב איך געהאלטן נאך אסאך איבערטראכטן, אז היות עס איז מושתת אויף דברי הראשונים כמלאכים, כמעט שטיקל ביי שטיקל, בין איך נישט דער וואס דארף מכניס זיין ראשי ביין ההרים פון די ראשונים, און אין לך בו אלא חידושו און תוכו אכל קליפתו זרק פאר וועמען עס געפעלט נישט - די ראשונים אויף וועמען ער איז זיך סומך גייען נישט אוועק גיין אויב מיר פארמאכן זיך די אויגן און מיר זעהן זיי נישט. זיי זענען שריר וקיים, און מיר מעגן עס וויסן.

דאס מיינט אבער נישט צו זאגן אז איך וויל נישט הערן פון ענק. איך וויל ז-י-י-ע-ר שטארק הערן פון ענק בנוגע די תוכן, אויסשטעל, וכו. נישט הוילע קאמפלימענטס, נאר וואס איז געוועהן ענקע מיינונג בשעת'ן לייענען. עטס פארשטייטס וואס איך מיין.

[נולד מאוחר]

כאטש איך פארשטיי נישט פארוואס די הגדה קומט אריין דארט,

צי קענען לייגן ראובן'ס ארטיקעל איבער העלבראנס אינטער די ''רשע מה הוא אומר''

[פישלע העררינג]

כאטש איך פארשטיי נישט פארוואס די הגדה קומט אריין דארט,

צי קענען לייגן ראובן'ס ארטיקעל איבער העלבראנס אינטער די ''רשע מה הוא אומר''

נישט ריכטיג, עס איז געוועהן אונטער "ואף אתה הקהה את שיניו" - יחי ההבדל הקטן.

[אריק]

again it doesn't work.

[מ גפני]

לגבי די כמות, באמת איז 146 בלעטער נישט אזויפיהל. עס לייענט זיך גאנץ שנעל. והאמת אגיד, אז איך האב אנגעגרייט איבער 60 ארטיקלען ביז'ן סוף פון די הגדה, אבער איך האב נישט אנגעיאגט עס אויסצושטעלן, ועוד חזון למועד.
[/]

just my humble opinion, די קענסט עס נאכאלס צוענדיגן, שטעל עס אויס אונטער א רואיגע געמיט קיינער יאגט דיך נישט יעצט, אזוי אויף קומענדיגן יאר וועסטו האבן א דבר השלם (אוודאי וועט זיין סחורה איבער'ן יאר וואס וועט זיין ראוי צוגעלייגט צו ווערן)

[אויס מענטש]

פ ילפארביג
י כולדיג
ש כלדיג
ל עבעדיג

א טייל פון דיינע מעלות א גרויסע יישר כח פאר יד געוואלדיגע ארבעט ווי דער פסוק זאגט וידג"ו לרוב בקרב הארץ.

יעצט מיינע דריי צענט. די ארטיקל פון תחכמוני איז צו קאנטריווערסיאל, און אפי' עס איז טאקע מיוסד אויף כמה דברי ראשונים, איז דאס נאר פאר איינער וואס גייט דאס לערנען בתוך ספריהם, און נישט מלקק ליקוקים זיין פון עפעס אן ארטיקל וואס קען האבן א השפעה אנדערש ווי די ראשונים און אחרונים זעלבסט האבן געוואלט.
חכמה דארף מען זיכן און ניטש עס געבן פאר יעדן נער.
דאס איז קלאר און כלל פון די ווערטער פון די משנה, "חכמים הזהרו בדבריכם וכו'"

ובזה אצא בשלום מן הגודש בברכת שים שלום.

[אויס מענטש]

א שאד ווייל אין מאחורי איז מען אפט יא גומר...

[שפתים ישק]

פפפפשיהא!!!

שפתים קישאקTM!

באקומען ב"ה אויף בליץ פאסט פון א חבר. העעעעעעערליך.

[נעגעל וואסער]

בהשגחה פרטית בין איך דא אריין געפאלן.
ווי קען איך נאך אמאל זעהן די קאווע בלעטער?