ריבה פאמעראנץ איז באקאנט פאר אירע נאוועלען וועלכע זענען פארעפנטליכט געווארן צווישן די בלעטער פון די ענגלישע מאגאזאין "משפחה". מרת פאמעראנץ האט שוין מער ווי איינמאל אין די פארגאנגעהייט אויסגערופן קאנטראווערסיע ווען זי האט זיך ערלויבט צו שרייבן אפן איבער טאבו נושאים ווי דיווארס, עמאציאנאלע עביוז, ספיקות אין אמונה און ענליכס. פאר צוויי יאר צוריק
האט זי געדארפט טוישן די געשיכטע-ליניע פון איר נאוועלע "
צעבראכענע גלאז" ווען מענטשן האבן אריינגעשריבן צו משפחה מיט פראטעסטן. די נאוועלע האט זיך גערעדט איבער א מאן און ווייב וועלכע האבן געהאט שלום בית פראבלעמען ווייל דער מאן, א בן-תורה, האט אנגעהויבן זיך דרייען אויפן אינטערנעט און באקומען ערנסטע אמונה-ספיקות. (אגב, פאמעראנץ איז מגיב אינעם געלינקטען
אמא-מוטער אשכול איבער איר בוך מיטן ניק "write on").
פאמעראנץ'ס עלטערן זענען גע'גט און אויך האט זי באקומען א אפענע אין "מאדערנע" חינוך, און איז געווארן צוגעצויגן צו די חרדי'שע וועלט נאכן לערנען אין א סעמינאר אין ירושלים פאר צוויי יאר. איר עבר האט איר ווארשיינליך געגעבן די כלים נישט מורא צו האבן צו בארירן האקעלע אין טאבו נושאים אין אירע געשיכטעס און עסייען.
פאמעראנץ האט לעצטנס ארויסגעגעבן א בוך פון קורצערע מעשיות (אנדערש ווי איר ביז איצטיגע ביכער וועלכע זענען אלע לאנגע נאוועלען) מיטן נאמען "
פריזמען" (Prisms).
