וועכנטליכע אויסגאבע: "מאמענט"

[כוכב]

אן עוולה נוראה פון א יחיד וואס זאל אזוי אראפרייסן א צווייטן. מיסטער עקספאו, דער מאמענט האט דיר אמאל שלעכטס געטון אז דו זאלסט אים אויף אזא מיאוסן אופן אונטערגראבן? דו ביזט עפעס שטאטס פארזארגער? דו דארפסט פסקען וואס איז יא כשר און וואס נישט ווייל האסט געהאט אביסל היץ פון מחרחרי ריב. דו ביזט עפעס א מוסד? דו ביסטא פאר ביזנעס און וואס איז דיינע געשעפט ן די אינהאלט פון מאמענט.
מדארף דעם עקספאו ביאקאטירן, אזא כפוי טובה פאר א מענטש וואס האט דיך געגעבן ביזנעס, שעם אן יו.
יעדע ביזנעס שאו העט אנהויבן פסקען וואס מעג יא אדער נישט. ףוי.

[בר דעת]

הקול קול עקספא והידים ידי וועד הצניעות- קלאר- המעוררים. די שפראך איז די טיפיקעל מעוררים שפראך.
ווארשיינליך האט דער געווענליכער מעוררים דאס געשריבן ברשות אדער שלא ברשות פונעם עקספא

[כוכב]

בכלל איז ער פון קאפ געפאלן? מנשה פילאפ שרייבט נישט אזוי. א גאנצע לאנגע מגילה ווי א פאשקעוויל. וואס פלאנט דער עקספאו צו פארדינען? אויב האט ער א פראבלעם זאל ער שרייבן בקיצור לדאבוננו איז אויסגעטיילט געווארן אן אויסגאבע שאין רוח חכמים נוחה הימנו און אין דער צוקונפט וועט עס נישט געשען. שרייבן א נאמען און און נאך מיט א לענגערן ביאור איז געטרינקען אידיש בלוט.
איך וואלט מער מיט אזא עקספאו קיים ביזנעס נישט געמאכט.

[כוכב]

דער תוכן: אז די פארוואלטער פונעם עקספאו האבן מודיע געווען וכו' צייגט קלאר אז אנדערע האבן דאס געשריבן און נישט די עקספאו גופא.
אבער אז מהאט גענוצט זיין לאגא איז דער בעל העקספאו מחויב מוחה צו זיין בכל כוחו אויף דעם עוון פלילי אז נישט איז ער א גלייכער שותף דערין.

[יין שרף]

וויפיל האט יהושע רובין געצאלט דערפאר...?

[ישמעאל הכהן]

איך טראכט אפשר אויך אזוי. ס'קען זיין א באצאלטע זאך, און ווער פארשטייט דען בעסער צו ביזנעס ווי ביזנעס עקספאו?...

[יואליש]

'מאמענט' לייגט שיינע בילדער פון ר' יעקב דוד קלאר מיט א ספרים וואנט אינעם הונטערגרונד. וואס זיי האבן נישט געלייגט איז די אנדערע וואנט מיט אויסצייכענונגן אין זיינע שטודיעס און זיין סערטעפיקאט אלס א לייסענסד קליניקעל סאשעל ווארקער. אין פאקט, 'מאמענט' פארהוילט אז דער ײמלאךײ איז שטודירט און לייסענסד. זיי שרייבען בלויז אז ער האט א נאטירליכע גיטע צוגאנג צו קינדער (וואס איז מסתם אויך אמת).

[zurich]

וואס האט ער אין די האנט א סמארט פאן? רח"ל

[[NAMELESS]]

כ'האב דאס קיינמאהל נישט געוויסט. ווי האט ער געמאכט זיין דעגרי?

[אויסלייזער]

אינטערסאנט אז כאטש וואס עס איז פארן "עקספא פארוואלטער" באקאנט די (ווערטער) [ווארט] פון די פריערדיגע גדולי ישראל זצ"ל וועלכע האבן אונז געווארנט אז די ראשי תיבות פון ביכ"ל איז: כ-ל ב-אי' ל-א י-שובון, ה"י. (געווארנט אז די ראשי תיבות... ) דאך האבן זיי פארטיילט א ביכל אן דעם וואס זיי האבן פארזוכט איר אינהאלט! נאר אומאחריותדיגע פארוואלטער קענען דאס טוהן. איך פארגלייך דאס ווי זיי וואלטן פארטיילט טריפה נאשעריי פאר די קינדער, וואלט איר אנגענומען זייער (פארדרוסליכען) [פארדריסליכען] טעות אלץ א שוגג? אוודאי נישט.
עס דערמאנט מיך פון דעם "גילוי דעת" וואס א מאגאזין האט פארשפרייט נאכן ערשיינונג פון זייער ערשטער נוממער, אז בטעות זענען פאבליצירט געווארן בילדער פון ר' אליעזר זאב האגער, אן וויסן אז דאס איז נגד זיין רצון.
ליצנות כנגד ליצנות.

[אויסלייזער]

'מאמענט' לייגט שיינע בילדער פון ר' יעקב דוד קלאר מיט א ספרים וואנט אינעם הונטערגרונד.

איך זעה אויפן בילד אז ער פארמאגט ביידע ש"סן, שוטנשטיין און מתיבתא. אפשר איז ער דער ריכטיגער מענטש וואס קען עצה'נען אנדערע אין וואס צו לערנען. אזא שאלה איז נאך אזוי וויכטיג ווי די שאלה "וואס צו זאגן פאר די קינדער וועגן די 3 פארכאפטע בחורים?".

[רויטע וואנצעס]

מנחם האפמאן.פון ptex און LTB. גוטע געדאנק!

[טיטאניק]

הוא מותיב לה והוא מפרק לה

[רויטע וואנצעס]

זיי ביטע מסביר.

[מ גפני]

וויפיל צאלט מעני האפמאן פאר דעם?

[positive.yid]

וויפיל צאלט מעני האפמאן פאר דעם?

וויפיל ער האלט אז ס'לוינט זיך פאר ביזענס.
הבנת?

[גנדי]

איך בין געווען פאראיאר ביים לט״ב קאנפרענס. איך האב זייער הנאה געהאט. איז דא אן אשכול וועגן דאס יאריגע קאנפרענס?

[מצטמק ויפה]

" מאמענט" יעצט קום איך דיר באמת גראַטויעלירן. הערליך, הארץ, חכמה, תורה, קאפ און מוח, האסטו אריינגעלייגט אונעם "גאסט עדיטאריעל", ועגן די דריי בחורים הי"ד. טאקע נישט גרויס אבער קליין און צום זאך. איך האב נישט געליינט וואס אנדערע שרייבן, אבער צו שרייבן אזוי שיין אין די ריכטיגע צייט, ווען די וואונד איז נאך אפן, און די הערצער פארקלעמט, איז באמת א קונץ.
"די ארטיקל פונעם יאר"

[אבי גערעדט]

מאמענט הייבט שוין אן "דאונסייזן" , פון די וועכנטליכע 80 זייטן איז די וואך אראפגעגאנגען צו 64 זייטן, מיינט עס עפעס? דוכט זיך מיר אז אלע פארשפארטע אידישע מאגאזינען האבן אזוי געענדיגט

[[NAMELESS]]

כ'האב געהערט אז אין די זימער וואכן גייט עס זיין אביסעל דינער

[יואב]

אלס איינער וואס קויפט וועכענטליך די אויסגאבע, און האט דאס אין די לעצטערע וואכן שטארק באגריסט און אויסגעלויבט טאקע דא אין שטיבל, וועל איך דא אויך אויסדריקן מיין אנטוישונג.

די גראמאטיק ווערט ערגער מיט וואס א וואך ס׳גייט פארביי; ספעללינג, טייפאויס, און אנדערע אויסלייג גרייזן יאגן אויך בארג אראפ, און לאזן זיך אין דעם גאנג פון אנדערע דורכגעפאלענע מאגאזינען. איך מוז באטאנען אז ס׳איז דערפרישנד צו זען א וועכענטליכע אויסגאבע אלץ מיט סחורה חדשים לבקרים. אינטערסאנטע, און העכסט-אויסשליסליכע ארטיקלען.
למעשה אבער, פיינע סובסטאנץ, שלעכט דעליווערט. אן אויסגאבע מלא וגדוש מיט גראבע טעותים. איראניש איז, ביים ענטפערן א בריוו וואס אדרעסירט די פעלערהאפטיגע אויסלייגן פון א געוויסן ארטיקל, ווינדערט מען זיך מצד דער רעדאקציע וויאזוי די אויגן פון די ״מגיהים״ האבן דאס פארזעען, און פארשפרעכט דארט אז כמוהו לא יהיה עוד. ס׳וועט מער נישט פאסירן.

מידי דברו בו: פנחס גלויבער׳ס נאמען ווי כ׳האב אויפגעפאסט, האט זיך אראפגעגליטשט פון דער לאנגער רשימה פון עדיטארס. קען זיין הא בהא תליא. א פיינער שרייבער פון וועמען כ׳האב גראדע נישט געזען די וואך עפעס, סיידן ער האלט זיך אויף אונטער א צווייטן סודאנעם. זיינע ארטיקלען זענען שטארק פראפעסינאלע, און בדרך כלל אינפארמאטיוו און קאמפריהאנסיוו -- ממש א נחת צו ליינען.

לגבי הרב מנחם האפמאן, איז פאר דעם רעדאקטאר געוועזן וויכטיג אונטערצושטרייכן אזש נאך אויף דער ערשטער זייט, די שפיזיגע ליניע: ״ניין! אידן דארפן נישט גיין אין קאלעדש צו זיין סוקסעספול אין ביזנעס״.

א נקודה וואס לאזט פלאץ צו זיין אומאיינשטימיג, און איז לדעתי נישט גערעכט. דאס אז ער צייגט אן אויף פילע פון די גרעסטע מיליאנערן, וואס זענען לאו דוקא אויסגעשטיגן צו דארט וואו זיי זענען אנגעקומען צוליב גוטע קאלעדש אויסצייכענונגען, איז לכאורה א ראיה אויף פארקערט.

קאלעדש איז טאקע דעזיגנירט דוקא פאר דעם גרויסן פראצענט פון מענטשן וועלכע זענען נישט געבוירן מיט הרב פיטעק׳ס אויסגערופענע ביזנעס סקילס; פאר דער מאיאריטעט פון ארבייטער וועלכע זענען נישט געבוירן מיט אזא סארט בלוט פון טון, עסקן׳נען, רודערן, קויפן, פארקויפן, און אויפקומען מיט פרישע אויסטרעפן פון וואנען צו לייזן דאלארן.

דער דאזיגער פראצענט, און איז געוויס די מערהייט, מוטשעט זיך טאקע. מענטשן וואס זענען נישט געבענטשט מיט ביזנעס סקיללס זענען געצווינגען צו פארקויפן זייערע גאטקעס צו קענען נאכקומען די שווערע סטאנדארטן פון דעם לעבן בכלל; פון דער היימישער געזעלשאפט בפרט. און אז לערנט מען זיך צו א פאך -- א זאך וואס פאר דער גמרא איז גראדע געוועזן באקוועם אנצונעמען אז ס׳קומט פאר דעם טאטן דאס צו טון -- קען מען האבן פון וואנען צו באצאלן די ביללס. און אז נישט זעט מען אויס אזוי ווי מ׳זעט טאקע אויס. שנשמע ונתבשר בשורות טובות.

[וויליאמסבורגער]

.

[כוכב]

עס זעט אויס ווי עס האט גענומען א שטיקל ריכטונג און האט אנגעהויבן טראגן מיט זיך אייגנארטיגקייט.
עד היום איז עס געווען אבי געזונט.