א ספעציעלער יונגעלע דארף אייער הילף יעצט!

[איש צדיק תמים]

מורי ורבותי! טייערע ברודער:

איך ווענד זיך צו מיינע טייערע ברודער פאר הילף, ביטע העלפט מיר ארויס. איך וואוין אין ראמאפא/מאנסי, און איך האב א זיס יונגעלע מיט ספעציעלע געברויכן, (איר זאלט קיינמאל נישט דארפן וואס דאס מיינט פאר עלטערן...) ווי פארשטייט זיך קאסט אפ די חינוך מיוחד פאר אזא קינד שווערע טויזענטער דאללארן וואס נישט איך און נישט קיין איין טאטע אפילו א שיינער בעל פרנסה קען באצאלן.

איך האב אלע יארן געטריי געצאלט סקול טעקסעס דא אין ראמאפא, אבער איצט ווען עס קומט אז די סקול דיסטריקט זאל מיר העלפן מיט מיין קינד (א זאך וואס זיי זענען לעגאל מחיוב צו טוהן און טוען דאס אין יעדן אנדערע דיסטריקט אין ניו יארק) זאגן זיי אז עס איז דא א ענגשאפט אינעם בוזשעט און זיי קענען נישט געבן די הילף וואס מיין לעכטיג אומשולדיג יונגעלע און נאך אזעלכע טייערע קינדערלעך ווי מיינס דארפן קריטיש וויכטיג האבן.

ווי שוין פעסטגעשטעלט דורך עקספערטן און מומחים איז די ענגקייט אינעם סקול דיסטריקט בוזשעט א דירעקטע פועל יוצא פון די אומריכטיגע וועג וואס די סטעיט נוצט אוסצורעכענען וויפיל געלט צו געבן פאר דעם דיסטריקט. עס האבן זיך צוזאם גענומען געטרייע עסקנים וואס ארבייטן אז די סטעיט זאל פאררעכטן די וועג וויאזוי זיי רעכענען הילף צו דעם דיסטריקט, אבער כדי דאס צו קענען דורכשטופן ביי די שטאטישע טאטעס אין אלבאני דארף מען ווייזן אז א כוח הרבים דארף דאס וויכטיג האבן.

ע"כ ביטע לאזט מיר און מיין לעכטיג יונגעלע נישט פאלן און שרייבט אונטער די פעטיציע צום גאווערנער און די סטעיט לעגעסלעיטור, עס נעמט ממש א מינוט און איר העלפט הונדערטער אידן.

די עסקנים האבן געפענט א "עמערדזשענסי פעטישען" כדי אז מיר זאלן דערהערט ווערן דארפן מיר האבן אפאר טויזנט חתימות, הונדערטער יודן האבן שוין אונטערגעשריבן אבער טויזענטער קען נאך און "דארף" נאך געשאפן ווערן כדי דאס זאל באקומען א אוזן קשבת ביי די שטאטישע טאטעס. די עקספערטן זאגן אז אויב וועט אזא פעטישען וועט קריגן עטליכע טויזענטער פעטישענס קען עס גאר אסאך אויפטוען. ביטע נעמט א מינוט און העלפט אייער ברודער וואס קוקט ארויס בכליון ענים אויף אייער הילף.

איר מוזט נישט וואוינען אין מאנסי, יעדער אמעריקאנער קען אונטערשרייבן.

"יעדע איינציג" פעטישען מאכט אויס: ביטע שטופט עס נישט אפ פאר שפעטער, ראטעוועט די עתיד פון די ספעציעלע קינדערלעך, איך בעט אייך בכל לשון של בקשה ביטע קליק די לינק דא:
http://chn.ge/Q8chkB
און שרייבט אונטער אייער פעטיציע

געדענקט: מיין אומשולדיג שעפעלע'ס גאנצער עתיד ליגט אין אייער הענט. ביטע שיקט דאס ווייטער און פארשפרייט דאס אז אנדערע זאלן אויך אונטערשרייבן, ווי מער פעטישענס אלס גרעסער וועלן אי"ה זיין די ריזאלטס.

תזכו למצות!!!
אין דעם זכות זאלט איר קיינמאל נישט וויסן פון די ספעציעלע געברויכן.

אייער דאנקבארער ברודער
א. מ. ש. מאנסי