ה אייר והמסתעף בהלכה ואגדה

[דריידל]

אזויווי היינט געפאלט די יום המר ועצמות, עפען איך דעם אשכול ווי דער עולם וועט קענען אויסגעבן זייערע געדאנקן און געפילן איבער'ן טאג. היינט צופרי ביי שמונה עשרה איז מיר איינגעפאלן ווי פאלגענט: ולירושלים עירך ברחמים תשו"ב - תשוב איז בגימטריה תש"ח. די ציונים האבן פון דא א שטיקל מקור אז די אויפקום פון די מדינה איז אתחלתא דגאולה, ח"ו. די סאטמערע וועלן דאס פארענטפערן מיט דעם וואס די סאטמאר רב ברענגט אין הקדמה צו ויואל משה אז נאכ'ן ביטערן חורבן איז געווען אן עת פקידה אז משיח זאל קומען נאר די ציונים האבן עס פארפאטשקעט מיט זייער מדינה.

עס איז באוויסט אז סאטמאר רב ז"ל האט געהייסן זאגן תחנון אין ה אייר אפילו אויב ס'איז געווען א ברית. זיין טעם אויף דעם איז געווען אז מ'זאל נישט זיך נישט ארויפכאפן אויף זיין נישט זאגן תחנון אלץ א שטיקל הסכמה צו די מדינה. און אלע סאטמארע בתי מדרשים פירט מען זיך אויך אזוי. מיין שאלה איז צו דאס איז אויסגעהאלטן צו טון קעגן א הלכה אין שו"ע נישט צו זאגן תחנון ווען ס'איז דא א ברית. ביים סאטמאר רב אליין וואלט נאך אפשר געקענט זיין איינער וואס עט מאכן אן עסק פון זיין נישט זאגן תחנון, אבער ביי סתם א מנין פון 10 - 15 מענטשן, פארוואס פעלט אויס צו זאגן תחנון?

אגב, די סטמורים פארציילן אז די חזון איש ז"ל האט אויך געזאגט תחנון ביי א ברית אום ה אייר. קען דאס איינער באשטעטיגן?

צום סיום, האב איך געהערט אן אונטרעסאנט זאך, אז די סטראפקעווע רב ז"ל וואס זיין יארצייט איז ו אייר, האט געזאגט, ווען ער איז שוין געווען זייער נישט געזינט אין געשפירט אז זיינע טעג זענען געציילט, האט ער געזאגט אז ער איז מתפלל אז ער זאל נישט שטארבן ה אייר ווייל ס'וועלן זיין אזעלכע וואס וועלן נישט זאגן קיין תחנון צוליב די יארצייט. וכן הוי, ער איז טאקע נסתלק געווארן ו אייר

[שרייבער]

עס איז באוויסט אז סאטמאר רב ז"ל האט געהייסן זאגן תחנון אין ה אייר אפילו אויב ס'איז געווען א ברית.

ווי איז באוואוסט? ביי מיין מנין האט היינט איינער פארפירט אז די רבי האט קיינמאל נישט אזוי געזאגט, דאס האבן א פאר קנאים מתקן געווען, און פארשטייט זיך אז אין א מאנטאג'דיגן תחנון האט ער געהאט אסאך מיטהאלטער'ס
למעשה ווייסט איינער א מקור מוסמך אז די רבי האט טאקע געהייסן זאגן תחנון אפילו ביי א ברית?

[[NAMELESS]]

לויט ווי איך געדענק איז די מעשה אזוי. סאטמאר רב ז''ל האט ווי באקאנט געהאלטען אז אלע סאטמארע בתי מדרשים אין איין שטאט זענען ווי איין ביהמ''ד. און אז ס'איז געווען א ברית אין איין מנין פון איין ביהמ''ד האט מען נישט געזאגט קיין תחנון אין אלע מנינים פון אלע סאטמארער בתי מדרשים.

ה' אייר האט ער געהייסן אז נאר די מנין פון די ברית זאל נישט זאגן קיין תחנון, אבער אלע אנדערע מנינים זאלן יא.

[ברסלבער]

אין ברסלב איז אויך דא א ה' אייר. רבי נחמן איז געפארן וואוינען סוף ימיו אויף אומאן און ער איז אנגעקומען דארט אום ה' אייר.
דאן האבן געוואוינט אין אומאן די גרעסטע משכילים, וואס פון זיי איז נשתלשל געווארן צום סוף דאס ציונות. די ברסלב-סאטמערע זאגן אז דאס וואס ער איז אנגעקומען דארט ה' אייר איז געווען זיי צו מכניע זיין.

[עפל סיידער]

אזוי ווערט דא געברענגט
ס'א בפירושע קאווע

[עפל סיידער]

ק\פ פון אייוועלט
ביים חזון איש איז ידוע אז איינמאל האט איינער געמאכט א ברית ביי אים ה' אייר, איז ער ארויס און געהייסן זאגן תחנון. א יאר דערויף איז געווען אפאר ברית'ן ביי אים פון פרעמדע מענטשן, האט ער פארשטאנען אז די אנלויפעניש איז כדי ער זאל נישט זאגן קיין תחנון, איז ער געבליבן אין בית המדרש און געזאגט תחנון מיט יעדעם.

הגר"ח קאניבסקי שליט"א איז היינט געווען א סנדק אויף צוויי ברית'ן. איינס ביי זיך און זיין בית מדרש 'לדרמן', און איינס ביי אן אייניקעל זיינער
און דרום א"י. אעפ"כ, האט ער געהייסען ביי זיין מנין און 'לדרמן' אז מען זאל זאגען תחנון און ער האט אויך מיטגעזאגט.

[שרייבער]

לויט ווי איך געדענק איז די מעשה אזוי. סאטמאר רב ז''ל האט ווי באקאנט געהאלטען אז אלע סאטמארע בתי מדרשים אין איין שטאט זענען ווי איין ביהמ''ד. און אז ס'איז געווען א ברית אין איין מנין פון איין ביהמ''ד האט מען נישט געזאגט קיין תחנון אין אלע מנינים פון אלע סאטמארער בתי מדרשים.

ה' אייר האט ער געהייסן אז נאר די מנין פון די ברית זאל נישט זאגן קיין תחנון, אבער אלע אנדערע מנינים זאלן יא.

א מקור ביטע אויף די מעשה

[יתרו]

ס'איז א פלא אז סאטמארער רב האט חושש געווען אז איינער וועט אים האלטן פאר א ציוני אז ער זאגט נישט קיין תחנון אין ה' אייר ווייל ער האלט ה' אייר פאר א יו"ט. מילא דער חזון אי"ש נא, אבער סאטמאר רב ?

[דריידל]

דעם שבת האב איך געהערט ווי איינער זאגט אז און פרשת אמור איז דאך אויסגערעכענט אלע ימים טובים און די רוקח זאגט אז די פרשת המנורה שטייט גראד נאך די ימים טובים אלץ א רמז אויף חנוכה. די בני יששכר לייגט צו אז נאך די פרשת המנורה שטייט וועגן די לחם הפנים וואס איז א רמז אויף פורים. עכ"פ פרעגט ער ווי איז מרומז ה אייר? ענטפערט ער אז סוף פרשה שטייט א מעשה מיט עפעס א "ישראלי בן הישראלית" רעדט מען דאך פון איזראעליס, שטייט דארט ויקב את השם ויקלל. אטעדא איז מרומז ה אייר. ודפח"ח

[דריידל]

ס'איז א פלא אז סאטמארער רב האט חושש געווען אז איינער וועט אים האלטן פאר א ציוני אז ער זאגט נישט קיין תחנון אין ה' אייר ווייל ער האלט ה' אייר פאר א יו"ט. מילא דער חזון אי"ש נא, אבער סאטמאר רב ?

ער האט נישט חושש געווען אז מ'וועט אים האלטן פאר א ציוני, ער האט מער מורא געהאט אז מ'וועט דאס ניצן אויף חוזק צו מאכן און אפשוואכן זיין מערכה קעגן ציונות.

[יין שרף]

דעם שבת האב איך געהערט ווי איינער זאגט אז און פרשת אמור איז דאך אויסגערעכענט אלע ימים טובים און די רוקח זאגט אז די פרשת המנורה שטייט גראד נאך די ימים טובים אלץ א רמז אויף חנוכה. די בני יששכר לייגט צו אז נאך די פרשת המנורה שטייט וועגן די לחם הפנים וואס איז א רמז אויף פורים. עכ"פ פרעגט ער ווי איז מרומז ה אייר? ענטפערט ער אז סוף פרשה שטייט א מעשה מיט עפעס א "ישראלי בן הישראלית" רעדט מען דאך פון איזראעליס, שטייט דארט ויקב את השם ויקלל. אטעדא איז מרומז ה אייר. ודפח"ח

ס'איז מרומז גלייך פאר די פרשת המועדים. ויוסף חמישיתו, מ'דארף צולייגן א יו"ט אינעם פינף'טען...

[יין שרף]

גלייך נאך די פרשה פון יו"ט פסח, שטייט די יו"ט פון ה' אייר. כי תבואו אל הארץ אשר אני נותן לכם!!!



און ווי באקאנט איז די ווארט פון למנצח וואס איז שייך צום היינטיגן ספירה איז "ישמחו"...

[טעפל]

איינער דערציילט אז ער האט געזעהן א אינגערמאן מאכען א "מנגל" לכבוד היום, זיין ווייב מאכט די פלייש און ער זיצט מיט א "ויואל משה" פרעגט מען איהם מה זאת? זאגט ער א דאס איז די איינציגסטע ספר וואס רעדט פונעם טאג..

[היימישער ליטוואק]

קביעת המועדים
הסימנים לקביעת המועדים הם לפי סימן א"ת ב"ש:

א"ת, יום א' של פסח יהיה תשעה באב באותה השנה;
ב"ש, ב' של פסח יהיה א' שבועות;
ג"ר, ג' של פסח יהיה א' ראש השנה;
ד"ק, יום ד' של פסח יהיה קניין התורה והוא שמחת תורה;
ה"צ, ה' של פסח יהיה צום כפור;
ו"פ, ו' של פסח יהיה פורים שלפניו באותו השנה. ביום בו חל פורים יהיה ל"ג בעומר והסימן פל"ג
ז"ע, ז' של פסח יהיה יום העצמאות. (או"ח סי' תכ"ח א').

ומדהים לגלות שביום השביעי של פסח שבו אנו מציינים את נס קריעת ים סוף, והצלת בני ישראל מידי חיל פרעה הרודפים אחריהם, כך ביום העצמאות אנו מציינים את נס ניצחון חיילי צה"ל את כל הצבאות שצרו על מדינת ישראל ביומה הראשון לאחר אלפיים שנות גלות!
(באקומין היינט אין אי-מייל)

[פלעין יודיש]

דעם שבת האב איך געהערט ווי איינער זאגט אז און פרשת אמור איז דאך אויסגערעכענט אלע ימים טובים און די רוקח זאגט אז די פרשת המנורה שטייט גראד נאך די ימים טובים אלץ א רמז אויף חנוכה. די בני יששכר לייגט צו אז נאך די פרשת המנורה שטייט וועגן די לחם הפנים וואס איז א רמז אויף פורים. עכ"פ פרעגט ער ווי איז מרומז ה אייר? ענטפערט ער אז סוף פרשה שטייט א מעשה מיט עפעס א "ישראלי בן הישראלית" רעדט מען דאך פון איזראעליס, שטייט דארט ויקב את השם ויקלל. אטעדא איז מרומז ה אייר. ודפח"ח

ודפח''ח
דעי חכם איז סאטמאר רב, וואס פון אים שטאמט די ווארט

[פלעין יודיש]

פאר די אלע וואס ווייסען נישט אין ארץ ישראל איז גראדע ה' אייר א שטיקעל טרויער טאג ווי זיי ריפען עס אהן יום הזיכרון, וואס דאן טרויערט מען להבדיל אויף די אלע חיילי צה''ל און די אלע יודיש בלוט וואס זענען נעבעך פארגאסן געווארן אויפן מזבח המדינה של שמד,
די אלע חגאות און פייערונגען ווערן געהאלטן ו' אייר און דאס ריפען זיי יום העצמאות
ס'איז מיר אינטערסאנט ס'קיקט אויס אז אין סאטמאר ווייסען זיי בכלל נישט פון דעם,
אדער איז דא א סיבה אויף די זאגן תחנון דווקא ה' אייר און נישט ו' אייר, ווייסט איינער?

[מ גפני]

איינער דערציילט אז ער האט געזעהן א אינגערמאן מאכען א "מנגל" לכבוד היום, זיין ווייב מאכט די פלייש און ער זיצט מיט א "ויואל משה" פרעגט מען איהם מה זאת? זאגט ער א דאס איז די איינציגסטע ספר וואס רעדט פונעם טאג..

אז מ'רעדט שוין פונעם "מנגל" נאט אייך דאס:

[ונבנתה העיר]

פאר די אלע וואס ווייסען נישט אין ארץ ישראל איז גראדע ה' אייר א שטיקעל טרויער טאג ווי זיי ריפען עס אהן יום הזיכרון, וואס דאן טרויערט מען להבדיל אויף די אלע חיילי צה''ל און די אלע יודיש בלוט וואס זענען נעבעך פארגאסן געווארן אויפן מזבח המדינה של שמד,
די אלע חגאות און פייערונגען ווערן געהאלטן ו' אייר און דאס ריפען זיי יום העצמאות
ס'איז מיר אינטערסאנט ס'קיקט אויס אז אין סאטמאר ווייסען זיי בכלל נישט פון דעם,
אדער איז דא א סיבה אויף די זאגן תחנון דווקא ה' אייר און נישט ו' אייר, ווייסט איינער?

יום העצמאות איז להבדיל ה' אייר, היי יאהר איז עס א נדחה מפני קדושת השבת.

[דריידל]

וואס מיינט "להבדיל ה' אייר"?
[tag]ונבנתה העיר[/tag]

[ונבנתה העיר]

די זעלבע וואס 'דאן טרויערט מען להבדיל אויף די אלע חיילי צה''ל' מיינט.

[מנשה לוסטיג]

https://www.youtube.com/watch?v=rA1dIRn ... e=youtu.be

[[NAMELESS]]

/

[יין שרף]

פסק די פון מרן פוסק הדור הג"ר אלישיב זצ"ל...